رواية حب لن يموت الفصل العاشر 10 بقلم عادل عبدالله
رواية حب لن يموت الجزء العاشر
رواية حب لن يموت البارت العاشر
رواية حب لن يموت الحلقة العاشرة
( الاخيرة )
بعد ما خالد زوج اميرة طلب مهلة للتفكير في الطلاق مرت عدة ايام حاول فيهم خالد الاهتمام بها و استمالة قلبها .
ولكن اميرة صدت كل هذه المحاولات وقالت له: عملت ايه في موضوع الطلاق ؟
: انا بصراحة شايف ان مفيش سبب واضح لطلبك ده وخصوصا ان مفيش مشاكل بينا .
: يا خالد انا عشت معاك السنين اللي فاتت وانا مش موجودة في حياتك وحياتك كلها كانت بره البيت .كل حياتك كانت الشغل ده غير الستات اللي كنت بتعرفهم .ورغم اهمالك ليا حافظت عليك ومش خونتك ابدا رغم اني عارفة انك خونتني كتير .لكن انا لو استمريت معاك بعد كده هخونك .
خالد : هتخونيني !! اميرة : ايوه .
: ليه ؟ انتي في حد في حياتك ؟
: بص يا خالد انا هتكلم معاك بصراحة انا كنت بحب واحد قبل ما تخطبني .ولو انت فاكر كويس الحادثة اللي حصلت لي كانت بسبب ان اهلي غاصبين عليا اني اتجوزك .وانا لما اتجوزنا وبعدت عنه قررت خلاص اني اخلص ليك واديلك كل حياتي وحاولت احبك .لكن انت بعد اول فترة من جوازنا بعدت عني واهملتني وانا رغم كده احترمتك وصونتك في وجودك وغيابك . لكن مع الوقت كان كل يوم حزني وضيقي بيزيد .نفسيتي تعبت اوي .وبصراحة شديدة الانسان ده ظهر تاني وانا مش عاوزة عمري اللي جاي يضيع مني زي اللي فات .يمكن لو كان عندي اولاد صغيرين محتاجبني كنت مفكرتش في نفسي وكنت فضلتهم علي نفسي واستمريت معاك .لكن مفيش عندنا غير فريد واهو كبر خلاص وبقه راجل ومش محتاحني . خالد ..لو انت مش ساعدتني مش هضمن اني افضل مخلصة ليك .انا اتكلمت معاك بصراحة شديدة علشان تكون شايف كل حاجة مظبوط قدامك .وعلفكرة علشان انا مش من طبعي الخيانة او الحرام حتي لو رفضت تطلقني مش هغلط او اعمل حاجة حرام لكن هرفع قضية خلع
خالد كان ينظر لها بدهشة وعندما انتهت من كلامها قال : انا كده خلاص فهمت .اديني فرصة صغيرة وانا هعمل اللي يريحك . اميرة بعدها دخلت غرفتها وشعرت براحة انها قالت لخالد ما كانت تكتمه في صدرها وان ردة فعله كانت بتفهم موقفها .
تاني يوم اتصلت بناصر واخبرته بما دار بينها وبين خالد .وخالد كان سعيد جدا بقرب تحقق امنيته بالزواج منها .وطلب ناصر القاء من اميرة .ولكنها رفضت وقالت نصبر شوية حتي يتم الطلاق وابقي حرة . وبعد ايام تمت اجراءات الطلاق .واصبحت اميرة حرة .
وعندما علم اخوتها بطلاقها سألوها عن السبب فقالت لهم اميرة بكل صراحة كل الحقيقة .ورغم معارضتهم ولكن اميرة قالت لهم ان سواء قبلوا او رفضوا فأن مسألة زواجها من ناصر لا مفر منها .
بعد طلاق اميرة قرر ناصر انه يعرف زوجته انه هيتجوز اميره ويخيرها بين الطلاق او الاستمرار معه بعد زواجه باميرة علشان ميظلمهاش .
غضبت زوجة ناصر وقالت له : بعد السنين اللي ضاعت وحرمت فيها اولادك من حنان الاب تروح تضيع فلوسك علي واحدة تانية !! ولادك دول مش ليهم حق عليك !!وانا اللي اتحرمت من ان يكون جوزي جنبي مش ليا حق عليك ؟ ناصر : اولادي انا مش هقصر في حقهم ولا في حقك انتي كمان .كل تعبي ومجهودي وغربتي كانت علشانكم .
زوجة ناصر : والعروسة الجديدة واولادك منها اللي هييجوا مش بردو هياخدوا من اللي انت عملته لاولادك ؟
ناصر : وفين حقي انا ؟!! ولا اللي تعب وشقي مش من حقه انه يرتاح !!
زوجته : ارتاح ياخويا زي ما انت عاوز .انا هاخد الاولاد ونمشي وابقي اتهنا انت وعروستك بفلوسك زي ما تحب .
ناصر : لا انتي والاولاد هتفضلوا هنا في بيتكم وانا اللي همشي .
زوجته : يبقي تكتب لاولادك البيت والشركة وتديهم الفلوس اللي عملتها علشانهم زي ما بتقول او اننا نمشي ومش عاوزين حاجة منك خالص واتمتع انت بفلوسك وعروستك زي ما تحب وانسي ان كان ليك ولاد .
ناصر : انت عاوزة تلوي دراعي يعني !! انا هكتبلكم كل حاجة لو عاوزة .لكن بردو مش هتنازل عن اللي في دماغي .
زوجته : ياااه للدرجة دي قدرت تأثر عليك !! نفسي اشوفها اللي عملت فيك كده .
ناصر : اللي بتتكلمي عليها دي مالكة قلبي من قبل ما اعرفك .والقلب مش بأيدينا .وبردو سواء حبيتي تطلقي او تستمري معايا انتي فوق راسي من فوق وهشيلك انتي والولاد جوه عنيا .وعلشان تبقي مطمنه انا هكتب لكم كلكم ٧٥٪ من تركتي وهكتفي انا بالربع بس .يرضيكي كده ؟ انا كان ممكن اتجوز من غير ما اقولك لكن حبيت اعرفك علشان العشرة اللي بينا .شوفي بقه انتي عاوزة تكملي معايا ولا تطلقي ؟ وخلي بالك مش هظلمك شعرة واحدة سواء اخترتب تكملي او تطلقي ؟
: اللي انت شايفه .
: اللي انا شايفه اني عاوزك تكملي معايا وصدقيني هشيلك فوق راسي ومش هظلمك ابدا .
كان فريد بيزور والدته اميرة باستمرار بعد طلاقها من والده .وفي احدي الزيارات قال فريد لاميرة : انا سمعت يا ماما ان انتي هتتجوزي .الكلام ده حقيقي ؟ اميرة : ايوه حقيقي .
: ازاي ياماما كده ترضي انك تتجوزي راجل تاني مكان بابا ؟
: يا فريد باباك خاني كتير واهملني وانا عشت معاه علشانك لحد ما كبرت وبقيت راجل ماشاء الله زي الفل .والراجل اللي هتجوزه ده انا اخترت اكمل معاه حياتي زي ما انت هيكون ليك حياتك وباباك له حياته .
: والراجل ده صحيح كنتي بتحبيه ؟
: ايوه من زمان من قبل ما اعرف باباك وكان ممكن في يوم من الايام يكون باباك لولا الظروف .وخلي بالك انا عمري ما خونت باباك وحافظت عليه وصونته لحد اخر بوم .ودلوقتي انا حره في حياتي .
: مادام انتي حرة في في حياتك انسي ان كان ليك ابن .والراجل ده انا مش هسيبه يعيش علي وش الارض يوم واحد لو اتجوزتيه .يتركها فريد ويجري باكيا .وتحاول اميرة ان تلحق به لتهدئته وامتصاص غضبه ولكنها لم تستطع اللحاق به .
ثم تذهب لأحد اخوتها وتحكي له ما حدث مع ابنها فريد وتطلب منه تهدئة غضبه .بالفعل ذهب اخيها لفريد وحاول تهدئة غضبه وحكي له قصتها بالكامل وقال له : كفاية اننا ظلمناها زمان بلاش انت تظلمها دلوقتي .
اتصل فريد بمامته اميرة واعتذر لها عما قاله اثتاء غضبه وبارك لها . اتصلت اميرة بناصر وقاموا بتحديد موعد الزواج .
وبعد عقد القران قالت اميرة : هنقضي شهر العسل فين ؟
ناصر : في المكان اللي حلمنا بيه طول عمرنا . اميرة : فين قولي بقه ؟
ناصر : خليها مفاجأة .انتي دلوقتي تروحي وتجهزي نفسك للسفر بكره .
تاني يوم ناصر اخد اميرة وسافروا وكان حاجز شاليه علي البحر في مكان ساحر .
ناصر : ايه رايك في المكان ده ؟ مش ده شبه المكان اللي كان نفسك نقضي فيه شهر العسل ؟
تضحك اميرة وتحتضن زوجها ناصر : اي مكان معاك هيبقي جنة .
انتهت .
لقراءة الرواية كاملة اضغط على : (رواية حب لن يموت)
