رواية خطة 707 الفصل التاسع عشر 19 بقلم ميرنا ناصر
رواية خطة 707 الجزء التاسع عشر
رواية خطة 707 البارت التاسع عشر
رواية خطة 707 الحلقة التاسعة عشر
= لا سيبونى أرجوكم…لا سيبونى.انا مش عايزه…ارجوك يابابا سيبنى..إبراهيم انت ساكت ليه انقذنى ارجوك.. يا ياسر.. انت فين يا ياسر .. إلحق اختك… انا مش عايزه اروح سيبونى.. هعمل اللى عايزينه والله مش هتكلم مش حكى مش هتنفس.. سيبونى… ابعدواا عنى.. حد يلحقنى ارجوكم.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
_ خالى.. يُسر لازم تطلع من المستشفى.
= إبراهيم يابنى يُسر خطر على كل اللى حواليها، هتضر نفسها وهتضرك وممكن تأذى اى حد.
_ بس حضرتك هى تعبت.. هى كل اللى محتاجاه شوية إهتمام و نفهم هى عايزه ايه بس.. ما يمكن اللى بتقولوه حقيقة ياخالى.
= حقيقة إيـه انت التانى.. انت هتتجنن زيها، إبراهيم انا مش عايز مناقشة فى الموضوع ده يُسر مريضة ولازم تتعالج.. وكمان حكاية الانتحار ده علامة لمؤشرات خطيرة فى تدهور حالتها، ودا كلام الدكتور.. هستنى ايـه لما تمـ وت فى محاولة من محاولات إنتحـ ارها .. البنت مش متزنة نفسيًا بالمرة.
_ وهى كدا مش بتمـ وت من المسكنات والمهدأت والأدوية اللى دمرتـ ها..
= إبراهيم.. انت بتعاند ليـه.. البنت مريضة وعرضتك لأذى واهى عرضت خطيبها لأذى باختراع أكذوبات من هلاوس عندها خليته يلغى الفرح، وطلع عليها كلام الفكرة مش هقدر الومه لان الكلام طالع من لسانها هى..يعنى طلعت على نفسها، واذت نفسها بالإنتحـ ار..هستنى إيـه تانى.
_ يمكن كلامها صح.. انا مش مدرك حاجة ولا فاهم ايه الكلام اللى بيتقال ولا قريته اصلا.. بس هسمع، مستنى اسمع منها. وممكن نسافر بيها بره اسافر بيها حتى لو كلامها مش منطقى ولا له أصل من الاساس، الطب النفسى هناك متقدم جدًا عن هنا .. فتتعالج بره أحسن.
= تتعالج بره بعيد عننا؟
_ انتوا كدا كدا بُعاد ياخالى.
= ولد..انت إزاى بتكلمنى كدا؟
_ انا عايز اطلب إيد يُسر ياخالى.
= تتجوزها وهى مريضة فى مصحة، ومش بس كدا دى مش مريضة عادية، دى مريضة نفسية.
_ اه عادى.. انا قابل ده انا عايزها.
= انت عايز تتعالج زيها بالظبط والله.
___________________________________________
| فى المصحة|
_ جيت ليه سبتنى وإتخليت عنى على الرغم من قولك انك مكان ياسر.
= يُسر.
_ إدمرت.. يسر إدمرت وتعبت.
= بتسهرى؟
_ ايـه!
= بقول لك بتسهرى؟
_ ما انا سمعت بس مستغربة الكلمة.
= مفيهاش استغراب.. لو مش بتسهرى.. دى برشامه هتخليكى تسهرى..متخفيش مفيهاش اى اعراض جانبية..حاولى متاخديش اى ادوية النهاردة.
_ إزاى ماخدش؟
= حطيهم تحت لسانك وبعد مايمشوا ارميهم بمعنى اصح اعملى نفسك اخدتيهم.
_ طيب والبرشامة اللى بتسهر دى ليه؟
= عشان هنهرب.
_ ايـه؟
=هنهرب يا يُسر هنهرب.
_ هنهرب نروح فين.
= اسكندرية.
_ وهعمل ايه هناك؟
= يُسر، عايزاك تفهمينى.. ومتفهميش بعمل ده ده من ورا اهلك او انى اخد حقى ولا كل الكلام الأهبل ده.
_ بمعنى؟
= انا طلبت إيدك من خالى بس هو رفض.. علشان يعنى..
_ مريضة نفسية.. وانى مش مؤهلة اخد الخطوة دى.
= بس انا مش شايفك مريضة نفسية.. انا معرفش القصة جايز بس فاهم ان من زمان عندك موهبة انك بتسمعى الحاجات البعيد.. معرفش ايه الجديد ولا القديم حتى..كل اللى أعرفه إنى مصدقك ومؤمن انك مش مريضة.. وعارف انك بس محتاجة حد يفهمك.. انا عايز إننا نسافر بره ونعرض أمرك على دكاتره.. والعلم هناك متقدم جدًا. أكيظ فى تفسر علمى ومنطقى للى بيحصل.. دا مش هيتم الا لو اتجوزنا عشان سفرك معايا ميكونش فى اى نوع من إنه حرام ، ودا أول حل.
_ وتانى وحل؟
= إنى أهربك برضو .. وانتِ تقررى وحدك .. تسافرى تكملى هنا…انا كدا كدا هتكفل بكل المصاريف.
_ مقابل؟
= مقابل!! انتِ شايفانى كدا يايُسر.
_ كلكم كدا ياا بن عمتى.
= لا ياستى خليها علينا المرادى..انا مش عايز حاجة.
_ فكر كويس.
= فكرى انتِ كويس.. انا عارف انهم مانعين الموبايلات.. دا موبايل جيب صغير محدش هياخد باله متشغليهوش إلا لما تاخدى القرار باليل .. واياكِ تشغليه عشان الانذار اللى جوه ميكشفهوش.
_ ولو اخدت القرار متاخر.
= معاكى لحد الفجر..بعد الفجر مش هينفع هنتستنى اليوم اللى بعده.
_ انا مش موافقة.. لو كنت عايز تساعدنى ياابن عمتى.. كنت وقفت اللى بيحصل من هناك.. انت موقفتش..انت وافقت.
= يُسر مش وقته عِناد، دى الطريقة الوحيدة.. اللى ينفع تنجو بيها من المكان ده.. فكرى.
_ لا مش محتاجة..تفكير.. هموت هنا احسن.. انا مش عندى المقدرة على الهرب ولا عندى طاقة حتى.
= انا هتصرف وقتها المهم.. تاخدى الخطوة.
_ متتعبش نفسك انا مفيش منى رجا خلاص .
= عموما البرشامه معاكِ، والفون معاكِ.. مستنى قراراك بـ اه وأو لاء فى اى وقت بس بعد الفجر لاء.
_ إبراهيم.
= نعم.
_ انا اسفة على كلامى الغلس ده..انا
= مقدر اللى انتِ فيه.. متتأسفيش اه صحيح رقم حبيبة موجود ممكن تاخدى رأيها وتتكلموا.. بس برضو باليل انا فهمتها.
_ من غير ما اكلمها انا مش ههرب..خلاص هعيش هنا.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خطة 707)
