رواية حكاية بنت الريف الفصل الخامس عشر 15 بقلم صباح عبدالله
رواية حكاية بنت الريف الجزء الخامس عشر
رواية حكاية بنت الريف البارت الخامس عشر
رواية حكاية بنت الريف الحلقة الخامسة عشر
الفصل 15 من حكاية بت الريف.. الكاتبة صباح عبدالله فتحي..
في بيت الحاج محمد. دهب تبص لمهند بخوف وهي بتقول.
-هو انا مش قصدي حاجه يعني يا مهند كلمة بنيه صافيه والله وهاني زي اخويا ما فهاش حاجه.
سماح: إيه يا مهند دهب مش قصدها حاجه مش كل يا ابني ما البنت تقول كلمه تقفلها كده هويها شويه مش كدا.
مهند يبص على دهب وبيبص على أمه: مش قصدي والله يا ست الكل بس ده طبعي اعمل ايه انا بغير على مراتي لم تقول كلمه حلوه لحد غير.
الحاج محمد يبص على دهب ويضحك ويرجع يبص على مهند: ربنا يسعدك يا ابني بس مش للدرجه دي يعني.
هاني: لا والله رجل يا أخويا انا لما أجيب البنت بتاعتي هاقف لها على واحده زيك كده.
❈-❈-❈
الحاج محمد: هو انت تعرف تجيب واحده ربع دهب اصلا.
دهب: الله يخليك يا عمي محمد ان شاء الله هاجيب واحده احسن مني.
سماح: الله يحفظهم يا محمد ما تزعلش النفوس من بعضها.
مهند: لا بقا الحاج ماقالش حاجه غلط فعلا دهب مافيش منها إتنين (ويغمز لدهب)
دهب وشها قلب الوان من كتر الكسوف علشان مهند بيعاكسها قدام أهله.
دهب بخجل: انا هاقوم أشوف خالتي أم سعيد بتعمل اي.
سماح بضحك: اقعدي يا دهب كملي فطارك وانت يا مهند ماتكسفش البنت خليها تعرف تفطر.
مهند: الله هو انا باقول حاجه غلط.
هاني ب مشاكسه: لا يا اخويا مش بتقول حاجه غلط بس خلي عندك دم و اعمل حساب أن احنا قاعدين.
وفجأة الباب يخبطت.
سماح: شوفي مين على الباب يا ام سعيد.
أم سعيد: حاضر يا ست سماح.
سماح: والله يا هاني مالميت نفسك وبعدت عن أخوك على الصبح انت عارف انا هاعمل فيك ايه مرات أخوك بتتكسف اسكت.
الكل يبص على دهب اللي قاعده وعينيها على الارض ومش قادره تقول كلمة واحده من كتر الكسوف.
هاني بضحكه: يا لهوي هي قلبت طماطمية ليه كده.
مهند: اتلم يا هاني ومالكش دعوة بالقمر بتاعي.
ذهب تبص على مهند. مهند يغمز لها.
دهب: يا لهوي انا هاموت من كتر كسوف.
أم سعيد: يا ستي سماح في اتنين واقفين بره وبيقولوا أنهم يعرفوا الست دهب.
دهب تبص على أم سعيد باستغراب: بيقول يعرفون انا من دول.
مهند بنفس الاستغراب: من دول يا ام سعيد.
❈-❈-❈
أم سعيد: والله يا إبني ما اعرفهم انا اول مره اشوفهم هو رجل واحده ست.
الحاج محمد: طيب دخليهم يا أم سعيد.
أم سعيد: حاضر يا حاج.
وبعد شويه ترجع ومعها أسلام وشرين.
مهند بصدمة: انتم بتعملوا اي هنا.
سماح باستغراب: من دول يا إبني انت تعرفهم يا مهند.
دهب بدموع وخوف وصدمه في نفس الوقت: خالي اسلام.
سماح وهاني باستغراب: ده بيكون خالك.
مهند يقوم من مكانه وبصوت عالي: انت جاي تعمل ايه هنا يا جدع انت أمشي اطلع بره.
دهب من الصدمه والخوف من خالي اسلام قعدت مكاني ما قدرتش أقول كلمة و افتكرت يوم ما ستي ماتت وطلعني من البيت افتكرت ضربوا فيا وكلامه اللي كان بيحرق جسمي افتكر كل حاجه كنت انا قربت انساها و مين اللي معه دي شيرين أكتر واحده بتكرهنى في العالم كله هم جايين عاوزين إيه مني انا سيبت لهم الدنيا على بعضها علشان يرتاحوا جايين ورايا ليه عاوزين يعملوا في ايه اكتر من اللي هم كانوا بيعملوا.
الحاج محمد: عيب كده يا مهند دول مهمه كان ضيوف ودخلوا بيتنا.
اسلام يبص لمهند بخوف: باين كده الحكايه مش ساهله زي ما انا كنت مخطط له.
اسلام بتردد: انا جاي وعاوز دهب.
ويروح عند دهب اللي جسمه بيرتعش من كتر الخوف ويحضنه وبخبث: سامحني يادهب ياحبيبتي سامحني يانور عيني سامحني ياحبيبت قلب خالك انا عارف اني غلط في حقك كتير يابنتي عارف اني اذاتك كمان وضرابتك كتير بس والله كان من غصب عني كان كلام أهل القريه بيحرق دمي ولم طلعتك من البت ماكنتش في واعي ساعتها كان حزني على أمي عميني وماكنتش عارف انا بعمل ايه فكراتك انك مش هتسيبي البيت وهتمشي لا انك عارفه أن وقت غضبي مش بكون عارف انا بعمل ايه بس لما رجعت من المدفن مالاقتكيش قلبت الدنيا عليكي يا دهب بس ما قدرتش أعرف انتي فين غير امبارح عرفت انك هنا من واحد أبن حلال لم عرف اني بدور عليكي جبت نفسي وجيت على هنا جرى (وبدموع تمسايح) انا كل اللي عاوز منك انك تسامحي خالك اللي بين حياة والموت علشان لم أموت أموت مرتاح وضميري كمان يكون مرتاح.
دهب ببراءه ودموع: قصدك ايه يا خالي بأنك تموت مرتاح.
اسلام يبتسم بخبث: طول عمرك هبله.
ويتكلم بدموع تماسيح: خالك يا دهب عنده سرطان ولو متعلجتش منه هاموت انا مش عاوز اتعالج يا دهب انا عارف اني استاهل أكتر من كده ربنا بيعاقبنى على اللى كنت باعمله فيكي بس انا جيت هنا علشان أطلب منك السماح مش اكتر ياقلب خالك.
❈-❈-❈
ويفضل يعيط بدموع مزيفه.
الحاجه محمد يصعب عليه اسلام: لا اله الا الله معلش يا ابني قول الحمد لله ولا يصيبنا الا ما كتب الله لنا.
الكل واقف وصعبان عليه عياط اسلام الا شيرين اللي واقفه وعينيها على اسلام.
-الله يخرب بيتك طلعت ميه من تحت تبن مالكش أمان..
وعيون الطمع تلف في البيت كله: يا لهوي إيه العز والرفاهيه دي ده البيت لوحده يعمل ملايين.
وتبص على دهب بحقد وغل: معقوله دي هي دهب المعفنة اللي ما كانتش لاقيه تاكل يا لهوي على الدهب اللي هي لابساه ولا الفستان يا بنت المحظوظه يا دهب بس على مين انا لازم انا أخد منك كل العز ده أصبري بس عليا لازم انا أكون انا اللي لابسه الذهب َوالفستان الحلو ده مش انتى يا معفنة..
دهب بصدمة ودموع تبص على الكل وترجع تبص تاني على إسلام: انت بتقول ايه يا خالي ومين اللي عنده سرطان.
شرين بخبث تروح عند دهب وبدموع تمسايح: اهي اهي اهي دهب حبيبتي انا كمان غلط في حقك كتير.
وتقعد عند راجل دهب وتمسك راجليها بترجي:
– اهي اهي اهي سامحني سامحي اختك يادهب انا ربنا بيعاقبنى انا كمان انا قاعده وشايفه الراجل اللي انا حبيتوا من كل قلبي بيموت قدام عيني ومش قادرة اعمل له أي حاجة.
ذهب بدموع وبراءه تمسك شيرين تقاومها من على الارض: ما تخافيش شرين أن شاء الله خالي مش هيحصل له أن شاء الله هايتعلاج وهايرجع احسن من لأول.
شيرين تحضن دهب وتملس على الفستان اللي هي لبسه بطمع.. دهب لبسه فستان حرير نبيتي بيلمع وكانت لبسها دهبها اللي مهند جايبه لها.
شرين: يا حبيبتي يا دهب ها تساعدني يدهب نعالج خالك.
مهند واقف واللي بيحصل مش داخل دماغه.
مهند: انا متأكد ان الاتنين دول جاين وفي وراهم لعبة كبير.
اسلام بخبث: لا يا شيرين احنا جاين علشان نطمئن على دهب ونطلب منها السماح مش علشان عاوزين منها حاجه.
سماح: استغفر الله العظيم لاإله إلا الله معليش يابني أن شاء الله هاتخف وهتكون كويس بس انت قول يارب ربنا سبحانه وتعالى كبير ومش بيسيب حد محتاجوا.
اسلام بدموع مزيفة: يارب انا بحمدك على كل حاجة وعارف انك بتعاقبني على كل حاجة انا عملته في دهب وهي مالهاش ذنب في حاجه بس كل اللي انا عاوزه يارب انها تسامحني وبعدين أموت.
دهب بدموع تجري على اسلام وتحضنه جامد: ماتخفش ياخالي أن شاء الله هتكون كويس. ومش هتموت انا مسامحك على كل حاجة.
❈-❈-❈
أسلام يحضن دهب ويبتسم بخبث: عارف انك قلبك أبيض ياقلب خالك ارجعي معايا يا دهب عاوز اعوضك عن كل حاجه عاوز اريح ضميري من ناحيتك.
مهند بصوت عالي: هي مين دي اللي انت عاوزه ترجع معاك دهب مراتي دلوقتي (يكمل كلامه بنبرة تشير لشك) وبعدين كلامكم ده مش داخل دماغي.
اسلام يبص لدهب بخبث وتنهمر بدموع التماسيح على خده.
-اهدي يابية انا مش قصدي حاجه كل الحكاية أن انا حابب اعواض دهب عن كل حاجه انا عملتها فيها علشان ضميري يارتاح ولو موت أكون كفارت عن ذنوبي شوية.
يحط ايدي على رأس دهب وهو بيقول بحزن مصطنع.
– معليش يا دهب يا حبيبتي لو كنت عملت لكي مشكلة لم جيت لكي سامحني ياحبيبتي.
ويبص لشرين: يلا ياشرين خليني نامشي من هنا بدل ما نعمل مشاكل لدهب المهم اننا اطمنا عليها.
شرين من غير واعي: لا مش عايزه امشي واسيب العز ده كله.
مهند باستغراب: انتي بتقولي اي.
اسلام: الله يخربيتك يغبيه هاتنيلي الدنيا.
شرين بتوتر: ها لا ولاحاجة بس كنت بقول يعني هانمشي ازاي ونسيب دهب لواحدها.
مهند: لا ياختي دهب مش لواحدة احنا هنا كلنا معها بس انتم يلا مع السلامه علشان ماتتاخروش.
دهب بزعل: مهند انت بتقول ايه بتطارد أهلي من البيت.
❈-❈-❈
سماح: استغفر الله العظيم واتوب اليه اهدي يادهب وماتزعليش وانت يامهند عيب دول ضيوف قبل مايكون أهل مراتك.
مهند: معليش يادهب مش قصدي ازعلك بس انا مش مرتاح لكلامهم.
اسلام: معليش يابيه بس انا ربي واحد يعلم اي اللي في قلبي يلا ياشرين كفاية مشاكل كل اللي انا كنت عايزه اني طلب السماح من دهب وهي قلبها ابيض وسامحتني.
شرين: يالههههوي انا مش عايزة امشي من هنا معقوله حد يسيب العز ده كله ويامشي.
تبص لاسلام بحنق وهي بتقول: يلا ياخويا احنا كنا جايين نطلب السماح من دهب و نتمنى ان دهب تسامحنا (وبخبث ودموع) يلا علشان مانتاخرش على ميعاد الدكتور بس احنا هنروح ازاي عند الدكتور دي تالت مره نروح من غير فلوس (وتبص على دهب) وحتى منعين عنك العلاج وبقى لك تلات اسابيع ما اخدتش القرحه بتاعتك انا خايفه اوي يا أسلام ياحصلك حاجه لاقدر الله بسبب تأخير العلاج.
اسلام يروح عند شرين ويحضنها ويقول بخبث: ماتخفيش ياحبيبتي أن شاء الله ربك هيعدلها من عنده انا متاكد ربنا مش بينسى حد يلا ياحبيبتي.
دهب بدموع: هتروح فين ياخالي.
اسلام: ماتخفيش ياقلب خالك ربنا مش بينسي حد.
دهب بدموع: طيب اقعد هنا لحد ماتتعلاج والناس دي طيبين مش هيقولو حاجه.
مهند بصوت عالي: ها يقعد فين يادهب هو وفندق لا اي حد يقعد فيه.
الحاج محمد: اي الكلام ده يامهند عيب كلامك ده. ده خال مراتك مش حد غريب ويبص على اسلام اقعد يابني البيت بيتك وانا ان شاء الله هاشوف لك دكتور كويس ياعلاجك.
دهب بدموع: كتر خيرك ياراجل ياطيب (وتبص لمهند بزعل) لا يابيه مش فندق اي حد يقعد فيه يلا ياخالي انا جايه معاك وان شاء الله هاتتعلاج وهاترجع احسن من لاول.
مهند بصوت عالي: انتي بتقولي اي هتروحي مع مين نسيتي انك مراتي دلوقتي.
دهب: لا مانستيش يابيه بس ده مش فندق لا اي حد ياقعد في وبين اني مش من مقام حضرتك.
❈-❈-❈
سماح: اهدي يادهب ياحبيبتي مهند مش قصده حاجه.
مهند بحزن: وانتي اي حد يادهب انتي ست البيت واي انك مش من مقام حضرتك دي هو إحنا في بينا الكلام ده يادهب.
دهب بدموع: لو كنت كدا فعلآ ماكنتش قولت اللي قولتلو ده يابيه يلا ياخالي.
اسلام: بس ياحبيبت خالك ده بيتك دلوقتي عيشي وانسي انا والله ما كانش قصدي اعمل لك مشاكل معه اهل بيتك وجوزك انا اللي غلطان لاني جيت من غير ما افكر لما عرفت مكانك من الفرحه ما تخيلتش ان انا ممكن اعمل لك مشاكل مع جوزك.
دهب: لاء انت ماعملتش اي مشاكل.
ومسك ايدي خالي ومسحت دموعي وقررت اني اطلع من البيت بس قلبي ماقررش يطلع معايا.
مهند يجري ويمسك دهب قبل ماتطلع من البيت: انتي رايحه فين مش انا اللي مراتي تسيب البيت وتطلع منه خلاص ماتزعليش عايزه خالك يقعد معاكي في البيت اهلا وسهلا بيه ياستي بس خلاص مش قصدي اجراحك أو ازعلك والله.
دهب بدموع: بس انت زعلتيني يامهند.
مهند يخدها في حضنها: معليش ياقلب مهند هو ده طبعي اعمل ايه مش بعرف أصدق حاجه انا مش مقتنع بيه خلاص خالك ومرات خالك هايقعدو معانا بس اهم حاجه انتي ماتزعليش نفسك ياقلبي ماشي
اسلام وشرين يبصوا على بعض بخبث.. شرين تبص على البيت بطمع: يالههههوي انا مش ماصدقه انا هاعيش في القصير ده تعالى شوفي بنتك ياما هاتعيش فين.
اسلام بخبث: لا يابيه لو وجودي هايعمل زعل بنك انت ودهب انا هاخد شرين مراتي وهامشي.
شرين: هو بيقول ايه الح*مار ده.
اسلام بخيث: يلا ياشرين.
مهند: لا استني انا اسف مش قصدي ازعلك البيت بيتك تقدر تقعد انت والمدام في البيت زاي مانتم عايزين.
الحاج محمد: مهند معه حق يابني البيت بيتكم يلا احنا ياهاني علشان مانتاخرش وانت يامهند روح واحجز في قاعة كويسة.
مهند: حاضر ياحاج.
الحاج محمد يروح عند دهب: معليش يابنتي ماتزعليش من مهند هو كدا مش عندو خبث ولا بيعرف يقول حاجه هو مش عايزه.
دهب تبص على مهند بحزن: ماتخفيش ياعمي محمد انا مش زعلانه.
الحاج محمد: يلا ياهاني.
هاني: يلا ياحاج.
الحاج محمد: عايزه حاجه اجبهلك ياسماح وانا راجع.
سماح: عايزه سلامك ياحاج.
الحاج محمد يبص على دهب: عايزه حاجه اجبهلك يادهب وانا راجع.
دهب: عايزه سلامتك يارجل ياطيب.
الحاج محمد: تسلمي يابنتي يلا سلام عليكم.
الكل وعليكم السلام ورحمة الله وبركاته.
مهند يبص على دهب: عايزه حاجه انا خارج.
دهب: لا عايزك تسلم من كل شر.
مهند: تسلمي ويبص على أمه عايزه حاجه ياست الكل.
سماح: سلامتك ياقلب أمك.
مهند يبص على إسلام وشرين وهو مش مرتاح لوجدهم بس قبلهم علشان دهب زعلت.
مهند: خدي بالك من نفسك يادهب سلام عليكم.
الكل وعليكم السلام ورحمة الله وبركاته.
دهب بفرحه: تعالى ياخالي نطلع الشقة بتاعتي ترتاح شوية بين عليك تعبان.
شرين: هو انتي عندك شقة لوحدك يادهب.
دهب: ايوه عندي شقة بتاعتي اني ومهند تعالوا يلا.
سماح: استنى يادهب خالك ومرات خالك مش هايقعدو معاكي.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية بنت الريف)
