رواية رحلة إلى عالم الأمومة الفصل الخامس 5 بقلم آية ياسين
رواية رحلة إلى عالم الأمومة الجزء الخامس
رواية رحلة إلى عالم الأمومة البارت الخامس
رواية رحلة إلى عالم الأمومة الحلقة الخامسة
– مامي..أنت بتطبخي إيه؟
– بيتزا.
– واو..أنت أول مرة تعملي بيتزا..يارب تطلع حلوة.
– طبعا هتطلع حلوة..أنا أصلا شيف.
– شيف ازاي..أنت بتعرفي تطبخي أصلا يا مامي؟ ده أنا بأكل الأكل اللي بتطبخيه كل يوم بالعافية عشان متهزقنيش بس..أساسا معدتي باظت من حلاوة أكلك..مين دي اللي شيف يا مامي؟
– هوريك البيتزا اللي هعملها النهاردة أحسن من البيتزا بتاعة المطاعم.
– تبا لأحلام البسطاء.
– بس يا محبطة..أنا هبهرك أصلا.
بعد ساعات من الطهي..
– اتفضلي..أحلي بيتزا.
– يا لهواااااااي.
– متصوتيش..كدة عيب.
– يا لهواااااي.
– بس يا بت بقا ..يا إما هضربك والله.
– دي بيتزا؟
– آه طبعا بيتزا وأحلي بيتزا كمان.
– ياختاااااااي.
– أنت عايزة تتهزقي والله.
– دي مش بيتزا..دي عيش ومستواش كويس كمان.
– بيتزا يا جاهلة.
– فين اللحمة فين الجبنة الرومي فين الزيتون فين الطماطم فين البيتزا؟
– ما أنا حاطة بدل اللحمة فراخ و مش بحب الزيتون فمحطتش ومش حابة الطماطم في البيتزا.
– فين الفراخ دي..أنا مش شايفة غير فتافيت.
– كلي وأنت ساكتة.
– إيه ده البيتزا دي ناقصة سوي.
– كلي يا بت وأنت ساكتة.
بعد تناول البيتزا..
– الحقيني يا مامي..بطني.معدتي…ياختاااااي.
– بطلي دلع.
– معدتي باظت والله..مبتعرفيش تطبخي متطبخيش ارضي بقضاء ربنا يا مامي..أنا معدتي باظت من الأكل بتاعك كل يوم.
– خلاص ..أنا مستعدة مطبخش..اتعلمي الطبخ واطبخيلنا أنت.
– اشطا.
بعد فترة..
– أنت مين؟
– أنا صاحبة البيت ده؟
– ده بيتي أنا وبنتي.مش بيتك.
– قصدك بنتي أنا.
– بنتك منين؟
– أنت مش في 3ثانوي؟
– 3ثانوي إيه..أنا متزوجة وعندي بنت في الجامعة.
– محصلش..دي بنتي أنا.
– مش فاهمة حاجة.
– مش أنت صحيتي من النوم من فترة لقيتي نفسك في البيت ده وفيه بنت بتصحيك وبتقولك يا مامي.
– آه.
– أنا بقا صحيت من النوم من فترة لقيت نفسي في بيتك ومامتك بتصحيني تقولي روحي الدرس.
– وه..وده تفسيره إيه؟
– فيه حد بدلنا..حطك في بيتي وحطني في بيتك واحنا نايمين.
– ازاي..بس أنا كبرت ييجي 22سنة وأنت صغرتي ييجي22سنة.
– ما ده طبيعي مينفعش تبقي أم لبنت في ثانوية عامة وأنت18سنة كان لازم تكبري وأنا كان لازم أصغر عشان أبقي في ثانوية عامة.
– طب وجبتي كام في 3ثانوي؟
– ….%
– طيب..أنت عايزة إيه دلوقتي؟
– عايزة أرجع لحياتي وترجعي لحياتك.
– ازاي..أنا اتعودت علي بنتك وحبيتها أوي.
– أنت لسه صغيرة وبكرة تتخرجي وتتزوجي وإن شاء الله ربنا يرزقك بأطفال..لكن أنا مليش غير بنتي..ارجعي لبيتك و أهلك و أصحابك ودراستك وحياتك.
– مش هقدر أعمل كدة.
– هتقدري.
– طب أرجع لبيتي ازاي ولسني الطبيعي؟
– غمضي عينك وتخيلي بيتك وأوضتك وسريرك وافتكري كل الذكريات الجميلة في بيتك وقولي الحروف دي ب ي ع ك ع ج ي ر و ع ج ه ي.
– أخيرا رجعت لبيتي وحياتي..تجربة الأمومة مش سهلة بس كانت من أجمل فترات حياتي..أظن إني لما أتزوج وأبقي أم هبقي أم مثالية.
#النهاية.
لقراءة الرواية كاملة اضغط على : (رواية رحلة إلى عالم الأمومة)
