رواية عذاب الحب الفصل الخامس 5 بقلم مارلي إيهاب
رواية عذاب الحب الجزء الخامس
رواية عذاب الحب البارت الخامس
رواية عذاب الحب الحلقة الخامسة
في بيت رفيدة سمعت الخبر بصدمة وكلمت روان وقالت
قتل مين اصلا يا روان و اية حكاية القتل اللي في يوم وليلة
روان بدموع
حد اتهمه في قضية قتل وكل الادلة ضده و لو المحامي مقدرش يثبت انه برئ ممكن لا قدر الله ياخد اعدام يا رفيدة او حكم مخفف خمسة وعشرين سنه سجن
رفيدة بدموع
لا استحاله تميم يعمل حاجه زي دي ومين اللي بيكره اهو كدة علشان يلبسه قضية زي دي يا روان
روان ببكاء بحرقة
معرفش يا رفيدة معرفش انا هقفل دلوقتي معلش مش قادرة اتكلم
رفيدة بعياط
تمام
قفلت رفيدة ودخلت اوضتها بسرعة لبست هدومها ولفت طرحتها بسرعة ونزلت وقفت تاكسي وقالت
وديني علي القسم بسرعة يا اسطي
حاضر
بعد عشر دقايق وصلت القسم حسبت السواق ونزلت بسرعة دخلت القسم وقالت
لو سمحت عايزة اقابل تميم عبد الرحمن
العسكري
ممنوع يا مدام
رفيدة بعياط
الله يخليك دقيقة واحدة بس و همشي علي طول
العسكري بعصبية
يا ستي قولت ممنوع ممنوع هو انا هغنيها ليكي يلا من هنا بلاش قرف علي المسا
مالك بعصبية
في صوت عالي ليه يا غبي
العسكري بتوتر
اصل البت دي يا باشا عايزة تشوف. المتهم اللي اسمه تميم و انا بقولها ممنوع مش راضية تفهم
مالك بصلها بخبث وقال
تعالي ورايا
مالك دخل مكتبه وهي دخلت وراه وقال مالك بخبث وهو بيبصلها من فوق لتحت وهي مرتحتش لنظراته
مالك بابتسامة
اسمك اية بقي
رفيدة بخوف
رفيدة
مالك بخبث
اسمك حلو زيك تقربي لتميم اية
رفيدة بدموع
بنا مشروع جواز
مالك بخبث
يعني واعدك زي ما واعد بسنت
رفيدة بدموع
بسنت مين
مالك بخبث
انتي متعرفيش بقي امال انتي جاية هنا علي اساس اية
رفيدة بدموع
انه في جريمة قتل هو متهم فيها وانا كنت جاية اشوفه و افهم في اية
مالك بخبث
انا هقولك في اية لان ممنوع الزيارة حبيب القلب تميم متهم في قتل بنت اسمها بسنت البت دي ماتت امبارح و كانت حامل في شهرين من تميم اللي كان واعدها بالجواز زي ما واعدك بظبط وبعد ما عرف انها حامل طلب منها تنزل الجنين وهي رفضت راح خلص عليها ودي اخرة المجرمين اللي زيه
رفيدة بصدمة ودموع
اكيد انتم غلطانين تميم ميعملش كدة تميم بيخاف ربه استحالة يعمل كدة
مالك بابتسامة
الادلة كلها بتقول كدة يا رفيدة مش احنا لا سمح الله يعني وبعدين في شهود اعترفوا عليه انه لا مؤاخذة ماشي غلط و شافوه معاها وهما واقفين في حاوري جانبية في اوضاع مش مظبوطة شوفتي انه واحد كداب
رفيدة بدموع تنزل من غير كلام خدت بعضها وجريت بسرعة علي بره ومالك ابتسم بخبث
جامدة رفيدة دي حظك حلو يا تميم بس يا حرام مش هتتنهي بيها
ضحك مالك بخبث شديد
رفيدة روحت بيتها و كانت منهارة من العياط و اتصلت علي تليفون تميم وردت روان
روان بحزن
ايوة يا رفيدة
رفيدة بنهيار
انا دلوقتي عايزة حالا افهم كل حاجه انا روحت عند تميم و العساكر و الظابط منعوني اني اشوفه و بيقولي كلام غريب ان تميم قتل واحدة كان ماشي معاها و حامل منه الكلام ده صح و لا غلط انا مش قادرة استوعب اللي بيحصل
روان بدموع
كل ده اتقال لينا يا رفيدة بس احنا واثقين في تميم و عارفين انه مستحيل يعمل كدة لا دي تربيتنا و لا اخلاقنا يا رفيدة اقفي جنبة انتي الوحيدة اللي حبك و مش عايزة يتعب او يتكسر بسببك
رفيدة بعياط
انا واثقة ان تميم ميعملش كدة و التحاليل DNA هو اللي هيثبت ده لما يطلع الجنين مش ابنه
روان بدموع
ده اللي احنا واثقين فيه و مستنين يطلع بفارغ الصبر
رفيدة بدموع
ان شاءلله خير
روان بدموع
ان شاءلله مع السلامه
رفيدة بدموع
مع السلامه
روان قفلت وخرجت بره اوضة تميم و كان قاعد احمد و روفان و بنتهم اسيا التي تبلغ من العمر 7 سنوات
روان بدموع
ما تروحوا يا جماعة انتم تعبتوا معانا اوي انهارده
احمد بحزن
اية الكلام ده يا روان تميم ده اخويا ربنا يفك كربه و يخرجه من المصيبة دي انا متفائل خير ان شاءلله و كلمت محامي تاني يحضر مع تميم مع المحامي اللي جه الصبح و ربنا معانا باذن الله
و يخرجه منها علي خير
روان بدموع
يارب يا احمد انا مازن بيرن عليا مش عارفة ارد اقوله اية يا احمد
احمد بجدية
هتقولي اية يعني هتقولي اللي حصل
روان بدموع
خايفة يسبني مش هيتقبل حاجة زي دي
روفان
ما في داهية يا روان هو حر
روان بدموع
بس انتي عارفة انا بحبه
روفان
ردي عليه شوفي هيقولك اية يا روان و متبقيش جبانة يمكن عايز يساعدك ردي عليه
روان بدموع
حاضر هقوم ارن عليه و اشوف هيقول اية
روفان بحزن
ربنا معاكي يا حبيبتي
روان دخلت اوضتها و اتصلت علي خطيبها مازن
مازن بعصبية
انتي مش بتردي ليه يا هانم مهما اتصل و انتي معندكيش دم و لا بتردي جاية تتصلي دلوقتي
روان بدموع
ارجوك يا مازن انا اللي فيا مكفيني ومش ناقصة اي كلمة من حد ارجوك قدر موقفي
مازن بعصبية
موقف اية و زفت اية انا عايز افهم انتي في اية بظبط و اية اللي حصل مع اخوكي و صح هو متهم في جريمة قتل
روان بدموع
ايوة هو فعلا متهم في جريمة قتل و بريء
مازن بعصبية
علي العموم برئ او لا هيبان و ساعتها مصيرنا هيتحدد يا روان
روان بدموع
تقصد اية يا مازن
مازن بعصبية
قصدي واضح و صريح انا مقبلش اتجوز واحدة اخوها مجرم يا روان
روان بصدمة
انت بتبعني طب و حبنا يا مازن
مازن ببرود
الحب مش هستفاد بيه لما ولادي يعتايره بخالهم يا روان انا مستني التقرير تطلع علشان احدد اية اللي هيحصل في علاقتنا
روان بدموع
لا و تستني و تعطل نفسك ليه يا مازن تعالي خد حاجتك خطوبتك متلزمنيش يا مازن انا مش هبقي استبن حضرتك تقرر هتكمل معايا ولا لاء
انت لو بتحبني بجد علي الاقل كنت واقفت جنبي في المشكلة اللي انا فيها لكن انك تبعني في اول مطب كدة متشكرة اوي يا مازن حاجتك جاهزة تعالي خدها
مازن ببرود
براحتك بقي انتي اصلا المفروض متعرضيش حاجة انتي المفروض كنتي تتحيلي عليا علشان اوافق و افضل معاكي بعد الفضيحة بتاعة اخوكي يا روان
روان بعصبية
اخرس قطع لسانك ليه كل الناس عندها داء النقص اللي عندك محدش بيشتري الرجولة و انت مش راجل انت محاولتش تطايب خاطري بكلمة تطمني و تريح نفسيتي انت واحد حقير يا مازن انا لو كنت اعرف كدة من الاول و لا عمري كنت فكرت اني اتجوزك اتفووو
قفلت روان الخط و جلست تبكي بقهر
حينما يتركك الشخص الذي كنت تضعه امامك محور الحياة و يتخلي عنك و تشعر بالخذلان بسبه وهو لا يشعر بما فعله بيك شعوراً مؤلم اكثر من الكارثة التي في حياة الشخص
///////
في الحجز كان تميم قاعد حزين و مصدوم قرب واحد شكله بلطجي اسمه سيد
سيد ببرود
انت يلا جاي في اية
تميم بعصبية
حل عني يا عم مش ناقصك هي الله يخليك
سيد بعصبية
انت عارف بتكلم مين يا روح امك
تميم بعصبية
احترم نفسك يلا و متجبش سيرة امي علي لسانك هتبقي مين يعني مجرم ولا ليك اي لازمة
سيد بعصبية
لا بقي دا انت عايز تتربي و انا هربيك يا ابن،،،
تميم اتعصب جامد وضربه بالروسية و المجرمين اتجمعوا عليه و مسكوه من ايديه و كتفوه و سيد قام ومسح الدم اللي نزل من فمه بسبب ضربه تميم له وقال بغل
وحياة امك يا روح امك لا اسيح دمك و اشفيك مش سيد الشبح اللي يجي حتة عيل زيك يمد ايده عليه امسكوه كويس يا رجالة
تميم بعصبية
ما انت لو راجل كنت واجهتني لوحدك مش جايب شوية عيال سيس زيك يمسكوني علشان تاخد حقك يا مرة
سيد بعصبية
مش بقولك انت عايز تتربي يلا و انا هربيك و هعرفك ان الله حق
سيد ضرب تميم براسه اكتر من من مره وانفه نزلت دم و ضربه بالرجل في بطنه وتميم وقع علي الارض و سيد طلع مطوة وقال بعصبية
اتشاهد علي روحك يا روح امك.
ومسك المطوة وفتح بيها بطنه وتميم حط ايده علي النزيف و وقع علي الارض و الدم نزل كالشلال سيد قعد مكانه وقال
يلا يا رجالة اندهوا الشويش و كلكم تقولوا كلمة واحدة منعرفش مين اللي عمل فيه كدة يلا
الرجالة
يا عسكري الحق يا عسكري واحد متصاب الحق
العسكري
في يا زفت منك ليه
واحد
الحق يا باشا الواد الجديد اللي جه متصاب في بطنه
العسكري قرب منه و كلن تميم نايم علي بطنه و مغمي عليه قلبه علي ضهره وقال بصدمة
مين يا ولاد الكلب اللي عمل كدة
منعرفش يا باشا
العسكري خرج يجري علي وائل ودخل من غير استئذان
وائل بعصبية
انت اتجننت ولا اية مش في باب تخبط عليه
العسكري بخوف
معلش يا باشا المتهم اللي اسمه تميم بطنه مفتوحة و مضروب ومحدش من المجرمين عايز يقول مين اللي عمل كدة و الواد سايح في دمه انا كلمت الاسعاف تجي
وائل بعصبية
ولاد الكلب انقلوه المستشفى و اوعوا و تفضلوا ملازمين المستشفى اوعى يهرب انت فاهم
العسكري بخوف
امرك يا باشا
وائل دخل الحجز وشاف حالة تميم و بص لسيد وقال بعصبية
انت اللي عملت كدة يا سيد
سيد
لا يا باشا و اسأل الرجالة انا اتحركت من مكاني يا رجالة
لا يا باشا متحركش من مكانه
وائل بعصبية
امال اية يا روح امك منك ليه حجز مقفول و صغير زي ده مشوفتوش مين اللي عمل كدة طل و لله لاربيكم كلكم علشان تتعلموا الادب يا شوية نوش
الاسعاف وصلت و دخلوا بسرعة اخدوا تميم اللي غايب عن الوعي و كان معاهم اتنين من العساكر
وائل قلع الحزام بتاعه وقال ببرود
مش عايزين تتكلموا و ماله يا سعيد مرسي تعالوا هنا كدة
سعيد و مرسي عساكر
امرك يا باشا
وائل
الحلوين دول عايزين يتعلموا الادب و انا ناوي اعلمهم يلا بينا جهزوا نفسكم
وائل نزل عليهم بالحزام بغل و كان صراخهم يعلوا اما العساكر كان بيضربوهم بكرباج شديد
وبعد نص ساعة كانوا يجلسون بتعب شديد و في منهم اللي اغمي عليه
وائل ركب حزامه وخرج علي المستشفى يشوف حالة تميم
*////////
في بيت مالك كان قاعد بياكل ببرود و سلمي مراته قاعده جنبه ساكته ومش بتتكلم
مالك ببرود
مالك واكله سد الحنك مش عايزة تفتحي بقك يعني ولا من اخر مرة اتعلمتي الادب يا سوسو
سلمي بهدوء
عايز يا مالك بطل تستفزني
مالك ببرود ابتسم
يعني عايزة تفهميني انك لسه مصره علي طولة لسانك صح يا سلمي
سلمي بدموع
انا معملتش ليك حاجه حرام عليك تعاملني المعاملة دي مش كفاية حرمني من الخلفة
مالك ببرود
علشان بكرهك و مش عايز حاجه تربطني بيكي
سلمي بدموع
طب اتجوزتني ليه لما انت بتكرهني علشان تعذبني معاك
مالك ببرود
مصالح يا حبيبتي ابوكي طلب مني اتجوزك علشان شغلنا مع بعض يمشي
سلمي بصدمة والدموع عالقة في عيونها
تقصد اية يا مالك
مالك بابتسامة
معلش يا حبيبتي مش هقدر اتكلم واقول حاجة بس اللي اقدر اقوله ان لا مؤاخذة ابوكي مش شريف ولا ملاك ابوكي باعك ليا و انا اشتريت يبقي تعيشي معايا زيك زي الكلب خادمة ليا مش اكتر فاهمة ولا اعيد تاني
سلمي بدموع وصدمة
طلقني يا حقير انا ابويا استحالة يعمل كدة فثا انت مجنون انت عايزني اشك فيه و مش هيحصل طلقني يا حقير يا قذر
مالك مسكها من رقبتها وخنقها وقال
متخلنيش اخلص عليكي يا حبيبتي خليكي محترمة علشان مقلش منك و انتي لو روحتي اشتكيتي لابوكي و عرفتيه كل اللي بعمله فيكي عارفة هيقولك اية عيشي و استحملي و اياكي تتطلبي الطلاق انتي رخيصة اوي يا سوسو
سلمي روحها كانت بتطلع و بتحاول تشيل ايده من علي رقبتها ولكن مقدرتش وهو بعد عنها وقعت علي الارض هب تحاول التقاط انفسها و تبكي بقهر شديد و بصتله بكره وغل وقالت ببكي
بكرهك يا مالك بكرهك
مالك بضحكة مستفزة
من بعض ما عندكم يا حبيبتي انا طالع انام ومش عايز قلق علشان منزلش اطوح فيكي الضرب تمام
مالك طلع اوضته و سلمي مسكت تلفونها برعب و ايديها بترتعش من الخوف الشديد و اتصلت علي ابوها وقالت برعب
الو يا بابا
كمال بهدوء
ايوة يا سلمي في اية انا مش فاضي دلوقتي اقفلي و هبقي اكلمك
سلمي بعياط
لا يا بابا لازم تسمعني انا عايزة اطلق مالك كان.
كمال بعصبية
اخرسي يا بت قطع لسانك طلاق اية و كلام فارغ اية معندناش الكلام ده انتي مراته يعمل اللي هو عايزة و انتي متتكلميش فاهمة
سلمي بصدمة ودموع
ازاي يعني يا بابا
كمال
اللي سمعتيه
وبعدين كمال قفل السكة في وشها و نظرت للفون بصدمة وسمعت صوت ضحك مالك اللي قال بسخرية
شوفتي يا حبي انك رخيصة اوي ارخص من جزمتي ده حتي الجزمة غالية و بفلوس كتير انما انتي لو خلصت عليكي ولا ليكي لازمة عند اهلك
قال كلامه ودخل غرفته و هي جلست تبكي بصدمة وقالت
ازاي ابويا يعمل فيا كدة لدرجة دي بيكرهوني و مش عايزني في حياتهم و بايعني لواحد يبهدل و يهين فيا يارب يارب ارحمني
//////
في المستشفى
وائل بهدوء
حالته اية دلوقتي يا دكتور
الدكتور
يا حضرتك الظابط الحالة مع الاسف صعبة جدا و المطوة جات في منطقة قريبة جدا من الكلي ومع الاسف الكليه اتأذت بشكل كبير ولازم تتشال و عايزين امضي من الاهل ضروري يا فندم
وائل بضيق
طيب هتصل بيهم اخليهم يجوا فورا
الدكتور
وياريت حضرتك تطلب منهم اللي نفس فصيلة دمه ياريت يجي لاننا محتاجين ننقل ليه دم و فصلته مش موجوده عندنا وحاولنا نطلبها من المستفيات غير متوفرة في الوقت الحالي
وائل بضيق
طيب يا دكتور متشكرة
وائل للعسكري
حد فيكم يروح يبلغ اهله في بيتهم و يجبهم علي هنا
العسكري عمل التحية العسكرية
امرك يا فندم
خرج العسكري ليقوم بمهمته
انتهت الحلقة اتمني تنال اعجابكم
ياتري تميم هيلقوا فصيلة دمه و لا لاء و اية اللي هيتم في حالته
وياتري اللي عمله مازن ده صح و اية رايكم في رد روان عليه
هل رفيدة هتقف جنب تميم في المشكلة دي و لا هتتخلي عنه اتمني تشاركوني ارائكم.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
