رواية طريق النجاة الفصل الخامس 5 بقلم إيمان خالد

الفصل الخامس

اخذت رحيق داليدا معها صحبة الي المسجد ، وفي لحظة دخول داليدا ذلك المكان الطاهر شعرت بهزه خفيفه في قلبها (بداية إفاقه منه للرجوع الي الله)..

وقفت داليدا بعد صعود أول درجه من السلم الداخلي للمسجد المتجه إلىٰ مجلس السيدات حيث بـدأ الشعـور بـالـتوتــــر و الـحيـاء الشديد يحتلها دون معرفة السبب لدرجه جعلتها تتشبث في مكانه…

رحيق :: مالك يا بنتي إتجمدي كدا ليه!!؟!!

داليدا :: (بذهول وعدم القدرة علىٰ إيقاف دموعها الغزيره عن النزول) إنتي وخداني علىٰ فين ؟!

رحيق :: جيباكي المسجد تقعدي تريحي أعصابك وتهدي نفسك.

داليدا :: طب ليه وإشمعنا المسجد ما إنتي كان ممكن تاخديني مكان تاني مثلاً كافي نادي مقر إستراحه…..؟!!

رحيق :: ههه علشان دا أكتر مكان ويعتبر الوحيد بالنسبالي اللي بلاقي فيه الراحه من ضغوط الحياة…

داليدا :: طيب ليه أنا أول ما دخلت المدخل ومع أول درجه سلم حسيت برعشه شديده في جسمي وكمان تلجت وحاسه إني عاوزه أزيد فالعياط أكتر..!!

رحيق :: علشان دي تعتبر أول مرة ليكي إنك تدخلي بيت من بيوت ربنا يا داليد غير كدا ومين عالم ممكن تكون إرادة ربنا بالهدايه لقلبك و ليكي جه وقته دلوقتي ، تعالي بس إحنا مينفعش نخلينا واقفين كدا كتير يلا بس نطلع و أنا ياستي هبدأ أفهمك كل حاجه تخص دينك بس أنتي تهدي الأول….

صعدت داليدا إلىٰ المسجد (المكان المخصص للسيدات) مع رحيق وفي لحظة دخول داليدا المسجد توجهت بشكل تلقائي إلىٰ القبله و سجدت مع دخولها في حالة إنهيار ببكاء شديد وهي تقول….

داليدا (بصوت عالي) :: لييييه كل دا بيحصل فيا..؟! كلهم طمعانين في فلوسي يخدوهاا ، عاوزين أملاكي يتصرفوا فيها ويخدوها بس ميكنش في بينا خداع أو لعب بكذا وش.

رحيق :: إهدي بس يا حبيبتي وصلي علىٰ النبي مش كدا.

داليدا :: إزاي أنا معرفش ولا عمر عمي كلمني عن ديني ولا إداني فرصه لو للحظه إني أسأله حتىٰ….

رحيق :: إزاي دا بس يا داليدا وأنا اللي أعرفه إن عمك و مراته و أولاده تبارك الرحمن مُتدينين خالص وماشيين بالسنه والشريعه…. لتقاطعها داليدا قائله..

داليدا :: يا رحيق هو عمره ما قالي كلمه واحده تخص ديني و من كتر الفلوس في إيدي خلتني أمتنع عن السؤال لحد ما بقيت حاسه دلوقت إني وصلت لشخصيه أنا مش حباها أنا فعلاً وحشه ومستحقش أعيش لحظه كمان..

لتقاطعها رحيق قائله…

رحيق :: إستغفري ربك يا داليدا مش كدا حرام عليكي ، يمكن كل دا حصل دلوقت علشان خلاص إرادة ربنا بالهدايه ليكي قد حان ميعادها صلي علىٰ النبي كدا وأنا هبدأ معاكي من بكرا إن شااء الله وهعلمك كل حاجه تخص دينك بس إنتي روحي النهارده إستحمي ونزلي تطبيق أذكاري علىٰ محمولك وإقعدي إقرأي فيه ، وبردو عاوزه وأنتي جايه بكرا تكون هدومك محتشمه شويه عن كدا…

داليدا :: يعني ايه؟!!

رحيق :: يعني اللبس المقطع دا بلاش منه إلبسي حاجات متبينش أجزاء من جسمك أقولك إلبسي دريسات بكُم…

داليدا :: بس أنا معنديش ممكن تيجي معايا وأنا بشتري علشان تعرفيني اللبس اللي ديني بيحبني ألبسه ايه؟!!

رحيق :: هههه ماشي ياستي ولا أي مشكله تحبي ىٰ ؟

داليدا :: (بتسرع شديد) دلوقت يلا نروح دلوقت أنا جاهزه.

رحيق :: يااااه دا إيه النشاط دا يلا بينا…..

مــــــر حوالي أكتر من 3 ساعات ،

إشترت داليدا بمساعدة رحيق أكتر من 20 فستان إسلامي محتشم وتركت رحيق داليدا لتذهب إلىٰ بيتها تستريح وتقوم بعمل ما إتفقت عليه في المسجد معها..

فـــــــــــــــــــــــي ﻤـــــــــــنزل داليــــــــــدا….

بــــــــــــــــــــــــــــــدون مقـــــــــدمــــــــــــات..

داليدا :: تقدري تفهميني ليه كل دا ؟!

فريده بإستغراب :: أفهمك إيه يا داليدا تقصدي إيه ؟!

داليدا بإنفعال :: أقصد ربنا ليه معلمتونيش من صُغري أصول ديني !! ليه مفهمتونيش إن لازم أمشي علىٰ حدود ثابته ليه مكلمتونيش عن الحلال و الحرام عن اللي بيغضب ربنا مننا و اللي بيفرحه بينا بردو معرفتونيش الصح من الغلط بالعكس سبتوني أمشي زي ماأنا عايزه صح غلط مش فارقه ، إنتي مش عارفه بسبب إنكم معرفتونيش أصول ديني كويس ذنبكم هيكون إيه عند ربنا.

فريده (بصدمه) :: لأ يا داليدا أنا حاولت كتير بس إنتي شيطانك كان ضاحك عليكي بزياده أبسط المواقف لما كنتي بتفضلي مشغله الأغاني وقت قرآن الفجر كنت أقولك يابنتي حرام شوفي إنتي كنتي بتردي عليا بإيه وإزاي.

داليدا :: الكلام دا أمتىٰ إنتي جايه تعاتبيني وأنا في الكليه ، كنتوا فييييين من صُغري علمتوني إييييييه وأنا صغيره عن ديني و علاقتي بربنا ياشيخه إتقي الله ، كل دا علشان الفلوس كان ممكن تاخدوا الفلوس كلها مقابل إنكم ترشدوني للصح في حياتي مش تسيبوني طايشه مش عامله حاجه لا لدنيتي ولا أخرتي.

فريده (بصرامه) :: لأ يا داليدا إلزمي حدودك إحنا عمرنا ماكنا حاطين عنينا علىٰ فلوسك وأملاكك ولا عمرها كانت في دماغنا ، بس عمك كان بينفذ وصية أبوكي اللي وصاه بإنه ميشدش عليكي ولا يضايقك بكلمه ويراعيكي.

داليدا (بعنف مُصطنع) :: فييين الرعايه دي إنكم تسيبوني كدا دي الرعايه ، إنكم توصلوني لإني أشتري البشر بالفلوس دي الرعايه إني أروح ديسكوهات ونوادي وبارتيهات لنص الليل دي الرعايه ، إن كلمتي دائماً تبقئ مسموعه بدون وضع حدود صح من غلط دي رعايه ، الرعايه اللي بتقولي عليها كانت المفروض بتعليمي ترتيل القرآن بشكل صحيح من وأنا صغيره الرعايه والتربيه الصح عمرها ما هتكون إلا بالصلاة والقرب من ربنا بشتىٰ الطرق واللي المفروض إنك متدينه وعارفه الكلام دا كويس ، بس فعلاً مش أي حد بيصلي و بيصوم يبقىٰ عارف دينه كويس.

فريده :: إهدي بس يا داليدا ، الحمد لله إن ربنا هداكي وأنا من دلوقت معاكي وهعرفك كل حاجه عن دينك.

داليدا :: تعرفيني إيه بس حرام عليكم والله.

فريده :: خلاص يا ست البنات نبدأ من النهارده ونفتح صفحه جديده مع ربنا وهو رحمن رحيم أكيد هيرضى عننا…

داليدا :: بعد إذنك هدخل أرتاح..

تركت داليدا زوجة عمها وإتجههت إلىٰ غرفتها لتقوم بتغيير ملابسها و تبدأ ولأول مرة بقراءة القليل من أيات القرآن الكريم في هدوء وذلك بعد قيامها بصلاة ركعتين شكر لله و قيامها بمسح جميع النغمات والأغاني المزعجه من هاتفها وإستبدالها بسور من القرآن الكريم بصوت أكثر من شيخ فاضل.