رواية هل نلتقي الفصل الثاني عشر 12 بقلم هاجر عصام
رواية هل نلتقي الجزء الثاني عشر
رواية هل نلتقي البارت الثاني عشر
رواية هل نلتقي الحلقة الثانية عشر
روحت وانا قلقان هو مرض بقى عادي مش مرعب يعني وبقى له علاج دلوقتي يعني لو عندي السكر هنعمل نظام غذائي ونتعايش مع الأمر مش هنتضايق يعني كل امورنا خير ولو شايفينها شر من جهلنا الحمد لله
يوسف: السلام عليكم يا جدتي يا قمر
الجده: طلتك زي القمر وبهجه لقلبي يا يوسف مبهج حتى وانت بتخبي عني تعبك
يوسف: انا زي الفل يا حبيبتي حتى لو مش احسن حاجه هبقى كويس صدقيني
الجده: طب قوم قوم عملتلك فراخ مشويه زي العسل ومكرونه وسلطه
يوسف: وعايزاني اتجوز واسيب الدلع ده كله ده يبقى عيب ريحة الاكل اصلا ماليه البيت امال الطعم هيبقى ايه اكيد حكايه
الجده: بطل تطبيل وفره لزوجتك
يوسف: لا أنتِ عارفه اني مش بطبل دي الحقيقه
الجده: طب يلا عايزه الاكل كله يخلص
يوسف: ده كده كده
الجده: هتنزل الچيم
يوسف: اه شويه وانزل عايزه حاجه
الجده: كنت عايزه اكلمك في موضوع بس خلاص
يوسف: انا فضولي زيك على فكره عيب ترمي الكلمه كده وتجري
الجده: يا واد اتلم ،هبقى اقولك بعدين
يوسف: براحتك يا قمري
نيللي: نور يوسف قالي على مسابقه عرض ازياء شاف الفساتين بتوعي وقالي عليها واني اسجل والتسجيل مع لبنى
نور: متضيعيش الفرصه انتِ عامله شغل عظمه
نيللي: خايفه اوي منجحش وخايفه اتعامل مع لبنى دي تاني شفتي عملت فيا ايه اخر مره
نور: ليه كل ده بجد
نيللي: عشان فاكراني هاخد منها يوسف مين قالها اصلا اني بحبه
نور: شافته بيجري وراكي افتكرت كده
نيللي: دي مريضه هتعامل معاها ازاي الفتره دي كلها لا مش عايزه اقدم
نور: لو مقدمتيش هقدملك انا
نيللي: ربنا ييسر هستأذنهم في البيت الاول
نور: امتى المسابقه دي
نيللي: بعد الامتحانات
نور: دي خلاص قربت انتِ لازم تقدمي كل ديزاين انتِ مصمماه
نيللي: عايزه افك البلوك
نور: يختااااي بلوك ايه اللي تفكيه لا طبعا سيبيه يفوق لنفسه
نيللي: تفتكري هيفوق بجد ولا هينعزل اكتر
نور: أنتِ رفضتي يوسف ليه
نيللي: ايه الكلام ده
نور: سمعنا كلامكم وليه قلتي على كريم
نيللي: كان لازم اقول الحقيقه انا بحب كريم ازاي اعلقه بيا يعني
نور: وكريم دلوقتي مطمنك يعني
نيللي: صدقيني مش عارفه اعمل ايه
نور: وماله يوسف
نيللي: مفيش فيه غلطه هو اه انسان ومش كامل بس يتحب بس مش انا اللي تحبه
نور: ليه إن شاء الله
نيللي: عشان كريم
نور: بنلف وندور ونرجع لنفس النقطه انا شايفه إن يوسف احسن منه مليون مره
نيللي: عشان أنتِ بتحكمي بعقلك انا مش عارفه احكم بعقلي انا قلبي عاميني
نور: وده ميأكدلكيش انك غلط
نيللي: مش عارفه بقى سيبيها على الله
مراد: جميله
بعد ربع ساعه
جميله: اتفضل يا مراد في حاجه
مراد: بقالي ساعه واقف تحت البيت تلجت
جميله: بتقول ايه تحت ازاي ومطلعتش ليه بس ثواني هنزلك
مراد: مستنيكي
جميله: بابا مراد تحت
الاب: مطلعش ليه
جميله: مش عارفه ممكن انزل
الاب: ما يطلع هو
جميله: مش عارفه بس هو مستني تحت
الاب: تمام وقوليله يطلع ما ينفعش ييجي ويقف تحت أو تنزليله عيب
جميله بإحراج: حاضر يا بابا اسفه
مراد: سايباني لحد ما اتجمدت
جميله بعصبية: جبتلي التهزيق منك لله
مراد: في حد يقابل خطيبه كده
جميله: ده تصرف مش صح عايز تشوفني كنت طلعت
مراد: انا كده كده كنت طالع بس قلت اجيبلك الخاتم الجميل ده لقيتك متفاعله عليه في بيدج فضه قلت ما ينفعش ميكنش عندك
جميله: ايه السكر ده هو عجبني فعلا
مراد: عارف حتى رقيق شبهك
جميله: بس ده ما يمنعش اني متضايقه منك
مراد: والله عيب ابقى جاي من الغردقه عليكي وتقولي كده
جميله: بتهزر صح
مراد: انا لسه هقعد اسبوع وبعدين اروح البلد بس بكره اجازه قلت اجي اشوفك ما المحب ييجي لحبيبه من اخر الدنيا مشي بردو
جميله: حظك حلو ماما النهارده عامله غدا مكرونه بالبشاميل وبانيه
مراد: حماتي السكر اللي حاسه بإبنها
جميله: لا هي مش عاملاه عشان سواد عيونك ده بابا اللي طلبه
مراد: وانا وحمايا ايه مش واحد
جميله: انت بتقارن نفسك ببابا ده فيها نظرات من تحت لتحت للصبح
مراد: انا ماشي
جميله: لا لا بهزر تعالى يلا
مراد: هقضي الاجازه في الشارع من غير نوم كده
جميله: متتقلش بس
مراد: هو باين عليا اوي كده
جميله: مش قادره اقولك مفضوح
مراد: ما العيون فضاحه بردو
جميله: احنا في الشارع تقريبا
مراد: اطلعي عشان هنتعلق على الباب كمان شويه
جميله بضحك: عندك حق
الاب: مطلعتش على طول ليه يابني
مراد: معلش يا عمي انا عارف أنه غلط
الاب: اخر مره احنا معندناش الكلام ده
مراد: حاضر انا اسف لحضرتك
جميله: ماما متبقي اكل صح
الام: ايوه ناقص نص صينيه وطبق البانيه عندك في الفرن ليه
جميله: مراد هنا وجاي من الشغل
الام: طب سخني بسرعه وانا هعمله حاجه حلوه على السريع
جميله: مش لازم تتعبي نفسك
الام: ده ضيف وجاي من سفر لازم نكرمه
جميله: تسلمي يا ماما يارب بصي جابلي ايه
الام: الله شكله حلو اوي
جميله: كان عاجبني على النت وهو جابه
الام: اوعي تكوني طلبتيه منه ده عليه التزامات كتير متتعبيهوش
جميله: لا خالص يا ماما وبعدين انا مش بطلب منه حاجه ده هو اللي بيجيب من نفسه وما شاء الله كل حاجه بتعجبني
الام: ربنا يتم عليكم بخير يارب
كريم: ماما عايز تليفونك شويه
امل: اتفضل بس ليه
كريم: عايز اكلم نيللي
امل: مش بتتكلموا على النت
كريم: عملتلي بلوك
امل: ليه
كريم: هقولك بس بعدين الوقت اتأخر وانا عايز اكلمها
امل: طيب طيب خد الموبايل اهو
كريم: شكرا يا حبيبتي، أنتِ مش معاكي رقمها
امل: لا معايا بتاع نسرين بس
كريم: مش مهم هكلمها
امل: تمام
كريم: ازيك يا طنط
نسرين: الله يسلمك ياكريم عامل ايه وامل اخبارها ايه
كريم: الحمد لله بخير انا اسف اني بتكلم في وقت مش مناسب بس كنت عايز اتواصل مع نيللي ومش عارف
نيللي: قوليله نايمه
نسرين بإستغراب: نايمه يا حبيبي الصبح هخليها تكلمك
كريم: انا عارف انها جنبك لو سمحتي عايز اتواصل معاها
نيللي: اتفضل نعم عايز ايه
كريم اتنهد: اخيرا يا نيللي عايزين نتكلم
نيللي: انا قلتلك اللي عندي
كريم: نوصل لحل احنا منتظرناش كل ده عشان نفترق في لحظه
نيللي: ده كان المفروض يحصل من بدري
كريم: هنتقابل
نيللي: لا
كريم هجيلك الجامعه بكره
نيللي: مش نازله
كريم: هاجي البيت سهله
نيللي: هو اي كلام
كريم: اه ما لازم نتفاهم ونوصل لحل
نيللي: اخر الاسبوع تعالى عندنا مش هنتقابل بره لوحدنا
كريم: موافق
مراد: تسلم ايدك يا طنط الاكل حلو اوي ربنا يحسن ما بين يديك
الام: حبيبي بألف هنا على قلبك المهم تكون كلت كويس
مراد: لا بجد تسلم ايدك
الام: حبيبي
جميله: اتفقت مع أهلك على ميعاد الخطوبه
مراد: لسه وكمان مش عارف اجيبها ازاي اننا مش هنقعد هناك
جميله: طب وسفرك
مراد: المفروض في شهر ٧
جميله: انت لازم تتكلم معاهم وانا ودراستي ف صعب اوي اسافر معاك لو هنتجوز قبل ما اتخرج
مراد: هحاول اظبط كل حاجه انا بس هتفق معاهم على الخطوبه في اجازتك
جميله: المهم تكون انت مرتاح متضغطش نفسك ومش لازم خطوبه دلوقتي
مراد: انا دنيتي متظبطه متقلقيش انا مشكلتي هسافر ازاي من غيرك لو اتجوزنا من قبل ما تخلصي ولا هقول لأهلي ايه في حوار اني اخد شقه هنا
جميله: كل حاجه خير متشغلش بالك ومتقلقش
مراد: يلا انا همشي الوقت اتأخر
جميله: خلي بالك من نفسك الطريق دلوقتي مش امان
مراد: ربنا كريم ، يلا سلام
جميله: شكرا على الهديه
مراد: لو اعرف انك هتفرحي به اوي كده كنت جبتلك الكوليكشن كله
جميله: تسلم عيونك والله
مراد: مفيش حاجه عندي تساوي ضحكتك دي
جميله: كتر خيرك تسلم
مراد: سلام
يوسف في البلكونه وبيشرب شاي بالنعناع وبيسمع اهرب من قلبي اروح على فين ليالينا الحلوه في كل مكان مليناها حب احنا الاتنين
نجمه: ممكن الصوت لو سمحت مش عارفه اذاكر
يوسف: انا اسف بس صوت ايه اللي واصل لعندك ده مش فاهم
نجمه: عامل ازعاج وانا مش عارف اكمل الروايه
يوسف بفضول: رواية ايه
نجمه: مائة عام من العزله
يوسف: ليه كل ده عايش كل ده في العزله
نجمه: على فكره الروايه جميله جدا متتريقش عليها
يوسف: انا مش بتريق انا بس بعلق على الاسم
نجمه: الشاي ده فيه سكر
يوسف: انا مش مريض
نجمه: احتياطي
يوسف بضحك: متقلقيش انا مش بشرب بسكر
نجمه: واقلق من ايه انت مين اصلا
يوسف: عندك حق ادخلي كملي الروايه يا منعزله أنتِ ادخلي
نجمه: اصل هدخل اكملها من غير ما تقول بس كنت بقولك الصوت
يوسف بإستفزاز على صوت الاغنيه اكتر
نجمه: الناس هتجيبلك الشرطه على فكره
يوسف: ملكيش دعوه
الجيران بدأت تفتح الشبابيك وتبص على مصدر الصوت
يوسف بإحراج: انا اسف وقفل الاغنيه خالص
نجمه بضحك: يعيني عليك فين ثباتك اللي كان من شويه
يوسف: حرام الناس عايزه تنام
نجمه: طيب يا استاذ يا انساني تصبح على خير
يوسف: وانتِ من أهله
يتبع…
لقراءة الرواية كاملة اضغط على : (رواية هل نلتقي)
