رواية أحلام قاتلة الفصل الثاني عشر 12 بقلم عادل عبدالله
رواية أحلام قاتلة الجزء الثاني عشر
رواية أحلام قاتلة البارت الثاني عشر
رواية أحلام قاتلة الحلقة الثانية عشر
: مش عارفة اقولك ايه يا مازن كلامك صدمني بجد .
: هقولك حاجة بلاش وخلينا زي ما احنا واتصرفي في المبلغ د٤ه من حد تاني .
: انت عارف اني مش قدامي حد غيرك يا مازن .
: طيب خدي فرصة تفكري ولما توصلي لقرار قوليلي .
،،،،،،،،،،،،،،
رغم ان عاصم قلبه معلق بحب منار لكنه كان مرغما علي عدم الذهاب لمنزل منار ومساعدتها في المذاكرة ، ولذلك عندما كلمته منار وطلبت منه الذهاب لمنزلها حاول الهرب وقال لها : انا اسف يا منار امي مريضة الايام دي ومش هقدر اروح اذاكر معاكي في البيت .
منار : يعني انت مش هتساعدني تاني يا عاصم وبتتخلي عني ؟؟
: لأ مش كده .
: اومال انت تقصد ايه غير انك تتخلي عني ؟؟!!
: الايام دي بس لغاية لما امي تخف وتقوم بالسلامة .
: انا عمري ما توقعت انك تتخلي عني ابدا يا عاصم !!
: انتي بتتكلمي بطريقة غريبة اوي !! مين قال اني اتخليت عنك ؟؟ كل الحكاية اننا لما تحبي اذاكرلك او اساعدك في اي حاجة ممكن اثناء وقت تواجدنا في الكلية .
: ماشي يا عاصم اللي يريحك ، الظاهر اننا مش عجبنا مامتك لما جات عندنا علشان كده هي اللي أمرتك تعمل كده .
: لا لا ابدا ، دي حتي ماما حبتكم اوي اوي .
: عموما اللي تشوفو يا عاصم لو عاوز تتخلي عني برحتك ، لكن كنت عاوزة اقولك انك بتتخلي عني في اصعب وقت واكتر وقت محتاجاك تكون جنبي فيه .
: انتي ليه بتقولي كده يا منار ؟
: لا خلاص مش مهم بقي ، دي حاجة تخصني انا وقلبي مع بعض .
: قلبك !!!
: ايوه قلبي اللي كان بدأ يحس بحاجة لكن فجأة حسيت انه وهم .
: يعني عاوزة تقولي انك بدأتي تحبيني يا منار ؟
: مش اقدر اقول كده علشان مش اكدب عليك ، لكن هقولك انك اهم حد واقرب حد مني في كل الناس اللي حواليا .
: وانا اوعدك اني هكون عند حسن ظنك بيا وعمري ما هتخلي عنك ابدا يا منار لحد ما قلبك يعرف انا بحبك قد ايه .
قفلت منار المكالمة ثم سألتها امها : كنتي بتكلمي مين يا منار ؟
: بكلم الاستاذ عاصم طبعا .
: انا جيت في نص المكالمة لكن مش فهمت اي حاجة !!
: الاستاذ عاصم كان بيقولي انه مش هيقدر ييجي يذاكر معايا هنا علشان مامته مريضة .
: وبعدين عملتي ايه معاه ؟
: لازم كنت اعلقه بكلمتين والا كان هيطير مني ، وده لو طار يا ماما يبقي مش هعرف ادخل الامتحان السنة دي .
: وهتذاكروا فين ؟
: هاخده كده علي قد عقله مرة ولا اتنين نذاكر في الكلية وبعدين هخليه ييجي يذاكرلي هنا تاني .
: وهتعرفي ؟
: عيب عليكي ، انتي مش عارفة بنتك ولا ايه !!!
: وعملتي ايه مع مازن هيسلفك الفلوس ولا هنعمل ايه ؟
: عاوز المقابل يا ماما .
: مقابل ايه اللي عاوزه ده كمان ؟
: ما انتي عارفه يا ماما مش لازم اوضحلك يعني ، عاوز بنتك طبعا .
: ابن ال ……. ، وبعدين هتعملي ايه مع ده كمان ؟
: علشان احقق احلامي واحلامنا كلنا هعمل اي حاجة .
: انتي بتستعبطي يا بت !!! يعني ايه هتعملي اي حاجة ؟؟ هتنفذي اللي هو عاوزه !!
: مش بالظبط .
: فهميني هتعملي ايه ؟
: هتشوفي بنتك هتعمل ايه .
وبعد ايام وكانت منار مع عاصم يذاكروا وبيشرحلها بعض الدروس في الكلية فجأة ظهر مازن امامهم ولكن مازن تجاهل وجودهم ومش في طريقه كأنه لم يراهم .
وبعد دقائق قامت منار و أستأذنت من عاصم وانصرفت .
ثم اتصلت منار بمازن واتقابلوا ..
منار سألته : عملت ايه يا مازن في موضوعنا ؟
: موضوع ايه يا منار ؟
: الفلوس اللي طلبتها منك .
: المفروض انا قولتلك كلامي و انا اللي مستني ردك عليا .
: انا عايزة اعرف انت ناوي تساعدني ولا لأ ؟
: وانتي هترجعي الفلوس ولا لأ ؟
: لو قدرت ارجعها هرجعها طبعا .
: ولو مش قدرتي ترجعيها هتبقي الفلوس راحت عليا صح ؟
: بأي حال من الاحوال انا هرجع الفلوس حتي لو اتأخرت شوية .
: وانا بأي حال من الاحوال بحبك وعاوزك .
: وانا موافقة نتخطب دلوقتي ونتجوز اول لما نتخرج .
: انتي عارفة بابا هيرفض دلوقتي ، انا عندي فكرة تانية اجمل بكتير .
: قول يا مازن .
: احنا نتجوز عرفي دلوقتي بدون ما نعرف حد ولما نتخرج من الجامعة اتقدملك ونتجوز رسمي .
((منار فكرت ان لما جوازها من مازن يكون في السر هيكون احسن خاصة انها لو اتعرف ارتباطها بمازن هتفقد مساعدات عاصم لها )) .
منار : اوكي موافقة لكن ليا شروط .
: ايه شروطك يا حبيبتي ؟
: اولا هتدفع الفلوس اللي محتاجنا علشان نوقف حجز الضرائب علينا .
: موافق .
: ثانيا هنكتب ورقتين عرفي يكونوا الاتنين معايا .
: موافق .
: وتجيبلي هدية حلوة علي ذوقك .
: موافق ، هنتجوز امتي يا قلبي ؟
: اول لما نخلص من مشكلة الفلوس اللي علينا علطول .
: اعتبري مشكلة الفلوس انتهت و المبلغ هيكون عندك خلال يومين ،وجهزي نفسك علشان جوازنا هيكون خلال اسبوع .
: اسبوع !!! ازاي ؟
: دي بتاعتي انا بقي .
: طيب فهمني الاول هنتجوز فين ازاي ؟
: اجمل شقة مفروشة هتكون تحت امرك يا برنسيسة وهنتقابل فيها وقت ما نحب .
: انت مجنون يا مازن .
: ودي احلي حاجة فيا جناني .
وفعلا بعد يومين كانت منار معها الفلوس و سددتها .
وكان الدور عليها علشان توفي بوعدها لمازن ….
يتبع…
لقراءة الرواية كاملة اضغط على : (رواية أحلام قاتلة)
