رواية عالم حيوانات الفصل الثالث 3 بقلم محمد طه
رواية عالم حيوانات الجزء الثالث
رواية عالم حيوانات البارت الثالث
رواية عالم حيوانات الحلقة الثالثة
__العجل غاضباً__
عمل إيه تاني وهوا كان عمل أولاني
نهارك مش هيعدي النهارده يا فحل أفندي
إيه اللي بينك وبين البقرة
إنطق قبل ما أهينك قدام الحيوانات كلها
__الفحل بهدوء__
اللي بيني وبين البقرة وبين كل الحيوانات
صباح الخير ومساء الخير وف النور وقدام الكل
وأنته عارف يا عجل
والحيوانات كلها عارفه أخلاقي كويس
وأنا بعتب عليك يا عجل
عشان تخلي خروف ما يجيش طول رقبتك
يسخنك على أعز أصحابك
__العجل معتذراً__
متزعلش مني يا فحل أفندي
وبعدين أنته عارفني
بطلع وبنزل على مفيش
__الفحل__
طلعاتك كترت يا عجل يا صاحبي
أنا تهددني إنك تهيني قدام الحيوانات
اللي تسوا واللي ما تسواش
__التيس__
خلاص بقي يا فحل أفندي
ما تقلبهاش دراما
__الخروف ف سره__
خايفلي أوي على البقرة بتاعته وبيغير عليها
مفكرها مزه وملكه جمال الحيوانات
وهيا صفرا من برا ومن جوه
__العجل__
بقولك إيه يا فحل أفندي
__الفحل__
خير يا عجل يا أخويا
__العجل__
فيه موضوع مهم كنت عايز أكلمك فيه
بس لما نخرج برا عشان مش عايز حد يعرفه
_بقلم…محمد طه عبد المجيد
__الخروف ف سره__
موضوع مهم ومش عايز حد يعرفه
ما أبقاش المعلم خروف إن ما عرفتوا
وخليتكم تقطعوا ف بعض
__(خارج الزريبة الحمارة تبحث عن الحمار)__
__الحمارة تكلم نفسها__
يا تري أنته رحت فين يا حمار
أوعي تكون زي ما قالت المعزة
تكون شوفت حمارة غيري ومقضيها معاها
دا أنا كنت أمو،ت فيها
أنا مقصرتش معاك ف حاجه يا حمار
وبشيل معاك ومفيش حمولة قولت عليها لأ
إيه اللي إنتي بتفكري فيه وبتقوليه دا يا حمارة
الحمار مستحيل هيبص لحمارة غيرك
هوا إنتي مش عارفة أخلاق الحمار بتاعك
دا المفروض ياخد أحسن أخلاق ف الحيوانات كلها
إحم إحم بعد فحل أفندي
وحلاوة وطعامة فحل أفندي
إحم إحم إتلمي يا حمارة إنتي بتقولي إيه
__(وهيا ماشيه قابلت الجمل)__
__الحمارة__
ما شوفتش الحمار يا سفينة الصحراء
__الجمل__
الحمير كتير وكلهم شبه بعض
روحي شوفيه عند الحمير اللي واقفه هناك دي
تلاقيه هناك عايز يدخل المسابقة
__الحمارة__
مسابقة…مسابقة إيه يا سفينة
__الجمل__
مسابقة أذكي حمار فى العالم
__الحمارة__
أذكي حمار أنته هتتريق علينا يا سفينة
__الجمل__
وأنا مالي يا بنتي هوا أنا اللي عملت المسابقة
__(الحمارة تتركه وتكمل البحث عن الحمار)__
__الحمارة تكلم نفسها__
مسابقة أذكي حمار يا سلام يا بت يا حمارة
لو تفوزي بالمسابقة دي
ولا يفوز بيها الحمار بتاعك
وهوا فين الحمار بتاعي
يا تري أنته فين يا حمار
__الحمار__
أنا هنا يا حمارة
__(الحمارة تتخض وتخاف لأنها مش شيفاه)__
__الحمارة بخوف__
بسم الله الرحمن الرحيم
أنته مين أنته مين أنا مش شيفاك………
يتبع…
لقراءة الرواية كاملة اضغط على : (رواية عالم الحيوانات)
