رواية مرات ياسين الزين الفصل الخامس 5 بقلم نسمة مالك
رواية مرات ياسين الزين الجزء الخامس
رواية مرات ياسين الزين البارت الخامس
رواية مرات ياسين الزين الحلقة الخامسة
..بمنزل تمارا..
تمارا:بهيام..هيييييح..
هى الساعه هتيجى 7 امتى بقى يا عمتو..
ليلى:بستغراب..بت انتى هو ياسين قالك ايه بالظبط..
الواد يعتبر تربيه قاسم الله يرحمه..
يعنى اخلاق عاليه..
اكملت بخجل..
بس هو جرئ عنه شويه تقريبا..
قاسم حبيبى كان بيختشى شويه..
تمارا:بزهول..عارفه ياعمتو انا متفجأه من نفسى انا..
مش منه هو خالص..
معقول انا تمارا اللى كنت ببخ فى وش اى مذكر يفكر يكلمنى..
وضعت كف يدها على وجهها تخفيه واكملت بخجل..
دا مش بس كلمنى يا عمتو دا خطفنى فى حضنه..
انا كنت قاعده على رجله ياعمتو..
ليلى:بصدمه..احييييه..
اكملت بغيظ..
تصدقى يابت تستاهلى السوعه اللى ختيها على توتتك..
اكملت ببكاء مصتنع..
الحمد لله انك مقولتيش الكلمتين دول بره قدام سماسم كانت نطت فى كرشنا..
تمارا:ياعمتو انا كأنى كنت مسحوره..
اول مره يحصلى كده فى حياتى..
كنت متنحه ومسهمه..
اكملت بأحراج..
انا عكيت فى الكلام معاه عك لما فوقت عااااااااا..
مبقتش عارفه بقول ايه..
دا انا قولتله قال تتجوزنى قال..
دا انا اللى هتجوزك عااااااا..
نظرت لعمتها واكملت بعبوس..
هيقول عليا بت واقعه..
ليلى:ههههههههه..
لا متخفيش هيعذرك..
هو راجل وعارف انك لسه عود اخضر وان اللى عامله وقالو جديد عليكى..
جذبتها لحضنها واكملت بحنان..
ياسين بيحبك يا تى تى..
ومدام من اول مره عرف يحتويكى يبقى متشليش هم تصرفاتك معاه..
خليكى بطبعتك وربنا يسعد قلبك واشوفك احلى عروسه ياحبيبتى..
اكملت بجديه..
ويله قومى يا ابله خدى شور وشوفى هتلبسى ايه..
علشان خلاص الساعه داخله على 6..
وانا هقوم القط صابعين محشى كده فى السريع..
تمارا:هتيلى طبق وحته فرخه معاكى على ما اخرج من الحمام..
^^^^^^^^^^^^^^^^^
..بفيلا ياسين الزين..
ينزل الدرج بفرحه عارمه..
يس:بترحاب..اهلاا اهلا اهلا..
انا مصدقتش لما عم عوف قالى انك تحت..
اقترب منه واحتضنه بحب اخوى واكمل..
واحشنى يا صاحبى حمد لله على السلامه..
معتز:الله يسلمك يا يس..
ليك واحشه ياصاحبى..
يس:وصلت امتى..
ومعرفتنيش ليه كنت استقبلك فى المطار..
معتز: انا لسه راجع امبارح..
قولت اعملهالك مفاجأه و اجى اشركك فرحتك..
وابقى معاك وانت بتخطب..
اكمل بمزاح و عدم تصديق..
اخيرا هنفرح بيك..
بقالك اربع سنين بتحكيلى عن سندريلا بتاعتك..
الحمد لله انها وافقت تتجوزك ولا كان زمانك بتقول انا حسحس وحسحس انا..
يس:بهيام..انت بتقول فيها..
هى فعلا هتخلينى حسحس اللى بتقول عليه دا من دلوقتى..
خبط على كتفه برفق..
احلى مفجأه ياصاحبى نورت بلدك..
اكمل بتسائل..
جبت مراتك معاك ولا لوحدك..
معتز:لا لوحدى..
دا جواز سورى يا يس..
وهى خدت قرشين علشان كنت محتاج الجنسيه مش اكتر.. لكن انت عارف انا عايز واحده بنت بلدى..
يس:بعبث..عايز واحده بنت بلدك امممممم..
معتز:بفخر.. متنساش انى فلاح وشرقاوى..
ميغركش البدله البولو اللى لابسها ولا الرولكس..
كل دا ميغيرش طابعى الشرقى..
يس:بخبث..يعنى هتقعد معانا شويه وتدور على عروسه..
ولا حاطط عينك على حد ولا ايه؟؟
معتز:انت عارف ياسين ان عينى على ليلى متحورش..
عايز اتجوز ليلى ياصاحبى..
مقدرتش اطلب الطلب دا من 4 سنين علشان موت قاسم.. وطبعا الورث اللى قاسم سبهولها كتفنى..
وخلانى اتراجع عن انى اتقدملها..
لان شركتى مكنتش بحجم دلوقتى..
وخوفت حد يفكر انى طمعان فيها وكمان هى كانت بتحب قاسم..
واكيد كانت هترفد..
علشان كده سافرت وكبرت شركتى ولما عرفت منك ان شركتها فى محنه قررت ارجع واقف جنبها واطلب ايدها.. ادعيلى ياصاحبى توافق..
ياسين:بفرحه..بينا نلحق نجهز خير البر عاجله على بركه الله..
ضحك بقوه واكمل بمزاح..
هنروح نطلب البنت ومامتها..
هم بالخروج لكنه توقف واكمل بتحذير.
بس عرفهم انك اكبر منى..
لان ليلى تقريبا 38 سنه..
فممكن تفتكر انك 30 سنه من سنى وترفد..
اكمل بتسائل..
انت كملت الاربعين ولا لسه..
معتز:بخجل مصتنع..لسه 39سنه..
ويله بينا بقى انت مش معادك 7 الساعه 6 ونص..
اتجهو اثنانتهم للخارج برفقه محد الزين والد يس..
^^^^^^^^^^^^^^^^^^^^^^^
بغرفه تمارا..
أرتدت فستان رقيق من اللون الكشمير..
رفعت شعرها بمشبك صغير من جنب واحد..
تقف اما جدتها تدور حول نفسها وتتحدث بفرحه..
تمارا:حلو عليا الفستان ياتيته..
اكملت بمزاح..
ولا ابين حته من الدندو..
سماسم:بحب..اصمالله عليكى ياقلب ستك..
بدر منور..
اكملت بعدم فهم..
بس ايه الدنوو دا اللى تبينيه..
تمارا:هههههههههه الدندو يا تيته..
رقصت بصدرها واكملت..
ابين حته اغراء كده..
يعنى افتح الزرارين اللى فى اول الفستان دول مثلا..
بدل ما انتى مكلفتانى من فوق لتحت كده..
سماسم:بغضب ووهول..عايزه تبينى صدرك يا بنت لميا!!! وعرفتى الاغراء يابنت الكلب..
اسرعت بالركض خلفها واكملت بوعيد..
تعاليلى ونبى لانا قرماكى..
ليلى:ياماما ابوس ايدك الناس طالعين مع بابا على السلم..
وجهت نظرها لتمارا واكملت بغضب..
قولتلها ايه ياتمارا الزفت عصبتيها..
دا احنا ملصمنها..
تمارا:عااااااااا..
اعمتو الحقينى تيته هتعضنى..
اكملت ببكاء مصتنع..
دا لسه التوته مخفتش..
انا كنت بهزر وربنا مش هبين حاجه..
سماسم:بغضب..بنت اخوكى عايزه تغرى الراجل..
وتبينلو الدنووو..
ليلى :بشهقه..
انا هفتح الباب للناس اللى وصلت دى..
وهفتحلك دماغك لما يمشو يا نصيبه..
خطت نحو الباب بخطوات هادئه بفستانها الكحلى المحتشم..
فتحت الباب وتحدثت بترحاب..
اهلا وسهلا يامرحب..
ابراهيم:بترحاب شديد..اتفضلو اتفضلو..
يا الف مرحب يا ابو ياسين..
ليك واحشه ياغالى..
محمد:وانت كمان يا راجل يا طيب ليك واحشه والله..
وجه نظره لليلى..
ازيك ياليلى عامله ايه..
ليلى :بخجل..الحمد لله بخير..
عن اذنكو انادى والدتى..
محمد:اعرفك يا ابو عبد الرحمن دا ياسين ابنى..
ودا معتز صاحبه وانا بعتبره زى ابنى..
ابراهيم:ماشاء الله ربنا يبارك فيهم شباب زى الورد..
محمد:طيب الشباب اللى زى الورد طالبين القرب منك..
صمت قليلا واكمل..
انا اتشرف انى اكرر طلبى ونطلب ايد ليلى لابنى الكبير معتز..
ويزدنا شرف ونطلب ايد تمارا لياسين يا ابو عبد الرحمن..
^^^^^^^^^^^^^^^^^^^^^^^^^^^^
بغرفه تمارا..
تمارا:مالك ياعمتو انتى مسهمه ومبرقه كده ليه..
مالك ياحبيبتى انتى سمعانى طيب..
اقتربت من اذنها وهمست بتحذير وصوت منخفض..
عمتتتتو ردى عليا لاصوت فى ودنك..
وانتى عارفانى اعملها..
ليلى :بتوتر..احممم م م م ااااااا احم معتز جه من السفر..
تمارا:معتز مين؟؟
ليلى:بخجل..اللى كان بيبصلى بصات كلها حب..
واهتم بيا اوى بعد وفاه قاسم..
واول ما اطمن انى خت ورثى سافر ومعرفش عنه حاجه من ساعتها..
قاعد بره معاهم..
انتبهو لصوت سماسم..
تمارا :بفرحه..طيب تيته بتنادى علينا يله بسرعه..
هييييح جيالك يا ياسو..
اكملت بتمنى..
يارب يبوس ايدى تانى..
^^^^^^^^^^^^^^^^^^^^^^
سماسم:مالك يا ابو عبدو..
من بعد عرسان البنات ما مشيو وانت دخلت على اوضتنا ولا اتعشيت حتى يا خويا..
حاجه زعلتك ولا ايه..
ابراهيم:بحزن..البنات هيروحو بيتهم..
والبيت هيفضى علينا..
على أد ما فرحان بيهم..
بس غصب عنى قلبى بيوجعنى على بعدهم عننا..
وخصوصا بنت الغالين تمارا..
من بعد موت ابنى ومراته الله يرحمهم وهى منوره حياتنا..
سماسم :وهيفضلو منورين حياتنا يا اخويا..
بس دى سنه الحياه خلينا نطمن عليهم مع رجاله تصنهم.. طوله العمر ليك يااخويا احنا مش هنعشلهم العمر كله..
صمتت قليلا واكملت بعتاب..
وبعدين قولتلك ميت مره عبد الرحمن مامتش..
ابنى شهيد..
والشهيد بيكون عايش فى الجنه عند ربنا..
ابنى بطل يا ابراهيم..
لمعت عيونها بالدموع واكملت..
فى الجنه ونعمها يا قلب امك..
شردت قليلا متذكره يوم وفاه ابنها..
فلاش بااااااااااك
عبد الرحمن:امه يااااااامه اصحى ياست الكل..
لميتى حضرت الغدا وانا مستنيكى اكل معاكى وانزل اصلى العصر فاضلو نص ساعه..
سماسم:تعالى ياقلب امك انا صاحيه..
وبعدين انت عايز تفهمنى انك سبت مراتك تحضر الاكل..
انا قولت هنتغدا العشا على ما تبطلو جرى ورا بعض..
نظرت له واكملت بتعقل..
يابنى قولتلك ليكو اوضه اخفو فيها اعملو ما بدلكو..
عينى برده عليكو يا ضنايا..
ربنا يسعدكو بحق جاه النبى محمد..
عبد الرحمن:يارب ياامه ربنا يباركلنا فى عمرك ياست الكل.. وتجوزى تمارا وتشوفى ولاد ولادها كمان..
وبعدين يا امه انا بجرى ورا لميتى علشانك انت..
سماسم:بستغراب..عشانى!!
عبظ الرحمن:بعبث.. مش انتى عايزه اخ لتماره..
حركت راسها بنعم..
اكمل هو بشقاوه..
يبقى سبينى بقى اجرى براحتى..
اثناء حديثهم دخلت خبطت زوجته ودخلت..
وتحدثت برقتها المعهوده..
لميا:امه الاكل جاهز اجيبو عندك..
نظرت لزوجها..
الاكل جهز يا عبودى..
سماسم:بلويه فم.. ونبى ممحونه..
يابت بطلى سهوكه فرحانه وانا بقفشكو كل شويه وهو زنقك وهريكى بوس..
يله قدامى انتى وهو خلينا ناكل لقمه علشان تلحق تصلى جماعه فى الجامع يا عبودها..
جلسو سويا وتناولو الغداء..
انهت سماسم طعامها واتجهت للحمام..
عبد الرحمن :الحمد لله تسلم ايدك يا قلب عبودك..
انهى حديثه وجذبها داخل حضنه يقبلها بنهم..حاولت هى الفرار من بين يديه بخجل..
تحدث هو بعبث..
استنى بس انا ببوس شكر وتقدير يا لميتى..
لميا:بخجل..بس بقى ياعبودى امك هتخرج من الحمام وتقفشنا..
سماسم:خلصو بوس ولمى الاكل يا ممحنونه..
وانت قوم فز اتوضى وعلى الجامع..
وسبها تخلص اللى ورها وتريحلها شويه..
علشان تبقى فيقالك لما ترجعلها ان شاء الله بليل..
انا عايزه اخ للبت ياواد انت وهى..
ولا اخرك بوس بس يا واد..
عبد الرحمن:فشر ابنك راجل من ضهر راجل ياامه..
حتى اسألى لميتى..
انا هنزل اتوضى فى الجامع يادوب الحق..
خلى بالكو من نفسكو..
لميا:بقلق..انت اللى خلى بالك من نفسك يا عبد الرحمن.. قلبى مبقوض ياعبدو ماتصلى هنا وتأمنا انا وامك..
سماسم:سبيه يابت يصلى فى الجامع..
خليه يأذن..
يله يا واد اتكل على الله قلبى بيفرح لما بسمع صوتك فى الاذان..
مع السلامه يا ضنايا قلبى راضى عنك يا عبدو..
لميا:هشيل الاكل يا امه واصبن المواعين على ما عبدو يأذن واتوضى واصلى معاكى استنينى..
سماسم:بستغراب..بت يا لميا كنتى بتقوليلى يا ماما زى ليلى بقيتى تقولى يا امه ليه..
لميا:بحب..بقولك زى عبدو يا امه..
انا بحب اعمل زى عبدو واقول زيه اى حاجه..
يأمه ربنا يباركلى فيه واموت قبل ما اشوف فى اى شر يارب..
سماسم:طب يله يا ضنايا عبدو خلص اذان اهو اتوضى وتعالى..
اتجهت لميا وتوضئت سريعا..
ركضت للخارج حينمها سمعت سماسم تتحدث بفزع..
لميا بت يا لميا ايه الصوت اللى بره دا..
لميا:مش عارفه يا امه استر يارب..
استنى البس اسدال الصلاه واشوف من البلكونه انا اتوضيت الحمد لله..
أرتدت اسدالها سريعا وركضت للبلكونه لتنصدم مما رات وتتحدث بصراخ ورعب..
الحقى يأمه الناس بتجرى من الجامع بيقولو الميه بتكهرب وهما بيتوضو..
عبدو مخرجش معاهم يامه هنزل اشوفه..
ركضت بكل سرعتها حتى وقفت امام باب الجامع..
تصرخ بعلو صوتها على زوجها..
عبدو يا عبدو..
وجهت نظرها للواقفين وتحدثت بغضب وبكاء..
حد يدخل من الرجاله الواقفه دى يشوف الناس اللى جوه.. انتو بتتفرجو على ايه..
لكنهم ظلو واقفين..
وبلحظه كانت ركضت هى للداخل تبحث عن زوجها بقلب يحترق..
صرخت بعنف عندما وجدته ملقى على الارض ينازع الموت صعقا بالكهرباء..
يا عبدووووو..
عبد الرحمن..
عاااااااااااااا عبدو..
راجل كبير:اوعى تلمسيه يابنتى هتتكهربى معاه هو كان بيساعد اللى اتكهربو والكهربا مسكتو معاهم ابعدى يابنتى الميه اللى فى الارض بتكهرب..
لميا:ابعد عن طريقى انا مش هسيبه عبدالرحمااااااااان..
نهايه الفلاش باااااااااااك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مرات ياسين الزين)
