رواية جحيم شمس الفصل التاسع عشر 19 بقلم رشا منصور
رواية جحيم شمس الجزء التاسع عشر
رواية جحيم شمس البارت التاسع عشر
رواية جحيم شمس الحلقة التاسعة عشر
ولقيت الشيخ إسماعيل هو اللى قاعد جمبي قولت له هو ايه اللي حصل
الشيخ إسماعيل …
صفوان كان عاوز يهرب ولما أنت مسكته وقربت منه للبير الراصد فهم أنك مقدمه له هديه علشان كده انتقم من الكل ومجاش جمبك ولما راح ينتقم من خميس النار مسكت في خميس والخادم اللى معاه راحوا عشيرته ينتقموا من الراصد علشان موت واحد منهم
دكتور خالد …… والنتيجه كانت ايه
الشيخ إسماعيل …..
كلهم خلصوا ع بعض يابني شماهوس موت كتير من عشائر الجان السفلي بس الكتره تغلب الشجاعه وخدام خميس كانوا كتير قدروا يخلصوا عليه واللى فضل عايش من الجن السفلي قام الجن المسلم بتد’ميرهم بالكامل وبعد ما انتهي كل شئ لقينا أسوار البير وقعت والمغارة اتفتحت وطلعت مقبره لملك فرعونى وتم تسليمها ل مصلحه الآثار وفي حراسه مشدده حوالين البير
دكتور خالد..
طب أنا أعمل إيه يا شيخ اسماعيل بقي أنا قصدى المساعدة ينتهي بيا الحال مقبوض عليا بقي بنتي اللى كانت فخورة بيا تعيش بقيت عمرها مكسورة لأن ابوها حرامي
الشيخ إسماعيل….
عليك بقول الحق …. الحق منجي كل مظلوم وتذكر كلمتي أن بعد العسر يسرا
دكتور خالد ….
أنت عاوزنى اقولهم أن الجثه كانت بتكلمني ده مش بعيد يقولوا عليا مجنون بقلم رشا منصور
الشيخ إسماعيل…
ومين يابني شاف اللى حصل ده ويفضل عاقل إذا كان الضابط أحمد مش قادر يستوعب ولولا أن كل ده حصل قدام الجهات الأمنية عمر ما حد كان صدقه
دكتور خالد….
صحيح هى جثه شمس مين اللى سرقها
الشيخ إسماعيل…..
أنا يابني دوري هنا أنتهي بس اكيد دورك أنت لسه منتهاش والعلم عند الله
الدكتور خالد
وصل الدكتور خالد إلى قسم الشرطه بعد ما الطبيب أكد أن حالته تسمح للأستجواب
الضابط أيمن…
أهلا دكتور خالد كنت دايما اسمع عنك وعن مهاراتك في الشغل ومكنتش متخيل أني أشوفك متهم عندى لأ وبسرقه جثه طب يا راجل كنت سرقت حاجه متودكش في داهيه
دكتور خالد…
لو سمحت أنا مسرقتش حاجه ومافيش أى دليل يثبت اتهامك ليا أنا صحيح دكتور لكن أفهم في القانون كويس
الضابط أيمن…
طب قولي الجثه فين مين اللى خدها
دكتور خالد….
أنا لحد ما مشيت من المستشفى وهى موجودة وسلمت الشيفت للدكتور اللى هيستلم بعدى وهو راجع ع التلاجات قدامى ومضي الاستلام يبقي لو عاوز تسأل روح اسأله هو أنا مالي
الضابط أيمن…
لما سألنا عامل المشرحه أكد كلامك ده بس قال لنا كمان أنك بتكلم نفسك وكأن في ناس بتكلمك ولما سألنا الضابط أحمد عليك شكر فيك جدآ بس قال أنك كنت بتقوله ع معلومات محدش يعرفها وقولت له إنك بتتواصل مع الجثه ممكن تشرح لي إزاى
دكتور خالد ….
ايوة أنا أوقات بكلم بصوت عالي لما بكون بشتغل الجثث بتتواصل معايا علشان تساعدنى اقبض ع المجرم
فيها ايه دى ده بدل ما تشكروني أنى بساعدكم
الضابط أيمن….
طب آخر مرة الجثه مقالتش لك هى راحه فين يمكن تكون زهقت من التلاجه وراحت الملاهي مثلاً
دكتور خالد….
أنت بتستهزق بكلامي أنا قولت اللى عندى ومعايا دليل أنى كنت في الصعيد وتذكرة القطر أهي وبمجرد ما وصلت الضابط أحمد خدنى من هناك عاوز ايه دليل إكتر من كدا بقلم رشا منصور
الضابط أيمن ….
هى فعلاً تذكرة القطر دليل لوجودك في مكان آخر وقت إتمام السرقه بس ده ميمنعش أنى هحولك ل مستشفى الأمراض العقليه والنفسيه للكشف ع حالتك
دكتور خالد…. أنت بتقول إيه أنا مسمحلكش
الضابط أيمن…. أنت قت’لت صفوان أو ع الأقل الشروع في القتل أنت اللى سلطت الجن يخلص عليه الكل شافك وأنت بتجري وتمسكه وبتجره للبير وهنا ظهر نسيح
دكتور خالد….
نسيح الحقني قوله أى حاجة أو قول ل قرينه أنا كدا هروح في داهيه بقي ده جزائي
الضابط أيمن…. أنت بتكلم مين
دكتور خالد….
هو أنت مش شايفه قدامك ما هو واقف أهو وفجأة لقيت نسيح مد أيده وحطها ع رأسي وبعدها وقعت من طولى ولما فوقت لقيت نفسي في مستشفى الأمراض العقليه والنفسيه
فضلت أزعق وأقول أنا مش مجنون أنتوا اللى مجانين أو عاقلين لكن مش شايفين وفضلت أصرخ وأبكي ع حالى
وبنتي ياتري عامله ايه دلوقت
بقي يا ربي ده جزائي أنا عملت ايه علشان يبقي ده مصيري وفجأة حسيت ب أيد بطبطب عليا
ببص لقيتها شمس وبتبتسم ليا قولت لها أنتى فين دول متهمني أنى سر.قت جثتك. طب اظهري لهم هو أنا عملت لكي ايه علشان تعملي فيا كدا وليه ظهرتي ليا أنا بالذات
شمس….
تعالي يا عمو وأنا اوريك أنت عملت إيه
وفجأة لقيت نفسي في مستشفى ايه ده أنا شايف نفسي واقف مع ناديه مراتي يوم ولادة بنتي هاله هو إيه اللى جابني هنا وايه علاقه ده ب شمس
وشوفت وقتها الدكتور بيقول اتصرفوا لازم تجيبوا الحقنه دى بسرعه وإلا البنت هتموت والممرضه بترد عليه وبتقوله العلاج ده مستورد ومش لقينه في أى صيدليه روحت للدكتور وخوفت ليكون الكلام ع بنتي وقولت له هى بنتي مالها
الدكتور….
بنت حضرتك بخير دى حاله تانيه ولادتها كانت صعبه جداً وحاله الأم تعبانه والبنت عندها ضيق تنفس ومشكله في الرئه ولازم حقنه فورآ وإلا البنت هتموت
دكتور خالد… بقلم رشا منصور
أنا دكتور وليا معارف كتير اكتبلي إسم الدواء بسرعه وفعلاً كلمت جميع مستشفيات وقدرت ألاقي الحقنه ونزلت بسرعه جبتها واديتها للدكتور وبعدها روحت ل مراتي ناديه اللى قالتلي أنها كانت عند المريضة تطمن عليها وخدت رقم تليفونها علشان تتواصل معاها وطمنتها أنى لقيت العلاج ل بنتها
وفجأة رجعت للواقع ولقيت شمس قدامي بتقولى أنا يا عمو البنت اللي حضرتك أنقذت حياتها من غير ما تعرفها ولا تنتظر حتى كلمه شكر بقلم رشا منصور
وبعد كام يوم طنط ناديه اتصلت ب ماما واطمنت عليها وعليا ورفضت تماماً أنها تاخد حق العلاج وجت لنا بعدها بأسبوعين وكان معاها هاله واتفقوا أن لما نكبر هيدخلونا نفس المدرسة ونبقي أصحاب ولما مت يا عمو طنط ناميران وريتني كل اللى حصل ولقيت أن انسب حد يساعدني هى طنط ناديه ولما روحت البيت لقيت هاله وشوفت قرينه طنط ناديه وعرفت أنها ماتت في حادثة ودلتني عليك واكدتلي أن حضرتك هتساعدنى علشان كده طلبت من الجن أنه يساعدنى وفعلاً خلي دكتور المشرحه يخاف مني ووسوس ل الضابط أحمد أنه يجيبني عندك لأنك الوحيد اللي هيحل القضية دى
كنت ببص ل شمس وأنا مش مصدق أنا فاكر كل ده ولقيتني بقولها يعني نظير مساعدتى لكي أنى اترمي في مستشفى المجانين طب وهاله صاحبتك ضحكت ليا وقالت
شمس…. أنت عملت خير ياعمو علشان كده انتظر الخير من رب العباد
ودلوقتي ياعمو عوزاك تستعد وتقوم تحلق دقنك دى علشان عامله لك مفاجأة حلوة
دكتور خالد….
والله أنا بقيت أخاف منك مش بعيد ألاقي عشماوي قدامى
لقيت ظهر ليا الأطياف وهى بصت لهم وابتسمت ولقيت واحد فيهم اخد شكل راجل كبير في ملابس بيضاء ودقن بيضاء طويلة وذو وجه بشوش وقال لي أبشر يا دكتور خالد أنت فعلت خير بدون مقابل وسوف يرد إليك دون إنتظار منك أى مقابل
دكتورخالد….
كنت حاسس برهبه والراجل له هيبه كدا قولت له هو لو خرجتوني من الورطه اللى أنا فيها دى يبقي كتر خيرك وبصيت ل شمس وقولتها مش أنتى بتقولي هاله صاحبتك ساعدونى علشانها بلاش علشاني
شمس…
الوقت عدى خلاص والمفاجأة بتاعتنا وصلت ولقيت هاله داخله عليا وبتجري تحضني ولقيت نسيح وناميران معاها
قولت لهم أنتوا بتعملوا ايه معاها
ناميران مكنش ينفع نسيب بنتك لوحدها كان لازم نخلي بالنا منها لحد ما بمساعدة ملوك الجان قدرنا نساعد في ظهور وفجأة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
