رواية الخائن والبخيل الفصل الثاني 2 بقلم نور محمد
رواية الخائن والبخيل الجزء الثاني
رواية الخائن والبخيل البارت الثاني
رواية الخائن والبخيل الحلقة الثانية
عزيزه سمعته وغيره ملت قلبها فقالت بغيره وشك:انت بتخوني مش كده ياشريف؟!!
شريف بانشغال وانسجام:امم ايوه بخونك معاها
عزيزه سمعته وبرقت من كلامه هو اعترف قدامها انه بيخونها كمان ايه الجراءه دي الي عنده بجد
اتغاظت عزيزه منه اوي وقالت: انت قولت ايه بتخوني معاها مش كده ياشريف ايه البجاحه الي عندك دي وبتقولها بكل بساطه كده كأنه عادي كلمه الخيانه عندك يادكتور شريف
استفاق شريف على كلامها وقفل الفون وحطه جنبه بتوتر وقال : وانا قولت بخونك ياعزيزه امتي بس ياحبيبتي
ردت عزيزه بغيظ منه: دلوقتي حالا معترف بلسانك يادكتور ومع مين السكرتيره بتاعتك كمان ليه ياشريف تعمل فيا كده بس ليه
شريف اخد باله ان انشغاله مع هدى كشفه ففتح الفون بسرعه وقال: لا ياحبيبتي انتي فاهمه غلط انا كونت بتكلم مع هدي السركرتيره بتاعتي اه بس مش اقصد اني بخونك معاها لا طبعا لان الي بيني انا وهي شغل بس حتي شوفي
مد شريف فونه وكانت المحادثه بينه وبين هدى بتتكلم عن عميله عندهم وبتتناقش معاه عن حالتها بس
بص شريف عليها بخبث ومثل الحزن وقال:شوفتي بعينك انها محادثه عاديه اهو لانك دايما بتظلميني ياعزيزه في موضوع الخيانه ده
عزيزه حست انها ظلمته فعلا وتسرعه في كلامها معاه فقالت باسف:انا اسفه ياشريف يا حبيبي بس انا فكرت انك بتتكلم عليها سامحني والله ماقصد خلاص انا واثقه فيك وعمرى ماهقول عليك كده تاني
شريف ابتسم بخبث ان خطته نجحه بسهوله دي والمغفله دي صدقته بسرعه كمان
فقال بخبث:خلاص مسامحك ياحبيبتي لاني بحبك وعمرى ماقدر ازعل منك ياقلبي تعالي بقى لانك وحشاني اوي اوي
عزيزه فرحت لان شريف سامحها بسرعه وقالت في نفسها يااه ده طلع بيحبني لدرجه دي وسامحني بسرعه كمان لان اي راجل مكانه كان اخد موقف كبير سعتها من الشك ده في وفائه لزوجته
وبعد ساعتين في عرفه نومهم عزيزه كانت حاضنه شريف بقوه وهي نايمه فرحانه اوي لانه مش طلع خاين زي ماكانت فاكره
وشريف حس انها نامت خلاص قام بهدووء من جنبها وطلع من الغرفه لصالون ورن عليها علطول
قال شريف باسف:انا اسف ياحبيبتي تعبتك كده معايا بس كان غصب عني والله
على الجهه الاخرى ردت هدى السكرتيره:محصلش حاجه ياحبيبي عادي المهم صدقت مش كده
ضحك شريف بخفوت وقال:اكيد دي مغفله اساسا وبتصدق اي حاجه بقولها بسرعه دي كان ناقص تبكي قدامي من ظلمها ليا ياحبيبتي والله
زفرت هدي براحه وابتسمت بخبث وقالت:تمام الحمد لله عدت على خير المره دي بس المهم انا عاوزاك بكره تاجي عندي لانك وحشتني اوي اوي ياحبيبي
ابتسم شريف بخبث وحب وقال:وانتي اكتر ياقلبي خلاص بكره هقولها عندي شغل كتير وهبات في العياده بتاعتي و نمشي سوى لشقتك قولتي ايه
ردت هدى بفرحه:بجد ياشريف انا فرحانه اوي شكرا ياقلبي ومتنساش اني كمان مراتك على سنه الله ورسوله وده حقي الشرعي زيها ياشريف
قالشريف بضحك:اكيد ياغزال ده حقك ونص كمان هو انا هلاقي اجمد منك ياروحي فين بس ده انتي القلب كل…
وفجأه وقف شريف على صوت خلفه بيقول بغضب:ها وقفت ليه؟ كمل ياحبيبي هي القلب كله مش كده ياشريف
شريف من الخضه والخوف وقع الفون من ايده و
القصه بقلم#الكاتبه_نورمحمد
****************
وعلى الناحيه الاخرى في منزل عبد الهادي والد كريمه
قال عبد الهادي بغضب:ويمد ايده عليها بتاع ايه ابن عبد السميع هو فاكر ان مفيش رجاله في ضهرك يابنتي والا ايه
ردت عليه سماح ام كريمه:اهدى يابو احمد مش كده ياخويا لما نفهم منها هي الاول حصل ايه؟!
دخل احمد اخ كريمه بعد ماعرف الي حصل لاخته بغضب وقال:صحيح الي سمعته ده ياكريمه مد ايده عليكي كمان مش كفايه اننا شايلين الهم معاه علشان خاطرك لا وكمان مد ايده عليكي طب وديني وما اعبد لاكون قاطعها ليه ابن عبد السميع النهاردا
سماح بضيق من ابنها:اهدى يااحمد ده جوز اختك واب ابنها كمان ومش وقته الكلام ده نفهم منها الاول حصل ايه؟ قولي يابنتي حصل ايه بينك وبينه
مسحت كريمه دموعها الي زي الشلال وقالت:انا مش عملت حاجه ياماما والله انا بس طلب منه فلوس علشان اجيب لبس مدرسه جديد لابني وهو رفض زي المره الي فاتت فاخدت الخاتم الدهب بتاعي وبعته علشان اجيب اللبس لكريم بس هو عرف وضربني بالقلم ياماما و
انهارت كريمه في العياط تاني بحسره فقرب منها عبد الهادي ابوها وطبطب عليها بحنان
عبد الهادي وقلبه هيتقطع على بنته:خلاص ياكريمه متعيطيش انا هحلها يابنتي علشان خاطرك خلاص
رد احمد بغضب:تحل ايه يابابا انت مش سامع قالت ايه؟! وضربها بالقلم علشان ايه!.. ودي مش اول مره يعمل كده واحنا نعديها علشان كريمه اختي.. بس وديني المره دي ماهعديها ليه اكرم ابن عبد السميع
سماح بخوف على ابنها لانه متهور وممكن يضيع نفسه فقالت:احمد اوعي تدخل انت في الحوار ده انا بقولك اهو استني نسمع قال ليها ايه بعدين كملي يابنتي
كملت كريمه بحزن وحسره:قال ياماما اني لازم ارجع الخاتم تاني او هيطلقني علشان عصيت كلامه
ردت سماح بصدمه:ايه؟ يطلقك ازاي؟! طيب وابنك كريم زنبه ايه يابنتي؟ لا انتي لازم ترجعي الخاتم تاني وبعدها هنحلها باذن الله
عبد الهادي بغضب:انتي بتقولي ايه ياسماح انا بنتي مش غلطانه في حاجه علشان تعمل كده واحنا مش خايفين من كلامه ده كمان والي عنده يعمله
احمد بغضب مماثل لابوه:ايوه بابا عنده حق ياماما وبعدين الدهب ده بتاعها وهي حره فيه تبيعه تشحته حتي تو*لع فيه هو دخل اهله ايه اصلا
كريمه كانت منهاره في العياط وفجأه قالت سماح: انا الي قولته يحصل كريمه ترجع بيت جوزها و الخاتم يرجع تاني مكانه انا عارفه بعمل ايه كويس لمصلحه بنتي وابنها
رأيكم كلام ام كريمه صح او غلط واحمد هيسكت على الي حصل في اخته ده او لا وياترى هيحصل معاها ايه كمان في الفصل القادم وشريف هيعرف يهرب زي المره الي فاتت او لا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الخائن والبخيل)
