رواية موضوع عائلي (الشيخ والبلطجي) الفصل العشرون 20 بقلم رحاب القاضي
رواية موضوع عائلي (الشيخ والبلطجي) الجزء العشرون
رواية موضوع عائلي (الشيخ والبلطجي) البارت العشرون
رواية موضوع عائلي (الشيخ والبلطجي) الحلقة العشرون
#موضوع_عائلي
_الحلقه العشرين
ـــــــــــــــــــــــــــــ
_في بيت حامد الصاوي وفي شقة يونس
كان قاعد بيتغدي وقدامه شهد اللي كانت مدايقه ويونس قالها…
يونس
مش عرفتي كل حاجه ما تتطفحي…
شهد بحده
ما تقوليش اطفحي لو سمحت واصلا مش عايزه اكل بس..
يونس ساب الاكل وقالها
ادايقتي صح هتفضلي كل شويه تفكريني باللي حصل ده، عشان كده ما كنتش عايز احكيلك..
شهد
لا انت كنت لازم تحكيلي انت من يوم ما خطبتني والناس عرفت وانا بسمع اسمها وبتقارن بيها، بسمع رجاله وستات بتقول في ضهري هو خطب دي عشان حلوه ويغيظ بيها نور…
يونس بصلها بجمود وقال
رجاله بتقول عليكي كده؟!..
شهد بضيق
مش موضوعنا ال..
يونس بحده
لا موضوعنا يا شهد الراجل اللي يقولك كده تقلعي اللي في رجلك وتنزلي بيه علي دماغه..
وسابها وقام وشهد قامت وراه وقالت
لا معلش استني ما تغيرش الموضوع وتقوم وانا جوايا مليون سؤال…
_شدها يونس من ايدها وقربها ليه اووي وقالها بطريقه وترتها اووي…
يونس
في ايه ما تهدي شويه قولتلك كنت بحبها وخلاص بقيت في الماضي ومش اي ماضي بقيت الركن الاسود اللي في حياتي…
شهد بتوتر
طيب سيبني بس عشان اعرف اتكلم..
يونس بخبث
كان في مليون سؤال معقول مش عارفه تجمعي منهم واحد، للدرجه دي بوترك..
_كان لسه هيقرب منها اكتر بس موبيلها رن فبعدت عنه هي بسرعه وقالت..
شهد
ااا دي اكيد زهره وحشتني اووي هي واسر وو..
يونس بجمود
مش هتروحي كنتي بايته عندهم بقالك كام يوم خلصنا خلاص…
شهد وهي بتبص في الفون
دي. مش زهره ده الشيخ محمد..
يونس
مين؟!…
شهد بقلق
مم محمد اخوك هو لما كنا في المستشفي اخد رقمي و…
_ قبل ما ترد عليه سحب من ايدها الفون ورد علي محمد من غير ما يقول ولا كلمه ، ومحمد قال..
محمد
شهد انا محمد. لو رقمي مش عندك. ممكن تديني يونس بسرعه…
يونس بجمود
يونس معاك عايز ايه؟..
محمد
تعالي علي مخزن الحديدي مستنيك هناك..
يونس
انت بتعمل ايه هناك اصلا؟..
محمد
ما تقلقش خير بس بسرعه تعالي مستنيك…
_ قال محمد كلامه وقفل معاه، ويونس بص لشهد اللي سألته وقالت…
شهد
هو. كان عايز ايه؟..
يونس
عايز يقابلني هغير هدومي وانزله تعالي معايا ساعديني..
شهد بتوتر
علي فكره انت بتعرف تلبس هدومك لوحدك وايدك الشمال شغاله تمام…
يونس غمزلها
براحتك انتي اللي خسرانه..
ضحكت شهد وقالت
هخسر ايه مش هخسر حاجه علي فكره..
يونس بثقه
تؤ هتخسري وانتي عارفه كويس هتخسري ايه…
_ ما ردتش عليه شهد واخدت الاطباق مكان الغدا ودخلتهم المطبخ ، وبعد شويه دخل عندها يونس وقرب منها وهي بتغسل الاطباق وباسها من خدها وقال بهدوء
يونس
مش هتاخر عليكي
لفت شهد وبصتله وقالت
هو انت رايح لمحمد وراجع علي طول ولا رايح فين؟
سابها يونس وطلع وهو بيقول
اكتر حاجه بتدايقني جو المراقبه ده
طلعت شهد وراه وقالت
انا مش براقبك ولو مش عايز تقولي براحتك انا بس كان قصدي اطمن عليك
_بصلها يونس وابتسم ، وقرب منها تاني وشال خصلة شعرها اللي نزلت علي عينيها وقالها بهدوء
يونس
هو بعيد عن الحلاوه وانك عجباااني اوووي ، بس بحب رقتك في الكلام
ابتسمت شهد بكسوف وقالت
اممم بامارة انك سايبني ونازل يعني
يونس ضحك بهدوء وقالها
والله لو عليا ما انزل غير لما شهر العسل يخلص كله بالتلاتين يوم بتوعه ، بس انا جيبت المعرض وبعدها حصل اللي حصل ده وسيبت الواد يوسف لوحده ولازم اروح اشوف الدنيا ، المهم بقي تستنيني وما تناميش
شهد بخبث
والله انا اخري الساعه 10 ولو تكرمت عليك هيكون عشره ونص انت بقب اتاخرت عن كده هنام وابقي عسل العسل لوحدك بقي
ضحك يونس بصوته كله وقال
لا قبل عشره هكون هنا عشان نلحق العسل من اوله
-قال كلامه وغمزلها وطلع بره الشقه، وشهد راحت وقفت قدام صورته اللي متعلقه في الصاله وقالت وهي مبسوطه
شهد
يخربيت حلاوتك يخربيت كلامك ويخربيت غمزتك ويخرب بيت الكاريزما
قال يونس وهو واقف وراها
ويخربيت دماغك يا شهد بتكلمي نفسك
اتوترت شهد ووشها قلب احمر باحراج ، ويونس بصلها بخبث وقال
يونس
الحمد لله اني نسيت الموبيل عشان ارجع واشوف المجنونه اللي اتجوزتها
شهد بتوتر
ااا انا يي
يونس
بس بس بس تبرري ايه ده انا شوفت بعنيا ، بتكلمي صورتي يا هبله
-طلع يونس وهو بيضحك وشهد فضلت واقفه كام دقيقه تستوعب اللي حصل وفجاه فضلت تضحك اوووي وهي مبسوطه جدا بوجوده اللي غير حياتها من اول ما ظهر فيها
ـــــــــــــــــــــــــــــــــــــــــــــــــ
–وفي كافي بسيط دخلت ولاء ولقيت نسرين قاعده في المكان هناك لوحدها ما فيش حد معاها حتي العمال وقالت ولاء بقلق
ولاء
في ايه يا نسرين جيباني علي ملي وشي كده ليه واصلا ماما بتدايق لما بخرج بالليل لوحدي في ايه
نسرين بهدوء
ما فيش اي حاجه بس انا عايزه اوريكي حاجه
ولاء
هي ايه الحاجه دي انا مش فاهمه حاجه
بصت نسرين بره الكافي وشافت مازن وصل علي اول الشارع وهو بيتلفت حواليه عشان يلاقي الكافي وقالت هي بسرعه لولاء….
نسرين
ولاء اقفي جوه بليييز وما تخرجيش غير لما تسمعي الموضوع للاخر ارجوكي بلاش تسرع
ولاء بقلق
هو في ايه يا نسرين انا بجد خوفت
نسرين بصالها بدموع وقالت
انتي مش بس صحبتي يعلم ربنا انا بحبك اد ايه ومش هقدر اشوفه بيأذيكي واسكت ، ممكن بقي تدخلي جوه واتفرجي علي اللي هيحصل وانتي هتفهمي كل حاجه لوحدك
-سمعت ولاء كلامها وراحت وقفت في مكان متداري بس من خلاله شايفه الكافي كله ، وطلعت نسرين وقفت بره وشاورت لمازن اللي راحلها بسرعه وقال وهو بيسلم عليها
مازن
ما صدقتش نفسي لما لقيتك بعتي المسج وانك عايزانا نتكلم ، ولحد ما شوفتك كنت فاكر انه مقلب
نسريين
عيب يا اسطا هو انا وش ذلك ادخل بس عشان لازم نتكلم
دخلو وقعدو علي ترابيزه قريبه من المكان اللي فيه ولاء اللي بدأت ايديها تتنفض بخوف وقالت نسرين بهدوء
نسرين
انا فكرت في كلامك بصراحه وخصوصا اني زي ما انا عجاك انت كمان مؤخرا عجبتني
مازن ابتسم وقال
بجد وايه بقي اكتر حاجه عجبتك فيا
نسرين
لا لا قبل ما نتكلم في اي حاجه انا عايزه اعرف ايه علاقتك بولاء؟
مازن
هو الجو ده مش طالب ولاء خالص يعني المكان فاضي وانا وانتي لوحدنا وشمع وورد ما فيش بقي كاسين ويبقي الشيطان تالتنا
نسرين بجمود
لو سمحت نتكلم جد شويه عشان اعرف اتعامل معاك يا مازن
مازن اتنهد وقال
مرييضه
نسرين
مش فاهمه ، وضحلي اكتر؟
مازن
والله بجد البنت مريضه وانا بحكم القرابه اللي بينا بساعدها وبهتم بيها هي بقي فسرت ده غلط ، وعلي فكره انا مش عايزها تتكلم مع حد في الجامعه لان كل الحكايه انها بتعمل مشاكل كتير واحنا زهقنا من كده بصراحه
نسرين بصتله بقرف وقالت
اه يا حيوااان
مازن بصدمه
نعم انتي بتقولي ايه ؟
طلعت ولاء من المكان اللي هي فيه وبصت لمازن بدموع وحزن باااين اووي في عينيها ، ومازن قام بسرعه وقرب منها وقال بخوف وصدمه …
مازن
ولاء البنت دي بتوقع بينا والله انا بحبك وو
دموعها نزلت وقالت بصوت طلع بالعافيه
كفايه كدب ، كفايه بقي مش هصدقك تاني
مازن
لا انتي لازم تصدقيني والله العظيم انا بحبك والدليل علي كلامي اني هخطبك والله
ولاء ببكاء
عشان انا العبيطه اللي مش هتشك فيك اللي هتقدر تستغفلها بسهوله وتصاحب دي وترافق دي وهي تبقي مغفله ويتشك فيها وتزعقلها وتمد ايدك عليها براحتك ما هي غبيه وحبتك
مازن بضيق
لا طبعا كل الحكايه انها ضحكت عليا و
ولاء بحده
اخرس خالص هي والكل احسن منك ، انت عمرك ما كنت احسن منهم ازي ما كنتش شيفاك علي حقيقتك، بني ادم مش محترم بتاع بنات من دي ل دي وفي الاخر عايز تتجوز اللي هتمشيها علي عجين ما تلخبطوش ، انا صدقتك انا كنت بصدق اي حاجه بتقولها من غير ما افكر، انت استغليتني ومرضي ده اللي بتتكلم عليه هو السبب اني ابقي لعبه في ايدك
نسرين بقلق
ولاء اهدي يا حبيبتي هو خلاص هيخرج من حياتك وكويس انك عرفتيه علي حقيقته
مازن بحده
انتي تخرسي خالص ، تعالي يا ولاء نمشي ونتكلم لوحدنا
نسرين بعصبيه
مين قالك انها هتروح معاك تاني ولا هتسمعك
ولاء ببكاء
ابعد عني اياك تقربلي انت فاهم لا لا
قرب منها مازن وقال بحده
لا مش فاهم وانتي بتاعتي انا وبس وانا اللي تسمعي كلامه وبس وما فيش اي حد هيتدخل بينا
– قال كلامه وهو بيمسك ايدها بتملك ولما جات نسرين تمنعه زقها جامد لدرجة انه وقعها علي الارض ،واول ما طلعو بره كانت ولاء بتحاول تفلت ايدها منه بس مش قادره وقالت بعصبيه وصوت عالي
ولاء
سيبني بقولك سيب ايدي يا حيوان
مازن بحده
لا مش هسيبك يا ولاء فاهمه مش هسيبك ولا هتبقي لغيري ولا هبعد عنك وغلطه وخلاص مش هكررها
بدأ جسم ولاء كله يتنفض وقالت
ابعد عني بقولك انا مش عايزاااك سيبني
مازن بقلق
طيب اهدي الناس هتتفرج علينا كده اهدي يا ولاء
زقته امد وقالت بعصبيه
ما تلمسنيش ولا هسمع ولا عايزااك انا مريضه وما اتحبش ما كنتش قربت مني يا كداااب
– قالت كلامها وسابته ومشيت بسرعه من قدامه عشان ما يلحقهااش ، ومن غير ما تنتبه عدت علي الطريق العمومي وكانت جايه عربيه بسرعه وفي اقل من لحظه انت بتخبط ولاء جامد لدرجة ان ولاء وقعت علي الارض والدم حواليها من كل ناحيه ، وقف مازن مصدوم من اللي حصل ، وفي الوقت ده جت نسرين ولما شافت ولاء كده جريت عليها وهي بتصوت وبتعيط بخوف علي صاحبتها
ـــــــــــــــــــــــــــــــــــــ
_ وفي مخزن الحديدي وصل يونس هناك ودخل وهو بيبص حواليه ببعض من القلق، واتفاجئ بعادل وكمال متكتفين ومتعلقين ووشهم كله كدمات، ومحمد قاعد علي كرسي جنبيهم وحاطط رجل علي رجل بس مناخيره بتنذف…
يونس بهدوء
ومين فيهم بقي اللي ادااك البوكس في وشك؟..
بص محمد لعادل وقال
ابو نسب حب يعمل عليا جاامد. فاكرني الشيخ الكيوت، ما يعرفنش اني ابن الصاوي ودم الصاوي بيجري جوايا برضو..
_قال كلامن وغمز بنفس طريقة يونس، اللي غصب عنه ابتسم وقال لمحمد..
يونس
كانت هتبقي احلي لو قداام الحته كلها عملت كده..
محمد
العبره مش في اني اقول واعمل لان الناس ليها الظاهر وبس وانا شيخ ولازم ابقي قدوه ليهم…
يونس بسخريه
وعملت كده ليه يا شيخ بقي، مش خايف حد يعرف..
محمد.
ما حدش هيعرف وعملت كده لسبابين الاول انك اخويا الصغير وحقك في رقبتي، والتاني ان حامد. الصاوي ولاده كلهم رجاله ومش لوحدك اللي جامد..
اتنهد يونس بهدوء وقاله
طيب تمام عايز مني ايه بقي..
محمد ابتسم وقال
اللي حصل زمان مش هيتكرر، اخوك في ضهرك ومهما روحت ولا جيت هفضل انا الكبير واجيبلك حقك..
يونس كان بيسمعه وهو مبتسم وقاله
طيب يا كبير متشكرين نفسي اقولك ارودهالك وقت ذنقه بس علي المنظر اللي شايفه ده انت ما يتخافش عليك…
محمد مد ايده وقال
نعتبرها بدايه جديده حتي لو اصدقاء يعني انا راضي..
خط يونس ايده في ايد. محمد وقاله
اخوات اصلا يونس القديم هيختفي واللي جاي حاجه تانيه..
_ ما فهمش محمد كلامه بس قبل ما يسأله رن موبيله ومحمد اخده وطلع، وقرب يونس من عادل وكمال وقالهم…
يونس
كان نفسي اخد حقي منكم بطريقتي بس معلش اخويا ما اتوصاااش برضو، باب المخزن ده هيفضل مفتوح وبكره الحته كلها هتشوفكم وانتو متعلقين زي الخرفان…
_ وبره محمد رد علي هاجر وهو متدايق وقالها بحده…
محمد
في ايه يا هاجر زن زن خمسين مكالمه ورا بعض عايزه ايه؟..
هاجر ببكاء
محمد الحق مامتك تعبت جدا والايعاف نقلتها المستشفي اللي انا شغاله فيها وانا معاها اهو وبكلمك مش بترد وبكلم مازن برضو مش بيرد…
محمد بخوف.
جج جاي حالا خليكي معاها….
_ وبسرعه وقف تاكسي ومشي ولما طلع يونس اخد عربيته وراح لبيت عم بطه وخبط علي الباب وفتحله ابو علي اللي قال..
الاب بقلق
جاي عايز ايه يا معلم يونس…
يونس
وسع كده طيب دخلني، الا ابنك اللي متخبي مني فين.؟..
ام. علي بخوف
بقولك. ايه سيبونا في حالنا ومالكش دعوه بأبني..
_ ما ردش عليهم يونس ودخل بسرعه جوه ولقي علي واقف في اوضته وخايف وقال…
علي
انا اسف ومستعد اعملك اي حاجه بس بلاش تأذيني…
يونس بسخريه
اضرب ايه ده انت طلعت مرا يالا والله انا عيب في حقي اضربك، انت ايه يالا سمعني كده..
بص علي لامه وابوه بخوف وسكت، وزعق فيه يونس بحده وقال…
يونس
انطق يااااه انت ايه؟..
علي بص للارض وقال بدموع
انا مرااا..
يونس بسخريه
انا كنت جاي اكسرلك ايدك اللي لمست مراتي بس دلوقتي لما هتقف في الشباك وتقول انك مرا هعديها واقول ست زيها ونما غير كده هتبقي بايد واحده ومش وصف ولا تقليد ده حرفيا…
علي بغيظ
مستحيل اعمل كده طبعا خد اقطع ايدي..
_ وبعد خمس دقايق كان يونس طالع من بيت اهل علي، وفي الشباك واقف علي وعمال يصوت ويقول بصوته كله انه “مرا”…
ـــــــــــــــــــــــــــــ
_ وبعد شويه وصل محمد المستشفي وقال لهاجر…
محمد بقلق
مالها امي حصل ايه؟..
هاجر بدموع
اتخانفت مع ريهام. جارتكم. القديمه والست دي افترت علي مازن وامك صدقت واغمي عليها…
محمد
هي. مش كانت. ريهام. مشيت وبعدين اشعنا. مازن. يعني وقالت ايه؟..
_هاجر سكتت وما عرفتش تقوله ايه وزعق فيها محمد وقالها بنفاد صبر…
محمد
انطقي يا هاجر…
هاجر بضيق
قالت انها كانت علي علاقه بمازن وكده يعني…
_قعد محمد وحط ايده علي راسه واتعصب جدا وقال لهاجر بجمود…
محمد
ما تكلمهوش تاني المهم نطمن علي امي وبعدين اصرف معاه…
قعدت هاجر جنبيه وقالت
ممكن تهدي شويه هو تقريبا الضغط واطي عند طنط…
محمد بجمود
خيراً يا هاجر خيراً….
_وفي الوقت ده موبيل محمد رن بأسم بنت، وهاجر قالتله بفضول…
هاجر
مين زينب دي؟..
محمد كنسل المكالمه ورد علي هاجر وقال
البنت صاحبة الاكونت اللي قولتلك عليها…
هاجر
ومعاها رقمك وبتكلمك ليه؟..
محمد بحده
خفي برود شويه هو ده وقت غيره ولا زفت…
_قال كلامه وسابها ووقف وهو مدايق، وهاجر عيونها اتملت دموع وبصتله وهي زعلانه من اهانته ليها وسكتت، وبعد شويه طلع الدكتور وقال لمحمد..
الدكتور
ما تقلقش هي بس الضغط وطي شويه معاها وتقريبا ما كانتش واكله حاجه اليوم كله فحصلها اغماء وهبوط حاد..
محمد
تمام يا دكتور شكرا تعبناك معانا…
الدكتور
لا تعب ايه بس كفايه انكم اهل هاااجر، واي حاجه تحتاجوها انا في الخدمه..
هاجر ابتسمت وقالتله
شكرا جدا يا ايهاب يتردلك في الافراح…
مشي ايهاب ومحمد قالها
معارفك كتير هنا يا ست السرنجه…
هاجر بغيظ
هو ده وقته يا شيخ محمد خلينا نطمن علي امك.. قصدي مامتك…
_ دخلو عند هناء اللي كان في محلول متوصل بايدها ودموعها علي وشها ومحمد قرب منها وقال..
محمد
كده تخوفيني عليكي يا نونا..
هناء بدموع
كلم ابوك يا محمد خليه يجي…
بص محمد لهاجر بقلق وقال
اا ليه يا ماما انتي عايزه بابا في ايه دلوقتي…
بصت هناء لهاجر وقالتلها
كلميه انتي يا هاجر خليه يجي حالا ولا اقوم انا اروحله..
محمد
اهدي يا ماما وانا هخليه يجي، بس بلاش تتعبي نفسك واكيد موضوع مازن فيه سوء تفاهم…
هناء بحزن
ياما كنت بلاحظ بينهم حاجات غريبه واقول لا دي ست اد امه ايه اللي هيبصلها دي، ياما كنت بشوف محادثات زي الزفت لاخوك مع البنات واقول طايش بكره يكبر ويتلم طلعت كنت غلطاانه وما ارفتش اربيه..
محمد بضيق
ابوس ايدك اهدي يا امي وكل حاجع هتتحل خليكي واثقه فيا…
_ وفي الوقت ده موبيل محمد رن وكان مازن طلع محمد بره وهاجر فكرته بيكلم زينب وقعدت جنب هناء وما رضيتش تروح ورااه، وبعد شويه دخل محمد وقالها…
محمد
هاجر انا كلمت بابا وهو جاي وانا لازم اروح مشوار مهم دلوقتي..
هاجر بسخريه
اممم براحتك انا قاعده جنب طنط وشويه هنروح اصلا..
محمد
طيب تمام…
_ مشي محمد وراااه في قسم الحوادث وسأل علي ولاء وراح لاوضة العمليات اللي هي فيها وكان مازن ونسرين واقفين هناك، وفي الوقت ده برضو وصل حمدي ومعاه فاطمه بعد ما نسرين كلمتهم وحمدي قال وهو خايف جدا…
حمدي
في ايه ولاء فين وانت بتعمل ايه هنا يا محمد. ومين قالكم…
محمد بقلق
مش عارف مستنيهم انا كمان يفهموني اللي حصل…
حمدي
انطقوو بنتي مالها…
نسرين بصت لمازن بغضب وقالت
انا هقولكم كل حاجه ، ولاء في اوضة العمليات بسبب مازن
-الكل بص لمازن اللي بص للارض بدموع وحزن ، ونسرين قالتلهم كل حاجه وحمدي مسك مازن من هدومه وقاله بعصبيه
حمدي
اقسم بالله لو حصل لبنتي حاجه لقتلك انت فاهم ولا لا
محمد بقلق
خلاص يا عمي ان شاء الله مش هتحصلها حاجه
فاطمه ببكاء
خليه يغور من هنا سيب بنتي في حالها امشي
محمد بجمود
امشي يا مازن
مازن بحزن
طيب اطمن عليها الاول وو
زقه محمد جاد وقاله
قولتلك امشي غوووور من هنا يلااااااااا
– شي مازن وهو مدايق جدا من اللي حصل لولاء بسببه ، وبعد شويه طلع الدكتور وهو باين عليه الزعل جدا وقرب منه حمدي وقال بقلق
حمدي
بنتي عامله ايه اا انا ابو ولاء اللي جوه
الدكتور
للاسف ياحج الحاله صعبه جدا في كسور كتير في جسمها وكمان رجلها الشمال الكسر اللي حصل فيها كان جاامد ومش هتقدر تمشي عليها كويس فيما بعد
فاطمه ببكاء
يا حبيبتي يا بنتي كان مستخبيلك فين بس كل ده
حمد بدموع
نقدر نشوفها ونطمن عليها بس
الدكتور
لا لا صعب جدا لانها هتتنقل العنايه ووجودكم اصلا مالوش اي لازمه تقدرو تمشو وتيجو الصبح تطمنو عليها
فاطمه ببكاء
لا لا انا مش هسيب بنتي انا هقعد معاها لحد ما تقوم لحد الصبح ا اطمن عليها
حمدي
احنا مش هنمشي يا دكتور احنا هنستني هنا في اي حتي مش هنسيبها لوحدها
الدكتور بحزن علي حالتهم
ربنا يقومها بالسلامه ووان شاء الله خير
مشي الدكتور وحمدي قال لنسرين
روحي انتي يا بنتي عشان اهلك ما يقلقوش عليكي
نسرين بدموع
اهلي الله يرحمهم انا عايشه مع خالتي وكلمتها وقولتلها اني هنا مع ولاء ومش همشي غير لما اطمن عليها برضو
قربت نسرين من محمد وقالتله
لو سمحت دي الفيزا بتاعتي هتعبك بس تنزل تدفع مصاريف المستشفي عشان انت عارف ظروف عم حمدي
محمد بهدوء
لا لا انا هدفعهم دول اهلي اصلا خليكي بس معاهم
ــــــــــــــــــــــــــــــــــــــــــــــــ
– في اوضة هناء كانت قاعده علي السرير الطبي وقاعد جنبيها علي الكرسي حامد اللي قالها بحزن
حامد
كنت عارف ان ده هيحصل ومش هتعرفي تربيهم لوحدك
هناء ببكاء
انت السبب انت اللي دمرتني زمان ودلوقتي برضو ، لو كنت سيبتني في حالي كان زمان عيالي عندهم اب وام ومتربين كويس انت لا نفعت زوج ليا لا اب لعيالك كلهم يا حامد انت ضيعت يونس بقسوتك وانا ضيعت مازن بدلعي ليه
حامد بجمود
لو كنتي فضلتي معايا واتقبلتيني ما كانش كل ده هحصل يا هناء كرهك ليه هو اللي قساني
هناء بحده
كفايه طول عمرك بترمي الغلط عليا انا انا واهلي كنا في حالنا انت اللي دخلت حياتنا ودمرتها موت ابويا بحسرته عليا ضعتني وضعت شبابي واحلي ايام في حياتي معاك
حامد بسخريه
ارتاحي طيب اهو اديكي بعيد عني جيباني ليه عشان تانبي فيا
هناء بسخريه
ياريته هيفيد فيك ، ابنك مش عايزه اشوف وشه هو شبهك اصلا خده بقي وربيه طلعه مجرم بلطجي شيل شيلته انا تعبت مش هتبقي زمان انت ودلوقتي ابنك
وقف حامد وقالها بجمود
كل اللي انا فيه ده واللي بيحصل بسبب اني حبيتك بس ما كانش بايدي يا هناء ، حتي مش بايدي اني اكرهك دلوقتي مش عارف
-قال كلامه وطلع من عندها ولقي مازن قاعد جنب هاجر وعيونه كلها دموع وهاجر بتقوله بقلق
هاجر
قوله انت يا عمي ان طنط كويسه ، خلاص بقي يا مازن انا مش بحب اشوفك زعلان
مازن بصلها بحزن وقال
انا اسف والله انا بحبها وما كنتش قصدي اذيها
هاجر بقلق
انت قصدك علي مين علي طنط ؟
جه محمد في الوقت ده وقال بحده
لا هو ما يقصدش امه بس ، هو قصده علي ولاء اللي دمرها نفسيا وكمل عليها بالحادثه اللي حصلتلها بسببه
هاجر بخوف
اختي حصلها حادثه ، اختي مالها يا محمد اتكلم ارجوك
محمد بحزن
انزلي تحت في العنايه هتلقي اهلك هناك وانا هطمن علي امي واجي وراكي
-نزلت ولاء بسرعه وحامد قرب من مازن وقاله بحده
حامد
اضربك ويقولو بيضرب واحد طوله وهيبقي قلهمني انا وياريت بيجي الضرب بفايده
محمد
شايف وصلت امك لايه ، شايف البنت اللي صدقت وكانت بتحبك بجد وصلت لايه بسببك ياريتك مكانهم والله وقتها ما كان حد هيزعل عليك
-سابهم مازن ومشي وهو بيعيط وكلم واحد صاحبه وقاله
مازن
ايوه يا مروان بقولك ايه انا عايز فيزا وتأشيره مضروبين في اسرع وقت
مروان
بس ده هيكلفك كتير وبعدين انت اخر سنه في الجامعه عايز تقدم موضوع السفر ده ليه ما تصبر
مسح مازن دموعه وقال
ما بقاش ينفع اقعد معاهم تاني ، شوف سفرني في حته نضيفه وانا هجيبلك الفلوس اللي انت عايزها وجاي
-قفل معاه وراح اخد تاكسي للمحل بتاع محمد ، ودخل جوه وفتح الخزنه بتاعت الفلوس بتاعت محمد واخد كل الفلوس اللي فيها وطلع لم هدومه ومشي
ــــــــــــــــــــــــــــــــــــــــ
_ وتاني يوم الصبح في بيت حامد الصاوي، وفي شقة يونس كان قاعد. بيفطر هو وشهد وقالها…
يونس
انتي مدايقه ليه. طيب مش عايزه تنزلي براحتك..
شهد
بس الست عظيمه هتزعل لو ما سمعتش كلمها..
يونس
انتي هنا ما تسمعيش غير كلام جوزك وبس، بس انتي ايه اللي مدايقك في النزول..
شهد بضيق
يعني انا هنا براحتي في شقتي تحت هأتر اني ابقي متقيده بالحجاب والعبايه وكده..
يونس
ليه يعني ما فيش حد غريب تحت، وبعدين هو براحتك دي قصدك بيها الارانب والقطط اللي بتلبسيها دي..
ضربته علي كتفه وقالت
مالكش دعوه وايوه اتكسف انا اقعد. قدام باباك كده..
يونس
والله مش لوحدك اللي هتتكسفي انك. هتقعدي كده…
شهد بغيظ
بطل تريقه وبعدين هو انا بقولك تلبس ايه وما تلبسش ايه في البيت لا يبقي تخليك تسيبني البس اللي عايزااه..
يونس بخبث
طيب بصي نتفق انا هكلم مرات ابويا واقولها مالهاش دعوه بيكي واننا هنقعد في شقتنا نفطر ونتغدي ونتعشي براحتنا بس بشرط…
شهد
موافقه من قبل ما اعرف..
يونس بخبث
تلبسيلي حاجه من اللي مركونين جوه دول وكأنك مش متجوزه خالص وما اشوفكيش لابسه البجايم بتاعت الحج الله يرحمها امك دول…
شهد كتمت ابتسامتها وقالت
اااا هو يعني اااا انا بقول ننزل تحت احسن…
يونس بغيظ
لا ما هو انا مش متجوز واقضيها نواشف كده، تتعدلي بدل ما اروح اشتكي لعظيمه..
شهد بخوف
لا لا لا خلاص هي اصلا بتخوفني من غير حاجه..
قرب منها وقالها
اياااكي تخافي من حاجه وانا معاكي اتفقنا..
هزت راسها بايوه وقالت
اتفقنا، بس ممكن اعرف انت ليه رجعتني وليه بقيت بتعاملني كويس..
يونس
لا علي فكره انا بعاملك كويس من الاول انتي اللي كنتي واخده مني جنب، وليه رديتك فهو عشان ااا خايف عليكي حسيت انك بجد مسؤله مني ونظرتك ليا وكلامك لما اتقابلنا الاول في المقابر حسسني انك فعلا محتجالي..
شهد بضيق
شفقه بعني عشان صعبت عليك…
يونس اتنهد. بغيظ وقال
ياربي علي البومه اللي جواكي..
شهد
سمعتك اهو انت بس..
يونس سكت شويه وبعدين قال
عشان حلوه..
شهد بعدم فهم
نعممم مش فاهمه..
يونس بثقه
عشان حلوه، حلاوتك لمستني من اول مره وخصوصا انك حاجه ليا لوحدي وبالطريقه دي، بصي لو كملت هتفهمي غلط فخلينا ساكتين واهو بنبدأ من جديد والدنيا تمام..
شهد بحده
بطل تستعبطني ايوه انا قمر وحلوه بس مش لدرجة اني سحرتك ودوبت فيا من اول مره والكلام ده..
يونس بهدوء
معاكي حق في احلي منك بكتير ومش كل اللي بيشوفك بيدوب فيكي، بس العبد لله شافك بطريقه غير اي حد عشان كده سحرتيه ونستيه حعجات كتير بوجودك معاه…
شهد ابتسمت وقالت
طيب ما كان من الاول طيب..
غمزلها يونس وقال
لا ما هو بعد كده المعامله خد. وهات، اشطا..
شهد
ما اوعدكش بصراحه..
يونس ضحك وقالها
يبقي اتفقنا، همشي انا بقي عشان الشغل ولو احتاجتي حاجه كلميني…
شهد
حاضر وخلي بالك من نفسك وبلاش تعمل مجهود بايدك كتير عشان تخف بسرعه..
ابتسم يونس وقالها
حاضر سلام…
_ مشي يونس وشهد حطت ايدها علي خدها وفضلت سرحانه في كلامه ليها وقالت لنفسها…
شهد
دي متخلفه بقي ده يتساااب بس، وكويس انها سابته اصلا…
ــــــــــــــــــــــــــــــــــــــــ
_ وفي بيت احمد رياض..
كانت نور بتصحي احمد وبتقوله وهي مدايقه..
نور
قوم يلا يا احمد بسرعه..
احمد بضيق
في ايه يا نور شويه وقايم..
نور
لا معلش قوم مامتك هتدايق لو ما نزلناش نفطر في المعاد…
احمد
قوليلهم يطلعولنا الفطار هنا وكبري دماغك من ماما..
نور
لا طبعا وقتها هتدايق مني، بليييز يا احمد احنا لازم نمشي بنظام معاها..
احمد بضيق
نور بلاش تبقي زي امي تمام، انا ايوه بحبها وكل حاجه بس عمري ما حبيت طريقتها..
نور بلا اهتمام
اوكي بس يلا قوم بسرعه عشان ما نتأخرش علي الفطار…
_ قام احمد ونزل فطر فعلا وبعدين مشي هو وباباه وراحو قاباو يونس في المعرص بتاعه ويونس كان عارفه بس احمد ما كانش يعرف اصلا انهم من منطقة اهل نور وقال احمد…
احمد
بجد انا مبسوط منكم اووي الشباب اللي زيكم يتعملهم تناثيل انهم بيوصلو لوحدهم للي عايزينه..
يونس
بالظبط، سلطان بيه بلغني اننا هنبقي شركاء..
رياض.
بالظبط با ابني واوعدك انك لو كنت ابن حلال معايا هتبقي انت وصاحبك ولادي وهتتنقلو في حته تانيه خالص…
يونس بجمود
ما تقلقش يا باشا احنا برضو نعرف الاصول وهدفنا في الاول والاخر المصلحه واننا ننجح…
احمد.
تمام يبقي اتفقنا نتقابل زي النهارده ونمضي العقود ممكن رقمك يا يونس بقي..
طلع يونس موبيله وقال
حصل اكتب عندك….
_ كان يونس بيبصله بجمود وبعد ما مشيو يوسف قاله بحده..
يوسف
انت ناوي علي ايه وليه دول بالذات..
يونس
تصدقني لو كل ده كان صدفه والله واعلم اللي جاي فيه ايه؟..
يوسف
يونس هو انت ممكن تسيب مراتك او ما تحبهاش..
يونس اتنهد وقال
لو حصل هيكون لاي سبب تاني غير نور اطمن…
وابتسم وهو بيفتكر شهد وقال
وبعدين شهد ما تتسابش..
ــــــــــــــــــــــــــــــــــــــــ
_ وفي بيت الشيخ محمد
كان قااعد. مدايق بسبب اللي عملو مازن وقعدت جنبيه هاجر اللي لسه جايه من بره وقالت..
هاجر
ما تزعلش يا محمد يمكن المكان اللي راحله ده يغيره بجد..
محمد
مش هيتغير يا هاجر بس خلصت ولو راجل يرجع..
هاجر
انا عارفه ان اللي هقوله مش وقته بس انا مش مرتاحه معاك وتعبت بجد ومش مستعده يحصلي معاك زي اللي حصل في اختي من اخوك..
محمد بجمود
قصدك ايه؟..
هاجر بدموع
لاخر مره هسألك انت عايزني معاك ولا لا؟..
اتنهد محمد بضيق وقال؟؟…
_ وعدت سنه علي ابطالنا، بس تفتكرو محمد قال ايه لهاجر وكمل معاها ولا لا، هنتقابل الحلقه الجايه ونشوف النقله الزمنيه اللي هتحصل دي هتغير حياة ابطالنا ازاي…
ــــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موضوع عائلي (الشيخ والبلطجي))
