رواية بين شظايا القلب الفصل التاسع 9 بقلم شروق حسام
رواية بين شظايا القلب الجزء التاسع
رواية بين شظايا القلب البارت التاسع
رواية بين شظايا القلب الحلقة التاسعة
بعد شوية كان دخل وراها لقاها قاعدة علي السرير جنب العيال
ادهم وهو بيحط ايده علي دراعها “جميلة يلا ننزل نتمشي ونخرج” “العيال نايمين يلا بسرعة”
جميلة بهدوء عشان العيال متصحاش”بعد اللي انت قولته من شوية مبقتش في مزاج اخرج أو اعمل حاجة دلوقتي. فهمت؟”
_”قومي بس ويلا البسي وانا هغير مزاجك”
سكت شوية بعدين قال “اجيب طايرتنا الخاصة كمان مرة ونبعد شوية؟”
جميلة سمعت كدا برقت بعينيها وبصتله بصدمة وبفرحة وهي بتقول “هو ده ممكن؟”
_”اه… بس العيال هنسيبهم ازاي؟”
بصت للولاد بعدين بصتله وقالت بهمس ليه “من طريقة نومهم دي ، مش هيصحوا غير الصبح”
_”ممكن كمان اطلب من الدادة صباح تهتم بيهم”
جميلة بحماس “يلا نروح”
_”هو ده طبيعي ؟”
ملامح وشها اتغيرت 180 درجة بعدين قالت بغيظ “انت كسبت”
لسه هتقوم وتسيبه وتمشي راح شدها لحضنه جامد وهو بيقول “بهزر معاكي يا جميلتي ايه مبتهزريش”
خلص كلامه بعدين باسها من خدها
لسه هتتكلم سمعوا صوت ليلي وهي بتنادي علي احمد
راح ادهم ساب جميلة واقفة ونزل وهي بصتله بصدمة
ادهم بقلق وهو بينزل من علي السلم “ايه اللي يا ليلي؟”
ليلي بخوف وقلق”فادي مرجعش البيت من ايام” “حاولت اتواصل معاه، بس موبايله مغلق” “مفيش حد عارف هو فين”
_”حاولت اتصل باخوه بس موبايله مغلق هو كمان”
_”ماما، مفيش فايدة من انك تيجي هنا وتعيطي” قالها عمران ابنها الكبير بثقة وضيق
“بابا كويس”
_”بصي لثقة ابنك” بعدين قال بحذر “ليلي ، فادي بيقضي ساعات وقته فين؟” “انتي عارفة هو بيقابل مين بعد الشغل؟”
_”انت ليه بتسألني كل ده؟”
_”ليلي ، لو كنتي عارفة هو بيروح فين ، وبيقابل مين ، ممكن ابعت ناس هناك يطمنوا عليه” (يابرئ 😒)
ليلي بعياط “انا معرفش وهو بيروح فين أو بيقابل مين ” “الحاجة الوحيدة اللي عارفها أن فيه حاجة حصلت له” “ده محصلش قبل كدا”
فجأة دخلت عليهم حور بقلق وهي بتقول “ليلي، ايه اللي حصل؟” “كل حاجة كويسة ولا فيه ايه قوليلي ايه اللي حصل؟”
ادهم بهدوء وهو بيرد عليها ” فادي مرجعش البيت من ايام” “وموبايله مغلق من ساعتها وموبايل عماد أخوه بردوه مغلق”
_”وعشان كدا ليلي حاسة بقلق”
بصتله حور بشك وغموض ومتكلمتش
حرك شفايفه من غير كلام ليها بمعني فيه ايه
هزت رأسها بمعني مفيش حاجة
بعد شوية كانت الأوضاع هديت شوية وكل واحد راح علي اوضته
في أوضة ادهم وجميلة
جميلة بزعيق “انا مش بحب كدا !”
بعدين قالت بحزن “احنا كنا مبسوطين في استراليا”
“انا مش مبسوطة هنا”
ادهم وهو بيشاور بصوابعه الاتنين اللي ماسك بيهم سجارة ناحيتها وبيقول بهدوء “السعادة قرار يا جميلة”
ربعت ايديها وهي بتبص له بضيق
فقالها وهو بيشاور علي الباب “هنكمل اللي بدأناه ولا لأ؟؟”
_”انا مش عارفة ليه رجعنا أصلا”
فجأة ملامحه اتقلبت 360 درجة وعروقه برزت وعينيه احمرت بغضب حجيمي وأفتكر اللي حصل من كام شهر
FLASH BACK
_”هز الاغتيال علي أحمد عدي الهواري، رئيس مجلس إدارة شركة الهواري للحديد والصلب عالم الأعمال في مصر”
_”ضرب ناس مجهولين ، متنكرين في شكل طلبة مدرسة النار علي أحمد بيه الهواري من مسافة قريبة في ملعب الجولف”
_”والبوليس لحد دلوقتي ما اكتشفش الفاعل” “ومفيش اخبار عن اللي اغتلوه”
_”وأكد وزير الداخلية ان عملية الاغتيال بيتم التحقيق فيها ، علي اعلي مستوي”
_”مر اكتر من24 ساعة من وقت ضرب النار علي أحمد بيه”
_”لكن البوليس ما اعتقلش اي حد وما فيش اخبار عن اللي اغتلوه”
(ده كان كلام الصحفيين اللي كانوا واقفين في فيلا احمد )
وفادي كان عامل مؤتمر صحفي عشان يطمنهم عليه
في الوقت ده كان ادهم نازل من العربيه وهو شايل بنته الصغيرة جودي وجميله وراه ماسكه في ايد ابنها الكبير ادم
وهم داخلين بسرعه وبقلق وخوف في الفيلا عشان يطمنوا على احمد
مره واحده وهم ماشيين واحد من الحرس حط ايده على كتف ادهم يمنعه من الدخول
ادهم بنفاذ الصبر”انا ابن احمد آدهم”
_”مش مكتوب على وشك!!” قالها فادي بصوت عالي وبسخريه
ادهم ادي جودي لجميله تشلها فقالته بهمس “متعملش حاجة”
_”رجعت اخيرا يعني؟” “بابا كويس دلوقتي الدكاترة بيعتنوا بيه”
_”كثير شخصيات مهمه مستنيين يشوفوه هبقى اقول لك امتى تقدر تشوفه” قالها باستعلاء وتكبر وبعدين حط ايديه على كتف ادهم اللي بص له بغضب
كمل فادي كلام وقال”انزل واستنى في الطابق اللي تحت”
الفيلا كلها كانت مليانه شخصيات مهمه رجال اعمال ووزراء واصدقاء وشخصيات كثير من المجتمع المخملي
وشاشه الTV كانت على قناه الاخبار والمذيعه بتقول ” تم نشر ان احمد بيه في حاله حرجه وبيتعالج في منشاه خاصه تحت حمايه مشدده من الشرطه المصريه” “واتكلم فادي بيه ابو الدهب نيابه عن عائلة احمد بيه الهواري ومجموعه شركات الهواري قدام وسائل الاعلان النهارده الصبح أن…….”
ادهم ما كانش مركز في كل ده كل تركيزه دلوقتي ان هو عايز يشوف ابوه بس ويطمن عليه ويعرف مين اللي عمل كده
مرة واحدة
********************************
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بين شظايا القلب)
