رواية انتقام امرأة الفصل الخامس عشر 15 بقلم مريم أشرف
رواية انتقام امرأة الجزء الخامس عشر
رواية انتقام امرأة البارت الخامس عشر
رواية انتقام امرأة الحلقة الخامسة عشر
بصلهم حسام بابتسامه خبيثه وطلع ورا ساره..
خبط على الباب وفتحتله..
ساره بذهول: عاوز ايه ياحسام؟
بص جوه ولقاها بتجمع أغراضها..
حسام: متقوليش انك هتمشي..يا ساره..
ساره بسخريه: أمال هفضل قاعده هنا أتعرض للذل..أنا مقهوره يا حسام والله مقهوره!!
حسام قرب منها: ولو قلتلك اني محضر مفاجأه حلوه ليهم كلهم هتقعدي؟
ساره: مفاجأة ايه دي؟
حسام بص فعيونها بهيام: مفاجأه هتغير حياتنا للأبد..
ساره: م..مش فاهمه؟..حسام انت بتستعبط عليا؟!
حسام اتنهد: انتي فاكره ان أنا واحد ميستاهلش يتحب وواحد..ابن أمه وملوش كلمه قدامهم..مش كده؟
ساره بتعلثم: ح..سام..
حسام بضيق: لازم تعرفي ان أنا كنت بكتم كل اللي بيتقال عليكي وكل المعامله الوحشه اللي بشوفها جوايا..كل يوم بتحرق من جوايا يا ساره!!..أنا آسف..بس متقلقيش..بوعدك انك مش هتشوفي وشهم تاني والفرح ده هيتقلب حزن وهم..
كانت مستغربه من كلامه اللي بيطلع من قلبه وقالت: بس يا حسام..مينفعش كده..أنا همشي..مقدرش أستح..
حط سبابته على بقها: ثقي فيا يا ساره..وأنا هنتقم لك والبت اللي بتتنطط تحت دي..هتتمسح بكرامتها الأرض زي ما ذلتك…صدقيني أنا بحبك يا ساره وعمري ما هتجوز غيرك..
ساره بدموع بصتله بحب: طب والجنين ده؟
اتنهد: محلوله إن شاء الله…أنا هوديكي أحسن وأشهر دكتور..عشان ننزله ولو كتبله ربنا يعيش..فوقتها هنتصرف..متعيطيش يا ساره…كفايه عياط!!
حضنته بحب وكانت بتعيط بشده..كانت بتخرج كل اللي جواتها..لحد ما ارتاحت وبعدت عن صدره..
ابتسم: خلاص ارتحتي..
ساره: بحبك يا حسام!
حسام وهو بيطلع من الأوضه: وأنا أكثر يا ساره..أكثر مما تتوقعي!!
( جماعه الحقوني..بعيط..بعيط😭😖..بجد اتأثرت بالحته دي)
________________________________________________
مر كام يوم على أبطالنا ونيجي ليوم قبل الفرح..
كانت ساره قاعده في الجنينه وبتبص للشغالين اللي داخلين خارجين بحجات الفرح..
ابتسمت بشماته وقربت منها ليلى بخطوات سريعه..
ليلى بغل: انتي يا بت انتي..مش قلتلك أرجع ملقيكيش في البيت ده؟!!!
ربعت ساره ايديها: ليه..كان بيتك؟
ليلى ابتسمت: بيت جوزي..يعني هيبقى بيتي أنا كمان!!
ساره اتضايقت من كلمة جوزي: بس جوزك ده هو اللي طلب مني اقعد عشان أحضر فرحكم ولا أنا غريبه؟
ليلى باندهاش: هتحضري؟!…احم..لأ طبعا!!..انتي عاوزه الناس تاكل بوشنا؟!
ساره: ولا يفرق معايا…لو قلتلهم ولا لأ..أنا كده كده بريئه غصب عن الكل!!
ليلى ضربت برجليها الأرض ودخلت الڤيلا..: ماشي يا ساره الزفت..أما ندمتكيش متسماش ليلى!!
________________________________________________
بالليل وفي مكتب حسام..
كان قاعد بيعمل حاجه على اللاپ وقدامه صاحبه إياد..
إياد بقلق: متأكد من اللي ناوي تعمله يا حسام؟
اتكلم حسام من غير مايشيل عنيه عن الجهاز: وهو حسام بيتراجع في كلامه يا إياد..إياد انت عارف ان أعدى حاجه عندي الخيانه والغدر..في النقطتين دول مبرحمش!!…وهي تستاهل اللي هيحصلها..
إياد: طيب وأمها وعيلتها..وأمك؟!..دي ممكن تروح فيها!!
قفل حسام اللاپ وانتبهلو: ماما عبيطه أوي يا إياد..أجيبهالك من الآخر..كل حاجه كانت واضحه قدامها بس هي اللي دماغها مش شغاله..أما عن أهلها فلازم يعرفو حقيقة بنتهم وياخدو بالهم منها بعد كده…وكمل بضيق: هو أنا ناقص بقى؟!
قام إياد وحضنه: أنا فرحان ليك أوي يا حسام…بكده ربنا هيعوضك كل اللي شفته بخير…بتمنى انك تنجح في ده..ساره بتحبك يا حسام..متخذلهاش..
هز حسام راسه: وهو أنا أقدر..بحمد ربنا انها رجعتلي..مش ممكن أسيبها تضيع مني تاني ولو اتهدو جبال..
________________________________________________
واقفه قدام المرايه وبتغني..
بعدها وقفت بتفكير: يا ترى حسام بيجهز لإيه؟…وهينتقم ليا إزاي؟..ياااه أنا متشوقه أوي لبكره..
________________________________________________
في أوضة مروه..
قعدت جمب خالتها بضيق: ابنك ده يا خالتي هيجنني..قال ايه البنت دي هتقعد هنا وهتحضر الفرح كمان!!..
مروه: يووه..وانتي مزعله نفسك ليه؟..مش خلاص هتتجوزي…خليها تتفقع بقى..انتي أحسن منها ياليلى يابنتي..متخليهاش تأثر عليكي..دي واحده رخ*يصه!!
حضنتها ليلى..بعدها استأذنت تمشي..
ليلى بخفوت: ولو مش هتمر مرور الكرام يا ساره…وانا هربيكي ازاي تكلمي اللي أعلى منك!!
________________________________________________
في اليوم التالي..
الكل واقف بيجهز وبيحضر..والغريبه ان ساره كمان بتساعد..
قربت منها ليلى بضيق: سيبي اللي فايدك يا زفته واطلعي اوضتك!!..ربنا يبعد عننا الحساد يارب..
ابتسمت ساره: آمين يا اختي عالعموم..هروح أحضر نفسي..
قلدتها ليلى بعصبيه وراحت مع الميكاب أرتست تتجهز هي كمان..
مروه: ايه يا بنتي مالكي؟
ليلى: وهو في غيرها؟
بصتلها مروه وهي طالعه عالسلم: خليها كلها يومين وهتمشي لحال سبيلها وتسيبنا..
________________________________________________
أما في أوضة حسام..كان بيجهز نفسه وعقله وكل تفكيره..على المفاجأه اللي هيعملها..
ضحك باستهزاء..بعدها خرج..ولقى ساره لسه هتدخل أوضتها..غمزلها بعدها نزل..
ابتسمت ساره بخجل ودخلت أوضتها..
كان بينزل السلم بهيبه زي عادته..دخل الأوضه اللي فيها الميكاب أرتست ولقى ليلى وأمه وأمها وصاحباتها..
مروه بابتسامه: منور يا عريس!!
رد عليها ببرود: بنورك يا ماما..ها يا عروسه خلصتي؟..الناس بدإت تيجي..
منال: ربنا يخليكم لبعض يا ولاد..يلا يا بنات خلو العرسان شويه مع بعض..
زفر حسام بخفوت وكلهم خرجوا..
ليلى: طالع بتجنن يا حسام..
هز راسه: وانتي كمان..مش يلا؟..
ليلى بتوتر: حاضر…أنا..أنا هطلع بعد شويه..
خرج من الأوضه وراح قعد مع المعازيم..
________________________________________________
مسكت تيليفونه واتكلمت بسرعه..
ليلى: الخطه ماشيه كويس يا (مجهول)..
مجهول: طب ماشي…خدي بالك من نفسك وابقي طبيعيه مش عاوزين نتكشف..
ليلى: طبعا متخافش…هو مش حاس بحاجه أبدا..
________________________________________________
بعد مده..الكل متجهز…والكل بالحفله..
نزلت ساره وكانت زي القمر بفستان موڤي طويل وشعرها متسرح ورا ظهرها ولابسه تاج أبيض فوق راسها..
الكل بصلها بإعجاب من جمالها..أما ليلى وأهلها وخالتها كانو هيموتو من الغيظ..
فضل حسام متنح عليها شويه وبيبصلها من وقت للثاني ليكلمها حد أو يقرب عليها..
مر وقت..والگارسون بدأ يلف بكوبيات العصير…وقفته ليلى: اسمع يله أقولك..وخرجت بودره من جيبها وسكبت منها على واحده من الكوبايات..
: ملكش دعوه باللي هيحصل ولا كإنك شفت حاجه وانا هدفعلك بعدين..شايف البت اللي واقفه هناك دي.
: ايوه مالها..
: روح اعطيها الكوبايه دي..
________________________________________________
يتبع…
لقراءة الرواية كاملة اضغط على : (رواية انتقام امرأة)
