رواية الكتاب الأسود الفصل الثالث 3 بقلم مصطفى شاهين
رواية الكتاب الأسود الجزء الثالث
رواية الكتاب الأسود البارت الثالث
رواية الكتاب الأسود الحلقة الثالثة
احمد اصحا يابني عمك الشيخ عتمان برا
عمي ؟
مش قولتلك متكلمهوش
اتخضيت عليك يابني كان لازم اكلمة دة هو السند بعد موت ابوك الله يرحمة
قطع كلمنا صوت باب اوضتي اللي خبط وصوت عم عتمان من وراه
آحمد انت صحيت ؟”
خش ياعمي
مالك ياحمد امك قالتلي الي حصل
قالتلك اي ؟ قولتها وانا ببص لآمي مستنكر الي بيقولة.
قالتلي انها سمعتك بتكلم نفسك في الحمام وبتصرخ وبتقول لآ
احكيلي اي الي حصل
مكنش في حل غير اني اقولة علي موضوع الشقة
استغرب وقالي بعد مخلصت كلام عن الي حصل معايا في الشقة عيزني اصدق التخاريف دي ؟؟
احنا لازم نروح لدكتور نفسي
دكتور نفسي اي ياعمي الي عوزني اروح لية انا مش مجنون
انا مش مجنون ياماما ؟؟
يابني اسمع كلام عمك هو خايف عليك ومحدش قال انك مجنون
كمل عمي كلامة وهو بيقولي ممكن يكون منظر الدم والخوف من ان حد يشوفك هو الي هيئلك كل الحجات دي
“”كان لازم انهي الكلام دة بآني اوافقهم السبب الاول عشان اريحهم والسبب التاني عشان الساعة دلوقتي 10 ولازم اكون في المقابر الساعة 12″”
حاضر ياعمي بس انا تعبان دلوقتي وعاوز انام بكرة هنروح انا وانت وامي للدكتور حاضر
امي ” ربنا يكملك بعقلك يابني
عمي”حاضر يابني انا كمان هستآذنكم دلوقتي وبكرة انشاء الله هاجي عشان نروح للدكتور وانت نام ومتفكرش في اي حاجة وإن شاء الله خير
حاضر ياعمي
يلا السلام عليكم
امي خدت عمي ووقفو في الصالة يتهمهمو بكلمات مكنتش سامعها وبعدين وصلتو لحد الباب وخرج وقفلت وراه
امي دخلت عليا الاوضة وقالتلي يلا يابني نام وانا كمان هخش انام تصبح علي خير
وانتي من اهلة ياماما
وخرجت وقفلت الباب وراها
هيا قفلت الباب وانا قومت عشان احضر نفسي للشرط االتالت المقابر ”
قومت لبست وخدت الكتاب وتسحبت نحيت الباب وفتحتة براحة ومشيت علي طراطيف صوابعي وفتحت باب الشقة لقيت امي في ضهري
رايح فين يا آحمد ؟
ارتبكت من الارتباك قولتلها رايح المقابر اقرآ الفاتحة لولدي
“¤السعادي يا آحمد لا مفيش نزول
اوعي ياماما سيبيني مسكت في القميص وقالتلي لا مش هاتنزل وهيا بتصرخ في وشي
قولتلك اوعي وزقتها وقعت علي الارض وجريت علي السلم
بجري علي السلم وسامع صوتها وهيا بتقول يااااحمد
حرام عليك يابني
كملت وجريت نحيت المقابر
المقابر كانت قريبة من البيت عندي
مكان مضلم مفهوش انسان حي كل من عليها فان مكان ترتعش له القلوب خوفا انا دلوقتي وسط الاموات
لقيت مقبرة كانت مفتوحة وفيها مصباح متعلق علي جدرانها قعد وسندت ضهري علي الحيطة وخرجت الكتاب من شنطتي
وفتحتة وعيني مشيت علي الكلام من حيث توقفت
كان مكتوب اهلا بك في الشرط الثالث
اهلا بك في المقابر آهلا بك بين الاموات
قم بفتح الصفحة 90 من حيث توقفنا
(فتحت الصفحة وبدأت اتابع)
حان الموعد المنتظر آكتمل القمر وعشائر الجان ترفع مشاعل النار التي تحاوطنا من كل مكان ودقات الطبول التي تهتز لها القلوب من الخوف منظر لا يتكرر إلا كل 150 عام
وقف ابي بين الجان وقال فالنبداء وليصمت الجميع.
لا يوجد صوت غير صوت النار فقط
آخرج اخي العصا وانا آخرجت العصا السحرية
فصوب نحيتي وقال كلمات لا اعرفها هذه طلاسم من الكتاب المسروق وقعت ارضا وانا افارق الحياة كان اخر شئ انظر اليه ابي وهو يسقط ارضا هو الاخر اخي قتلني انا وابي ليستحوز علي العشيرة بالكتاب ركعت العشيرة امامة
وهو يرفع الكتاب بآيدة ويقول انا الموت وانا الحياة من يريد الحياة يركع ومن آراد الموت يواجهني ؟
روحي تطوف من اعلاهم وانا انظر آلي جسد ابي وجسدي
ملقيان ارضا
والآن الشرط الرابع
تراجع الي صفحة الشروط
(رجعت وانا مزهول من الي بقرآه معقول الجان حياتهم كدة)
اهلا بك في الشرط الرابع
توجة الي الصفحة 20 سوف تجد بها طلاسم ورسومات اقطعها
ثم قم بفتح مقبرة وآنزل لداخلها ستجد جثث اختار جثة
مدفونة من وقت قريب منتفخة وقم بفك الكفن الملفوف حولها وقم بتطبيق الورقة علي شكل مثلث
قم بفتح فم الجثة وضع المثلث بآسفل السان ثم اغلق فم الجثة
(نعمممم ؟ مقدرشش)
سمعت صوت جي من بعيد بيقول ( آحمد ياااحمد )
دة صوت امي هيا وعمي
خرجت المفك الي ديما بشيلو معايا في اي مكان خطر
وقعدت علي ركبي وبدآت افتح باب المقبرة انا خايف علي امي ليجرالها حاجة لازم انفذ الشروط الي قالها الكتاب
فعلا باب المقبرة اتفتح وتفتحت معاه ريحة الموت ريحة الجثث المتعفنة نزلت وانا رجلي تكاد تكون مشلولة
جوايا خوف يكفي البشر الي موجودين في كل انحاء العالم
نزلت وولعت كشاف الموبيل لقيت غرفتين صغيرين علي الشمال وعلي اليمين علي اليمين كانت غرفة الرجال والشمال كانت غرفة النساء دخلت غرفة الرجال شوفت جثث جنب بعض 4 جثث منهم جثة شكلها من قريب لآن
الكفن الي عليها لسة ابيض لكن باقي الجثث كان الكفن بتعهم مصفرر وداكن ومتلاشين خارج من تحتهم حشرات صغيرة
قربت من الجثة وانا خاايف وضربات قلبي مسمعة في كل اركان المكان مفيش غيري انا والجثث مش سامع صووت غير صوت انفاسي وانا بقرب من الجثة قعدت بجانب الجثة وبدات افك الكفن مع علي رقبة الميت
فكتها وحولت مبصش لشكلة علي قد مقدر وخرجت الكتاب وقلبت للصفحة المطلوب مني قطعها وقطعتها كان مرسوم عليها شكل دائري وجواة نجمة ومكتوب كلام مش مفهوم طبقتها علي شكل مثلث وفتحت فم الجثة وحتطها جوة
وربطت الكفن زي مكان..
ورجعت اقراء الكتاب علي نور الكشاف بتاع الموبايل
عشان اخلص من الي انا فيه
فاضل شرط واحقق كل احلامي
..اهلا بك في الشرط الخامس الان ستتوجة الي اخر الكتاب
ستجد كلمات اقرآها
” قلبت الاخر الكتاب وبدات اقراء في الكلام كان مكتوب ”
آحضر وستحضر روحك
لن يذهب مخلصنا فداك روحي فداك روحي
احضر
الازرق سيعود مع آكتمال القمر لينتقم لآبية من اخية
فداك روحي فداك روحي فداك روحي
“بقراء الكشاف بتاع الموبايل فصل مش شايف حاجة لأن الموبايل فصل شحن”
قومت من مكاني مفزوع وبدات امشي مع الحيطان وانا بتسند عليها عشان اخرج من المقابر ..
الجثة مسكت في رجلي وصوت بيقول حضر الازرق
حضر الازرق روحك ملك للازرق
باب القبر بيتقفل ببطئ سامع صوت تزيئ باب القبر وهو بيتقفل
عاوز اجري مش قادر رجلي مش شيلة جسمي وقعت وكأني مشلول كانت عيني بس الي حيا اما باقي الجسد يعتبر ميت والدم في عروقي بيتجمد من الرعب دقات قلبي بتنخفض
عيني مش بصا في مكان غير علي المكان الي في الجثة وبدآت اشوف نار بتخرج من فم الجثة عنيها اتفتحت وبرقت وبدآت تقوم من مكانها ووقفت وهيا مدياني ضهرها وهي بتقول حضر الازرق
الصوت اتغير لصوت آبشع بيقول
آنت الجسد وآنا القوة انها صفقة بيني وبينك عقدها عندما آتممت ال5 شروط
صفقة تعيدني بها إلي عشيرتي لآتمكن من قتل اخي
وآحقق امام هذا كل ما تتمناة
يجب ان اقتل 100 انسان حتى اتمكن من الرجوع إلي العشيرة
قتلت 50 شخص علي مر 50 عام
كنت اقتل كل عام شخص واحد من خلال هذا الكتاب الذي اغير فية كلماتي كلما عثر علية شخص جديد
اسيطر علي عقلة حتى يفقد وعية ويقتل نفسة او يقتل آحد
وهذا ما حدث مع الدجال ومن بعدة آخر شخص الذي قتل زوجتة
كنت انوي ان اقتلك لكن انت مختلف تريد مستقبل وايضا ذكي ولن ترفض الصفقة سيفتح الآن باب المقبرة
آخرج من المقبرة ستجد امك وعمك بالخارج اياك ان تحكي شئ اما عن الصفقة ستجد كتاب اخر بغرفتك لآتواصل معك من خلاله
خرجت من الترية وانا بترعش وجسمي شبة مشلول آمي كانت بتندة عليا هيا وعمي
¤آحمد
¤يااااحمد انت فين يااابني ياااااحمد
بتندة عليا بصرخات ام مرعوبة علي ابنها
عاوز انادى عليهم مش قادر لساني مشلول
وباب التربة بيتقفل من ورايا عيون كتير حمرة تحت في التربة بتبصلي ونفس. الايد الطويلة الي حكتلكم عنها بتقفل الباب وبتنسحب لجوة وكانهم بيودعوني بدآت ازحف لبرة متجة لباب المقبرة الرئيسي بزحف بآيدي ورجلي مشلولة بزحف بآيدي وانا بمسك في الارض بضوفري
ضوفري اتكسرت وانا مش حاسس من الخوف معقول انا شميت آنفاسي من تاني انا عااايش انا عااايش
باب المقبرة بيتقفل ببطئ من ورايا وآمي بداء صوتها يبعد عن المكان خرجت من باب المدافن وجريت نحيت صوت امي وعمي
وانا بنادى عليهم بصوت مش طالع
صوتي من الخوف رايح
مام.. ماماا عمي امي
الدنيا بدآت تدريجا تسود في وشي عيني بتقفل في اللحظة الي كان جسمي بيتهبد فيها علي الارض فاقد للوعي صوت الحياة بيتوقف اخر لقطة صورتها عنيا نور جي من بعيد فتحت عيني لقيت نفسي علي السحاب
سحاب ؟
اة سحابة ماشية ببطئ قاعد عليها بكرسي مربوط
وقصادي علي الكرسي رجل دقنة بيضة طويلة نزلة علي صدرة وعينة بيضة تماما ملهوش حواجب رآسة خالية من الشعر الا شعيرات تكاد تكون معدودة وماسك عود شجرة في آخر العود شكل اشبة بشكل الجماجم ساند علية وهو بصصلي مبتسم آبتسامة لا تعرف معني الابتسام
مرسوم علي جبينة نجمة محطوط فيها دايرة
(ايوة هيا علامة الشيطان الي كلنا عارفينها )
حجمة نسبيا ذي البشر مش طويل ومش قصير
ودنة وخدة شكل مثلث طويلة عاري الجسد
يارب انا موت … انا فين ؟؟
لا انت مموتش
_قولتلو بصوت مش طالع وجسم بيترعش وعروق بتهرب منها قطرات الدم وقلب دقاتة منخفضة وانا ببلع ريقي ان ‘ آنت مين
انت ملك الموت ؟
انا صديقك
صديقي مين ؟
الازرق اي لحقت تنساني ؟!
حبيت بس افكرك بالاتفاق
بداء جسمة يتغير وجلدة يتساقط وشعرة يتساقط
بدأء ياخد شكلي ملامحي لبسي حتا الحبل الي ملفوف حوليا كان ملفوف بية كأنى قصاد مرايا
¤هاااا كدة كويس ؟
انا وآنت زي بعض دلوقتي متهيالي كدة مفيش خوف
ومقعدك في مكان هادي وجميل ورومانسي يتمني اي بشري يقعد فية مع حبيبتة
انت عاوز مني ايه ؟
عاوز اي كل دة وبتسال عاوز اي انا لو كنت عايز آآذيك كنت مسحتك بآستيكة من علي وجة الحياة
بآشارة مني آوقف قلبك من الخوف
كل دة لعب آطفال لسة مشوفتش حاجة مني بجد ؟؟
انا بس كنت بدربك للي جي
الي جي هو في لسة جي اكتر من كدة
انت تعرف اي عن الجان يا آحمد عشان تتخيل الي جي والي فات انت مجرد بشري بخيال بشري مهما تخيلت ومهما شوفت قصص او رويات او افلام بتتكلم عن حياتنا مش هتعرف عننا حاجة
ومش عاوز اعرف كل الي عايزة انك تسيبني
..اممم
الحبل شكلة مدايقك خلاص احنا بقينا صحاب ملهوش لازمة الحبل
“شاور بصباعة الحبل اتفك ووقع تحت وبدأء يتلاشا مع ارتفاع المسافة”
حتا الكرسي الكرسي كمان شكلة ملهوش لازمة حتا الكلام الي بنتكلمة والقعدة الشاعرية الي علي السحاب دي ملهاش لازمة. اي رآيك اوقعك من هنا زي الحبل الي وقع قدام عنيك ؟ واسحب منك كل الحجات دي مش عوزني اسيبك
اممم هسيبك تمام دي رغبتك يلا غمض عينك وودعني وودع الحياة ..
لالالا
“قولتها ونا ببص تحت علي المدن الي كانت اصغر من النمل”
موافق مووافق..
هكمل كلامي وخلي بالك آخر فرصة ليك معايا !
بص يا آحمد انا في العالم الخاص بيا انا والجان
حاليا مش موجود
عشان كدة قادر اتواصل معاك ؟
يعني اي مش فاهم
هفهمك
انتم لما بتتنقلو لحياة ما بعد الموت اروحكم بتروح فين ؟
حياة البرزخ والله اعلي واعلم
طيب تعرف اي هيا حياة البرزخ
لا
حياة البرزخ عالم بتتجمع في الارواح الي انتهي وقت وجودها من الواقع ممكن تكون عالم آبعد من خيالنا احنا الاتنين وممكن تكون معانا في نفس العالم
_في نفس العالم ازاي ؟
متقطعنيش سيبني اكمل من غير متقاطعني
“-تمام
الحياة دي انا وآنت منعرفش عنها حاجة عشان كدة بنتكلم في المطلق وممكن اوي تكون هيا تعرف عننا اكتر ماحنا نعرف عنها ممكن يكونو في الاحلام عشان كدة بيقدرو يتوصلو معانا ونتواصل معاهم
تقصد اي ؟ تقصد ان الاحلام هيا عالم البرزخ بالنسبة للاموات
لا مش متاكد بس بشبها بنفس حياتنا
_ ازاي انا مش فاهم حاجة اي الي جاب حياتكم في حيات البرزخ
عشان حياتنا الي بيموت فيها بيموت بيجي عندكم هنا
تقصد اي
يعني انا جسدي هناك
بس روحي هنا بين البشر اقدر اظهر علي اي هيئة آحب اظهر فيها حياتكم هيا حيات البرزخ بالنسبالنا
مش هطول عليك خلينا نتكلم في المفيد
مش انت عوزني اسيبك لحياتك الطبيعية ؟
مش هتزعل وتوقعني ؟
ههه لا مش هزعل
اة عاوز ارجع لحياتي الطبيعية
خلاص يبقي تكمل الي بدآتة وانا هحققلك كل احلامك زي ماوعدك
الكتاب الي قولتلك هتواصل معاك من خلاله هتلقيه تحت سريرك
عشان مش هينفع اتواصل معاك في الاحلام تاني لانك قريب هتكون في العالم بتاعنا عالم الجان المخفي جوة عالمكم وهناك مفيش احلام..
طيب وآنت لية مكملتش معايا في نفس الكتاب القديم
“”بدآت آسال وآتناقش معاة ونسيت انو جان هيئتة البشرية الي علي شكلي الي اتشكل عليها خلتني اتشجع “”
علشان الكتاب بينتهي سحرة بعد 7 سنين
طيب والورقة الي مليانا طلاسم والرسمة اة صح الرسمة هيا اي الرسمة دي
انت بدآت تسآل كتير يظهر نسيت نفسك
لالا خلاص خلاص انا اسف مش هسآل تاني
لا هجوبك..
الرسمة دي رمز الآب الجان الاكبر
π
مين الجان الآكبر
.لوسيفر *الشيطان*
طيب والورقة خلتني اقطعها وحطها في فم الميت ؟
عشان العمل يتجدد لمدة 7 سنين اخرا علي هيئة كتاب اقدر اتواصل مع اي بشري فية عن طريق الجثة الي موجودة في المقبرة علشان الجثة بتتحلل عظامها بعد 7 سنوات
_أةةةة عشان كدة قولتلي شوف جثة تكون منتفخة وميتة من وقت قليل
تمام
_حاضر خلاص
دلوقتي هتلاقي عمك وآمك بيصحوك وبيفوقوك قولهم انك كنت بتزور ابوك في المقابر عشان تشتكيلة من هموم الدنيا الي فجأة حسيت انها جيا عليك
وطلع عليك ديب مفترس كان بيجري نحيتك ومن الخضا اغم عليك ونت بتجري نحيتهم ولما شاف في ايديهم كشاف نور ‘وهما جاين عليك بيجرو هما الاتنين نبش بآسنانة في هدومك وجري ملحقش يعضك
طيب بس آ..
ملحقتش اكمل الكلمة لقيت نفسي علي السرير بفوق وآمي وعمي قعدين حوليا وبترفع راسي علي رجلها وبتشربني
فوق يابني لية كدة ياحمد انا عملت اي يارب في دنيتي علشان يحصل كدة
لية كدة يابني اي الي حصل لعقلك ياضنايا
عمي كان بيقرأ آية الكرسي وهو حاطط ايدة علي دماغي
صحيت وأمي كانت بتعيط وعمي كان عمال يقرأ قرآن طبعا سألوني فحكيت ليهم كل حاجه زي ماقالي الأزرق
طبعا مش صدقوني بس سابوني وخرجو وسامعهم بيتكلمو بره إني لازم أروح للدكتور قومت قفلت الباب بالمفتاح
وجبت الكتاب من تحت السرير وكان مكتوب ف أول صفحه (مرحبا بك من جديد هانحن نكمل باقي الطقوس وليله أكتمال القمر ليست ببعيده عليك الأن أن تضع الكتاب القديم في شقه من شقق الجيران حتى نستطيع إستكمال العدد المطلوب لظهور الأزرق)
رديت على الكتاب وقولت لأ طبعا إنت بتقول إيه مستحيل أعمل حاجه زي دي وأكون السبب في موت حد
فجأه لقيت …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الكتاب الأسود)
