رواية رحلة إلى عالم الأمومة الفصل الثالث 3 بقلم آية ياسين
رواية رحلة إلى عالم الأمومة الجزء الثالث
رواية رحلة إلى عالم الأمومة البارت الثالث
رواية رحلة إلى عالم الأمومة الحلقة الثالثة
– يا مامي..فيه إيه بهدلتي البيت واحنا لسه مرتبينه..بتدوري علي حاجة؟
– آه..بدور علي الخاتم بتاعي.
– خاتم شكله إيه ده؟
– علي شكل قلب كدة.
– ذهب؟
– أيوة ذهب.
– طيب..أنت عندك خواتم كتير..مزعلة نفسك كدة ليه؟
– الخاتم ده مميز بالنسبة لي.
– ليه؟
– ملكيش دعوة..دوري معايا عليه وأنت ساكتة.
بعد فترة من البحث..
– أهو يا مامي..لقيته.
– برافو عليك..روحي هاتي لي حاجة حلوة بقا.
– إيه..حاجة حلوة يا مامي؟
– أيوة..هاتيلي شيبسي ولبان وشوكولاتة وعصير ولب وفول سوداني وبيبسي.
– مش عايزة أخرج..أنا ما صدقت النهاردة أجازة من الجامعة.
– قومي البسي وروحي..اسمعي كلامي.
– يا مامي..أعملك فشار وعصير وخلاص..مش لازم أخرج.
– قومي يا بت بسرعة أحسن لك.
– ولو مقومتش هيحصل إيه؟
– قومي بدل ما أضربك بالشبشب.
– شبشب..عايزة تضربيني بالشبشب عشان مش راضية أجيب لك حاجة حلوة..هي مين مامة مين..نفسي أفهم دلوقتي.
– عايزة تفهمي يا حبيبة مامي؟
– آه.
وفجأة طار ما يسمي باللهجة المصرية”الشبشب” تجاه الفتاة.
– خلاص يا مامي..هقوم ألبس وأروح أهو.
بعد أيام..
– مامي.
– نعم.
– ممكن تعمليلي دعوة للجروب يكون فيه روايات وكدة..عايزة أقرأ رواية..بدل الملل ده.
– أنت عندي في الأصدقاء أصلا؟
– طبعا يا مامي.
– اسم الأكونت بتاعك إيه؟
-اسمه…..
– تمام..إيه ده أنت حاطة صورتك؟
– آه.
– امسحيها.
– ليه..ما أنا علي طول بحط صوري.
– امسحيها حالا.
– ليه يا مامي؟
– عيب تنزلي صورك..أنت عاملة الأكونت للعامة وأي حد يعرف يفتح الأكونت ويشوف صورك.
– أنا مبعملش حاجة حرام أو عيب.
– طب بصي.
– إيه ده؟
– دي اسكرينات كنت شوفتها في جروب عن تعليقات الشباب لما بنت بتنزل صورتها..شوفي..اقرئي كدة.
– مش معقول..الشباب بيبصولنا كدة؟
– وأكتر من كدة.
– خلاص همسح صوري..بس أحط صورة إيه بدالها؟
– حطي ورد..حطي فراشات..حطي صور بنات كرتون..أي حاجة..اتفقنا؟
– اتفقنا يا مامي.
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية رحلة إلى عالم الأمومة)
