رواية خدعة حب الفصل الثالث 3 بقلم أمنية حاتم
رواية خدعة حب الجزء الثالث
رواية خدعة حب البارت الثالث
رواية خدعة حب الحلقة الثالثة
كريم: الخبر ده هيفرحكم كلكم وخصوصا كارما
فاطمه: طب يلا قول بسرعه
كريم بسعاده: انا هخطب رضوي زميلتي
صفاء: الف مبروك يا حبيبي أخيرا هفرح بيك
ناديه: أخيراً قررت تريح قلبي يا كريم
كارما: الف مبروك وطبعا انا عارفه قبلهم
كلنا باركنا ل كريم ماعدا فاطمه واقفه مصدومه ومتكلمتش
كارما بصوت واطي: يابت باركي ل اخوكي
فاطمه: ااا اه طبعاً
مبروك يا حبيبي ربنا يفرح قلبك
قطعنا التورته وكلهم فرحانين بالخبر ده وفاطمه كل شويه تبصلي علشان تتأكد إني بضحك وكويسه
كارما: الوقت اتاخر وانا لازم انزل علشان هصحي بكرا بدري
كريم: ياريت وانبي تصحي بدري
فاطمه بصوت واطي: هتنزلي تشغلي اغنيه عيد ميلاد جرحي أنا ولا تامر عاشور
كارما بهزار: هنزل اكل جاتوه تاني وانام
فاطمه: هو انتي با’رده ولا انا اللي اوڤر وفاهمه غلط!!!!
كارما بضحك: بصراحه كده الإثنين يا بطوط……. يلا سلاااام
نزلت بسرعة لان انا مش عارفه مالي أصلا… مش قادره احدد موقفي وهربت من التفكير بالنوم
صفاء: يلا يابنتي هتتأخري
كارما: هي الساعه كام
صفاء: الساعه 10
كارما بخضه: يالهوي وسيباني كل ده ياماما
قومت بسرعه اتوضي واصلي قبل ما انزل
صفاء: طالما قومتي من علي السرير يبقا الساعه 8… اجهزي براحتك بقا
كارما: طب لييه الخضه دي علي الصبح
صفاء: علشان تقومي من علي السرير بسرعه
وبعدين هي دي اول مره يعني؟؟
كارما بضحك: لأ مش أول مره
ده انتي معيشاني في توقيت السعودية من زمان وكل مره اتخض برضو
صفاء بضحك: جدعه
يلا بقا علشان نفطر
دخلت اللبس بسرعه عشان متأخرش
كريم: صباح الخير يا صافي
صفاء: صباح الخير يا حبيبي
تعال افطر عقبال ما كارما تخلص
كريم: نفسي مره اجي القيها مستنياني
كارما: والله ساعات بحاول ومش بعرف برضو
صفاء: هروح اجهز الفطار بسرعه
كريم: عاوزك تيجي معايا اجيب طقم شيك كده علشان لما اروح ل رضوي
كارما بهزار: هيبدء يتعبني بقا
كريم بضحك: اعيش واتعبك عادي
وبعدين انا كنت عارف انك هتفرحيلي
احنا اكتر من اخوات
كارما: اكيد طبعآ
كريم: انا عاوز اقولك حاجه مهمه
انتي وفاطمه غلاوتكم زي بعض ف مفيش حد هيجي ياخد مكانكم ابدا
انتم اغلي حاجه عندي
كلامه وفر عليا تفكير كتيير واني كنت فاهمه اهتمامه غلط… انا بس كنت متعوده علي وجوده واهتمامه مش اكتر من كدا
______________________________
كارما: صباح الخير علي احلي أسيل
أسيل: صباح النور
كارما: انا حبيت اجبلك هديه بسيطه كده علشان تبقي تفتكيرني بيها
أسيل بفرحه: الله دول حلوين اووي
قررت اشغل تفكيرها في حاجه هي بتحبها جبتلها اولوان كتير وادوات رسم وكتب كتير
كارما بإبتسامة: انا مبسوطه انهم عجبوكي
أسيل بسعاده: انا زمان كنت بقرء وبكتب كتير وكان نفسي اكون كاتبه مشهوره
كارما: طيب ليه مكملتيش في المجال ده
اسيل بحزن: علشان كان بيقولي إني مش هنفع وان دور النشر هتسيب كل الناس المشهوره والموهوبه دي وياخدو كتابتك انتي!!!
كارما: بس انتي من حقق تحلمي بأي حاجه بتحبيها
أسيل: بس برضو حلمي ده مستحيل والمفروض احلم علي قدي وبطريقه منطقيه
كارما: مين قالك ان لازم تكوني منطقيه وانتي بتدعي او نفسك في حاجه معينه تحقق حتي لو كانت الاسباب مستحيله!!
سيدنا زكريا دعى ربنا انه يرزقه بالولد مع ان سنة كان كبير قوي وزوجته مكنتش بتخلف بس ربنا ﷻ قال ساعتها “هُوَ عَلَيَّ هَيِّن”
النبي (ﷺ) بيقول {إذا تمنى أحدكم فليستكثر، فإنما يسأل ربه }
يبقا احلمي واسعي وملكيش دعوة هتحقق ازاي
أسيل بإبتسامة: عندك حق… ربنا معندهوش مستحيل
كارما بغمز: والله قمر وانتي مبتسمه كده
يلا هسيبك مع الكتب براحتك…سلام
_______________________________
خلصت شغل وروحت مع كريم علشان نشتري الهدوم
كريم: ها حلو القميص ده
كارما: قميص اسود!!!
يابني فتحها شويه انت رايح تخطب
كريم : ايوه صح
اجيب ايه طيب؟؟
كارما: حلو الابيض ده.. وكمان اللبني
والزيتي ده عليك تحفه…يلا خدهم كلهم
كريم: تمام هاخدهم
اشترينا شويه حاجات تانيه وقعدنا نشرب حاجه
كريم: جبت كل حاجاتي وقاعدين نشرب حاجه في ساعه واحده.. واخده بالك
كارما بضحك: بتلمح ب اييه بقااا
كريم: اننا بنفضل نلف طول اليوم علشان بلوزه او طقم وبتبهدليني
كارما: ده عادي علي فكره
يعني اشتري حاجه مش حلوه؟؟!
كريم بهزار: لا إزاي… نلف وندور عقبال ما حاجه تعجب الهانم وتطلعي عيني انا
قعدنا نهزر وكل وقت بيعدي بتأكد أن انا متعوده علي وجوده وكلامه لكن مش بحبه… قلبي متأثرش بوجوده أبداً ولا اتحرك نحيته
________________________________
كريم: صباح الخير يا كارما.. انا عندي مشوار كده ومش هاجي المستشفى بدري
كارما: مشوار ايه؟
كريم: هبقي اقولك بعدين… سلام
روحت المستشفى وشوفت المرضي وقعدت اسريح شويه واشرب قهوه
مازن: احم صباح الخير
كارما بإبتسامة: صباح النور يا كتور
اتفضل
مازن: انا كنت عاوز اطمن عامله إيه مع أسيل
كارما: بحاول اشغل تفكيرها بالحاجات إللي هي بتحبها علشان متفكرش كتير
مازن: كده تمام اوي
هي صعبه شويه لانها مريضه عقليه ونفسيه
كارما بتركيز: وإيه الفرق؟
مازن: المرض النفسي زي الاكتئاب والوسواس القهري واوقات كتير بيتحول ل مرض عقلي لأنهم بيأثرو علي بعض
كارما: اه فهمت… ده علشان الامراض العقليه بتنشئ من خلل في الجهاز العصبي المركزي
مازن: بالظبط كده
فضلنا نتكلم عن حاله أسيل وبدء يشرحلي شويه حاجات بطريقه بسيطه جدا
كارما بإبتسامة: باذن الله الفتره اللي جايه حاله اسيل هتتحسن جدا
مازن: باذن الله
وانا واثق فيكي علشان كده سلمتك حالتها ولو احتجاتي اي حاجه قوليلي
اليوم عدا بسرعه وكنت مشغوله جدا وبدءت ابحث عن حاجات كتيره
كارما: انت كنت فين انهارده
كريم: كنت بجيب هديه ل رضوي ورحنا شربنا حاجه
كارما: ماشي ياعم
كنت عاوزه اقولك حصل انهارده…..
كريم: طب معلش هقفل معاكي دلوقتي علشان رضوي بترن
كارما: تمام مفيش مشكله
الايام بتعدي منغير جديد وانا مركزه مع اسيل ووخدها تحدي ومازن بيتابع اخبارها
كارما: كريم انا هتأخر في المستشفى انهارده عدي عليا
كريم: اطلبي أوبر علشان انا مع رضوي بختار فستان الخطوبه
كارما: تمام
كارما: انا بتصل بيك بتحطني علي الويتنج ليه؟
كريم: رضوي كانت بتكلمني في موضوع
كلامنا بدء يقل ومبقاش فيه تفاصيل بينا
المشكله اني كنت معتمده عليه في كل حاجه… هو كان بيفرحني ويخرجني ويكلمني كتير… وانا مكنتش بعمل صداقات او اي علاقات عموما، كنت قافله حياتي عليه، وده اكبر غلط
______________________________
كارما: ممكن اقعد شويه مع القمر
أسيل بإبتسامة: تعالي طبعا
كارما: عامله اية انهارده
أسيل: احنا لما بنحب بنوقف كل حايتنا علي الشخص ده، بنبطل ننجح وبنخلي كل تفكيرنا في شخص واحد؟؟؟
كارما: لأن القلب بيكون مبسوط ومدي اجازه للعقل
اسيل: وده صح؟؟
كارما: لا مش صح
بس لما بنحب صح ونختار شخص صح بيخلنا ننجح ونكون احسن
الشخص الصح بيطلع كل المواهب والحلو اللي فينا للنور… بينور الحياه مش بيوقف الحياه كلها عليه وبس
بحس وانا بكلمها اني فوق نفسي وعقلي بقولها نصايح محتاجه اني اسمعها
______________________________
كريم: فين دكتوره كارما يا هدي
هدي: خلصت كشفها علي الحالات ومشيت يا دكتور
كريم: ازاي تمشي منغير إذني
وريني كشف الحالات كده
هدي: اتفضل
اخد الكشف وبدء يراجعه
كريم: انا عاوز اشوف اخر تطورات حاله أسيل
هدي: اتفضل… الاوضه اخر الممر يمين
وصل للاوضه واتصدم لما دخل
كريم بصوت عالي: حد يجي يلحقنا
ده اهمال وتسيب وكلكم هتتحاسبو وأول واحده هتتحاسب الدكتور كارما….
هدي بخضه: الحقنا. يا دكتور نصيبه….
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية خدعة حب)
