رواية القاسي الحنين الفصل الثاني والعشرون 22 بقلم بسنت جمال
رواية القاسي الحنين الجزء الثاني والعشرون
رواية القاسي الحنين البارت الثاني والعشرون
رواية القاسي الحنين الحلقة الثانية والعشرون
دخلت فرح تمشى بهدوء وبكبرياء ، جلست على مكتبها وأرجعت ظهرها للوراء ، ووضعت رجلا على الأخرى، بينما ينظر لها حازم بابتسامة محب عاشق مشتاق ، سعيد بمشاهدتها على هذه الحالة ، إنها مختلفة تماما عن ذى قبل ، عيونها بها قوة رهيبة وحدة ، يبدو أن مهمتك صعبة جدا يا حازم.
فرح بهدوء: اتفضل أقعد واقف ليه ؟
حازم بحب : إزيك يا فرح ؟
فرح : الحمد لله ، إزيك أنت ؟
حازم : بخير الحمد لله.
صمتت الألسنة قليلا ، فحازم لا يعرف ماذا يقول ؟ ولا من أين يبدأ ؟ لقد ظل طوال الليل يرتب أفكاره وكلامه ولكن الآن تبخرت كل الكلمات ، ومما زاد توتره هيئة فرح ومقابلتها الباردة له .
حازم : وحشتينى.
نظرت له فرح وابتسمت ابتسامة سخرية ولم ترد عليه ، كيف أرد وأنت سبب شقائى وجرحى ووجعى ، هل تتوقع أن أبادلك نفس الاشتياق ، لا وألف لا.
حازم بحزن: طول الليل برتب الكلمات إللى أقولها بس أول لما شفتك نسيت كل حاجة ، ليك حق تزعلى منى .
فرح باستهزاء: أزعل ؟؟ وقت الزعل عدى وفات خلاص .
حازم : أنا راجع لك و جوايا أمل كبير إنك تسمعينى وتسامحينى.
فرح : ياااااه، أسمعك وأسامحك كمان ، متهيألى كتير أوى.
حازم بخجل : أنا عارف قلبك كبير وهتسامحينى.
فرح : لااااا ، ده كان زمان ثم تنهدت وقالت : قول يا حازم جاى لى بعد المدة دى كلها .
توتر حازم كثيرا وهو يحكى لها معاناته مع مرضه ، وبدأ يشرح لها ماذا شعر عندما علم بحقيقة مرضه ، كيف خاف عليها من سماع هذا الخبر ، أحس برعب كبير عليها ، ماذا ستفعلى من بعدى إذا توفانى الله ، وكيف ستتوقف حياتك وترفضى الحياة من بعدى ، حكى لها إتفاقه مع الملعونة هبه ، وكيف خطط لكل هذا ، حكى لها معاناته قبل العملية وبعدها ، لم يرهقه الألم الجسدى بقدر ما آلمه الألم النفسي، قص عليها كيف كانت أمامه في كل لحظة، هى من جعلته يعود مرة أخرى يقف على قدميه ، لا أتوقع أن تعفو عنى ولكن آمل في ذلك
.
كانت فرح تستمع له بثبات تام ، لا تستطيع أن تقرأ أى شئ في عينيها ، ملامحها هادئة ، لا يوجد على وجهها أى رد فعل تستطيع أن تقرأه ، كل ما تفعله أنها تستمع له بهدوء ، وتهز أرجلها بقوة دليل على توترها.
فرح باستفهام : طيب وراجع دلوقت عشان أسامحك صح؟
حازم : لا ، قبل ما تسامحينى عاوزك تعذرينى في إللى عملته ، أنا خفت عليك من الصدمة …..
فرح مقاطعة بانفعال : واللى أنت عملته ده مكانش صدمة ليا ، أنت تعرف أنا جرالى إيه ولا لا ، تعرف عشت إزاى ، كنت هموت وأمى كانت هتموت عليا .
حازم بحزن : أنا عارف كل حاجة ، وكنت متابع حالتك في المستشفى أول بأول.
فرح : طيب كويس إنك عارف ، ليه معرفتنيش، ليه مخلتنيش أشاركك خوفك و تعبك ، كنت أهون عليك وأقف جنبك ، فكرت وخططت لتمثيلة عبيطة وقلت آه دى عيلة هبلة هتصدق ، وفعلا كنت عبيطة وصدقت.
حازم بنفي : أنا كنت بين الحيا والموت ، خفت عليك لاموت ومتعرفيش تعيشي من بعدى.
فرح بحدة : وأنت مين عشان تختار مكانى ، مش يمكن لو كنت حكت لى كنت سيبتك لوحدك ، مش يمكن اخترت إنى أبعد عنك ، وأقولك آسفة مش هقدر أكمل.
حازم بنفي: مش فرح إللى تعمل كده.
أغمضت عينيها بقوة ثم تنهدت و فتحتهما.
فرح : طيب أنت عاوز إيه دلوقت؟
حازم برجاء : نرجع لبعض.
فرح باستفهام : واللى فات؟
حازم : قادرين نعوضه مع بعض.
فرح بانفعال : إزاى ؟ أنت وخفيت الحمد لله ، واتكتب لك عمر جديد ، أنا بقى أخف إزاى من إللى حصل ؟
ثم هبت واقفة واقتربت منه .
فرح بتأثر: بص على إيدى عاملة إزاى؟
نظر حازم على يديها ، وانصدم من حالتها ، فهى ترتعش بشدة ، لم يلاحظ هذه الرعشة عندما دخل.
حازم باستفهام : من إيه الرعشة دى ؟
فرح بحزن شديد : ده عشان عايشة على المهدئات ، مش بعرف أنا إلا لما آخد منوم ، ممنوعة من أى ضغط أو حزن أو انفعال ، تعرف أنا مش بشتغل أى حاجة بنفسي الوقت وبخلى أى حد من المهندسين عندى ينفذ الشغل ليه ؟ عشان مش بعرف أمسك قلم وأرسم ، مش بعرف أمسك مقص عشان أقص ورقة حتى ، شفت أنت عملت إيه ؟ أنا متكسرتش من أبويا زى ما أنت كسرتنى.
إلى هنا وصمت حازم ، تقطع قلبه على فرحته ، ليست فرح التى عرفها ، لقد أنهى فرح وقضى عليها ، لم يفكر فى تبعات خدعته عليها .
وضع حازم وجهه في الأرض وتحرك ناحية الباب ، فلا كلام يقال بعد ما قيل ، التفت لها ورمقها بنظرة شفقة وحب ورحل.
ارتمت فرح على الكرسي، وضعت يدها فوق وجهها ، تحاول أن تهدئ من نفسها من شدة انفعالها من هذه المقابلة ، ثم فتحت حقيبتها وتناولت المهدئ الذى نصحها به الطبيب في الضرورة القصوى.
بعد يومين
يجلس حازم في حديقة منزله في مكانه المفضل، ينظر إلى السماء ، يرى نجومها وقمرها، ينظر لهم كأنه يتحدث معهم ويشكو همومه لهم ، يا قمرى اذهب لها ورقق قلبها على ، يا نجومى حدثيها عن معاناتى بدونها ، يالله كم أتعذب بسبب عذابك وآلامك يا فرحة قلبي.
كان يستمع إلى أغنيته المفضلة هذه الأيام التى تحكى عنه وعنها.
كان ياما كان ، كان يا ما كان
كان يا ما كان ، كان يا ما كان
الحب مالي بيتنا و مكفينا الحنان
زارنا الزمان .. سرق منا فرحتنا و الراحة و الأمان
حبيبي كان هنا .. مالي الدنيا عليا بالحب و الهنا
حبيبي يا أنا يا أقرب مني ليا نسيت مين أنا
أنا الحب اللي كان اللي نسيته قوام من قبل الأوان
نسيت اسمي كمان نسيته يا سلام على غدر الإنسان
والله زمان يا هوى زمان
عند فرح
نجدها تجلس في شرفة غرفتها ، تستمع لنفس الأغنية التى يسمعها حازم ، دوما أفكارهما واحدة، ناظرة أيضا للسماء ، متأملة في القمر والنجوم ، كأنها تقرأ رسائل حازم لها وترد عليه ، لن أقدر على السماح فما عشته ليس بهين ، قلبي تمزق ، لم يعد هناك قلب من الأساس .
آآآآه .. و من حرقة الآه داب الحجر
آآآآه .. من قلب جواه حب اتقتل
و آآآآه على عاشق هواه من غير أمل
آآآآه و الشكوى لله مش للبشر
عسل و مر أنت ، وفا و غدر أنت ، و حب العمر أنت
كدبة أنت كدبة .. لكن أحلى كدبة بعتها لي الزمان
رقة أنت رقة .. لكن شوك و دمع و بحر من الأحزان
عند حازم
حبيبي فداك أنا و سنيني اللي جاية فداك قلبي اللي حبك
امشي فوق دمعي فوق همي و غني
و لا تنزلش دمعة ليلة فوق خدك
أتى صلاح لكى يطمئن على والده ، فهو على هذه منذ يومين.
صلاح مشاكسا: إيه يا عم الحبيب ، استسلمت من أول جولة ولا إيه ؟
حازم بابتسامة حزن : اتغيرت خالص .
صلاح : لازم تتغير ، أنت صدمتها .
حازم بتأثر : وجعت لى قلبي أوى.
صلاح : يعنى هتسلم خلاص؟
حازم باستسلام: مش عارف أعمل إيه؟
صلاح بعقل : حاول مرة واتنين وعشرة ، لغاية لما تطلع غضبها منك ، متنساش إنها معملتش أى رد فعل لما سمعتك وأنت بتعمل الفيلم الهندى ده ، سيبها تطلع إللى جواها كله ، ده رد فعلها عليك ولازم تتحملها.
حازم بتفهم : ده مكنش رد فعل ده انفجار سنتين بحالهم .
صلاح : يبقى خلاص تصبر وتستحمل يا بطل.
عند فرح
أمل : الجميل قاعد بيفكر في إيه ؟
فرح بابتسامة : لا مفيش .
أمل بعتاب : مش قلنا أى حاجة تحكى وتفضفضى معايا ، مينفعش تكتمى جواكى يا فرح عشان صحتك يا حبيبتى.
فرح بتنهيدة : حازم جالى من يومين .
أمل باستغراب : حازم مين؟ حازم صلاح ؟
فرح : أيوة.
أمل بضيق: عاوز إيه بعد المدة دى ؟
فرح بسخرية: عاوز يرجع .
أمل : يسلااااااام، إيه البجاحة دى .
قصت فرح لوالدتها ما حكاه لها حازم عن ظروف مرضه ، وعن تأليفه لقصة رجوعه لحبيبته الأولى ، وكل شئ دار بينهما.
أمل بتعاطف : لا حول ولا قوة إلا بالله، وهو عامل إيه دلوقت؟
فرح: بيقول خف وبقى أحسن.
أمل : أنت مش مصدقة أنه كان تعبان ولا إيه؟
فرح : لا مصدقة ، شكله متغير وباين عليه التعب ، حتى طريقة المشي بتاعته مش قوى.
أمل : وأنت رأيك إيه؟
فرح : رأيى قلته خلاص ، مفيش رجوع ، أنا عيشت من غيره سنتين ، وما محصلش ليا حاجة ، بالعكس نجحت في شغلى ، وشركتى بقت أنجح الشركات في مجالنا.
أمل بحب : اعملى إللى يريحك يا فرح بس أهم حاجة ما تضغطيش على أعصابك.
فرح بجدية : متقلقيش عليا ، هقوم أحضر شنطتى عشان سفرية الغردقة ، مأجلاها بقالى كذا يوم ، كفاية عطلة.
قامت فرح لكى تذهب لغرفتها ، أوقفتها والدتها.
أمل : فرح .
فرح : نعم.
أمل بترقب: أنت لسه بتحبيه؟؟
فرح بحزن : أنا قلبي مات يا ماما لا حازم ولا غيره.
ثم تركت والدتها وذهبت .
أمل لنفسها : كدابة يا فرح.
تفتكروا فرح لسه بتحبه فعلا ولا زى ما أمل بتقول ؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية القاسي الحنين)
