رواية عذاب الحب الفصل التاسع 9 بقلم مارلي إيهاب
رواية عذاب الحب الجزء التاسع
رواية عذاب الحب البارت التاسع
رواية عذاب الحب الحلقة التاسعة
في العزاء
ليلي بصدمة
ازاي بعني
السيدة
هما كانوا مستنين تحاليل اللي بيعرفوا بيه النسب ده و طلع التحليل ايجابي اصل انا ابن اختي عسكري معاهم و سألته قالي التفاصيل كلها ده غير انهم لقوا ساعة و سلسة مكتوب عليها اسمه في شقة البت اللي كان ماشي معاها و قتلها لما عرف انها حامل كانوا عاملين نفسهم ولاد ناس و محترمين وهما استغفر الله حتي خطيب البت اخته سابها علشان الموضوع ده كل اللي صعبان عليا امهم كانت ست سكره ربنا يرحمها
بعد ما ليلي سمعت كلام السيدة قامت بسرعة كا من لدغها عقرب بدون حتي ما ترد علي السيدة وذهبت لرفيدة التي كانت تقف مع روفان و روان بتعزيهم
ليلي بعصبية مسكت ايد بنتها
قدمي يلا
روان وروفان نظروا لها بصدمة
رفيدة بصدمة ودموع
في اية يا ماما
ليلي بعصبية
جايبني عزاء واحد مجرم قدامي بقولك
روان غمضت عنيها بوجع
روفان بدموع
عيب حضرتك اللي انتي بتعمليه ده انتي في عزاء ومحدش طلب منك ولا من بنتك انكم تجوا اتفضلوا من هنا من غير اهانة ولا تجريح
ليلي بعصبية
انتي كمان مش عجبك انا هاخد اية من ناس اخلاقهم زيكم قدامي يا بت
ليلي مسكت ايد رفيدة بعصبية واخدتها وخرجت وكانت عيون تميم تري ما يحدث وينظر لها والدموع في عيونه وهي تنظر له باسف ودموعها نزلت
بعد ما خرجوا من العزاء
ليلي بعصبية
جيباني عزاء واحد مجرم بتحبي واحد مجرم حقير عايزاه يعمل فيكي اللي عمله في اللي كان ماشي معاها يا رفيدة
رفيدة ببكاء
تميم معملش حاجه انتي فاهمة معملش حاجه
هو برئ
ليلي بعصبية
انتي اتجنتي يا بت هو اية اللي معملش حاجه ده البوليس ماسك فيه ازاي و الناس عرفت كل حاجه و بعدين بيقولوا حامل منه و هو قتلها و قتل ابنه مرتبطة بواحد مجرم دي اخرتها
رفيدة بدموع
ماما الطفل ده مش ابنه و مستنين التحاليل هي اللي هتاكد ده
ليلي ضحكت بسخرية
التحاليل طلعت وايجابيه يا هانم و لقوا ساعة وسلسلة باسمه في بيتها يا اختي عرفتي انه واحد كذاب يا رفيدة قدر يضحك عليكي و يلعب علي عقلك علشان ياخد غرضه منك و يرميكي زيها او يقتلك يا بنت بطني
رفيدة بدموع وصدمة
ابنه ازاي يعني اكيد لا في حاجة غلط تميم مستحيل يعمل كدة ده لما كنت بتكلم معه بدلع شوية كان بيزعقلي يا ماما ويقولي مش عايزين نغضب ربنا تقومي تقولي ابنه كدب ده كدب
ليلي بعصبية
هو اية اللي كدب الناس كلها عرفت كل وانتي لسه زي ما انتي عايزة تبقي غبية يا رفيدة قدامي يلا نمشي من هنا يلا
رفيدة ببكي و صراخ
مش همشي من هنا غير لما اتكلم معه و افهم اية اللي بيحصل ده مش همشي من هنا
ليلي رفعت يديها وصفعت رفيدة وقالت
فوقي بقي. من الوهم ده يا رفيدة ده لو اخر راجل في العالم مش هتتجوزية انتي فاهمة استحالة انا ولا ابوكي نقبل بالقذارة دي فوقي
رفيدة وضعت يديها علي وجهها ونظىت لامها بدموع لسه هتتكلم لقت رسالة غريبة جات علي التليفون مكتوب فيها
“انا فاعل خير يا رفيدة تميم اللي انتي بتحبيه يا رفيدة شخص حقير بسنت مش اول بنت يضحك عليها وتحمل منه بالعكس في كتير كان ماشي معاهم و ياما فضح بنات كتير صدقيني انا عارفة كويس قوي و الفيديو اللي هبعتهولك ده هيثبتلك ان كلامه عن بثنت كله غلط يا رفيدة
اتفرجي وشوفي
ليلي لما شافتها مركزه في التليفون وعيونها تزرف الدموع نظرت وقرات الرسالة
واول ما الفيديو وصل فتحته رفيدة وكان تميم و بسنت علي السرير في اوضاع مخجلة
ليلي مسكت التليفون بسرعة وقفلته حتي بنتها لا تري هذا الاشياء وقالت بدموع
شوفتي انه واحد حقير وكذاب يا رفيدة واحد بيضحك علي بنات الناس و انتي عجبته قال يلعب عليكي اللعبة دي يا بنتي
رفيدة كانت في حالة صدمة تبكي ولا تنظر لاحد
ليلي بدموع
تعالي يا حبيبتي نروح ارجوكي متعمليش في نفسك كدة علشان خاطر واحد ميستهلش يا رفيدة بكرة تتجوزي سيد سيده تعالي
ليلي شورت لتاكسي يقف وركبوا الاتنين وكانت رفيدة تضع راسها علي الشباب وتبكي بقهر
السواق
استهدي بالله يا ابلة البقاء لله وحده
ليلي بدموع
ونعم بالله يا حج حياتك الباقية
بعد عشر دقايق وصلوا البيت ونزلوا من التاكسي و رفيدة طلعت علي البيت بسرعة البرق وفتحت الباب وكان ابوها قاعد واول ما شافها كان هيصرخ فيها شافها دخلت اوضتها وقفلت الباب
وليلي طلعت وراها بسرعة
احمد بعصبية
كنتي فين انتي وهي ولبسين اسود ليه
ليلي وهي بتاخد نفسها
اقعد بس وانا هفهمك كل حاجه
احمد بعصبية
اتفضلي اتكلمي
ليلي حكت ليه كل حاجه وبعدين قالت بهدوء
متكلماش يا احمد خلاص بعد اللي شافته و اللي سمعته عمرها ما هتفكر ابدا فيه تاني ولو فكرت احنا موجودين يا احمد و هنمنع ده بس بنتك دلوقتي مجروحة و محتاجة حضن يطبط عليها مش يفضل يأنب فيها سبها في حالها دلوقتي وانا بكرة هتكلم معاها
احمد بحزن
انتي مفكره اني مش زعلان وانا شايف بنتي بالحالة دي يا ليلي انا قلبي بيتقطع و عارف ان الصور اللي اتبعتت مفبركة و واثق في بنتي لابعد حد بس مجرد ما بشوف الصور دي دمي بيغلي يا ليلي انا حزين عليها فوق ما تتخيلي دي اللي كان نفسي اشوفها احسن واحلي واجمل عروسة القيها كدة و مع مين عيل صايع ميسواش تلاتة مليم
ليلي بدموع
ان شاءلله دي محنة و هتعدي يا احمد ان شاءلله متقلقش و انا متاكدة رفيدة عاقلة و هتفهم ان الراجل ده بيضحك عليها
احمد بسخرية
ليه هو اللي زي ده راجل و لا ينفع يتقال عليه راجل مش اي حد يطلق عليه لقب راجل
ليلي بهدوء
ملناش دعوة بيه خلينا في بنتنا دلوقتي يا احمد انا شوية وهقوم اتكلم معاها وربنا يقدم اللي فيه الخير
احمد هز رأسه بضيق
في الغرفة كانت تجلس رفيدة خلف الباب و هي جسدها يرتعش وتبكي بقهر وفتحت تليفونها وتري الفيديو مرة اخره وتنهار حدفت التليفون في الحيطة وقالت بصراخ وبكاء
كداب حقير كل ده كان بيخدعني و بيكذب عليا كل ده وانا العبيطة المغفلة اللي مش عارفة حاجة ماشية معاك علي الخط وانت احقر واحد وبكرهك يا تميم بكرهك.
بكت بنهيار وصراخها يزداد واهلها كانوا يسمعون صوت صراخها
ليان بدموع
بابا احنا هنسيبها كدة يا جماعة ما ندخل نطمن عليها
احمد بحزن
سبيها يا بنتي تتطلع كل الكبت اللي عندها سبيها ربنا يريح قلبها من الوجع اللي فيه
اياد
هي بتعيط كدة ليه يا ماما
ليلي بدموع
مفيش يا حبيبي بس هي تعبانة شوية ادخل اوضتك و ذاكر يا اياد يا حبيبي
اياد بحزن
طيب ما تديها علاج يا ماما
ليلي بدموع
حاضر ادخل انت اوضتك
اياد
حاضر
اياد دخل اوضته واحمد وليان وليلي قعدوا بتعب من حالة رفيدة
في العزاء كان وائل واقف بعيد وفي ايده سجارة وكان سرحان وفي نفس الوقت متابع تميم اللي كتم دموعه بالعافية
عند تميم كان يجلس مع الرجال ده واحد وقال
انا عايز افهم اية اللي بيحصل هنا يا تميم اللي سمعته صح
تميم بحزن
عمي عتمان انا
عتمان بشراسة
انا سألت سؤال وعايز اجابته صح. ولا لاء
تميم بحزن
لا مش صح
عتمان بعنف.
يعني انت مقبوض عليك ولا لاء
تميم بحزن
مقبوض عليا بس ظ
عتمان بعصبية
اخرسي فضحتنا في الحتة و فضحت اخواتك البنات و واقف بكل بجاحة تاخد عزاء امك. اللي ماتت من قهرتها عليك.
تميم بدموع
انا معملتش حاجة ليه محدش عايز يصدقني
عتمان بشراسة
اخرس كل الادلة كدب و انت اللي صادق و بتعمل عزاء و جايب الناس تشوف البوليس هنا و الفضيحة تكبر اكتر
عتمان نظر للناس وقال بعصبية
خلاص عذاكم مشكور اتفضلوا من هنا يلا
الناس كلها نظروا لعتمان لوقحته ومشيوا و مبقاش موجود غير البوليس واهل تميم وانس
عتمان بعصبية
انت تستاهل اللي بيحصل فيك
وائل قرب بهدوء ووقف مستمع فقط
روان بعصبية
متتكلمش معه كدة انت فاهم وبعدين انت اية اللي جابك اصل هو حد كان كلمك وقالك تعالي ما انت مقطعنا من زمان اتفضل امشي و. ملكش دعوة بينا
عتمان رفع ايده علشان يمد ايده علي روان ولكن تميم مسك ايده وقاله بعنف
اياك تفكر تمد ايدك. علي اختي هنسي انك عمي و تصرفي معاك مش هيعجبك.
عتمان بتريقة
انت خلاص داخل السجن و مش هتخرج منه غير وانت ميت اما هي هتجي البلد عندنا و هعرف اربيها ازاي يا تميم لان الواضح ان لا ابوك عرف يربي ولا امك عرفت تربي
روان بعصبية ودموع
اقعد عند مين يا مجنون انت استحالة انت فاهم ومتجبش سيرة اهلي علي لسانك القذر
تميم بهدوء
انت متقدرش تاخدها روان معدية السن القانوني مش محتاجة واصي عليها و هتعيش هنا مع اخواتها وانت ملكش. اي حكم عليها يا عتمان
عتمان ببرود
عايزها تقعد هنا علشان تمشي علي حل شعرها و تفضحنا زي ما انت فضحتنا
تميم بعصبية
احترم نفسك احسن ليك انت فاهم واياك تتكلم عنها بالطريقة دي و اتفضل امشي انت ملكش حكم عليها احمد موجود و هو هياخد باله منها هو وروفان ولا انت ولا عشرة زيك يقدروا يعملوا حاجة ولا يجوا جنب روان
عتمان ببرود
انا هاخدها يعني هاخدها وهجوزها لابني بدل العريس اللي سابها علشان فضيحة سيادتك.
تميم بعصبية
ابنك مين متخلنيش اتعصب عليك ابنك الخمرجي اللي متجوز تلاته ومعه بدل العيل سابعة وجاهل انت مجنون ولا اية متخلنيش اتغبي عليك. و اموتك علشان اخد اعدام و انا علي الاقل مش هبقي مظلوم
وائل بهدوء
اهدي يا تميم وبلاش كلام ملوش لازمة
ونظر لعتمان
اما انت بقي تاخد بعضك و تجي معانا علي القسم
عتمان بتوتر
ليه يا باشا انا عملت حاجه
وائل بهدوء
هنعمل محضر عدم تعرض ليك علشان لو فكرت تقرب من اخته ولا تتعرض ليها ساعتها مش هتاخد اقل. من سنتين سجن
عتمان بضيق
دي بنت اخويا يا باشا و لامواخذه يا باشا الحكومة ملهاش دخل بالموضوع ده خليك في حالك دي بنت اخويا وانا عمها كلمتي هتمشي عليها و عليهم كلهم و ياريت تخرج نفسك من الموضوع ده بعد اذنك
عتمان مسك ايد روان بعنف وبيشدها علشان ياخدها و احمد بيحاول يتفهم معاه ولكن مفيش فايدة و تميم العساكر مسكينة جامد عايزهم يسبوه ولكن مفيش استجابة
ياتري اية اللي هيحصل في حكاية روان و هيعملزا اية عتمان هياخد روان فعلا و هيجوزها لابنه
اما رفيدة هتعمل اية هتواجه تميم باللي عرفته ولا. هتسكت و هتكرهه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
