رواية لأجلك نبض قلبي الفصل الثاني والثلاثون 32 بقلم أسماء عادل المصري
رواية لأجلك نبض قلبي الجزء الثاني والثلاثون
رواية لأجلك نبض قلبي البارت الثاني والثلاثون
رواية لأجلك نبض قلبي الحلقة الثانية والثلاثون
دعاهم للحضور للقاهره بدعوه للغداء و التحدث بامور الزواج بعد ان توسلته والدته ان يتزوج معها بالڤيلا فوقف عدى امام البوابه فى استقبالهم ليترجل صلاح من السياره و يتبعه كريم و نيره و الام
بقلب يتراقص فرحا نظرت له و هو يبتسم لها بوسامته المهلكه فنظر لها اخيها بنظرات ناريه لتطرق راسها لاسفل فينظر له عدى باذدراء
دلفوا جميعا لترحب بهم هاله ترحيبا حارا و كريم يرفع راسه و نظراته تتجول بانحاء المكان ليردد بسوقيه ” اش اش اش…ايه العز ده كله؟ ”
ضربته والدته بطريقه خفيه عن عيون مستضيفيهم و تقوس فمها لينظر لها ببلاهه فتردد هاله بلباقه “اتفضلو يا جماعه فى الصالون ”
نظر كريم بعيون طامعه ليردد ” امال احنا فين هنا؟”
ابتسمت هاله بتصنع لتردد و بسمه مزيفه ترتسم على وجهها ” الصالون جوا..اتفضلوا ”
فور ان دلفو نظرت لعدى لتردد بسخريه ” ايه الواد ده؟ مصيبه مستحيل يبقى اخو نيرو الرقيقه دى ”
ليردد عدى بتنمر ” البطن قلابه يا ماما ”
رحبت الفتايات بخطيبه اخيهم و جلسن ثلاثتهن يتحدثن و يمرحن فرددت اسيل فور ان سألتها نيره عن احوال رفيقتها ” ديچا زمانها جايه مع ابيه عمر ”
نظرت لوالدتها لتردد ” مامى….اتصلى بابيه عمر شوفيه جاى امتى؟”
نظر كريم لاسيل بنظره ثاقبه و اردف مازحا ” يا جمالو….انتو بتقولى مامى و بابى و الكلام ده؟!”
نظرت له بتأفف فابتسمت نيره بخجل من تصرفات اخيها المخجله لتنظر لابيها بتوسل ان يتحكم بافعال اخيها المخذله فردد صلاح ” اقعد بقى يا بنى خيلتنى ”
تسامر الرجال حتى وصول عمر برفقه زوجته التى لا تستطيع اخفاء ابتسامتها و فرحها ليظن من يراها انها سعيده باقتراب موعد ذكرى زواجها الاول و لكنها كانت تخفى الامر حتى تعلنه فى الوقت المناسب
فور ان دلف عمر قفزت هاله من الفرحه تحتضنه و تربت على كتفه و ظهره و تقبله بحنين ليردد عدى بمشاكسه ” فى ايه يا ماما هو كان مسافر؟!”
نظرت له بغضب و اردفت ” ايه…وحشنى ”
هز راسه باستنكار فردد عمر يداعب اخاه ” الغيره حتخلص عليك يا دودى، مهما عملت امى بتحبنى انا اكتر ”
ابتسم الجميع ليتجه عمر و يسلم على صلاح باحترام و يردد ” اهلا يا استاذ صلاح…منور القاهره و الله ”
اجابه ببسمه ” منوره باهلها ”
دلفت هاله المطبخ مع خديجه لمباشره الخدم تجهيز الغداء فنظرت لها بتفحص لتردد بحيره ” مالك يا ديچا؟”
نظرت لها بانتباه و رددت ببسمه ” سلامتك يا طنط…انا كويسه الحمد لله ”
اجابتها مبتسمه ” ما انا شايفه يا حبيبتى ربنا يسعدك، بس حساكى متغيره شويه ”
اجابتها بنفس البسمه البلهاء المرتسمه على وجهها لتردد بهيام ” انا بحب عمر اوى يا طنط، بموت فيه، بعشقه….بجد مش عارفه حياتى من غيره كانت حتبقى ازاى؟”
ليأتى صوته من خلفها و هو يحاوطها بذراعيه و يستند بذقنه على كتفها غير عابئ بوجود الخدم او حتى والدته ليردد بحب ” و انا بعشقك يا روح قلبى و عروستى الباربى ”
ابتسمت هاله بسعاده لتردد بتمنى ” ربنا يخليكم لبعض يا ولاد ”
و على مائده الطعام جلس الجميع لينظر كريم لتلك المائده الفاخره المعده بشكل خاطف للانفاس كما الافلام فردد بمزاح ” مش قلتلك يا عدى شكلك من اللى بتاكل بالشوكه و السكينه ”
اجابه عمر بعد ان رأى علامات الضيق باديه على اخيه الاصغر ” مش مهم يكون الواحد بياكل بايده و لا بالشوكه، الاهم يكون راجل قد المسؤليه و الحمد لله احنا اتربينا و طلعنا رجاله يا كريم و بنعتمد على نفسنا ”
ابتسم صلاح ليردد بحبور ” ما شاء الله يا بنى، نسب يشرف و الله و الناس فى البلد بتحسدنى عليكم ”
رددت الام ” ربنا يحميهم من العين ”
امسكت خديجه قطعه من اللحم تضعها امام زوجها فنظر لطبقها الفارغ لينحنى و يقترب منها و يردد هامسا ” انتى مش بتاكلى ليه؟ بقالك يومين مش عجبانى ”
حركت راسها بلامبالاه فهتف ” هى بتسد نفسك لما بتيجى و لا ايه؟”
نظرت له بعدم فهم فاردف موضحا ” الضيفه بتاعه كل شهر ”
ابتسمت بخجل لتهز راسها موافقه على حديثه فعاد يتسائل بفضول و لهفه ” حتخلص امتى طيب؟ احنا عيد جوازنا بكره، معقول نقضيه كده ”
ابتسمت بخجل من حديثه لتتحول بشرتها لحمره خجل فعاد يهمس باذنها ” بموت فى كسوفك يا باربى ”
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ظلت نظراتها الكارهه و الحاقده تخترق الجميع و خصوصا بعد ما رأته من عشق عمر لخديجه فظلت جالسه تلعب بطاعمها حتى فاض بها الكيل فهدرت بصوره فجه امام الجميع غير عابئه بوجود اغراب او ضيوف لتردد بحده ” ما كفايه يا عمر بقى احترم وجودنا يا اخى ”
نظر لها عمر بغضب ليردد ” مالك يا عمتى؟عايزه ايه؟”
اجابته باصطكاك اسنانها ” مفيش لا احترام للاكل و لا لوجودنا ”
تدخل طه بالحديث حتى يوقفها عن التذمر و العبث ” خلاص يا سميره…عمر مغلطش ”
تضايقت خديجه منها فاقتربت ليان تواسيها فرددت ” معلش يا ديچا انتى عارفاها ”
تحدثت هاله حتى تغير مجرى الحديث فرددت “مش حتتكلمو فى موضوع الجواز و السكن يا عدى؟ ”
اومئ عدى فنظر له صلاح بعدم فهم ليردف موضحا ” بصراحه امى عيزانا نتجوز معاهم هنا فى الڤيلا….فلو موافقين بعد الاكل حاخدكم تتفرجو عليها و نشوف التعديلات المناسبه تتعمل قبل الفرح”
تحدث كريم بسماجه ” حتجيب لها شقه يعنى ولا حتعيشو هنا و خلاص كده؟!”
نظر له عدى بضيق ليردد ” لو حنعيش هنا يبقى مش حجيب شقه ”
هتف كريم رافضا ” و كده ميكونش ليها حق فى حاجه و تقعد هنا زى الضيفه، لا طبعا الكلام ده مرفوض ”
نظر له صلاح بمهادنه ليردد بهدوء ” اصبر بس يا بنى نفهم منه ”
هتف كريم بحده ” نفهم ايه؟ مش البيه جه البيت و قال انا شارى بنتكم،و دلوقتى عايز يسكنها هنا و يوفر على نفسه شقه و عفش و فرش…”
قاطعه عمر بحزم ” انت بس اللى دماغك صغيره و مش فاهم ان توضيب جناح هنا فى الڤيلا ممكن يتكلف اكتر من شرا شقه و تجهيزها ”
نظر صلاح لابنته و هتف متسائلا ” انتى رايك ايه يا بنتى؟ ما انتى اللى حتعيشى ”
نظرت للجميع بخجل و اطرقت راسها لاسفل و صمتت فردد عدى ” طيب خلينا نتكلم بعد الغدا احسن و انا حفهم منها عايزه ايه… بلاش نحرجها ”
مد عمر يده بشوكه بها قطعه من اللحم لفم زوجته فقضمتها و اخذت تمضغها و يظهر على معالمها التأفف فهتفت سميره بتنمر ” مالك يا خديجه الاكل مش عاجبك و لا ايه؟”
بحرج رددت ” ابدا الاكل زى الفل ”
نظرت لها هاله بتعجب و هتفت ” الاكل فيه حاجه يا ديچا؟”
اجابتها ” لا يا طنط، انا بس مليش نفس للحوم اليومين دول ”
ردد عمر ببسمه ” يا حلويات يا حوادق، مجننانى بقالها اسبوعين، كل يوم تكلمنى اجيب لها شيكولاته و شيبسى ”
ابتسمت ليحتضنها و يردد بتدليل ” عروستى الباربى”
هتفت والده نيره بتلقائيه ” تكونى حامل يا خديجه…دى من اعراض الحمل سده النفس و اكل الحوادق ”
تغيرت ملامح وجه عمر على الفور و تبدلت معالمه للضيق لتردد هاله بسرعه “اتفضلو نشرب الشاى فى الجنينه”
ذهب الجميع للحديقه فاقتربت هاله من عمر تحتضنه و تردد ” و لا يهمك يا حبيبى….ربنا ان شاء الله حينولك اللى نفسك فيه ”
حرك راسه بخزى و اخرج علبه سجائره ليشعل واحده و يزفر دخانها خارج رئتيه بقسوه فاقتربت منه خديجه تقبل راحته و تخلل اصابعها بخاصته و تستند براسها على كتفه و تردد بحب ” بحبك ”
ابتسم لها و قبلها من صدغها و ردد ” و انا بموت فيكى ”
اقترب عدى منهما و ردد بخبث ” ارحمونا شويه يا جدعان الواحد جاله جفاف عاطفى بسببكم ”
صدحت ضحكاتهم العاليه من مزاحه ليردد عمر “بكره تحصلنى يا دودى ”
نظر عدى لخديجه بنظرات مبهمه فرفع عمر حاجبيه و ردد بفضول” مالك يا بنى؟”
انتبه عدى لنفسه فاجابه على الفور ” لا…مفيش، بس كنت عايز ديچا تقعد تتكلم مع نيرو و تشوف رايها فى جوازنا هنا ”
ابتسمت لتردد بترحيب ” من عنيا يا عدى، حالا حكلمها ”
اصطحبها معه للحديقه حيث تجلس خطيبته لكنه اوقفها فجأه لينظر لها بتفحص و يردد بتخوف “انتى فيكى ايه؟ بقالك يومين مش بتيجى الشغل من ساعه ما كنتى تعبانه، هو الدكتور قالك ايه؟”
رددت و البسمه البلهاء لا تزال على وجهها ” قال انيميا…ما انا قلتلك”
ردد بتحذير” طيب قولى لعمر على تعبك بدل ما انا اللى حقوله لان شكلك تعبان حتى برغم الضحكه اللى بتحاولى ترسميها دى ”
اومأت براسها لتردد بخفوت ” حاضر…يعدى عيد جوازنا بس و حقوله ”
ابتسم ليردد بفضول ” مقلتليش…حتعملى ايه مفاجأه بعد ما خلتينى لغيت كل الاتفاقات؟! ”
ابتسمت بزهو لتردد ” ده سر و يلا بقى احسن عمر عمال بيبص علينا و حيقوم يولع فينا دلوقتى ”
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كل هذا و عمر جالس بجوار صلاح ينظر لهما و هما يتحدثان بمفردهما فاخذت النيران تحرقه و هو يجدها تبتسم لعدى و تقترب منه اثناء محادثته فتوعد لها بسره ” و الله يا خديجه لعلمك تسمعى كلامى ”
جلست خديجه بجوار رفيقتها تسالها باهتمام ” ايه يا نيرو؟ موافقه على انك تعيشى هنا فى الڤيلا؟”
بتلعثم و قلق اردفت ” بصراحه مش عارفه، خايفه احسن مامته تبقى حما عليا و غير عمته صعبه اوى و برده انا مش عارفه اخواته حيحبونى و لا لأ؟!”
ابتسمت خديجه لتردد بتمنى ” طب يا ريت انا كان ينفع اعيش هنا معاهم دول عسل بغض ابنظر عن طنط سميره”
هتفت دون انتباه لتتعجب نيره و تردد بحيره ” و ايه اللى مخلكيش تعيشى هنا بعد الجواز و انتى اصلا كنتى ساكنه معاهم؟ ”
انتبهت خديجه لزله لسانها فتحرجت و آثرت عدم البوح بسبب خروجهما من بيت العائله حتى لا تضع حواجز بينها و بين رفيقتها كتلك الحواجز الموضوعه بين عمر و عدى بسبب تصريح عدى بوجود مشاعر تجاهها
اخذت لحظات تفكر لتهتف نيره ” ايه يا بنتى سرحتى فى ايه؟”
ابتلعت لعابها و رددت بتصنع ” اصل عمر بيحب يستقل بنفسه لكن انا لو عليا عايزه اعيش هنا، انتى مش متخيله طنط هاله دى الحنان كله و الله مستحيل تبقى حما…دى ام و بس…..و لا البنات، عسلات و دمهم سكر و حتحبيهم خالص ”
ابتسمت نيره لاستكمال رفيقتها حديثها بمزاح ” و الله عدى اتقل دم فيهم اصلا…….”
قهقه عاليه خرجت منهما لينتبه لها الباقين من الحضور فيردد كريم بسماجه ” ما تضحكينا معاكى يا ديچا ”
……………………………………………..
حسنا……ايعقل ان يرمى انسان بنفسه الى التهلكه، اهناك عاقل يتحدى اسد شرس بمفرده، هكذا فعل كريم دون ان يعلم لتندلع نيران الغضب بعين عمر المحتقنه بدماؤه الثائره فور نطقه لاسم زوجته و الادهى انه دللها و كأن الامر مباح للعامه ان يدللوها هكذا!
وقف عمر و الشرر يتطاير من عينه لتنتبه هاله بلمح البصر لتغير حال ابنها البكر فى حين نظرت كل من ليان و اسيل لكريم بتعجب على جرأته
اصطكت اسنانه و رفع حاجبيه ليردد بصوت اجش هادر ” انت باين عليك مستعجل على اللفه البيضا يا اخينا انت”
ردد ببلاهه ” لفه ايه دى؟”
اقترب منه عمر وسط توسلات هاله له ” عشان خاطرى يا عمر ”
امسكه من تلابيبه ليهزه و كانه يمسك دميه و يردد بصوت غاضب ” الكفن يا كيمو، عشان مرات عمر الباشا مينفعش تتكلم معاها كأنها واحد صاحبك ”
اردف كريم بحده و هو يحاول التخلص من حصار يديه ” خديجه طول عمرها صاحبه نيره و انا واخد عليها……..”
هنا لم يتمالك عمر نفسه من الغضب ليلكمه لكمه عنيفه اطاحت باسنانه ارضا و اسقطته ليصرخ بالم فهرع الجميع ناحيه عمر لاحتواء نوبه غضبه و جلست والدة نيره تطمأن على وليدها و تنظر لخديجه بمعاتبه لتردد بحزن ” كده يا خديجه؛ جايين لحد عندكم عشان جوزك يبهدلنا بالشكل ده!”
حاولت التحدث و لكن نظراته لها كانت كفيله لاخراسها فهدر بها بقسوه ” اطلعى فوق حالا ”
تحركت بهدوء و خزى من رفيقتها فامسكه طه بقوه و سحبه بمساعده عدى بعيدا عن هذا الارعن و اخذ طه يهدئه ” مش كده يا عمر…الناس ضيوفنا، انت على طول بتدخل هجم كده ”
سحب نفسا عميقا و زفره بغضب و دلف لداخل الفيلا لتتجه انظار طه لصلاح معتذرا ” اسف جدا يا استاذ صلاح…عمر مش بيقدر يتحكم فى غضبه ”
تدخلت هاله لتردد ” ما هو ميصحكش واحد يتكلم عن مرات غيره بالشكل ده حتى لو متربيين مع بعض”
تاففت والدة نيره و لكن نظر صلاح لطه و ردد “معلش يا طه بيه، انا ابنى اصله غبى و مش بيعرف يميز الصح من الغلط..حقكم عليا و يا ريت توصل اسفى لعمر بيه ”
وقف من مكانه و هندم ملابسه و نظر لابنائه و زوجته و ردد بحسم ” نستاذن احنا عشان طريقنا طويل….و تانه عامر بحسكم يا بهوات ”
انتفض عدى ليلحق بصلاح و هو يتوسله بهدوء “طيب اصبر بس نخلص كلامنا يا عمى ”
ردد بحزم ” لينا بيت يا بنى نتكلم فيه…..السلام عليكم ”
خرج مهرولا و اتبعته زوجته و ابنه الاهوج و اخذت نيره تنظر خلفها بعد ان ايقنت فشل الزيجه فدمعت عيناها ليراها عدى منكسره فيهتف مطمأنا “متخافيش…كل حاجه حتتخل ”
♡♡♡♡♡♡♡♡♡♡♡♡♡♡♡♡♡
دلف عمر داخل الڤيلا بغضب جم و جلس بالمقعد الموضوع بالبهو و اخذ يهز قدمه بعصبيه و يزفر دخان سيجارته بانزعاج حتى دلفت هاله و اتبعها طه لتحاول هاله تهدئته “عمر…. اهدى يا بنى محصلش حاجه لكل ده”
نظر لها بغضب و اخذ يصر على اسنانه بغيظ ليردف بحده ” الحيوان بيقولها يا ديچا و قال ايه واخد عليها من زمان ”
دلف عدى بعصبيه فاخذ يتشاجر مع اخاه الاكبر بحده ليردد ” انت ايه يا اخى؟ قنبله موقوته ماشيه على الارض، مبتعملش حساب لحد”
نظر له عمر بتقوس حاجبيه و ردد ” كان المفروض اسكت؟ ”
ردد عدى بضيق ” اه…. على الاقل عشان خاطر اخوك و عشان ضيوفك ”
جلس باجهاد و اخذ يتنفس بعمق ليردد عدى “مش حينفع كده يا عمر، انت لازم تتحكم فى غيرتك شويه، مش كل ما حد يكلم مراتك او يبص لها تولع الدنيا كده…. ده انا ساعات بحس انك بتبقى عايز تولع فيا و انا بكلمها”
صمت قليلا و نظر لاعلى ليجدها تقف بجوار اخواته تستند على الدرج و تنظر له بعتاب فتحدث بصوت هادئ ” انزلى خلينا نروح ”
نزلت ببطئ و انكسار فردد عدى بحيره ” جوازتى باظت يا عمر ”
نظر له يرمى عليه الاتهامات و يكيل عاتقه بفشل زيجته فلم يتحمل عمر نظرات اللوم المصحوبه بكلمات المعاتبه من ابيه ” كان لازم تعدى اللى حصل عشان الناس فى بيتنا، انت مشفتش ابوها كان ماشى من هنا عامل ازاى و هو عمال يقولنا يا بهوات، الراجل حس قد ايه هو صغير و قليل جنبنا عشان كده مقدرش حتى يقف جنب ابنه ”
تضايق عمر من حديث الجميع فنظر لهم بغضب و اردف ” طالما وجودى بيعمل لكم مشاكل بالشكل ده يبقى بلاش من هنا و رايح تدخلونى فى حياتكم ”
هدر طه بفزع ” انتى اتجننت يا عمر و لا ايه؟ انت الكبير و اللى حتمسك العيله دى من بعدى… امال انا عمال امسكك كل حاجه من دلوقتى ليه؟ ”
ابتسم بسخريه ليردد ” ما تصرفاتى مش عجباكم ”
تدخلت خديجه لتردد ” عصبيتك هى اللى مش عجبانا يا عمر ”
نظر لها بغضب و عيون تطلق شرر و تحذير ان تمادت بالحديث و لكنها لم تهتم بنظراته التحذيريه فرددت ” انت بتغير عليا، و انا معاك… بس لازم يكون فى تحكم فى تصرفاتك مش معقول اى حد يكلمنى تطير له صف سنانه بالشكل ده انت مش فتوه ”
وقف يهندم بدلته و نظر لها بتوعد و اردف ” يلا ”
توجه للخارج و لكن اوقفه صوتها الهاتف بحزم “مش قبل ما تحل مشكله عدى ”
نظر لها بضيق و اردف ” المفروض اعمل ايه؟ ”
اقتربت منه بثبات و رفعت راسها لتنظر لطوله الفارع و بللت شفتاها لتزيل توترها و رددت بصوت جاهدت ليظهر قوى ثابت ” تتصل بعمى صلاح تعتذر منه و تحدد معاه معاد الفرح ”
وقف ينظر لها بغضب و اخذت الفتايات تنتظر رد فعل عمر الصارم حتى هاله تخوفت من فعله اى حماقه فاقتربت من خديجه تحاول ابعادها من امام ناظريه
ظل واقفا ينظر لها و سميره تشاهد غضبه بسعاده و فرحه و هى تتوقع صفعه قويه ستنزل على صدغ خديجه لتفيقها من اوهامها بحبه الافلاطونى لها و لكن تاتى الرياح بما لا تشتهى السفن فيتحطم امالها و احلامها بالتخلص من غريمتها و ابنتها التى استحوذت على قلب هذا العاشق لينتشل هاتفه من جيبه و يتصل برقم صلاح ليجيب بقوه و وقار ” انا اسف يا استاذ صلاح على اللى حصل منى، انا بس دمى حامى حبيتين… حقك عليا يا راجل يا طيب ”
ابتسم صلاح بحبور و اردف ” كلك ذوق يا عمر بيه ”
بخفه اردف ” برده مصر تعاملنى كده، انا مش زى ابنك و لا ايه؟ بيه ايه بس ”
ليردد بمزاح ” و لا بلاش زى ابنك دى خلينى اخوك الصغير احسن ”
صدحت ضحكات صلاح خارج هاتفه ليردد بسخريه “الله يحظك يا بنى، و انت كان معاك حق فى اللى عملته، انا بس ابنى لسه متعلمش الرجوله ”
ليهتف عمر بثبات و قوه كما عاهده الجميع “سيبهولى بس و انا حخليهولك راجل غصب عنه، المهم انا متاكد انك لسه ملحقتش تبعد بالعربيه، فياربت ترجع نكمل كلامنا ”
حاول الرفض متحججا ” خليها وقت تانى يا بنى عشان لسه قدامنا سكه سفر ”
ابتسم عمر و ردد ” مش كان فى اتفاق انكم حتباتو عشان انا عازمكم بكره على حفله صغيره كده بمناسبه عيد جوازى، فمعلش ارجع عشان نكمل كلامنا ”
انصاع صلاح لرجاء عمر فاغلق معه الاخير الاتصال لينظر له الجميع بتعجب فهل استطاعت خديجه الاستحواذ عليه لتلك الدرجه فاصبحت تمتلك كل كيانه
اما هى فابتسمت بحب لعشقه لها و الذى لم يجاهد حتى لاظهاره فهو ظاهر للعيان حتى و ان كان الامر مكانته لتقترب منه بخطوات بطيئه و تنظر لعينيه المشبعه بعشقها و رددت بلا حرج امام الجميع “بحبك ”
رعشه اصابت قلبه و تبدلت عيناه القاسيه لعيون عاشقه ليمسد على كتفاها و هو يردد بحب ” و انا بحبك ”
ضحكات الجميع هى من افاقتهما من حاله العشق التى دخلا فيها دون وعى فتحرجت خديجه هل حقا اعترفت بحبها له امام الجميع و هل تنازل هو عن كبريائه لاجلها فقط لتنظر لهما سميره بغضب و كره لم يسبق له مثيل
بعد عوده صلاح تحدث الجميع بامر الزفاف ليتحدد بعد شهرين من الآن و الموافقه على زواجهما بالڤيلا
♕♕♕♕♕♕♕♕♕♕♕♕♕♕♕♕♕♕
فى منزل عمر الباشا
دلفا بعد يوم طويل لتقارب الساعه الحاديه عشر مساءا و فور دخولهما احتضنها فهو يتوق لهذا منذ ان كانا بمنزل ابيه لتسكن باحضانه و تبادله الحب و هى تحاوط جسده بذراعيها فردد هامسا لها باذنيها “مقلتليش الضيفه دى حتخلص امتى؟ ”
ابتسمت بخجل و اردفت بمكر ” ادخل خد شاور انت شكلك مجهد… و انا حملالك البانيو تسترخى فيه شويه؟ ”
ليعيد سؤاله عليها بلهفه ” يعنى حشحن انهارده و لا ايه؟ ”
ابتسمت برقه و بتشويق اردفت ” ادخل بس و اصبر على رزقك ”
دلف عمر بعد ان جهزت له زوجته المرحاض و غاص بحوض الاستحمام يزيل عنه آثار التعب و الاجهاد اما هى كانت فى الخارج تعد له مفاجأتها التى ستقلب عالمه رأسا على عقب
♡♡♡♡♡♡♡♡♡♡♡♡♡♡♡♡♡♡
اوصل عدى عائله نيره للفندق حتى يستريحوا بانتظار الغد ليحضروا تلك الحفله التى اخبرهم بها عمر و فور ان دخلوا بهو الفندق انتفض موظفى الاستقبال لوجود رب عملهم بتلك الساعه المتاخره ليجد عدى بعض التجاوزات و التى لا يمكن ان تحدث بوجوده
اقترب منه مدير الفندق بقلق ليردد ” عدى بيه..خير ايه اللى جايبك بالليل كده؟ ”
نظر له عدى بغضب ليصدح صوته المخيف و تخرج معه شخصيته القياديه و التى تراها نيره لاول مره فتعجب بشده بشخصيته تلك فلطالما رات عمر بشخصيه جذابه بقوته و صرامته و تمنت ان يكون عدى يشبهه و لو بقدر ضئيل لتكتشف انه ربما يفوقه بصرامته و قوته فتفيق على صوته الاجش “حسابكم معايا بعدين على الهرجله دى….دلوقتى عايز الجناح الملكى عشان خطيبتى و عيلتها و اى حاجه يطلبوها تتنفذ فورا…مفهوم؟!”
بخوف ظاهر على معالمه ردد المدير ” حالا يا فندم بس الجناح الملكى مشغول يا فندم…ممكن اجهز جناحيين جنب بعض و……”
صرخ به عدى بقسوه ليردد ” لو مش فاضى، يفضى حالا و ده امر مش طلب ”
وضع صلاح يده على كتف عدى يهدئه و يردد بهدوء ” يا بنى هو سواد الليل، اى اوضه حتقضى الغرض ”
نظر له عدى بتفهم و اعاد بصره للمدير ليردد بحزم “افضل جناحين يتجهزو و يتفتحو على بعض و عايز المينى بار مليان و تجهزو عشا محترم، مفهوم؟”
اومئ راسه بطاعه و اتجه لتنفيذ اوامر رب عمله لينظر عدى لصلاح برجاء و يردد ” لو تسمحلى يا عمى….ممكن اتعشى انا و نيره فى مطعم الفندق؟ ”
بتلعثم و تردد اكمل ” اقصد على ما ترتاحو فى الجناح و العشا يطلع لكم حكون انا و نيره اتعشينا ”
حاول كريم التدخل ليردد بوقاحه ” مينفعش طبعا الوقت اتاخر…..”
يقاطعه والده ” ماشى يا بنى، بس متتاخروش ”
اجابه عدى بتاكيد “متقلقش يا عمى، احنا حنتعشى هنا فى الفندق و حطلعها على طول”
اتبع صلاح و عائلته عامل الفندق ليرشدهم للجناح المخصص لهم فى حين امسك عدى يد نيره و سحبها معه للمطعم الخاص بالفندق و جلسا الاثنان يتحدثان ريثما يتجهز العشاء فرددت نيره بفرحه ” كنت خايفه اوى احسن الخطوبه تتفشكل، بس ابيه عمر فاجئنى انه كلم بابا ”
ابتسم عدى و ظل فاهه مفتوح ببسمه بلهاء عندما تذكر حاله اخيه عند اصرار خديجه عليه ليردد “البركه فى خديجه ”
لم تفهم ما يعنيه فاوضح ” هى قالت له يكلم باباكى و يعتذر له و عمر مكدبش خبر…مسيطره خديجه ”
لتصدح ضحكته عاليا و تصدح معها ضحكه نيره فيمسك يدها و يخلل انامله بخاصتها فتتخرج منه و تحاول سحب يدها و لكنه يتمسك بها بقوه فتضطر بالنهايه تركه يفعل ما يحلو له
ظل هكذا حتى رددت بالنهايه ” طيب حتسيب ايدى امتى؟ انا جعانه و عايزه آكل”
نظر لها كانه افاق لتوه من سحر عشقها فردد ” انا اول مره احب ”
ابتسمت بسخريه لتردد ” عدى الدنچوان…اول مره يحب؟ حعمل نفسى مصدقه ”
ابتسمت برقه عندما تحرك بمقعده ليصبح ملتصق بها و ردد بصوته الساحر ” لو قصدك على العلاقات فانا عملت كتير اوى لحد ما زهقت و قرفت من نفسى قبل ما ازهق من الستات، لكن انا بتكلم عن المشاعر ”
خجلت و احمرت وجنتاها و ظلت مطرقه راسها لاسفل حتى وضع يده اسفل ذقنها ليردد بهيام “بحبك”
دقات طبول….نعم اصبحت دقات قلبها كدقات الطبول فى الجزر الاستوائيه و تحول جسدها لجمره نار من حراره ما تشعر به من عشقه لها لتردد بتلعثم ” اول مره تقولها ”
ابتسم و ردد ” عارف…بس مكنتش حابب اقولها الا لما اكون متاكد مليون فى الميه ”
رددت بحب ” و اتاكدت؟”
ببسمه تسحر القلوب تظهر بياض اسنانه و تجعله ملك الجاذبيه ” طالما قلتها يبقى اتاكدت ”
ظلت قابعه فى مكانها لتهرب منها الكلمات المعبره عن ما تشعر به فيمسك يدها لتنتبه على الفور فتسحبها بسرعه و تردد بقلق ” مش كفايه و تطلعنى لماما عشان تلحق تروح لسه مشوارك طويل ”
ابتسم لها بعبثيه و اردف ” انا كلها كام ساعه و ارجع هنا تانى فحبات هنا فى الجناح بتاعى ”
بدهشه اردفت ” انت عندك جناح؟”
ابتسم لها و ردد ” اه….اوقات كتير بضطر افضل هنا و انام فيه، تحبى تشوفيه؟”
بتخوف اردفت ” لا لا…يلا بقى طلعنى عشان متاخرش على بابا ”
اومئ براسه موافقا و تحرك بها للمصعد و فور ان خرجا منه اتجه ناحيه الجناح و امسك بالمفتاح الالكترونى المخصص له و عندما ادخله نظرت بتعجب و اردفت بضيق ” ده مش الجناح اللى بابا و ماما فيه مش كده؟”
اومئ براسه فتراجعت للخلف و رددت بزعر ” فين الاوضه بتاعتهم يا عدى؟”
اشار لها لاخر الرواق و اردف ” هناك”
تمنت له ليله هنيئه و تحركت للامام ليمسكها بسرعه من يدها و ينظر لعينها فتخوفت من نظراته ليردد “ده خوف منى؟ و لا عدم ثقه فيا؟”
اجابته بحرج ” لا ده و لا ده ”
بضيق هلل ” امال ايه؟”
بصوت هادئ حاولت استجماعه هتفت ” ميصحكش ادخل معاك اوضه لوحدنا يا عدى، عيب ”
نظر لها بتفحص و ردد بجرأه ” عايز ابوسك ”
لمعت عيناها و تراجعت للخلف فرفع حاجبه بضيق و ردد ” ياااه…للدرجه دى؟”
رددت بتلعثم ” امال انت متخيل ايه؟”
تنهد عدى ببطئ و اقترب منها ينظر لعينها و يردد بهدوء ” اولا..انا بحبك و ثانيا…انا صارحتك باللى عايزه ملفتش و دورت و ثالثا…. انك لازم يكون عندك ثقه فيا و رابعا…صدقينى مش حعمل حاجه اكتر من البوسه و خامسا و ده الاهم…..انى فعلا محتاجها ”
ظلت تفرك راحتيها معا بتوتر و عيونها تنظر للارض ففهم رفضها على الفور فاتجه ناحيه الرواق و ردد بصوت حزين ” تعالى اوصلك لجناح اهلك ”
اتبعته ليمسك يدها فيجدها كقطعه من الثلج فاعاد بصره لها و ردد ” كل ده خوف منى يا نيره! ليه؟ انا من ساعه ما عرفتك متصرفتش معاكى اى تصرف غير لائق و كنت دايما بحترم المسافه اللى انتى حطاها بينا،و حتى طلبى دلوقتى مجاش الا بعد ما حددنا ميعاد لكتب الكتاب و الدخله، يعنى لو خايفه منى اكون بلعب بيكى عايزك تطمنى ”
اجابته ” و افرض سيبنا بعض قبل الجواز؟”
ضحك و ردد ” اه حيبقى اسمك ام بوسه ”
ضحك عاليا لتجيب بصوت مختنق ” بس….”
ردد بحده ” بس ايه؟هو انتى متخيله انى لو عايز عشرين واحده فى سريرى حغلب يعنى، تحبى اوريكى؟”
بكت و نزلت دموعها على صدغها فاقترب منها و مسحها بانامله و ردد بحب ” خلاص يا نيرو….انا بس بجد كان نفسى نقرب من بعض بس خلاص انا مش حضغط عليكى ”
امسك يدها و اكمل سيره ناحيه جناح والدها فوجدها تقف مكانها متسمره فنظر لها ليجدها تطرق عيناها لاسفل و تردد بخجل ” ماشى ”
ابتسم و اقترب منها و نزل بمستوى طوله حتى يتفحص وجهها و ردد ” ماشى ايه؟”
اجابت و هى تفرك يدها بتوتر ” موافقه…متكسفنيش بقى ”
ابتسم بسمته الجذابه و سحبها من يدها باتجاه غرفته و فتحها لتدلف معه لجناحه
♡♡♡♡♡♡♡♡♡♡♡♡♡♡♡♡♡
فى ڤيلا الباشا
اخذت تزرع الارض مجيئا و ايابا بغضب و هى ترى مدى حبه لها و كم تكرهها و تكره امها فظلت تحدث نفسها ” دخلت هى و امها و ادحلبت لحد ما وقعت عمر فى شباكها و كمان خلت عدى يقع فى صاحبتها ما هى اكيد زيها ”
جلست على فراشها بضيق و هى تكمل حديثها لنفسها ” اعمل ايه؟حيفضلو خانقينى كده…انا كل ما اشوفها هى و لا امها افتكر اللى حصل لى بسببها ”
بكت قليلا لتعتدل و تمسح عبراتها بقوه و تردد بتوعد ” مش حسيبك تتهنى انتى و بنتك ابدا و لازم ابعدكم عننا ”
امسكت هاتفها و اتصلت بحور بالخارج لتجيب الاخيره بترحيب فرددت سميره ” اتفرقنا يا حور بسبب الزفته دى ”
همست حور ” و النبى يا سميره ما تجيبى السيره دى، انتى مش متخيله سعيد هنا بيعمل ايه عشان ينسى لوچى اللى حصل، البت زى ما يكون معمول لها عمل،مش شايفه غيره”
رددت سميره ” ما هو بصراحه ميستاهلهاش غير عمر و حرام لوچى تخرج بره العيله ”
اجابتها حور بنفس النبره الهامسه ” حنعمل ايه بس، النصيب يا سميره…انتى عارفه ان اتقدم لها واحد زميل ابوها فى الشغل ما شاء الله عليه مركز و عيله و شكل و قيمه و هى برده رفضت ”
تنهدت سميره بحزن و رددت ” هاتيها اسلم عليها يا حور احسن وحشانى خالص ”
وافقت بعد ان نبهتها مرارا و تكرارا ان لا تفتح معها امر عمر و خديجه لتوافق سميره على مضض
فور ان اجابتها رددت سميره ” وحشتينى يا لوچى ”
اجابتها الاخيره بحزن ” و الله فيكى الخير يا طنط،دى عمتو بتكلمنا كل فين و فين…انتى اخبارك ايه؟”
اجابتها بتنهيده لتردد لوچين ” للدرجه دى مضايقه؟”
اجابت بمكر و خبث ” ملوش لازمه الكلام احسن امك موصيانى ”
لتردد لوچين بلهفه متسائله ” حاجه تخص عمر؟”
رددت بصوت منكسر ” البت لفته و حطته فى جيبها بقى زى الخاتم فى صباعها ”
ببكاء اردفت ” معقول يا طنط؟”
اجابتها سميره بتخطيط ” ايوه يا بنتى…انتى لازم تفوقى لنفسك و تورى اهلك انك طلعتيه من دماغك عشان ترجعو هنا بسرعه و نحل انا و انتى موضوع الزفته دى خالص ”
لتردد لوچين باستفهام ” يعنى حتساعدينى يا طنط؟”
اجابتها ” طبعا…بس اهم حاجه توافقى على العريس ده عشان يطمنو انك نسيتى عمر و على الاقل تنزلو اجازه، و انا من ناحيتى حخلى هاله تزن على ابوكى عشان تنزلو اجازه و ساعتها بقى نتصرف انا و انتى”
ابتسمت بشر و رددت ” حاضر يا طنط و انا معاكى فى اى حاجه ”
♕♕♕♕♕♕♕♕♕♕♕♕♕♕♕♕♕♕
دلفت تنظر بانبهار بكل ارجاء الجناح الواسع فاقترب منها عدى يردد بصوت جذاب ” عجبك؟”
اجابته ببسمه رقيقه ” حلو اوى…..هو الجناح بتاعك يعنى مش بيتأجر لحد و انت مش فيه؟ ”
اجابها نافيا و البسمه ترتسم على محياه ” لا مش بيتأجر لان فيه هدومى و اوارق للشغل،و على فكره فى كذا جناح كده محجوزين لرجال اعمال طول السنه عشان شغلهم ”
ابتسمت و اقتربت من الاريكه الموجوده بالاستراحه الخارجيه فاجلسها و ردد بلباقه ” تشربى ايه؟”
” اى حاجه ”
اتجه للثلاجه الموضوعه باحد جوانب الغرفه و اخرج منها علبه عصير و مشروب له و فور ان فتحه و اسكبه بكوب نظرت له بتقوس حاجبيها و رددت بتعجب ” دى خمره؟!”
اجابها ” لا..بيره ”
تضايقت و ظهر على معالمها الحزن فترك الكوب من يده و ردد بحنان ” خلاص لو مضايقه من شربى مش حشرب بس هى فيها 3٪ بس كحول يعنى مكنتش حسكر و لا حاجه ”
ابتلعت لعابها بغصه و رددت بجديه ظاهره على ملامحها ” حتى لو 1٪ يا عدى حرام، و لو بتحب الشعير تقدر تشربه من غير كحول مش لازم تغضب ربنا يعنى و برده لو حتسيبه من ايدك دلوقتى عشانى يبقى ملوش لازمه لانك لازم متشربش عشان حرام ”
اقترب منها و نظر لها بحب و ردد ” نسخه من خديجه…..ما هى عملت كده فى عمر برده ”
اجابته بحيره ” انا بجد مش فاهمه ازاى كنتم عايشين فى السعوديه و بتعملو الحاجات دى؟”
ردد بخجل ” كل مكان فى الحلو و فيه الوحش و ساعات كتر الفلوس بيبوظ، و انا من انهارده مش حشرب تانى ”
فرحت بداخلها انها استطاعت تغير و لو جزء صغير به و عاهدت نفسها ان تغيره تماما حتى يصبح زوج لائق دينيا و اخلاقيا
اقترب منها و وضع يده خلف ظهرها ليقربها منه فتراجعت للخلف ليردد بسخريه ” رجعتى فى كلامك و لا ايه؟”
اجابته ” بصراحه خايفه و مكسوفه و….”
قاطعها متلهفا ” مينفعش تخافى منى و حعذرك فى الكسوف عشان كده غمضى عنيكى ”
اغمضت عيناها فطبع قبله رقيقه على شفتاها جعلتها تتورد خجلا لتفتح عينها ظنا منها انه انتهى لتجده ينقض على شفتيها يعمق قبلته اكثر و اكثر حتى تورمت شفتاها من كثره القبل و لا يفصله عنها سوى رنين هاتفها
ابتلعت لعابها برهبه عندما وجدت اسم والدتها يسطع على شاشته فرددت ” دى ماما ”
اجابها بهدوء ” ردى ”
حاولت استجماع نفسها لتجيبها فتهتف فور ان اغلقت المكالمه ” ودينى عندهم بقى احسن اتاخرت اوى ”
اومئ براسه فجذبت حقيبتها و اتجهت ناحيه الباب و عند محاولتها للخروج اسندها على الحائط و عاد يقبلها بشوق و اثاره حتى التهبت احساسيهما معا فردد بعشق ” ملبن…كريز ”
تحرجت من غزله فاطرقت راسها لاسفل لينظر لها بتسليه على خجلها و فتح الباب و اتجه بها لغرفه عائلتها ليستلمها منه اباها فتدلف للجناح و تقف خلفه و هو يودع عدى ليردد ” تصبح على خير يا بنى ”
اجابه عدى و عيناه مرتكزه عليها وحدها ” و انت من اهله يا عمى ”
ليحدثها بصوت عذب ” خلى بالك من نفسك ”
♡♡♡♡♡♡♡♡♡♡♡♡♡♡♡♡
فى منزل عمر
خرج من المرحاض بعد حمام طويل استجم فيه بالمياه الدافئه و الزيوت المعطره التى وضعتها له زوجته فتلفح بمنشفه قطنيه اسفله و عارى الصدر يمسك منشفه اخرى اصغر يجفف بها شعره
ينظر حوله فيزهل على الفور من تزيين الغرفه ببتلات الورود الحمرا المفترشه الفراش و القلوب الحمراء التى تزين الارض و الشموع المعطره التى تنتشر بارجاء الغرفه ليردد فى نفسه ” لحقت عملت كل ده امتى؟”
لتظهر حوريته امامه بلباس ليلى جذاب باللون الابيض يظهر جمال قوامها فاقترب منها و البسمه لا تفارق وجهه ليردد بمكر ” طالما لابسه كده يبقى حينفع اشحن ”
ضحكت عاليا ضحكه رقيعه ليحملها على الفور و هو يردد ” اللهم صل على النبى ”
اراحها على الفراش و اعتلاها لتنظر خلفه بساعه الحائط و تردد ” استنى ”
نظر لها بتعجب فصدحت الساعه برنينها تدق عقاربها لتعلن الساعه الثانيه عشر لتردد بحب ” كل عيد جواز و انت طيب يا حبيبى ”
قبلها من عنقها و ردد ” كل عيد جواز و احنا مع بعض و سند لبعض ”
قبلها قبله بثت فيها اشواقه ليسبحا بعالم لا يوجد به سواهما حيث تلاحم الاجساد و تناسق الارواح
اعتدل فى نومته لتنتفض بلهفه تضع مئزرها و تتجه لخزانه الملابس تخرج منه علبه كبيره مخصصه للهدايا فنظر لها بحرج و اردف ” انا هديتى فى الشركه…كنت حقدمها بكره، خليها بكره احسن يا باربى ”
اقتربت منه و رددت ” انا الهديه معايا من خمس ايام و حتجنن و اديهالك من يومها، خدها بقى و انا حستنى هديتى بكره، مع العلم الهديه دى لينا احنا الاتنين ”
فتح العلبه و هو يبتسم ليجد بداخلها علبه اصغر فردد ضاحكا ” اااه…حنبدء من اولها ”
ظل يفتح علبه ليجد اخرى و اخرى حتى مل و نظر لها يردد ” حلو المقلب ده ”
اجابته برقه ” كمل بس ”
ظل هكذا حتى وصل لاخر علبه ليجد بها قرص تشغيل ( سى دى) فاخذ ينظر له بفضول و رفع حاجبه و نظر لها ليردد بتساؤل ” عامله سى دى لصورنا و لا ايه؟”
نهض من مكانه ليذهب لمشغل الاقراص المدمجه و وضعه بداخله و هى تردد ” شغله و انت تعرف ”
قام بتشغيل القرص ليظهر تسجيل مرئى متحرك لجنين بصوره واضحه و قلبه ينبض بصوت مسموع فنظر لها بعد ان تجهم وجهه و اخذ يعيد نظراته على التسجيل و عليها ليجدها مبتسمه بسمه بلهاء فردد بتلعثم ” ايه ده يا خديجه؟ لو مقلب فده مقلب بايخ”
اقتربت منه و نظرت له بحب و شوق و هى تهز راسها باعتراض و تردد ” مش مقلب ”
اعاد بصره للشاشه و تمعن فيها و عاد ليحدثها بصوت مهزوز ” انا مش فاهم….انتى.. هو ايه ده؟”
وضعت يدها على صدغه و رددت بحب ” حصل ”
اطرقت راسها لتنظر لبطنها و هى تضع يدها الاخرى عليه فعاد بظهره للخلف و هو يضغط على اسنانه و يردد و العبرات تتجمع بمقلتيه ” انتى حامل؟”
حركت راسها بالايجاب فوضع يده على فمه ليكتم شهقاته التى لم يستطع كبحها فاقترب منها و امسكها من كتفيها بقوه و ردد بلهفه ” انتى متاكده؟”
اومأت براسها لتاكد حديثه فعاد ينظر لشاشه العرض و اخذ يتلمسها و عيناه تزرف الدمع فاحتضنته و رددت ” ربنا رضانا يا عمر ”
احتضنها بلهفه و اخذ يسحب عبيرها بداخله و هو لا زال على حالته من البكاء و اخذ يشكر المولى سبحانه ” الحمد لله يا رب….الحمد لله، انا مش مصدق ”
وضعت اناملها على وجهه تزيح عنه عبراته و هى تردد بحبور ” لا صدق…انا حامل فى الشهر الثالث و اللى انت سامعه ده نبض البيبى ”
جلس على الارض امام الشاشه و اخذ يكرر تشغيل التسجيل و رفع الصوت حتى يستمع لنبضات قلب وليده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لأجلك نبض قلبي)
