رواية حبي الاول الفصل الثاني 2 بقلم يورا ادم
رواية حبي الاول البارت الثاني
رواية حبي الاول الجزء الثاني
رواية حبي الاول الحلقة الثانية
عدي علي سفره 3 سنين ..كنا يوميا بنتكلم بس واحدة واحدة مكالمتنا بدأت تقل ..كلامنا مع بعض اتقطع ..كان بيبقي واحشني وكنت ببعتله بس هو موفاش بوعدة بعدها بخمس شهور بالظبط كنا بعدنا عن بعض بقيت مهموش معدش بيسأل عليا ولا بيكلمني كأني مكنتش ف حياته ..دلوقتي عرفت وصدقت المثل بتاع “البعيد عن العين بعيد عن القلب”بس هو لي محصلش معايا كدا لي هو لسه ف قلبي وف عقلي ..لي لسه بفكر فيه ..لي لسه بفتكر كل ذكرياتنا مع بعض ايامنا سوا.. خناقتنا ،حكاوينا ،قعداتنا سوا ..خروجاتنا ..وحشني اوي ونفسي بس اسمع صوته
-يارا يلا المحاضرة هتبدأ
فوقت من سرحاني علي صوت زياد
زياد دا بقي حكايته حكايه من اول يوم جيت الجامعه وهو اول واحد انا عرفته عرض عليا اننا نبقي صحاب وانا وافقت بجانب صحباتي التنيين اكتر واحد جدع وشهم عرفته ف حياتي ..بيحبني وقالي اننا نرتبط بس انا موافقتش ..اوافق ازاي وقلبي متعلق بحد تاني
-جايه اهو
كبرت ..كبرت يأدم ودخلت الكليه اللي كنت بحلم اني ادخلها “هندسه” حققت حلمي بس وانت مش جمبي ،روحت اول يوم لوحدي مش انت اللي وصلتني زي ماكنا مخططين .. بتمني احكيلك كل دا بس انت اللي عملت مسافات بينا وحسستني اني غريبه عنك ..مش اقرب واحدة ليك ،او اللي كانت اقرب واحدة ليك
-الدكتور طول اوي انهاردة ف المحاضرة
رديت عليه وانا بضحك
-ايوا فعلا ..لو كان طول شويه كمان كنت هقوم امشي
ضحكنا كلنا قبل مايقاطعنا صوت ارخم بنت ف المجرة كلها ..ايوا الي جت ف بالكو دي بنت عمتي اصلها دخلت زيي هندسه او مش زيي اوي زي ادم
-اي يايارا مش هتسلمي علي بنت عمتك
مديت ايدي ويادوب اطراف صوابعي لمست ايديها وقولت ببرود
-اه ..اذيك
-تصدقي انا غلطانه اني جايه اقولك علي خبر مهم
قلبت عيوني بملل
-مش عايزة اعرف
-بس انا هقولك ..مش ادم راجع اخر الاسبوع من برا
اي دا مال ضربات قلبي زادت كدا لي ..واي الضحطه اللي بتترسم علي وشي دي ..بس مرضتش اخليها تفرح فيا ةتبان انها عارفه قبلي
_اه منا عارفه من امبارح
وشها قلب لمدة ثانيه ..وبعدها ضحكت تاني
_طب وتعرفي كمان انه راجع ومعاه البنت اللي هيخطبها
لا مش انا اللي اتصدمت دا قلبي ..قلبي الاهبل اللي كان لسه هيخرج من مكانه من الفرحه ..بس دلوقتي انا سمعت صوت كسره
سبتهم ومشيت لاني مكنتش ضامنه اني امسك دموعي اكتر من كدا
..روحت اكتر مكان كنت برتاح فيه بس وانا معاه ..بس بقالي 3سنين بقعد فيه وانا لوحدى ..كنا بنحب نيجي نقعد كتير اوي قدام البحر..ومن يوم مامشي كنت باجي احكي للبحر واقوله قد اي واحشني ..بس دولقتي مش عارفه اقوله اي ..اقوله انه بعج ماهجرني وبعد عني راح وحب غيري ..طب وقالبه طاوعه يعمل كدا ..علي قد ماجوايا حزن ..بس كان جوايا غضب ..غضب من نفسي علي اني فضلت حافظه وصاينه قلبي ليه ..كنت حافظه قلبي عشان لما ييجي يلاقيني مستنياه ومفرطش ف حبي ليه ولا اديت قلبي لحد تاني
..بس هو اللي خاني وعطي قلبه لغيري
-طب مايمكن بتقولك كدا عشان تغيظك
رفعت راسي واتكلمت والدموع مغرقه وشي وصوت شهقاتي عالي
-لا ..منا فضلت اتحايل علي ماما لحد ماقالتلي
اترميت ف حضنها وصوتي عياطي عمال يعلي
ايمان صحبتي واختي اللي مخلفتهاش امي مستحملاني ف كل حاجه ..عياط ،مشاكل،في اي وقت وف اي ساعه بحتاجها بلاقيها جمبي
-بقولك اي ماتيجي افسحك فسحه هتحكي وتتحاكي عليها طول عمرك
هزيت راسي بلأ وانا لسه حضناها وقولت
-مش عايزة اتحرك من مكاني
لقيتها زقتني بعيد عنها وقامت نطت من علي السرير وبتفتح دولابي
-قومي اغسلي وشك وانا هطلعلك هدوم عشان ننزل ..دي شكلها هتشتي انهاردة قومي
كانت بتتكلم بحماس بس انا عارفه انها زعلانه عشاني وعيزاني اطلع من الحاله اللي هدخل فيها ..ودي حاله لو دخلت فيها مش هخرج منها غير بعد شهور
-تاكلي ايس كريم
بصيتلها بأبتسامه بهتانه
-اكل ايس كريم
-اشطات ..هجبلك بالفانيليا والكراميل زي مابتحبي
-عامله اي دلوقتي
-زياد ..اي اللي جابك هنا
لقيتها جايه عليا وماسكه تلاته ايس كريم بسكوت
انا اللي قولتله عشان يساعدني اني افرفشك وابسطك كدا يابطه
-انتي لي محسساني اني بقطع شراييني
ادت كل واحد الايس كريم بتاعه وقعدت
-عشان انا اكتر واحدة عرفاكي لو اكتأبتي انا هتشل
-خلاص متبصليش كدا عشان بخاف وبنام ف الاوضه لوحدي
ضحكنا كلنا وكملت
-انا عارفه انك هترجعي قويه تاني وهتبيني انه مش فارق معاكي بس انا اكتر واحدة عرفاكي وعارفه اي اللي بيدور ف دماغك
-انا هبقي كويسه متخافيش ..ازمه وهتعدي زي اللي قبلها
-خلاص الدمعه هتفر من عيني ..انا جاي اتبسط مش جاي عشان يتعككن عليا
ضحكنا تاني وقومنا نتمشي علي الكورنيش ..جرينا واتصورنا واكلنا حمص الشام ودرة ..الجو مطر وجرينا تحت المطرة حسيت اني رجعت طفله تاتني ..وانا معاهم بنسي كل الحزن اللي جوايا بتمني يفضلوا ف حياتي طول العمر
روحت البيت وطلعت علطول علي السطح ..بدأت ابص علي كل ركن كأني اول مرة اشوفه ..كل مكان هنا لينا فيه ذكرئ
-يارا حطي الزرع بتاعي علي السور عشان الشمس تيجي عليه
-لا انا هحط الورد عشان يفتح كدا ويكبر ويبقي جميل
-والله انتي اللي اجمل وردة ف حياتي مش عارفه جبتي ورد لي وانتي موجودة اهو
ضحكت بكسوف وسكتت
بصيت علي الشاشه وافتكرت لما قعدنا نتحايل عليهم عشان يجبولنا شانه عشان نسهر ونسمع الماتش فوق ..مغ اني مكنتش بحب اسمع كورة بس حبيتها عشانه
-انا عايزة اعمل مكتبه هنا عشان بحب اقرأ الرةايات الصبح واقعد ف الشمس
-بس كدا انت تؤمر ياجميل
كنت بحسس ععلي الكتب بتاعته والروايات بتاعتي مسكت كتاب وفتحته ولقيت فيه جواب كان كتبهولي
-عايز اقولك كل سنه وانتي طيبه ..وكل سنه واحنا مع بعض ..كل سنه وانا بحبك اكتر من السنه اللي قبلها ..حبيت اكون اول واحد اقولك كل سنه وانتي طيبه ..دموعي زادت ..كانت زي الشلال علي وشي مقدرتش افضل ف المكان اللي كله ذكريات لينا مقدرتش استحمل نزلت ودخلت علي اوضتي ونمتوانا دموعي مغرقه المخدة
الاسبوع عدي بسرعه اوي ..وانهاردة هو جاي هو واللي هتبقي خطيبته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الاول)
