رواية هوس نور الفصل الأول 1 بقلم ريم محمد
رواية هوس نور الجزء الأول
رواية هوس نور البارت الأول
رواية هوس نور الحلقة الأولى
_حرقتِ الاكل!
_نور بلامبالاة:هتقولي لو مالك بيه عرف هيطين عيشتك صح، لما يبقي يجي يفرجها ربنا
_سارة:طول عمرك باردة مبيفرقش معاكِ حاجه
_نور:عادي مكبرة الموضوع ليه، اتحرق غصب عني، كنت حابة احرقه؟
_سارة:ربنا يستر، اغسلي المواعين دي وانا هعمل اكل على السريع قبل ما يجيوا من برا
_نور:تمام
*شخصيتي قوية شوية مبيفرقش معايا حد احنا ساكنين انا وعيلتي فى مُلحق الفيلا بتاع أرسلان بيه ابو مالك بيه هما تلت ولاد وبنتين واحنا بنتين وولدين، وكلنا فى الجامعة ماعدا أخويا معتصم لسه تالتة ثانوي
وبابا السواق بتاعهم وانا وأختي سارة وماما شغالين تنضيف وطبخ*
*خلصنا وقعدت ارتاح شويه ومسكت الفون وكنت مندمجة وانا مسكاه، محستش بالوقت، دا وانا قاعدة فى الجنينة، لاقيت حد جه وقعد جمبي، اتخضيت ووقعت على الأرض، ببص أشوف مين لاقيته مالك! *
_مالك بهدوء:قومي، قاعده على الأرض ليه
_نور:خضتني معملتش صوت ليه
_مالك:فى ايه فى فونك مهم لدرجادي!
_نور:بقلب في التايم لاين عادي
_مالك:نور
_نور:نعم
_مالك:بقولك في ايه مهم
_نور بهدوء خلفه توتر:مفيش
_مالك:متخلنيش أتعصب
*لاقيت بنت خالته جت، اتنهدت براحة وكنت لسه همشي*
_مالك:شوفي لورا هتشرب ايه
_نور:تمام يا مالك بيه
_لورا بتكبر:هشرب مكس موز بالفراولة على لبن
_نور:وحضرتك؟
_مالك بنبرة غامضة: بحب مشروب الصراحة، تعرفي تعمليه
_نور:تقصد ايه اعملك زيها
_مالك:قولتلك هشرب ايه، بس مش عايزه دلوقتي
*مشيت وانا مرعوبة، بضايق من وجوده متحكم بطريقة غبية، هو ماله بيا! *
_لورا:شيفاك مركز مع نور اوي
_مالك:محتاجه إعادة تقويم، فبعمله ليها
_لورا:وانت مالك بيها!
_مالك:بلاش تتجاوزي حدودك عشان متزعليش
_لورا:بس دي شغالة عندكم ليه تركز معاها
_مالك:لتاني مرة بحذرك ملكيش علاقة
_نور:اتفضلوا العصير
_مالك:بس أنا مطلبتش العصير دا، اشربي بقى العصير اللى جبتيه
*اخدته ولسه همشي*
_مالك:لا اقعدي معانا اشربيه
_نور:اسيبكم سوا ولاد خالة مع بعض
_لورا:بقول كدا برضو
_مالك:أنا هنا اللى اقرر ايه اللى يحصل وايه لأ
*قعدت معاهم وجالي مكالمة من ليان صحبتي رديت عليها وقومت اكلمها بعيد مندمجة معاها فى الكلام*
_نور:لأ انا عملتله بلوك مليون مرة بس مبيفهمش مليون بنت عايزه تكلمه أنا مالي!
_ليان:يا بنتي دا عبيط اصلا فكك منه
_نور:عايزه اقول لعمر يتصرف معاه
_ليان:ايهاب شايف نفسه
_نور:أنا قولتله لأ خلاص
_مالك بغضب:مين دا اللي قولتيله لأ!
*بصيت ناحية مالك بعيونه العسلي اللى رعبتني اكتر منه، وفضلت استوعب جه هنا امتى وازاي*
*لاقيت لورا واقفة وراه، بصتلها ومشيت*
_مالك بنبرة عالية:ان اتحركتِ خطوة تانيه متلوميش غير نفسك
*اتمسمرت مكاني لحد ما جه وقرب مني وقال*
_مالك:اسمه ايه دا
_نور:أنا هقول لعمر هيتصرف معاه
_مالك:نور بلاش تعصبيني اكتر اسمه ايه
_نور بخوف:إيهاب الشافعي
_مالك بعيون دامية:ايهاب
*مشيت بسرعة معرفتش مشيت ازاي بترعب منه ومبحبش وجوده حوليا معرفش بيعمل معايا كدا ليه*
“فلاش باك”
_لورا تحادث نفسها:أنت مهوس بيها يا مالك!
_كل دي صور ليها، ومحتفظ بكل حاجه خاصه بيها!
“باك”
_لورا:واضح يا مالك انها مبتحبكش
بص حواليك هتلاقي مليون بنت تتمناك وقريبين منك علفكرة
_مالك:ميهمنيش حد ولا بحب حد
^^^^^^^^^^^^^^^^^^^^^^^^^^^
_نور:مش طالعه برا نهائي، أنا مش ناقصة اشوفه بخاف منه اوي
_سارة:دا ميت فى دباديبك بيحبك يا هبلة
_نور:لا هو متحكم وعصبي بيحب يتحكم وخلاص
_سارة:خلاص هطلع انا واخدم، خدي اجازة انهاردا
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية هوس نور)
