رواية جحيم أنس الفصل الثالث 3 بقلم أحمد نبيل
رواية جحيم أنس الجزء الثالث
رواية جحيم أنس البارت الثالث
رواية جحيم أنس الحلقة الثالثة
___________
نانيس تحمل علبة المكياج من التسريحة الخاصة بها تصرخ : بقولكوا اطلعوا بره
انس : خلاص يا كريم اطلع دلوقتى
كريم : لا ياماما هى ايه بتخوفنا طب عايزة
اشوف هتعمل ايه
توجه نانيس العلبة الى رأس كريم
تدفعه انس بعيدا وتتلقى الضربة فى رأسها
بدلا منهتسقط انس على الارض وتفقد وعيها
كريم : ماما …
تنظر اليهم نانيس وتتراجع الى الوراء برعب شديد
……………………………………..
كافيه في وسط البلد
يجلس سيد مع صديقه شعبان الكومى على أحد الطاولات ويدخنان الشيشة
شعبان : أنا مش عارف انت مستحمل مراتك
دى ازاى دى ناقص توقفك طابور كل يوم
سيد : وانا من خبتى معاشرها 25 سنة
شعبان : المفروض تخرج بقى حسن سير وسلوك
سيد : وحياتك هديها استمارة 6 قريب اوى
شعبان : التانية اللى معاك عامله معاك ايه
سيد : انت هتخلينى اندم انى قولتلك
شعبان : عيب عليك دانا الصندوق الأسود بتاعك وبعدين مش هي دى الحتة الطرية اللى بتميل
عليها لما بتطفش من الأستاذة
سيد : اه والله دى بقى الحتة اللى رجعتلى
شبابى اللى خدته منى حضرة المديرة
شعبان : مهو باين عليك اهو بس الله أكبر
سيد : انت هتقر ولا ايه
شعبان : لا ياعم بس خايف عليك من الأستاذة
يوم ما تعرف
سيد : وهتعرف منين وبعدين دى شكلها هتجنن فاكره ان أى حد حواليها دلوقتى عايز يقتلها
شعبان : يقتلها وده من ايه
سيد : أنا عارف بقى اهو اللى حصل النهاردة
شعبان : يعنى انت مش نفسك تعمل كده
سيد : جرى ايه يا كومى هو انا بتاع الكلام ده وبعدين اقتلها ليه ما انا بعمل كل اللى انا عاوزه هودى نفسى في داهية ليه
شعبان : على رأيك بس كلهم كده عايزين
القتل يطلق الاثنان ضحكة عالية
هاتف سيد يصدر رنين
سيد (وهو ينظر الى اسم الطالب) : ده الواد
كريم ياترى في ايه
شعبان : رد انا حاسس ان الست المديرة
هتبعتلك استدعاء ولى أمر
يرد سيد : ايوه يا كريم في ايه … بتقول ايه … مستشفى … مين ضرب مين … طب اقفل
أنا جاى على طول
يغلق سيد الهاتف ويهب من مكانه واقفاً
شعبان : في ايه مالك
سيد (وهو يلتقط مفاتيح سيارته من سطح الطاولة) : مصيبة أنا ماشى
ينصرف سيد من المكان
……………………………….
في المستشفى
انس غائبة عن الوعى وترقد على سرير داخل
احدى الغرف ورأسها مربوطة بضمادة طبية
بينما كريم ونانيس يقفان أمامها
كريم (وهو ينظر بغضب الى نانيس) : عجبك
اللى انت عملتيه ده
نانيس (وهى تبكى) : أنا معرفش عملت كده ازاى
كريم : مش عارفه ولا مكنتيش داريه بنفسك من البرشام اللى بتاخديه
نانيس : انت بتقول ايه
كريم : مش عارفه بقول ايه … انت فاكرانى مش عارف القرف اللى بتاخديه
نانيس (بارتباك) : دى … دى كانت مرة واحدة في عيد ميلاد انجى صحبتى وبعدين دى كانت فيتامينات على فكرة
كريم (وهو يمسكها من ذراعها بقوة) : فيتامينات برده انت بتستهبلى أنا شوفت الشريط في اوضتك اللى مخبياه في الدرج
نانيس : انت بتفتش اضدتى من ورايا
كريم : هو ده اللى يهمك
نانيس : بقولك ايه انت ملكش حكم عليا
أنا عايزة بابا
كريم : بقولك ايه أنا اخوك الكبير ولما اشوفك
عيارك هيفلت هكسر دماغك
يدخل سيد عليهم
سيد : في ايه … ايه اللى حصل
تسرع نانيس نحوه وتحتمى به
نانيس : الحقنى يا بابا شوف كريم عايز يعمل ايه
ينظر سيد الى انس التي مازالت غائبة عن الوعى
سيد : هو حصلها ايه بالظبط
كريم : أسأل بنتك المحترمة
سيد : بس خلاص … خليك انت مع والدتك
لحد متفوق
سيد (وهو يجذب نانيس معه الى الخارج) :
وانت تعالى معايا
يغادر سيد ونانيس الغرفة ويبقى كريم بجوار انس
………………………………….
كافيه في المستشفى
يجلس سيد على احدى الطاولات يدخن سيجارة وأمامه تجلس نانيس تبكى
سيد : هتفضلى تعيطى كده
نانيس : يابابا أنا كنت تعبانه ومكنتش داريه
بنفسى وبعدين كل ما احس ان علاقتى بقيت كويسة بيها يحصل حاجة تقفلنى منها
سيد : تقومى تقتليها
نانيس : انت كمان هتقولى كده وبعدين انا
مكنتش اقصدها هيا ده كريم اللى نرفزنى
وجت الضربة فيها
سيد : هي ولا كريم في الاخر انت عملتى
مصيبة وقلتلك قبل كده اسمعى منهم وتعالى قوليلى
نانيس : اللى حصل بقى
سيد : ايوه اللى حصل أنا بقى عايز اعرف ايه
اللى حصل من الأول
نانيس : خلاص بقى مش وقته مش الدكتور
طمنك وقال الضربة عملتلها ارتجاج خفيف
وهتفوق وتروح البيت
سيد : ايوه قال ربنا يستر وتيجى على اد كده
نانيس : طب خلاص فكك بقى
سيد : طب يلا عشان اروحك
نانيس : ايه تروحنى … هي خلاص الليلة هتخلص على كده
سيد : بقولك ايه مفيش عك النها ردة مش كفاية اللى انت عملتيه وبوظتى اليوم
نانيس : أهون عليك يا أبو السيد
سيد : عارفه يا بت انتى لو مكنتيش بنتى كنت عملت فيك ايه
نانيس : عملت ايه بقى
سيد : ولا حاجة ما انت عارفه اللى فيها … يلا وأمرى لله
يقف الاثنان ويغادران الكافيه والمستشفى
…………………………………………
غرفة انس في المستشفى
تستيقظ انس وتتلفت حولها
تلمح كريم نائم بجوارها على أحد المقاعد
انس (تنادى عليه) : كريم … كريم
كريم مستغرقاً في النوم ولا يرد
تعاين انس موضع اصابتها وتحاول ترك سريرها ثم تداهمها الالام مرة أخرى وتعود الى سريرها وهى تتألم
يستيقظ كريم من نومه ويسرع نحوها
كريم : ماما مالك … ايه اللى قومك بس
انس : متقلقش يا حبيبى أنا كويسة بس انت ايه اللى نايمك كده
كريم : كنت عايزانى اسيبك وامشى ياست الكل
انس : واختك فين وابوك
كريم : كانت هنا لحد ما جه بابا وخدها
انس : يعنى روحوا هما الاتنين
كريم يصمت ولا يعلق
انس : يبقى اكيد مروحوش … ماشى يا سيد
انت اللى خسرت البت دى
………………………………
في ملهى ليلى
سيد ونانيس يجلسان على احدى الطاولات
ويقومان بشرب الخمره
سيد : بقولك ايه يا بت انت كفاية كده
نانيس : بقولك ايه انت يا أبو السيد سبنى بقى عايزة انسى اليوم ده كله من أوله وبعدين مش انت كنت صاحب اقتراح عيد الميلاد لحضرة الأستاذة واهو اليوم كله اتقلب فوق دماغنا لأ دماغها هي
تضحك نانيس وهى تستمر في الشرب
سيد : يارتنى ما اتهببت اقترحت كانت هترجع
من المدرسة ولا هتفتكر عيد ميلاد وزفت
نانيس : خلاص بقى سبنى اعدل الدماغ اللى
باظت النهاردة
يلمح سيد احدى فتيات الملهى تمر من أمامه
سيد (يقف) : طب خليكى هنا وانا خمسة وراجع وخفى شوية
نانيس : براحتك خالص يا أبو السيد
يسرع سيد خلف الفتاة ويلحق بها عند أحد الأركان
سيد (وهو يمسك بيد الفتاة) : هفضل اجرى وراكى كده ولا ايه
الفتاة : بقولك ايه … انت تنسانى خالص وتبعد عنى
سيد : ليه بس كل ده عشان شقة الرحاب اللى وعدتك بيها
الفتاة : وهى دى شوية … أنا اروح استلم الشقة الاقى فيها سكان ويطلبولى الأمن
سيد : معلش هعوضهالك المرة الجاية
الفتاة : ولا جاية ولا رايحه لحد كده وخلصنا
سيد : يعنى ايه
الفتاة : يعنى روح يا حبيبى للأمورة اللى كنت قاعد معها احسن حد يخطفها منك
سيد : دى بنتى يا بت
الفتاة : والله … بنتك موزه يا أبو السيد بس
روح الحقها احسن شكل حد علقها دلوقتى
تنصرف الفتاة ويلتفت سيد الى حيث تجلس
نانيس ولم يجدها مكانها
يسرع سيد نحو الطاولة ويلمح أحد العاملين
يمر من أمامه
سيد (يوقف العامل) : فين البنت اللى كانت
قاعده معايا هنا
العامل : أنا شوفتها ماشيه مع واحد من شوية
سيد : واحد مين وراحوا فين
العامل (وهو يشير بيده) : راحوا ناحية الحمامات هناك
يتركه سيد ويسرع نحو الحمامات ويسمع صوت ضحكة نانيس
يدخل احدى الحمامات ويجد امامه نانيس ومعها شاب يحاول تقبيلها
سيد (وهو يجذب نانيس من شعرها) : يا بنت الــ
يهرب الشاب الى الخارج
نانيس : في ايه يا أبو السيد
سيد : امش قدامى من غير ولا كلمة
نانيس : مش همشى
سيد (يدفعها بقوة معه الى الخارج) : بقولك يلا
تدفعه نانيس عنها ثم تمسك رأسها ويداهمها دوار وتسقط مغشيا عليها على الأرض
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية جحيم أنس)
