رواية العدو العاشق الفصل الأول 1 بقلم مجهول
رواية العدو العاشق الجزء الأول
رواية العدو العاشق البارت الأول
رواية العدو العاشق الحلقة الأولى
نبتدي حكايتنا بشخص عنيد ومتعجرف يكره جميع البنات والسبب هانعرفه بعدين الشخص ده أسمه أدم حسين المنشاوي.
صاحب أكبر شركات أستيراد وتصدير ويمتلك مطعم كبير في وسط البلد وفي يوم صحي أدم من النوم أخد شاور ولبس ونزل يجلس علي السفره وبعد ثواني جت الداده سميحه ومعاها الفطار
داده سميحه هي الي مرابيه أدم وهي الانسانه الوحيده الي أدم بيحبها ومايقدرش يذعلها…
داده سميحه.. صباح الخير ياأدم باشا…
أدم.. صباح النور ياداده. أنا قولتلك قبل كده ياداده أنك أنتي الوحيده الي مسموحلك تقولي أدم بس من غير ألقاب..
داده سميحه.. ربنا يعلم يابني أنا لو كنت خلفت أبن ماكنتش هاحبه قدك أنا بعتبرك أبني الي ماخلفتوش…
أدم. ماهو علشان كده بقولك ياداده تندهيلي أدم بس..
داده سميحه.. طب مء ناوي تريح قلبي وتتجوز بقا نفسي أشيل عيالك قبل ماأموت..
أدم….. بعد الشر عليكي ياداده بس أنتي عارفه رأي في الموضوع ده من زمان أنا ماعنديش ثقه في أي بنت من زمان كلهم خاينين
داده سميحه.. يابني مش عشان عقده في حياتك هاتكرهك في الجواز صوابعك مش زي بعضها..
أدم.. داده بلاش نتكلم في الموضوع ده لو سمحتي أنا هامشي عشان أتاخرت علي الشركه..
داده سميحه.. طب تحب تتغدا أيه النهارده..
أدم.. لا شكرا ياداده أنا بعد الشركه هاروح أطمن علي الشغل في المطعم وهاتغدا هناك. سلام ياداده..
داده سميحه.. سلام يابني وربنا يشيل الغشاوه الي علي عنيك وتقابل بنت الحلال الي تغير تفكيرك وتحبها وتعيش حياتك..
وخرج أدم من الفيلا وركب عربيته وراح علي الشركه.
ودخل من باب الشركه وكل البنات كانت عنيهم عليه لان أدم يمتلك جسد رياضي وعنيه ملونه وشديد الوسامه وشخصيته قويه وذكي جدا..
ركب أدم الاسانسير وطلع أخر دور المخصص لصاحب الشركه والمدير التنفيذي فقط. وصل أدم ودخل مكتبه ورن التليفون علي السكرتيره….
أدم.. نعمه هاتي الاوراق الي هاتتمضي وهاتي وهاتي أوراق أخر مناقصه..
نعمه.. حاضر يافندم.. وبعد ثواني جت نعمه وخبطت علي المكتب
أدم… أدخل..
نعمه.. أتفضل يافندم الاوراق أهي… أنا كنت عايذه حضرتك في موضوع بس كنت متردده شويه..
أدم… أتكلمي علي طول من غير مقدمات. خير..
نعمه.. أصلي. أنا هاتجوز بعد شهر فقولت أقول لحضرتك عشان تشوف سكرتيره تانيه عشان أفهمها نظام الشغل قبل مامشي..
أدم.. طب سيبيلي الموضوع ده روحي شوفي شغلك وأبعتيلي
المدير التنفيذي دلوقتي…
نعمه.. حاضر يافندم.. وخرجت نعمه وراحت علي مكتب المدير التنفيذي للشركه.. وخبطت علي الباب…
عمر. أدخل..
نعمه.. صباح الخير يا أستاذ عمر حضره المدير عايذ حضرتك دلوقتي في مكتبه..
عمر.. ماشي يانعمه بقولك هو عامل أيه متعصب ولا عادي 🤔🤔
نعمه.. 😉☺️. عادي ياأستاذ عمر ذي كل يوم بس التكشيره ذايده النهارده حبتين.. 😅😅😅
عمر.. الله يطمنك ياختي اما أروحله أحسن لو أتاخرت هايعمل مني شاورم. هو أدم صاحبي أه بس أما بيتعصب مابيشوفش قدامه 🤔😜😜
نعمه.. ربنا معاك.. 😅😅😅
وخرج عمر راح مكتب أدم خبط ودخل….
عمر.. أيوه يابرنس طلبتني في حاجه.. 😉😉🥲🥲
أدم.. قولتلك يابني أحنا هنا في شركه مش في النادى ومش معني أننا شركا في الشركه ناخدها هزار خاليك جد شويه….
عمر. أنا الي جبته لنفسي كان لازم أشاركك في الشركه أما صحيح راجل معقد.. 🤔🤔🤨🤨🤨🤨🤨🤨🤨
أدم. بتقول أيه عالي صوتك 🤨🤨🤨🤨
عمر.. ها.. لا أبدا بقول عندك حق. ها كنت عايذني ليه..
أدم.. أه. أصل نعمه قدامها شهر وتتجوز وتسيب الشركه فعايذك تشوف سكرتيره جديده بدالها..
عمر.. والنبي دي ربنا نجدها نوسه.🤔😉😉😉😉😉.
أدم..يابني بتقول أيه عالي صوتك.. 😡😡
عمر.. لا أبدا بقولك تمام ماتشيلش هم هاشوف ضحيه تانيه قصدي سكرتيره تانيه مش عارف باقيت بتلخبط كتير ليه. 😜😉😉😉😉
أدم.. بتتلخبط.. ماشي ياعمر. وأعمل حسابك بعد الشركه ماتروحش عايذك هانروح مشوار أنا وأنتا..
عمر… ربنا يخليك ليا ياصاحبي أيه هانخرج مع موزز صح..
أدم.. نعم ياروح أمك موزز أيه وزفت أيه بقولك مشوار شغل هانروح المطعم نشوف الشغل ماشي أذاي وعشان نعرفهم في وفد ألماني هايوصل بكره وهايتغدا في المطعم عشان يعملو الترتيبات
عمر. أه ياعم مانا عارف أنا بس كنت بهزر معاك عايذ حاجه تانيه.
أدم.. لاء روح شوف شغلك..
وخرج عمر من مكتب أدم وهو متعصب منه ودخل مكتبه وهو بيقول لنفسه.. أما صحيح راجل معقد.. ما أنا ألي حمار وأستاهل موزز أيه ده عنده عقده من كل الستات ومايكرهش قدهم ياخساره شبابك ياعمر دفنته بالحيا مع عدو المرأه ده. 🤔😜😜
ونروح بقا لمكان تاني في أسكندريه عروس البحر….
كان. يوجد بنت جميله قوامها ممشوق صاحبه عيون بني وبشره بيضاء كالحليب وتمتلك شعر ناعم وطويل يكاد يغطي ظهرها..
ولا كن عذيذي القارئ.. علي رأي المثل الي بيقول الحلو مايكملش
كانت تمتلك لسان طويل. وشخصيه عنيده جدا..
قامت نور من النوم. علي صوت البائعه الجائلين. فخرجت نور البلكونه ونادت علي صاحب العربه وقالت له..
نور.. في أيه ياعم فتحي أنتا حد مصلتك عليا ولا أيه 🤔🤨🤨
فتحي.. لاء ياأنسه نور في أيه..
نور.. أصلك كل يوم الصبح بدري توقف تحت البلكونه وتقول..
يامجنونه يابنت المجنونه ياطماطم وما حدش بيعبرك ويشتري
وماينوبنيش غير القلق وخلاص..
فتحي.. أعمل أيه يعني ياأنسا نور ماهو أنا بغني عشان الناس تسمعني وتيجي تشتري..
نور.. ياعم فتحي. هو حد ضحك عليك وقالك صوتك حلو زي عبد الحليم مثلا مش كل يوم هاصحا علي صوتك حرام دانا باقيت بسببك بحلم كل يوم بالطماطم… والنبي ياعم فتحي اللهي يسترك وتتجوز واحده شكل السلطانه هيام بلاش طماطم كرهتها أقولك غير وأنده علي التفاح أنا بحبه..
فتحي.. مين دي السلطانه هيام ياأنسه نور.
نور.. ها.. لا دي واحده كده غلبانه كانت بتيجي تبيع لنا جبنه ولبن
ودخلت نور الغرفه أخدت لبس عشان تروح تاخود شاور خرجت الصاله لاقت خالتها عملت الفطار..
نور.. صباح الخير ياموزه عامله أيه..
خاله نور.. صباح النور ياحبيبتي. بتتخانقي علي الصبح مع مين
نور.. مع فتحي البياع مفكر نفسه عبد الحليم ولا تامر حسني كل يوم أصحا علي صوته المذعج وهو بيغني ويقول. أه يامجنونه يابنت المجنونه ياطماطم بس أنا ماسكتش وأديتهومله. 😉😉
خاله نور.. 😉😅😅. أنا مش عارفه هاتبطلي أندفاعك ولسانك الطويل ده أمتا أنتي طفشتي كزا عريس بسبب لامضتك ولسانك الطويل ده يامجنونه.. 😅😅😅😅
نور.. 🤔🤔🤔. أعمل أيه ياخالتو ما أنا مابحبش حد يعاندني
خاله نور.. طب حسام ما كانش بيعاندك سبتيه ليه يامفتريه..
نور.. عشان كان فرفور ياخالتو وابن أمه كل أما أسأله علي حاجه في العفش أو الشقه يقولي هسأل ماما.. وأنا أكتر حاجه أكرها ألي مالوش شخصيه وفرفور..
خاله نور.. طب وهاني عيبه أيه راخر..
نور.. كان عينه زايغه وبتاع بنات..
خاله نور.. طب وسعيد أظن ده لافرفور ولا عينه ذايغه صح..
نور… صح ياخالتو.. بس كان بخيل جلده.. ده في يوم يامؤمنه طلب مني يخرجني وفضلنا ماشين ساعتين ومش عايذ يركبني مواصلات أل أيه عشان ماركبش جمب شباب فقولتله طب نركب تاكسي قالي لا طبعا دول معظمهم حراميه ومابشغلش العداد
ومن كتر المشي حاسيت بالعطش قولتله أنا عطشانه قام دخل محل عصير تخيلي يعذمني علي أيه
خاله نور…. عصير مانجه مثلا أو برتقال..
نور.. لاء..
خاله.نور… أيه جاب عصير قصب….
نور.. ياريت.. المعفن لاقيته شاحت كوبايه مايه لاء وجاي ومبتسم أوي وبيفرحني ويقولي.. حظك حلو المايه هنا ساقه ثلج🤔🤔..
خاله نور….😅😅😅😅. عندك حق يانور ده فظيع
نور… جهذي نفسك ياخالتو عشان هانسافر بعد العصر القاهره عند
صاحبتي وهانقعد عندها علي مانشوف شقه هي ماحيلتهاش غير أخوها ومسافر..
خاله نور.. بردو يانور عايذه تمشي من أسكندريه..
نور.. أيوه ياخالتو بعد موت ماما مابقاش لينا حد نقعد علشانه
وبابا أنتي عارفه بعد ماطلق ماما وسابنا وسافر وما نعرفش عنه حاجه يبقا هانقعد هنا لمين ياخالتو..
خاله نور… عندك حق يابنتي تعالي نحضر الشنط وبعدين نقفل الشقه ونمشي..
وبعد ساعتين كانو حضرو الشنط ولبسو..
خاله.نور…يله يانور نمشي جبتي حاجتك كلها وأوراق التخرج..
نور…. أه ياخالتو .. جبت cv بتاعي.. وفيه كل أوراق التخرج
وقفلو الشقه ونزلو وراحو موقف أسكندريه وركبو أتوبيس
خاله نور.. هي صاحبتك ساكنه فين يانور..
نور ساكنه في وسط البلد ياخالتو أما نوصل هارن عليها وأعرف العنوان بالتفصيل.. وبعد فتره وصلت نور وخالتها ورنت علي صاحبتها ساره….
ساره.. أيوه يانور وصلتو ولا لسه..
نور.. أه ياساره بس قوليلي العنوان بالظبط أيه عشان أقوله لبتاع التاكسي وملت ساره العنوان لنور وبعد ثواني ركبت نور وخالتها تاكسي.. وبعد دقايق وصلت نور وخالتها تحت العماره عند ساره
فأعطت نور لصاحب التاكسي 15جنيه
سواق التاكسي.. أيه ده ياأنسه.. أنا عايذ 25جنيه..
نور.. نعم ليه ياحبيبي هو أنتا جايبنا من ألمطار ولا حاجه ده حتي المشوار ماكملش عشر دقايق..
صاحب التاكسي.. بقولك حسابي 25جنيه ماتخالنيش أغلط معاكي..
نور.. لا يابابا أنتا مفكرني كيوت وهاتكسف دانا أشرشحلك هنا
هاتمشي ولا لاء
صاحب التاكسي.. لاء مش هامشي غير لما أخود باقيت حقي
نور.. ماشي أنتا ألي جبته لنفسك ياخرابي. الحقوني ياناس..
وبعد ثواني أتلمت الناس وسألو نور في أيه.ياأنسه..
نور.. ألراجل قليل الادب ده بديله الاجره وكان عايذ يخطفني أنا وخالتو والا عشان أحنا أتنين ستات ومامعناش راجل..
وقامو الناس مسكو السواق وكانو هايضربوه وقال السواق لنور
السواق.. خلاص والنبي ياأنسه خاليهم يسيبوني مش عايذ حاجه.
جت نور جمبه وقالت بصوت واطي..
نور.. ها هاتمشي بالذوق ولا أخلي الرجاله تقوم بالواجب.🤔😉
سواق التاكسي.. أبوس رجلك مش عايذ فلوس خليهم يسيبوني والنبي.. 😔😔😔😔😔
نور… خلاص يارجاله هو أعتذرلي وقال مش هايعمل كده تاني مش كده ياسطي..
السواق.. أه فعلا حرمت والنبي بس خاليني أمشي..
نور.. ناس تخاف ماتختشيش وماتجيش الا بالعين الحمرا….
خلاص يارجاله سيبوه يمشي هو عرف غلطه.. قام سواق التاكسي ركب عربيته وجري وقال لنفسه.. أه يابنت المجنونه كنت هاتنفخ
والرجاله مشيت. وقالت خاله نور لنور….
خاله نور… حرام عليكي يامفتريه الراجل كان هايروح في شربه مايه يامفتريه.. 😅😅😅😅😅😅
نور.. يستاهل هو مش عارف أنا مين دانا نور الي ماحدش يغلبني
وطلعت نور وخالتها عند ساره..
ساره.. أهلا وسلا أتفضلو كويس أنكو عرفتو توصلو خفت لا تتوهو
نور.. لاء أطمني صاحب التاكسي وصلنا بس خاد ديله في سنانه وقال يافكيك بعد الي عملته فيه. 🤔😅😅😅😅😅😅😅
نور.. عملتي أيه يامجنونه مانا عارفاكي من أيام ما كنا في جامعه أسكندريه…. وحكت نور كل الي حصل.. ☺️☺️😂😂😂😂
ساره أه يامفتريه يامجنونه الراجل كان هايتنفخ. 😂😂😂
نور.. يستاهل هو مفكرني رقيقه وكيوت ولا أيه
ساره.. لاء العفو الراجل ياعيني حظه المهبب وقعه في طريق واحده مفتريه كانت هاتواديه في داهيه.. 🤔🤔😂😂😂😂
نور بقولك أيه سيبك منه يتحرق أنا عايذاكي في موضوع مهم..
ساره.. خير ياقلبي..
نور.. معلش ياساره هانتقل عليكي كام يوم لحاد مانشوف شقه وعايذاكي تشوفيلي شغله معاكي مؤقته علي ماأدادور علي شغل في شركه..
ساره.. ياحبيبتي تشرفوني وبعدين أنتي عارفه أني قاعده لوحدي
وأخويه مسافر. وبعدين الشغل في الشركات مش سهل كنت أنا أتوظفت ما أحنا متخرجين ساوا من نفس الكليه تعالي بكره أشتغلي معايا في المطعم الي بشتغل فيه علي مانداور علي شغل أنا وأنتي ماشي..
نور.. ماشي ياموزه..
ساره… طب يله يانور يله ياطنط دانا عملالكو أكل يجنن..
وراحو قعدو علي السفره وأتعشو ساوا..
نور.. تسلم أيدك ياساره الاكل بجد تحفه.. بس أنتي عامله ألاكل ده كله لوحدك..
ساره.. أكيد يانور مانتي عارفه أني قاعده لوحدي
نور.. لاء بجد برافو عليكي أصلي ذي مانتي عارفه أنا فاشله في الطبخ البركه فيكي أنتي وخالتو وسيبولي الشقه أنا ترويقي وغسيلي فله حتا أسالي خالتو….
خاله نور.. 🤔😅😅😅فعلا ده حتا أنا بغسل لها كل هدومها
نور.. بقا كده ياخالتو بتفضحينا قدام الاجانب ماشي..
ساره.. أنتي ناسيه ياهابله أني كنت أقرب صديقه ليكي من أيام الجامعه وعارفه عنك كل حاجه.. وبعدين ماتشيليش هم أنا مش هاسيبك غير لما تتعلمي..
نور.. أيوه ياساره أنتي عارفه أني مش بعرف أطبخ هاجي اشتغل معاكي في المطعم أيه..
ساره.. هو أنا يعني الي بروح أطبخ هاتقدمي الطلبات للذباين ذي مانا بعمل بس أهم حاجه تكوني مؤدبه وتقصري لسانك شويه عشان المدير بتاعنا مابيرحمش وعنده الذبون دايما علي حق..
واللهي بقا أنا هاعمل الي عليا والباقي علي ربنا يله أستعنا علي الشقا بالله يله نخوش ننام عشان نقوم بكره بدري نروح الشغل أحسن أنا أتحمست ياساره 🤔🤔😉😉😉
ساره.. ربنا يستر أحسن أنا عارفاكي وحاسه أن رفدي هايبقا علي أيدك يامجنونه.. 🤔😉😉😉😉😉😉
وتاني يوم صحيت نور وملك لبست نور بلوزه وبنطلون جينذ وعملت شعرها ديل حصان وكانت في منتهي الجمال ولبست ساره بلوزه وجيبه وحجاب بلون الجيبه وانت ساره زي القمر هي كانت خمري ولا كن ملامحها هاديه وجميله لان ساره كانت أنسانه رقيقه جدا عكس نور تماما ونزلت نور وساره ركبو تاكسي وراحو الفندق ساره خادت نور ودخلو غرفه الملابس
ساره… خودي يانور البسي اليونيفورم ده ده المخصص للمكان هنا
وبعد ثواني دخلت ساره ونور المطبخ وعرفت نور علي زمايلها في الشغل وأدت نور دفتر وقلم وقالت لنور..
ساره.. بوصي يانور ده الدفتر هاتكتبي فيه رقم الطرابيذه والطلبات الي طالبينها ماشي عايذه تسالي عن حاجه..
نور لا شكرا ياقمر روحي أنتي شوفي شغلك وسيبيني أنا وهاتعلم واحده واحده ذهبت ساره تجيب طلب من المطبخ لذبون وفجأه جه صاحب المطعم ومعاه وفد ألماني وجلسو علي الطرابيذه وشاور لنور..
نور. أيوه يافندم طلباتكو أيه فاتكلم صاحب المطعم مع الوفد عشان يعرف طلباتهم الاول…. ثم قال لنور..
أدم.. هاتيلهم عصير الاول وبعد شويه هايطلبو الاكل بس بسرعه وماتتاخريش يله أمشي..
نور… هو ماله ده بيتكلم من طراطيف مناخيره ليه أنا لو مش خايفه علي ساره أحسن تترفد كنت شرشحتله خيال المأته ده
وراحت نور المطبخ عشان تجيب العصير الي طلبوه وجابت العصير بس مش عارفه تمشي بسبب الكعب بتاع الجزمه وهي مش متعوده تلبس جزمه بكعب فراحت عند الطرابيذه وجت تحط العصير وقعته كله علي واحي من الوفد الالماني نظر أدم بغضب لنور وقال..
أدم.. أيه الي عملتيه ده يامتخلفه أنتي مش تفتحي ياعاميه..
نور… بقولك أيه ياكابتن أنتا ماتشتمش أنا ماكنتش أقصد..
أدم.. كابتن أيه يامتخلفه أنتي أنا صاحب المطعم ياجاهله
نور.. ماتحترم نفسك وماتشتمش وأيه يعني صاحب المطعم حصلنا التهديد والرعب يابابا
أدم.. لا دانتي قليله الادب وعايذه تتربي ياحيوانه.. 🤨🤨🤨
نور.. ومين بقا الي هايرابيني أنتا ولا الثلاثي المرح الي معاك دول ولا تعرف تعمل حاجه 🤔🤔🤔🤨🤨🤨
أدم.. أنتي مطروده أمشي باره وما شوفش وشك هنا تاني باره
نور.. أنا ماشيه يعني هاتطردني من الجنه ياخي وأنتا عامل ذي خيال المأته كده ومشيت علي غرفه الملابس عشان تغير هدومها
فنظر أدم وهو في قمه غضبه عيله مستفذه صحيح ولسانها طويل.. وأعذر للوفد ولاكن الوفد غضب وقامو وقالوله أنهم غيرو مكان الصفقه لو عايذ ألثفقه تتم يسافرلهم المانيا ومشيو من المطعم..
نور. لبست وراحت لساره المطبخ وقالت لها علي الي حصل وقالت لها لو حد سألك عليا قولي أنك ماتعرفينيش وأنك قابلتيني صدفه
ومشيت نور من المطعم وأدم دخل مكتبه الي في المطعم وقرر يعرف مين البنت دي ومين الي جابها..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العدو العاشق)
