رواية وردة في المزبلة الفصل السابع والثلاثون 37 بقلم منة محمد
رواية وردة في المزبلة البارت السابع والثلاثون
رواية وردة في المزبلة الجزء السابع والثلاثون
رواية وردة في المزبلة الحلقة السابعة والثلاثون
البارت ٣٧
الجزء الثاني
ورده في مزبله
قصص منه محمد
طلع للطابق التاني وهو بيفكر دي راحت فين ساعتين مش قليلين دخل الصاله سمع صوت العيال وصوتها غالب عليهم : احمد والله لافوز عليك
احمد : ههههه في احلامك
لطيفه تشجع : احمد بثرعه اثبقها بثرعه
مصعب : يالا يا ريم يالا سرعي
ريم وشوي وتبكي : احمد غشاش وقسم بالله لاكسر عربيتك يا غشاش
كان واقف متكتف ويبصلهم ببرود بدون ما ينتبهوا عليه
احمد نط لفوق : هههههه فزت عليكي
ريم بكيد وغضب رمت الي في ايدها ودموعها نزلوا
ومسكت احمد من ايده وبصريخ : والمصحف لنعيدها وافوز عليك يا لطخ
احمد وهو يلعب بجواجبه : نو نو نو نو
ريم بقهر وعصبيه : والله لتعيدها
قاطعهم صوت لطيفه : بابا انت هنا ؟؟
وجريت عليه بصتلهم ريم وهي بتمسح دموعها بطفوله وانحرجت من وجوده
مصعب جري : بابا
مسح على شعر مصعب بحنان وا بتسم له
وبعدها بص لريم بهدوء : ريم ممكن افهم ايه التصرف ده؟؟!! الجماعه بيسألوا عنك وانت بتلعبي هنا ؟؟ يالا بسرعة انزلي تحت عندهم وامسحي دموعك وانتم كملوا لعب
بصتله ريم وسكتت بقهر وراحت لتحت وهي بتعدل الطرحه وتمسح دموعها
&&&&&&&&&&&&&&&&&&&&&&&&&&&
دخلت عند الستات وهي مخنوقة وجواها نار ازاي احمد الطخ فاز عليها قعدت جنب ندي وبوزها شبرين
ندي: ليه مضايقه ؟؟
ردت وشوي وتبكي : احمد الزفت فاز عليا باللعبه
حطت ندي ايدها على بؤها: ريم كنت بتلعبي ؟؟؟ انت دلوقت كبيره على اللعب
لوت ريم شفايفها
عصمت وعارفه مكانها وعارفه ليه زعلانه : كنتي فين يامزغوده ؟؟؟
ريم بعصبيه : في جهنم الحمره
روان ورفعت حاجب : ليه العروسه متعصبه ؟؟؟
نسرين بضحكه تنرفز : لا وكمان بتبكي اكيد واخدلها كام شلوت وكام بوكس محترم
ريم باشمئزاز ولفت وشها
ندي مسكت ايدها : اهدي
هزت ريم راسها ونفخت بضيق مش هترتاح الا لو فازت على احمد
انفضت القاعده وما بقاش الا اهل البيت
الجده : البسي الطرحه لان رامي و ايهاب عاوزين يدخلوا
من غير نفس لبست ريم الطرحه
دخل الجد وخالد وامير ورامي و ايهاب
وقعدوا بهدوء
الجد بابتسامة : اخبارك يا ريم ؟؟
ريم بهدوء وصوت هامس : الحمد لله
دخل الاطفال وهما بيضحكوا
لطيفه قعدت في حضن ابوها وخالد يضحك عليها ومبسوط بيها بصت ريم لاحمد بتوعد
احمد قعد جنبها وبهمس : لسه زعلانه ؟؟؟
ريم وبهمس : حسابك بعدين يا زفت
احمد بابتسامة وهمس لها : والله مش قصدي افوز عليك خلاص تعالي دلوقت نعيدها مره تانيه
سحبت ايدها بعنف : غور من وشي
احمد وشوي يبكي مش بيطيق يشوفها زعلانه : اسف اسف والله مش قصدي
طنشته ريم
احمد : تعالي نعيدها واخليك تفوزي عليا
خالد : احمد ليه قاعد عند ريم مش عيب عليك تعال هنا
احمد بيمسح طرف دمعه : بس شوي دلوقت اجي
ومسك ايدها تعالي نعيد اللعبه
سحبت ريم ايدها لما شافت اغلبهم يبصولها : حل عني
الجد بحزم : احمد فيه ايه عندك ؟؟؟ تعال هنا وسيب ريم
احمد بحزن قام وقعد عند رامي
*******قصص منه محمد**********
نسرين بهمس : شوفي العروسه عريسها ولا معبرها ولا كأنها موجوده
روان بشماته : هههه تستاهل
نسرين غمزت لروان : امير
بصلها امير بابتسامة : نعم
نسرين : الله ينعم عليك قدمت اووراقك للمستشفى. ؟؟؟
امير بهدوء : ايوه قدمتهم
رامي : ايه الي عجبك في الطب ده يموع الكبد يع يع كله دم
ايهاب باشمئزاز : مقززززززززززز
امير حرك حواجبه : متخلفين
عصمت بفخر : من قهركم بتقولوا كدا ده الدكتور امير يرفع الراس
خالد : وانت يا رامي قررت جوازك امتي ؟؟؟
رامي بابتسامة : خلاص نويت بعد اسبوعين
سها زعقت فيهم : هو ايه ده كلله بسرعه كله مستعجل والواحد مش ملاحق ياخد نفس ليجهز نفسه
امير : في وقت وزياده
نسرين: لا منلحقش نجهز !!
رامي : اومال ازاي جهزتم لفرح امير في اسبوع ؟؟ انا عطتكم كمان اسبوع زياده
ايهاب : خلاص يا شبح هتطلع من قفص العزوبيه بس الله يعينك على عمتي
الجد بحزم : ايهاب
حك ايهاب راسه باحراج : اسف
لطيفه : بابا انا اشتري فثتان لفلح عمو
امير بفرحه باسها : اكيد يا قمر
مصعب ببراءه : سميه طويله مش زي ريم قزم
بصتله ريم وهي مفتحه عيونها
وضحكوا البنات بصوت عالي
امير بابتسامة : مصعب عيب الكلام اياك تعيده اتفقنا
مصعب بفرح : اتفقنا
نزلت ريم راسها بقهر ونفسها تمسك مصعب وتقص لسانه مع انها متأكده ان نسرين وروان قالوا له يقول كدا طنشت حتى ما تخليهمش يوصلو لمرادهم
رامي بابتسامة : غريبه ريم ساكته القط اكل لسانك
ريم باشمئزاز طفولي من امتى بتقعد معاه وتتكلم معاه عشان يقول عنها كدا
طنشته وما ردتش عليه
رامي حس انه اتحرج منها على ايه دي شايفه نفسها
وقف امير بهدوء وهو رافع لطيفه : يالا نستأذن دلوقت
بصت عصمت لريم وشاورت لها بحواجبها تقوم ريم كان نفسها تعاند بس لمت نفسها قدام امير تخاف يزعل منها وقفت وهي تبتسم
امير مسك ايد مصعب وطلع وريم مشت وراه !!!!!!
طلع السلم من غير ما يلتفت ليها ودخل الجناح وهو بيكلم لطيفه ويضحك معها
دخلت وراه بدقايق بهدوء
كان يلاعب لطيفه ومصعب ويرفعهم بالهواء وصوت ضحكهم طالع قعدت على الكنبه بهدوء بعد ما خلعت الطرحه وبصتلهم بملل
قعد مقابلها على الكنبه وهو بيضحك : خلاص تعبت يا لطيفه
مصعب بطفوله : بس اخر مره
امير : خلاص بابا بكره العبكم حاليا تعبت اتفقنا
مصعب ولطيفه بفرح : اتفقنا
قعدوا عند ابوهم لطيفه من جهة اليمين ومصعب من جهة الشمال…!!
وفضل يمسح على راسهم ويحكي لهم قصص ولطيفه ومصعب منصتين ومنسجمين بالقصه كانت ريم حاطه ايدها تحت خدها وتسمع للقصه بانسجام
امير يوزع نظره بين لطيفه ومصعب ويبتسم
كان يا ما كان في قديم الزمان
كان في بنت اسمها
لطيفه بحماس : اثمها ليلى
ابتسم امير لانها حافظه القصه : اسمها ليلى
قالت لها امها روحي ودي طبق الكحك ده لجدتك وانتبهي للطريق لضيعي الوقت وانت بتقطفي ورد واذا طلع لك الديب ماترديش عليه ولا تكلميه قالت ليلى لامها
مصعب بحماس : حاضر يا ماما
مسح امير على شعر مصعب بحنان : قالت لها حاضر
اخدت ليلى الكحك وفضلت تمشي بالشارع والورد على جنب الطريق
عجبتها ورده ولقطتها وفضلت تلعب وتقطف ورد وفجأة طلع لها
طيف : الديب
امير بابتسامة : مظبوط الديب قال لها رايحه فين يا ليلى
قالت عاوزه اروح اودي الكحك لجدتي قال لها
ايه رايك نتسابق في طريقين طريق قصير صعب وواعر وطريق طويل وسهل
اختاري اي طريق اختارت ليلى الطريق الطويل السهل
وراح الديب من الطريق القصير وصلت ليلى عند جدتها خبطت الباب
دخلت على جدتها وحطت الكحك
لطيفه شاورت على ريم : بابا شوف ريم نامت
بصلها كانت حاطه ايدها تحت خدها وسانده على ايد الكنبه ونايمه بعمق
امير بابتسامة : ايه رايكم تناموا زيها بكره اكمل لكم القصه اتفقنا
مصعب ولطيفه : اتفقنا
وقف امير: يالا على اوضكم
وصل لطيفه على غرفتها وغطاها
وبعدها طلع مع مصعب لغرفته غطاه وقفل النور وطلع للصاله
قرب منها بهدوء وهزها من كتفها : ريما ريما
فتحت عيونها بشويش ومش مستوعبه
امير بهدوء : قومي نامي يالا
وقفها وهي شبه نايمه مش عارفه حاجه وكأنها مغيبه وامير مشي ودخل للغرفه
&&&&&&&&&&&&&&&&&&&&&&&&&&&
قاعده بالصالة مع لطيفه ومصعب وبحده: كذابه
لطيفه : والله العظيم انك نمتي قبل ما تخلص القصه
مصعب : لسه زعلانه من احمد
ريم اتكتفت بزعل : مش هكلمه
مصعب بطفوله : انا ما ليش دعوه انا شجعتك صح ؟؟
ريم بابتسامة مكر : اسامحك بشرط روح جيب الشريط من احمد ولا تقوله انا قلت لك علشان نلعب هنا انا وانت وبس
مصعب : فوريره اروح ؟؟
ريم بفرح : اه يلا بس متتاخرش انا مستنياك
وقفت لطيفه : والله غير ادول لاحمد
مسكتها ريم من ايدها وشخطت فيها : مصعب روح بسرعه وقف امير الي لسه قايم من النوم : ايه الزعيق ده ؟؟ رايح فين يا مصعب
ارتبكوا الثلاثه وريم عطت لطيفه نظره بمعنى يا ويلك اذا قلتي
مصعب : بابا عاوز اروح العب مع احمد
امير بحزم : لا ارجع هنا الساعه 10.30 تعال افطر الاول وبعدها تروح تلعب اتفقنا
مصعب بإحباط : اتفقنا
امير بص لريم بهدوء : جهزتي الفطار ؟؟
ريم بنظره غبيه : انا ؟؟
قعد امير بهدوء: لا اللي وراكي !! ايوه انتي جهزتيه ؟؟
ريم باحراج ما تعرفش اي حاجه بالمطبخ وبهمس : دلوقت اجهز الفطار
دخلت المطبخ وكشرت ملامحها مش عارفه اي بدنجان فتحت التلاجه طلعت زتون وجبنه مش شايفه اي حاجه مفيده للفطار بعد ما حطتهم في الصحون
وطلعت من المطبخ بهدوء وصوت هامس : الفطار جاهز
بصلها واستغرب سرعتها بالتجهيز : يالا يا لطيفه ومصعب اغسلوا ايديكم وتعالوا على الفطار
غسلوا ايديهم واتجهوا للمطبخ
قعد امير علي الطربيزه وباستغراب بص لوجبه الفطار
ما فيش الا صحن جبنه وبهدوء : ايه ده ؟؟
ريم بصت للطربيزه وبهمس : فطار
امير برق عيونه: طيب فين القهوه ؟؟؟ فين الشاي ؟؟ فين اللبن ؟؟ فين اصلا الفطار
وقف امير بهدوء وراح لريم خافت ريم ورجعت خطوه للخلف
اميرببرود : انتبهي ليا شوفيني ازاي هحضر القهوه واللبن اتفقنا
هزت ريم راسها
امير ببرود اعصاب جهز الحليب والقهوه وهو بيقول لها الطريقه ويعلم فيها وعمل توست بالجبنه
وريم تهز راسها بطريقه غبيه
بعد ما خلص حط القهوه واللبن على الطربيزه وشاور لها تقعد
سكب له من القهوه ولريم وسكب كوبين حليب لمصعب ولطيفه
لطيفه بفرح : بابا طباخ
امير غمز للطيفه : يالا اشربي اللبن ايه رايك فيه ؟؟؟
مصعب شرب من الحليب : اممممم شكرا يا بابا
امير بفرح : اهلا وسهلا تعال كل يوم زورنا
كانت ريم باصه لكاس الحليب ونفسها فيه بس مكسوفه تطلب والقهوه مش بتشربها الا نادرا
فجأة وقعت كاسه لطيفه على الطربيزه وانكبت
بصت ريم وابتسمت وعرفت انها نافسيتها وعينها عليها
نطت على صوت امير : بسرعة جيبي فوطه
بصتله بطريقه بلهاء وبعدها وقفت
اخدت فوطه وراحت للطربيزه ومدتها للطيفه
امير بجديه : تعالي نضفي مكانها
اضايقت ريم مش هي اللي كبته علشان تنضفه بس سكتت وفضلت تمسح فيه بطريقه نرفزت امير
امير بنرفزه : مش كدا يا ريما
لطيفه : بابا اسمها ريم
اخد منها الفوطه ونظف المكان : كدا نضفيه مره تانيه اتفقنا
هزت راسها وهي تتوعد بالطيفه تعبتها بالتنضيف
امير بهدوء : اغسلي الفوطه قبل ما تموت فيها الجراثيم
هزت راسها وراحت تغسلها وجواها بتبرطم
كملت غسيل ونفسها تقعد وترتاح حاسه نفسها تعبت من الشغل < الاخت مصدقه نفسها رجعت قعدت على الطربيزه بهدوء واكلت التوست وفضلت تاكل زي العيل الصغير
وقف امير : الحمد لله وطلع من المطبخ
لطيفه : هاتي دهوه اشرب
مصعب : والله لاقول لبابا عنك
لطيفه : بس شوي <فيس يترجى
ريم بانتقام : لا القهوه للكبار فقط لاغير
لطيفه باعتراض : طيب انتي ليه تشربي ؟؟
مصعب وقف : هروح اقول لبابا عنك
لطيفه بزعل : خلاص مش عاوزه اشرب بس بلاش تقوله
بعدها وقفت : الحمد لله ريم تعالي شوفي دفتر رسمي
وقفت ريم بملل : يالا
مصعب : وانا… الحمد لله شبعت
بصتلهم وطلعت معاهم من المطبخ وتجهوا لغرفه لطيفه كانت الصاله فارغه
دخلوا غرفه لطيفه قعدت ريم على سرير لطيفه
مسكت لطيفه دفترها : شوفي
فتحت ريم دفتر لطيفه واتصفحت اوراقه وبصوت عالي ضحكت : هههههههههههه دي خرابيش فراخ ههههههه هههههه ده رسم ههههههههه
قاطعهم دخول امير
لطيفه بزعل : شوف بابا ريم بتقول عن رسمي خرابيش
امير قرب وسحب الدفتر من ريم وبص فيه : حلو رسمك يا بابا اكيد لما تكبري هتبقي رسامه عظيمه
هزت راسها لطيفه بفرح
امير لريم: ليه المطبخ كدا يا ريما ؟؟؟
ريم بغباء : انا ؟؟
امير هز راسه : لا مش ممكن.. بتكلم مع السرير
كرد فعل بصت علي السرير وراها
امير ببرود : تعالي نضفي مكان المطبخ الله يسعدك
وقفت ريم وجواها بركان مش عاوزه تشتغل
بس مش عارفه ليه ما تقدرش ترفض وطلعت من الغرفه متجه للمطبخ
بصت للمطبخ بعجز وملل ازاي تنضفه
حكت راسها وقربت من الطربيزه واخدت الفوطه وفضلت تمسح بعصبيه
بتكره التنضيف والتنظيم
مسحت الطربيزه بضجر وبعدها راحت تغسل المواعين وهي بتكلم نفسها
بيتهم مليان خدم ليه هي تنضف لازم تقف في وشه وتقوله اسفه نضف انت
لا لا عيب وبعدين مش ناسيه مره وهي بتقلبه بالقنوات كان درس ديني عن الزوج وطريقه طاعته لا يمكن تنساه لو نامت المراءه وزوجها غضبان عليها
طول الليل الملائكه تلعنها وما ينفعش تطلع بدون اذنه وامور كتيره
اتخضت ونطت على صوت امير ولفت وراها
امير بهدوء : أسم الله عليكي من الخضه الطربيزه ماتنسيش تنضفيها قبل ما تطلعي انا ولطيفه ومصعب نازلين تحت متتاخريش عشان الغداء
هزت ريم راسها ونفسها تمسك حله وهوب علي ماغه لانه اعمي هو مش شايف انها نضفتها راحت ريم تحسس علي الطربيزه:ياحلاوتها وحلاوه نضفتها بس الظاهر عنده وسوسه زياده
رجعت تكمل تنضيف بضجر وتبرطم جواها
كملت وبصت للمواعين ونفخت بضيق : خليني ارتاح بعدين انضف الحلل والطربيزه والارضيه
راحت قعدت علي الكرسي وقعدت < عايشه الدور يا ريم
********************
نزل السلم بهدوء وقعد بصاله tv
مع امه وجدته وابوه وجده
سها بفرح : فطرت يا امير ؟؟
امير بابتسامة دافيه : اه يا امي فطرنا فوق
عصمت : لسه مش هتفطروا هنا ؟؟
امير: لا ياغاليه نفطر فوق والغداء هنا
خالد : خليهم براحتهم
الجد : فينها ريم ؟؟؟
امير : بتنضف الجناح وبعدها تنزل
عصمت باعتراض : يا امير البنت لسه عروسه والخدم يا مكترهم
امير : يا جدتي اظن عرفاني بكره الخدم يدخلوا جناحي وبعدين الشغل قليل بس مكان الفطار وتنضف المطبخ وتنزل خليها تتعود تتحمل مسؤولية
خالد : ايوه خليها تتحمل المسؤولية
امير: فين رامي ؟؟
سها : رامي طلع من الصبح على شغله !!!!
امير هز راسه بهدوء
*****************************
بعد ما خلصت الشغل اخت دش تجدد فيه نشاطها
لبست برمودا زهر وبلوزه خيط لونها ابيض ومشطت شعرها وقسمته من النص
وفرقته نصين زي القطه كانت طفوليه للغايه ولا كأنها عروسه
بصت للساعه كانت 3.00 وقت الغداء اتأخرت
وبسرعة لبست عبايه جميله وشيك والطرحه
من غير ماتبص علي نفسها فالمرايه وطلعت من الجناح متقدرش تقاوم التزحلق ابتسمت واتزحلقت على الدرابزين
بعدها نطت باحترافيه عدلت وقفتها وراحت لصاله الاكل بهدوء
دخلت كان الكل متواجد على راس الطربيزه الجده
وقصادها امير وعن يمينه لطيفه وشماله مصعب
وعلى يمين الجد والجده وعلى شمالها خالد وجنب خالد سها ونسرين وروان واحمد
وجنب الجده رامي
قربت وقعدت جنب احمد بهدوء بعد ما قالت السلام بصوت منخفض
بصلها رامي وبعدها همس : منين جابت الادب الي نازل عليها
سها بابتسامة : اسكت لحد يسمعك
امير مشغول بعياله واكلهم
سها : امير سيبهم ياكلوا لوحدهم
امير بابتسامة : خايف يخلص الاكل
الجده : خليهم يعتمدوا على نفسهم ويتعودوا على الاكل لوحدهم
امير : شوفي بياكلوا لوحدهم بس ده مجرد اشراف
ريم كانت محروجه منهم اول مره تاكل معاهم وخاصة بحضور رامي والبنات
شربت من الميه ومن زود الاحراج فلت من ايدها الكوبايه ووقعت على الارض واتكسرت الكل بصلها
بصلها جدها باحراج ووشها احمر من الكسفه
الجد بهدوء : انكسر الشر
الجده بلوم :فين عقلك ؟؟
رامي بمزح : عقلها في المريخ
نسرين بهمس سمعته ريم : ليه هي عندها عقل
روان : مخبوله
سها وقفت : اروح انادي على ميرفت تنضفه
امير باعتراض : والله ما تروحي كملي اكلك
وشاور لريم : روحي نادي ميرفت تنضفه
هزت ريم راسها بهدوء وطلعت من من الصاله ودمعتها على طرف عينها
دخلت المطبخ وطلبت من ميرفت تروح تنضف
غسلت وشها وحست بدموعها على خدودها
كان نفسها تمسح بيهم الارض بس علشان امير سكتت
احترام الزوج نشفت وشها وقعدت على الكرسي بالمطبخ بعد دقايق رجعت ميرفت بعد ما نضفته بصت لميرفت يمكن قالو لها علشان
تطلب منها ترجع تكمل اكل بس ميرفت ما تكلمتش
حطت راسها على الطربيزه بضعف بذل وغمضت عيونها حاسه بنوم شديد
وخلال ثواني دخلت عالم الاحلام الي بتحب تهرب منه من واقع المزبله
بعد ما انهوا اكل نسرين وروان طلعوا على جناحهم
والباقي اتوجه لصاله tv
الجد : فين ريم مارجعتش ؟؟
سها: يمكن رجعت على جناحها
عصمت : شفت قلنا لميرفت تناديها تكمل اكل ومارجعتش
الجد : يمكن انحرجت روح يا احمد شوف ريم فينها
وقفت احمد
امير : خليك انا رايح اشوفها وقف وبعدها طلع على الجناح
دخله ما فيش حد فاضي
دخل مطبخ الجناح هز راسه بأسف :كدا مع اني نبهت عليها وطلع شغلها كدا
بعدها طلع من الجناح ونزل تاني للمطبخ تحت دخله شافها
حاطه راسها على الطربيزه قرب منها وبصلها كانت نايمه
عقد حاجبه باستغراب : هي دي بتنام في اي مكان واي حته كدا
هزها على الخفيف : ريما ريما
رفعت راسها ومالت براسها عالخفيف وهي حاسه ان
رقبتها وجعتها حركت راسها يمين وشمال
امير : غلط تنامي كدا اطلعي على الجناح فوق ونامي اذا لسه نعسانه
هزت راسها بنوم رهيب وتعب ووقفت وطلعت بره المطبخ وهي شبه السكرانه
طلع من المطبخ بعدها وهو حاسس بضيق ورجع نزل عندهم
رايكم يا قوم انتظروني وحلقه قويه طويله كدا هنام خالص
العلوم الجزء إلاول كامل ع صفحتي الشخصيه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
