رواية وجع حنين الفصل الخامس عشر 15 بقلم ريحانة الجنة
رواية وجع حنين الجزء الخامس عشر
رواية وجع حنين البارت الخامس عشر
رواية وجع حنين الحلقة الخامسة عشر
(في عيادة الدكتورة كاميليا )
يوسف :خير يا دكتورة حضرتك صممتي انك تشوفيني النهاردة وقولتيلي موضوع مهم ميستناش للجلسة اللي جايه . خير
الدكتورة :يوسف انت عايز ايه من حنين
يوسف:اتعدل في قعدته . احممم حنين هو حضرتك عرفتي
الدكتورة:ايوة حنين حكتلي علي كل حاجة وعرفت السبب اللي كان مخلي حضرتك الفترة الاخيرة متحضرش الجلسات مع انك كنت بتيجي
يوسف:امم بصراحة انا بحب حنين اوي
الدكتورة:وبعدين
يوسف:ولا حاجة انا عايز اتجوزها
الدكتورة:بص يا يوسف انت متعرفش حنين مرت بإيه . حنين انسانة حساسة ومش حمل جروح جديدة فلو انت واخد الموضوع تجربة حاجة جديدة . نوع من الستات مقبلتوش قبل كدة وبعدين تبتدي تبعد عنها . فأنا بقولك اوعي تعمل كدة حنين قبل كدة حصلتلها صدمة وفقدت النطق ولو المرة دي تعبت الموضوع ممكن يبقي اصعب بكتير فانا بحظرك
يوسف : ابدا صدقيني انا فعلا بحبها وعايز اتجوزها بس ماكنتش عايزها تديني فرصة اني اقرب منها . في حجات كتير حنين متعرفهاش عني وعايز اقولهالها قبل ما تقدم لها حضرتك عارفة موضوع اني مبخلفش ده لازم تعرفه الاول
الدكتورة:خلاص انا حقنعها انها تقابلك وتسمعك . بس في حاجة مهمة لازم تعرفها . حنين كانت خايفة تدخل علاقة ولا تجوز علشان ولادها . لازم تطمنها اوي من الناحية دي فاهمني
يوسف :اوعدك اني ححافظ عليها ومش حسمح لحد في يوم انه يجرحها حتي انا مش ممكن ازعالها ابدا حنين دي روحي
الدكتورة :اتفقنا خلاص اتفضل انت دلوقتي وانا حكلمها واخليا تقبلك
يوسف:متشكر جدا لحضرتك
(في بيت حنين )
حنين بتتكلم في التليفون
حنين:يعني حضرتك شايفة اني اقابله
الدكتورة :ايوة يا حنين انا اتكلمت معاه واتاكدت انه فعلا جد معاكي بس في حاجات في حياته لازم هو اللي يحكهالك . روحي قابليه علشان خاطري وبعدها ابقي قرري انتي حتعملي ايه
حنين:خلاص حقبله . انا بجد مش عارفة اشكرك ازاي حضرتك الوحيدة اللي بقدر اتكلم معاها وانا مطمنة
الدكتورة:ولا يهمك يا حنين . انتي بالنسبة ليا مش مجرد حالة انتي زي اختي الصغيرة . يلا بقي انا حقفل وانتي كلمي يوسف علشام تتفقوا حتتقابله فين
حنين:حاضر مع السلامة
قفلت حنين وقعدت بتفكر ياتري اللي حتعمله ده صح ولا غلط .
في الوقت ده تليفونها رن . ده يوسف
حنين:السلام عليكم
يوسف:احلي السلام عليكم سمعتها في حياتي وحشتيني يا قلبي
حنين: مبتسمة . وبعدين مش قلنا بطل طريقة دي
يوسف :غصب عني والله مش قادر صوتك اصل حلو قوي بيزغزغلي وداني
حنين:هههههه والله انت مشكلة
يوسف:طب قوليلي انتي بعد الضحكة اعمل ايه بس انتحر يعني
حنين:يوسف بس بقي والله اقفل
يوسف:هههههههههه خلاص طيب قوليلي بقي الدكتورة كلمتك
حنين:ايوة لسة قافلة معايا دلوقتي
يوسف:طيب حنتقابل فين
حنين:مش عارفة
يوسف :طيب بصي انا حاجي اخدك من عند البيت وبعد كدة نبقي نشوف حنقعد فين .
حنين:لا مينفعش طبعا اركب معاك من هنا
يوسف :امممم طيب خلاص حستناكي بعيد شوية عن البيت ومتخفيش حطير بيكي محدش حيشوفك . حكون عندك بكرة الساعة 2 اتفقنا
حنين :خلاص ماشي
يوسف:يالهوي ايه الرقة دي قطة يا ناس
حنين:بقولك ايه اسكت بقي لحسن والله ارجع في كلامي
يوسف:طب ارجعي كدة وانتي تشوفي انا حعمل ايه
حنين :حتعمل ايه يعني
يوسف:بلاش علشان حتزعلي
حنين:لا والله. علي فكرة انا مباخفش
يوسف:يا واد انت يا جامد. طيب بصي يا ستي لو رجعتي في كلامك حتلقيني طلعتلك البيت ودخلتك اي اوضةواقفلت بالمفتاح وحاخد حقي منك واطلع عليكي القديم والجديد
حنين:اتكسفت اوي وقفلت التليفون
يوسف:هههههههههه مش قلتلك حتزعلي . ماشي يا حنين خليني معاكي للاخر لما اشوف آخرة كسوفك ده ايه
(تاني يوم )
يوسف واقف مستني حنين في المكان اللي قالها عليه واول ماشافها قرب عليها
يوسف :وحشتيني يا قطتي
حنين :ابتسمت . وبعدين احنا ابتدينا
يوسف :طيب يلا تعالي اركبي . وفتحلها باب العربية .
حنين:خايفة تركب
يوسف :اممم ممكن أميرتي تركب بقي علشان الناس بتبص علينا
حنين :ركبت
يوسف :قفل الباب ولف وركب بسرعة. وطلع بالعربية بسرعة جدا
حنين:براحة يا يوسف
يوسف:الله علي يوسف دي طالعة منك زي العسل
حنين :يوسف
يوسف:يا عيون يوسف
حنين:يوه بقي انا غلطانة اني جيت معاك
يوسف :خلاص اوعدك اني ححاول امسك نفسي . قوليلي بقي تحبي تروحي فين
حنين:مش عارفة
يوسف :يعني مفيش مكان معين بتحبيه او دايما بتروحيه
حنين :انا اصلا مش بخرج كتير بس المشاوير الضروري حتي لما بخرج الولاد بيبقي مع حد من إخواتي مش لوحدي
يوسف :ليهم حق يخافو عليكي انتي اصلك تتاكلي اكل
حنين :اتكسفت وسكتت
يوسف : طيب بصي انا حوديكي مكان تحفة علي النيل ايه رايك
حنين :عادي مش هتفرق
(في مطعم فاخر جدا علي النيل)
يوسف :ايه رأيك المكان عجبك
حنين :اه جميل اوي
حنين : بخجل انت حتفضل تبصلي كدة كتير
يوسف : قرب شوية من حنين واتنهد تنهيدة طويلة . اصل بصراحة مش مصدق نفسي انتي كلك علي بعضك كدة قاعدة معايا كتير عليا اوي
حنين:احممم ممكن بقي تقول الكلام اللي مصمم اني اسمعه
يوسف :ماشي يا ستي اهربي مراحتك . بصي يا حبيبتي انا يوسف شهاب الدين عندي 35 سنة لية اخت واحدة شيرين هي دلوقتي اتجوزت وسافرت مع جوزها أمريكا انا كان طول عمري حلمي اني اكون ظابط وفعلا دخلت كلية الشرطة وبقيت ظابط وكنت بحب شغلي جدا واترقيت بسرعة وبقيت رئد وماما وبابا فضلو يزنوا عليا علشان اتجوز وبصراحة انا مكنش الموضوع في دماغي بس وافقت علشان مزعلهمش وماما اخترتلي عروسة كان اسمها رانيا واتجوزنا بس عمري في يوم ماحبيتها ولا حسيت اني محتجلها في حياتي اصلا وكان بينا مشاكل كتير وبعد سنة وسنة من جوازنا بابا مات وماما فضلت تزن عليا علشان اتابع شغل بابا بابا كان صاحب معارض سيارات مشهور ممكن تكوني سمعتي الاسم قبل كدة وكمان واخد توكيلات لاكبر الماركات في العالم ومينفعش كل ده يتساب لحد غريب يديره ومع اني كنت بحب شغلي جدا بس مقدرتش ارفض طلبها خصوصا انها كانت تعبانةوكنت خايف عليها من الانفعال
وفعلا استقلت من شغلي وتابعت الشغل وابتدينا انا ورانيا في مشاكل جديدة بسبب تأخير الخلفة روحنا لدكاترة كتير وعملنا كل التحاليل المطلوبة رانيا كان عندها التبويض ضعيف جدا وابتدت تتعالج وانا كمان اتضح اني عندي نقص في عدد الحيونات المنوية . ههههههه ايه مالك اتكسفتي كدة ليه
حنبن :احممم لا ابدا مفيش كمل
يوسف:هههه ماشي بس يا ستي الدكاترة قالو ان احنا الاتنين مع بعض مستحيل نخلف هي ممكن مع العلاج تخلف بس مش مني انا وانا كمان الدكتور قالي ممكن مع العلاج اخلف و بس اكيد مش من رانيا مع ان الامل في حالتي ضعيف جدا . بس وابتدت رانيا تفتعل مشاكل كتيرعلشان اطلقها مع اني قلتلها اول ماعرفنا الحكاية دي نتطلق بس واضح انها كانت عايزة تجمع مني اكبر مبلغ قبل مااطلقها بس انا مكنش فارق معايا وسيبها لحد ماتزهق وتطلب
لكن اللي مقدرتش استحمله انها تهين امي وتعاملها بطريقة وحشة وكانت رافضة اننا نروح نعيش معاها ولا حتي ان ماما تيجي تعيش معانا وبعدين انا كنت كل يوم لازم اقضي وقت مع ماما اتغدي معاها او مككن عشاء المهم مسبهاش طول اليوم لوحدها هي بقي مكنش عجبها وفي يوم كنا بنتعشا عند ماما وكنا بتكلم علي موضوع اننا نروح نعيش معاها رانيا زعقت وانفعلت وقالت لامي كلام كتير معجبنيش فعليت صوتي عليها وقولتلها لو اتكلمتي مع امي بالطريقة دي تاني مش حتقعدي علي زمتي يوم واحد ردت عليا انت فاكر نفسك راجل طبعا نقصد اني مبخلفش . مشفتش قدامي وضربتها وطلقتها بالتلاتة ورجعت عشت مع امي تاني وبعد سنة ونص ماتت وسابتني وقتها بس حسيت اني انكسرت امي دي كانت كل حاجة في حياتي متحملتش وجالي وقتها إكتأب ومن سعاتها وانا ابتديت اروح للدكتورة كاميليا الكلام ده بقلو حاوالي سنتين ونص بس يا ستي ادي كل حكايتي
حنين:كانت شكلها متاثر اوي من كلام يوسف ودموعها نزلت
يوسف:انتي بتعيطي . لا اوعي انا مش عايز اشوف دموعك دي تاني ابدا ولا حتي علشاني
حنين: خلاص مش حعيط . بس قولي انت ليه ماحولتش تحتويها وتقربها من والدتك
يوسف :والله حاولت بس هي كدة ده كان طبعها وخلاص بقي كل واحد راح لحاله
حنين:طيب ليه محاولتوش تعملوا عملية مثلا او حتي تتبنوا طفل حتي لو كنتم مش حتكتبوه علي إسمكم علي الاقل تربوه وتحسه معاه بإحساس الاب والام
يوسف: والله مش حكدب عليكي يا حنين انا لو كنت بحب رانيا واحد في الميه من الحب اللي بحبهولك كنت عملت علشانها اي حاجة ومسبتهاش بس مكنتش عايز بصراحة وبعدين خلاص بقي الموضوع ده انتهي. قوليلي بس موضوع الخلفة ده ممكن يبعدك عني
حنين:بتلقائية . لا طبعا . وبعدين سكتت
يوسف:ابتسم . يعني بتحبيني
حنين :اححمم . كمل
يوسف:هههههه اكمل ايه انا خلاص خلصت انا قولتلك اللي كنت خايف انك ترفضيني علشانه . قوليلي انتي ايه اللي مخوفك من علاقتنا
حنين :انا بعد اللي حصل لهشام الله يرحموا كنت خايفة احب تاني اواتعلق بحد وارجع اخسرة باي طريقة وكمان ولادي خايفة عليهم ميتقبلوش الوضع ده خايفة اووي اكون انانية لو فكرت في نفسي . حسيت اني مستهلش اكون ام
يوسف :اوعي تقولي كدة انتي احلي واجمل ام في الدنيا . ولو علي الولاد صدقيني انا متأكد اني حقدر اخليهم يحبوني متقلقيش المهم انتي بس وافقي بقي انا بجد يا حنين مش قادر ابعد عنك اكتر من كدة محتاجك معايا النهاردة قبل بكرة
حنين :مش عارفة . خايفة
يوسف:اوعي تخافي وانا معاكي سيبي نفسك ليه بس ومش حتندمي
حنين :هزت راسها. حاضر
يوسف:ايوة بقي . حرام عليكي ده انتي تعبتيني اوي
حنين :انا . وانا كنت عملت ايه
يوسف:كل ده ومش عارفة عملتي ايه . ده انتي مرمطيني معاكي . بس مش مهم انا مبسوط المهم انك حتبقي ليه . قوليلي حاجي اتقدملك امتي
حنين :لسة الاول حفاتح بابا وماما واقولك . مع اني خايفة من اسألتهم اصل انا كنت قافلة موضوع الجواز ده نهائي
يوسف:امممم وغيرتي رأيك علشاني
حنين :بخجل . ايوة اومال انا قاعدة معاك دلوقتي ليه
يوسف :قرب من حنين . بقولك ايه مينفعش نتطلع دلوقتي علي اقرب مأذون ونتجوز
حنين :هههههههه لا طبعا مينفعش . لا زواج الا بولي ولما تبقي تقابل الولي بتاعي ابقي اتفق معاه
يوسف :امري لله . استني . ممكن بقي تشربي العصير بتاعك ده
حنين :اخدت العصير وابتدت تشرب من تحت النقاب
يوسف :يا بختها بنت المحظوظة
حنين :هي مين دي
يوسف :الشاليموه
حنين :اتكسفت وسابت العصير وكان حيتدلق عليها
يوسف :ههههههه خالي بالك طيب . انا بصراحة مش عارف انتي ازي كنتي متجوزة قبل كدة ايه الكسوف ده
حنين :علي فكرة الحياء ملوش دعوة متجوزة او لا دي طبيعة
يوسف :وانا بموت في طبعتك وحيائك ده .
حنين : ممكن بقي نمشي. انا اتاخرت والمغرب قربت تاذن وانا مبحبش اكون بره البيت باليل لوحدي
يوسف:انا لسة ملحقتش اشبع منك وبعدين متحافيش انا مش حسبك حروحك
حنين :معلش علشان خاطري بجد اتأخرن
يوسف :خلاص يا روحي اللي يريحك يلا بينا
(يوسف وحنين في العربية )
يوسف :انا عارف انك مش بتحبي الاغاني بس ممكن تسمحيلي ايمع اغنيه واحدة
حنين :تاني
يوسف :معلش علشان خاطري
حنين :دي عربيتك انت حر
يوسف :حط السي دي بتاع عمر دياب
وشغل اغنيه (مقدرش انا علي عيني شايفاه ومجاش في بالي الرقة دي اه يا سحر عنيه حاجة فوق خيالي. ده اللي حلمت يكون عشاني مش عايز حد تاني اتعلقت في ثواني بحبيبي . ياما صدفني قلوب كتيرة ولا جرب قلبي حيرة سلمت في يوم وليلة لحبيبي . اعمل فيه ايه غيرتي خوفي عليه دايما يزيدوا . اومال بقي لوصارحت عنيه ولمست ايده )
ويوسف طول الاغنية يبص لحنين ويبتسم وحنين تداري وشها من الكسوف .
ووصل يوسف حنين ورجع البيت وحنين كمان رجعت ودي كانت اول ليلة حنين تنام فيها من سنين من غير منوم . ويوسف كمان رجع الفيلا ونام وهو في اسعد حالاتوا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وجع حنين)
