رواية معاناة الحب الفصل الثاني 2 بقلم أمل أحمد
رواية معاناة الحب الجزء الثاني
رواية معاناة الحب البارت الثاني
رواية معاناة الحب الحلقة الثانية
= اتضايق اوى من نفسه وفضل يخبط فى دركسيون العربيه بغلّ ..غبى غبيبييي ازاى تقولها كداااا ..وبص عليها يشوفها لقاه عادل واقفلها ومستنيها وهنا النار قادت فى عصام جداً وخاصه لما شاف خوف عادل الشديد عليها
: ايه الى اخرك كده انا قلقت عليكى ..وبص على العربيه ..وانتى جايه مع مين؟
_ بصت على العربيه بخوف ..اااه ده..ده..
= بعصبية وتملك .. أنا عصام خطيبهااا عندك مانعع ولا حاااجه ؟!!
: عصام مين؟ وخطيبها مييين؟ انت بتقول ايه يا جدع انت دينااا مين ده؟؟
_ بتوتر ..ممكن تهدوا وانا هعرفكوا على بعض!
= وانا مش محتاج تعرفينى أنا عارف مين دا كويس اطلعى انتى الوقت اتأخر
: وهو مش انت إلى اخرتها ، دينا لوسمحت عايزه افهم منك انتى ده يبقى خطيبك ازاى؟! اومال أنا ابقى ايه؟
= قرب منه بتوعد وغلّ باين عليه ..طب ما تيجى افكرك انت ميييين يمكن تفوق لنفسك !!
_ قربت منهم بسرعه وبعدت عادل عن عصام الى كان ناوى يضربه ..هوووف ممكن تهدوا لوسمحت
= هو أنا مش قولت اطلعيييى
_ عصااام
= اطلعى يا ديناااا
: هو ايه الى اطلعى يا دينا اطلعى يا دينااا هو انت مفكر نفسك مين عشان تؤمرها كدااا
= محسش بنفسه غير وهو بيمسكه من هدومه بعصبية وبيتكلم بحده .. بس بقا يا اخ عادل دينا تلزمنييييي ولو فكرت بس مجرد تفكير أنك تتقدملها تانى هزعلك وانا زعلى وحش فا اتقى شري عشان إلى بيجى على حاجه تخصنى بيعيط فى الآخر
_ حست بشعور غريب فى اللحظه دى وانبسطت جداً بكلامه وفى نفس الوقت هى متلغبطه هى طول عمرها شايفه عصام اخوها وصاحبها .. طيب ممكن تهدوا وتوطوا صوتكم عشان الجيران سمعتناا
: زق أيد عصام من عليه ..تمااام أنا كلامى مش معاااك ولا معااكى يا ديناا
= ولا ليك كلام عليها اصلااا يا حيلتهااا واتفضل بقا من هنا بدل ما اهينكككك !!
: بصله بضيق من تحت لفوق بقرف ومشى
_ ينفع إلى هببته دااا ..محستش بنفسها غير وهو واخدها وطالع وبيخبط على باب شقتهم ! ..انت بتعمل ايه يا عصاام
= ملكيش دعوه ..وخبط تانى
_ هو ايه الى ملكيش دعوه دا بيتناا على فكره !
: فتحت مامتها ..بسم الله الرحمن الرحيم
= فى ايه يا حجوجه شوفتى عفريتت!!
: يخربيتك خضتنى ايه الى جايبك هنا يا واد الساعه ديي !
_ أنا اعرففف قوليلواا وسع كدااا عايزه اخش الحمام !
= بصلها بقرف وبعدين بص لمامتها .. جرا اي يا حجوجه فى حد يستقبل حد كداا؟!
: وهو فى حد يزور حد فى الوقت دا يا منيييلل !
= احم ..معلش عارف ان الوقت متأخر بس بنتك إلى عايزه الحرق دى ميتسكتش عليهاا
: شهقت بصدمه ..بنت مين ياض إلى عايزه الحرق ياللى تتحرق انت وال…
= خلاص خلاص يا سعاد وربنا ما اقصددد انتى فهمتى ايييييه
: كمان سعاد حاف يالى عايز ربايه من الأول وجديييد ..ومسكت الشبشب
= ياااا دينااااااااا …خلاص يا حجه والله بهزرر
: خد هنااا يا ابن فتحيه تعااااالى ..
= طلع على كنبه الانتريه وكان بيجرى منها فى كل حته
_ خرجت وهى بتنشف ايديها وشافت مامتها وهى ماسكه الشبشب وبتجرى وراه وفطست ضحك …ههههههههه اومال فين عبده موته إلى كان تحت مش شويه
: بس يا زفته انتى أنا بضربه عشانك اصلاا
= وحياه امييي اجيلك بس يا ديناااا
: هتعمل ايييه يا حيلتهااا ؟!
= يا حجوجه دا كلام بنقوله كدا واحنا مش فى وعينا
: ااااااااه احسببب هتعمل حاجه يعنى؟!
= لا ابدااا حد نطق بس بردك مينفعش إلى انتوا كنتوا هتعملوه ده !!
: وايه يا اخويا آلى كنا هنعمله ؟
= قعد بهدوء ..ان عادل دا يجى يتقدملها ويجى كمان من غير علميي لاء وهى كمان عاجبها
: ايوه انت مالك انت الواد كويس ومحترم وانت زى اخو..
= بعصبية ..محدش يقوليي الكلمه دى تانى أنا مش اخووهاااا
: قامت من على الكرسى ..انت عليت صوتك يا واد؟!
= اااه أناا ؟! لا ابدااا أنا هادى اهو
: طب اتلمممم
_ ههههههههههه
= خبطها بكوعه ..ما تتخرسى بقااا وانتى بارده كده !
_ بوجع …ااااه يخربيت غباوتك!
: امها بعمليه .. وبعدين يا سبع البرمبه عايز ايه انت من الحوار دا كله اخلص؟!
= أنا عايز اتجوز دينااا
_ نعممممم ؟!!!
: اسكتى انتى دا كلام كبار ، وبعدين يا حبيبى كمل ..
= ايوه حجوجه قالتلك اسكتى انتى يبقى تتخرسى وتدخلى تعمليلنا كوبايتين شاى ، ولا اقولك خليهم شربات !
: وهى بتضربه فى كتفه ..لا متتنفخش اوى كده يا حيلتها !
= ااه ..ايدك تقيله يا حجوجه براحه عليا دا انا حتى عريس
: اخلص يا وااد ، عايز تتجوز دينا ليه؟
= هو ايه الى عايز اتجوزها ليه ؟ عشان تبقى مراتى يا حجوجه
: هههه لطيف اوى النهارده الواد عصام ..هاتى الشبشب يا ديناا من عندك
= يخربيت الشباشببب يا حجه عيب عليكى دا انا هبقى جوز بنتك
: طب هتخلص وتقول عايز ايه ولا اقوم انقرزك !
= احم ..هقول هقول بصى أنا بصراحة كده بحب دينا وانتى عارفه الكلام دا من زمان
: ااه بس لحد علمى انك بتحبها زى اختك وانتوا طول عمركم اخوات من يوم ما عرفت أمك الله يرحمها
= بتنهيده ..لا طول عمرنا مش اخوات أنا إلى كنت بحاول اقنع نفسي طول المده دى بكدا لكن فى الحقيقة أنا بحب دينا اوى وبغير عليها من اقل حاجه واتأكدت من كدا لما لقيتها بتفكر فى موضوع الزفت عادل دا وعايزه تقرب منه وعارف أنها لحد الان معتبرانى اخوها بس اوعدك أنا هغير دا وهخليها تشوفنى جوزها وحبيبها إلى بتتمناه بس انتى وافقى بس
: اتنهدت ببطئ ..بس يا عصام يا ابنى أنت شاب جدع وشهم وفيك صفات كتير تتمناها كل بنت بس للاسف أنا مش هقدر اجوزهالك !!
= صدمه كبيره نزلت عليه .. وده ليه أن شاء الله ممكن اعرف؟!!
: عشان هى لسه بتعتبرك اخوها ومش هتقدر تشوفك غير كدا وانت تستاهل واحده تحبك وتشوفك زين الرجاله كلها مش مجرد اخ وكمان أنا عارفه مصلحتك ومصلحه دينا
= قام وقف بحزن ..يعنى دا كلامك يا طنط سعاد ؟!
: حقك عليا يا ابنى بس لو فى ايدى حاجه هعملها والجواز دا قسمه ونصيب وان شاء الله ربنا يكون شايلك الاحسن وهتفضل ابنى لحد اخر لحظه !
= متكلمش ولا كلمه من بعدها و خرج وقفل الباب بقوه ..
خرجت دينا من المطبخ وهى متضايقه جداً
_ ليه كسرتى بخاطره؟!!
: وهو فارق معاكى ؟
_ ايوه يا ماما انتى بتقولى اييييه دا عصااام! انتى عارفه انتى عملتى ايه؟!!
:اه عارفه عملت ايه وعارفه كويس أنا بعمل ايه وبعدين خدى هنا هو مش طول عمرك تقوليلى أنه بيحبك وانتى تقوليلى انك بتعتبريه اخوكى هو دا نفس الكلام إلى اتقال! ايه ! ضايقك دلوقتى؟!
_ ااه يا ماما ضايقنيييى انتى حتى مسألتنيش ولا خدتى رأييي !!
: امها بخبث ..طب ولو نفترض انى باخد رأيك دلوقتى هتوافقى؟!
_ بتوتر ..بعد بعد ايييه ما خلاص انتى بوظتى الدنياا
: ديناااا
_ امممم
: انتى بتحبيه؟!
_……..
:بصراحه ومن غير كدب !
_ مم..م..معرفش ؟!
: خلاص لما تعرفى وتتأكدى أنه مش اخوكى يبقى ساعتها الكلام هيتغير ..
_ سكتت ودخلت اوضتها وفضلت طول اليوم تفكر فى عصام وفى مشاعرها إلى اتغيرت فجأة من اخوه ل حب وكميه افكار عكس بعض فى عقلها مش عارفه تعمل ايه؟ ولا تتصرف ازاى؟ لحد ما نامت ..
تانى يوم الصبح
: بهمس ..جدع ياض يا عادل عايزاك بقى ..
_ ماماااا
: طب اقفل ، اقفل دلوقتى ..عايزه اي يا نصيبه؟
_ ايه كنتى بتكلمى مين؟
: وانتى مالك يا حشريه انجزى عايزه ايه؟
_ طيب انااا المفروض اروح الكليه دلوقتى وو ..
: اممممم عادل هيوصلك !
_ عادل مين الى هيوصلنى؟ دا عصام يشقنييي
: وانا قولت عادل هيوصلك ايه هيعترض على كلامى ولا إيه؟؟
_ مامااا هو انتى مستوعبه انتى بتقولى ايه ولا مفطرتيش ولا ايه النظام؟! عادل مين الى لسه عارفينه من اسبوع ودخل حياتنا فجأة كده وتقوليلى كمان يوصلنى الكليه .. طب انتى عارفه اصلا سبب طلوع عصام امبارح معايا ليه عشان عادل كان مستنينى تحت قام مهزقه وهان كرامته ومشاه وطلع معايا وانتى تقوليلى يوصلنى الكليه !!
: طب وانتى؟
_ أنا ايه؟
: انتى عايزه مين يا دينا؟؟
_ اتنهدت بابتسامه ..عصام
: ضحكت بفرحه ..كنت متأكدة!
_ متأكده من ايه يا ماما أنا مش فاهمه حاااجه ؟
: بصى يابنت بطنى ، أنا قصدت اعمل كده مع عصام امبارح عشان يحس على دمه ويجى يتقدم وقصدت بردو اعمل معاكى كده عشان تتنيلى تتأكدى انك بتحبيه وانك ملكيش غيره وهو اكتر حد هيخاف عليكى ويحبك من بعدى ومتفضليش معلقاه كده معاكى لا منه عارف يتجوز ويشوف حياته ولا منه واخد منك ريق حلو وعلى فكره انا الى كنت متفقه مع عادل امبارح أنه يقف يستناكى !
_ بذهول .. ينهار اسوووووووح عليكى يا امييييي دا انتى بوظتى الدنيا اكتررر
: بس يابت يا عبيطه امك خبره
_ طب والواد إلى رفضتيه امبارح عملتى كده ليه؟
: عشان اشوفه هيسعى ويحارب عشان يوصلك وياخدك ولا هيطنش ومش هتفرق معاه انتى أو غيرك !
_ وأخيراً استوعبت الأحداث ..يلهوى عليكى يا امييي بقى عملتى كل داااا؟؟!
: اه واعمل اكتر من كده كمان عشان تعقلوه وتبطلوا التفاهه إلى انتوا فيها وهو يتنيل ياخد خطوه
_ طب طب وبعدين ده زمانه يا ضنايا مقطع نفسه بسبب إلى قولتيهولوا امبارح!
= هنشوف لو مقطع نفسه فعلاً وهيموت عليكى هيتقدم تانى وتالت ورابع لحد ما اوافق وساعتها يبقى هو شاريكى فعلاً وبيحبك بجد
_ طب لو متقدمش تانى يا ماما وسكت على كده هبقى اتخدعت فيه وهو مكانش بيحبنى طول الفتره دي
: تصدقى بالله رغم انك بنتى بس تستاهلى لو معبركيش تانى !
_ الاه طب ليه كدااا ؟!
: عشان الواد متشحطت معاكى بقاله كام سنه وانتى زى الجبله مفيش احساس!
_ والله اول مره احس انى بحبه كده انا بجد عايزه أكلمه دلوقتى واقوله أنا بحبك تعالى وصلنى زى ما بتعمل ونخرج ناكل بعد ما اخلص ونقعد مع بعض نرغى
: ياريته كان سمع الكلام دا بدل ما العك دا كله يحصللل !
_ خلاص بقا يا ماما كفايه تأنيب فياا ..هى الساعه كام معاكى؟
: 11ونص
_ يلهووووى هتأخر عن المحاضررره
: هتروحى لوحدكك ؟!
_ اعمل ايه بقى وبعدين عادى هو أنا صغيره يلا سلاااام
: سلام يا بنت بطنى ..!
قدام البيت
_ عصااام !!
= كان ساند على العربيه وماسك فونه ..ايه التأخير دا كله أنا مستنيكى من بدري
_ ااه اااه ابداً بس كنت بكلم ماما انت! انت كويس؟!
= ليه شيفانى بشد فى شعرى عشان تسألى السؤال دا
_ لاء…اصل..اااه
= يلا يا دينا عشان متتأخريش اكتر من كده!
_ أنا بقول كده بردو ..وركبت العربية
اثناء الطريق ..
_ عصام
= امممم
_ انت كويس؟؟
=وبعدين
_ هو ايه الى وبعدين انت كويس يعنى فى حالتك الطبيعيه!!
= ابتسم بغموض ..اه يا دينا ولو قصدك على إلى حصل امبارح ف أنا تمام وانتى مهما إن كان اختى يا دينا وهتف…
_ لاااء أنا مش اختك يا عصام
= وده من امتى أن شاء الله ، وبعدين انتى إلى بتقولي كده غربيه يعنى !
_ خدت نفس طويل ..بص يا عصام أولاً كدا أنا اسفه بجد على كل لحظه كسرت فيها بخاطرك أو قولتلك كلام ضايقك صدقنى أنا مكنش قصدى وكمااان..أنا كنت متلغبطه فى مشاعرى بس امبارح أنا اتأكدت
= بسخرية ..اتأكدتى أنها مزيفه ؟!
_ ايه الى انت بتقوله داا؟ هو أنا وحشه للدرجادى من وجهه نظرك؟!!
= لا وحشه ولا حلوه ويلا عشان وصلنا
_ تمام يا عصام بس كلامنا لسه مخلصش ..ونزلت وخرج من العربيه وفضل واقف لها عشان يطمن عليها لحد ما اختفت من قدامه ودخلت السيكشن ..
بعد ساعات
_ مين الى كنت واقف معاها دييي؟!
= ببرود ..زميله ليا
_ والله وانت من امتى ليك زمايل هنا؟
= من زمان يا حبيبى وتعالى يلا عشان تلحقى تروحى
_ عصاام أنا بكلمك متغيرش الموضوع ايه البرود داا
= يا إلهى ع النكد عايزه ايه يا ديناا هو مش انتى اختى وانا اخوكى والدنيا حلوه عايزه ايه بقى متضايقه ليييه؟؟
_ بعصبيه ..عشان أناااا…
= بلهفه .. أنتى اييه؟؟
_ ابداااا يلا عشان نروح
= بضيق ..يعنى بردو مش هتعترفى !
_ لا يا عصام طالما سيادتك مش فارقه معاك وطلع فى غيرى والبضاعه تُستبدل عادى
= ضحك من جواه وهو بيقول لنفسه ..بتغيرر ، ايوه بتغيرر مش مصدق نفسى يا لمبييي طلعت بنى ادمه وعندها مشااعر زيها زينا ، وحياه امى يا دينا ما هريحك زى ما دوختينى معاكى !!
_ انت يا ابنيييييي !!
= هاه ..ايه ؟
_ يلااااا هنفضل واقفين
= يلاا
….
_ لا اله الا الله وقفت ليه؟
= بضيق ..هو انتى ممكن تتجوزى عادل؟
_ بمكر ..وايه المشكله ، هو مش كده كده مبقتش فارقه معاك
= اممممم دا انتى مصممه بقى!
_ هو شاب كويس و محترم واا..
= و كلمه كمان هينزل عليكى قلم يندغك صف سنانك !
_ ههههههههه انا عايزه اعرف حاجه ، طالما انت بتحبنى بتكابر لييه؟
= أنا بردووو ولا سيادتك إلى معندكيش دم وكل ما اكلمك تقوليلى اخويا اخويا يا شيخه كرهتينى فى الاخوات كلهمم
_ هههههههههه لا لا خلاص حقك عليا والله أنا بجد مكنتش عارفه انا بعمل ايه ولا بقول ايه ومكنتش حاسه انك مش بس اخويا انت فعلاً حبيبى يا عصام
= يلهواااااااى اشهدووا يا عاااااالم ديناا بتقولي حبيبييييي يلهوى ازغرطط !
_ ضحكت اووى …يخربيتك بس هتفضحنا خلاااااص!
= سبع سنين وانتى جبله مبتحسيش أخيراً يالى تولعى
_ ما خلاص يا عصام بقى الاه!
= وامك؟
_ ما تحترم نفسك يا عم انتت!
= يخربيت دماغك امك إلى رفضتنى انااا اترفض يا ديناااا؟! انااا؟
_ عادى يعنى ما تترفض وتيجى تتقدم تانى وتالت ورابع الاه!
= وحياه ماما دا انتوا متفقييين بقاا
_ احم ..هى قالتلك؟
= قالتلييييي؟!!!
_ براحه بس هنعمل حادثه يخربيتككك …!!
….
: الو يا بابااا
= قلب بابا نعم يا ندوشه؟
_ مامى بتقولك هات معاك مانجا عسان نعملها عثيل
“عشان نعملها عصير”
= منك لله انتى وامك
: بتقول ايه يا بابا؟
= مش بقول حاجه يا روحى ادينى ماما
: حاضلل
_ الوووو
= بكبورت طفح فى وشييي
_منها لله هى وأمهاا هااه!
= عيب عليكى دا انتى قلبى يا دود
_ امممم طب يا اخوياا
= متقوليش اخويااااااا دي تااااانييي أنا بقى عندى عقده منك لله
_ هههههههههه يخربيت الفصلااان بس تصدق لولا الاخوه دى مكانش بقينا فى بيت واحد ومعانا احلى ندى ، بحبك يا عصومى!
= وانا بموت فيكى يا احلى هديه دود فى الدنياا
_ حبيبى والله متنساش بقا المانجا …الو ..الو ..
= عفواً هذا الرقم لقد نفذ رصيده وكمان فلوسه ..!
النهايه♡
لقراءة الرواية كاملة اضغط على : (رواية معاناة الحب)
