رواية حب غير مشروط الفصل الثالث 3 بقلم لولا
رواية حب غير مشروط الجزء الثالث
رواية حب غير مشروط البارت الثالث
رواية حب غير مشروط الحلقة الثالثة
حب غير مشروط
البارت التالت
جيسي بحده من غير كدب انتي في حد في حياتك
منه يابنتي لا ايه الكلام ده ماقولتلك لا هو لو في انا هخبي عليكم ليه مثلا هتضربوني دي بقيت حاجه غريبه بجد ورايحه تمشي مسكت ايديها جيسي
جيسي استني بس يمكن مخبيه علشان حاتم ناويلك لو عملتي حاجه زي كده
منه بحده حاتم مين انتي اتجننتي ليه هو جوزي وانا معرفش ولا اتكتب علي اسمي
جيسي بحزن اهدي انا مش قصدي اعصبك بس انتي عارفه ان بابا قايل من زمان انك لحاتم
منه بحده بابا يقول زي مايقول انا مش شقه مفروشه هيبعني بمزاجه انا مش عايزه حاتم ولا بطيقه ولا عمري هشيل اسم راجل مش بحبه
جيسي حضنتها واكملت بحزن طب وهتعملي اي مع بابا يا منه
منه بدموع انا تعبت اوي هو ليه مش عايزني انا اختار ليه مصمم يعمل كده
جيسي بدموع خايف علينا اوي فمش عايزلنا اي حد يا منه
منه بدموع ماشي معاكي بس مش بمزاجه اشمعنا هو لما جيه اتجوز اختار ماما الله يرحمها بمزاجه ده جواز يا ناااس ده جواز مش هزار ازاي هكون مع واحد انا مش عايزاه ولا حباه ازاي يارب
جيسي بدموع اتمني فعلا بابا ميصممش علي كلامه ومتكونيش لحاتم
منه بحده ودموع صمم مصممش انا محدش هيجبرني علي اي حاجه مش عايزاها يا جيسي ولا حتي لو كان ابويا هقف قدامه وقدام الدنيا كلها
جيسي بدموع ربنا يسعدك يا حبيبتي ويحصل كده فعلا
منه حضنتها واكملت بحب متخافيش عليا ومتعيطيش انا محدش هيجبرني اخد حاتم والله ما هيحصل
جيسي طبطبت علي ضهرها واكملت طب يلا روحي البسي علشان كليتك انتي
منه بحب حاضر يا حبيبتي انتي مش هتروحي ولا ايه
جيسي لا رايحه دهب مع صحابي
منه بتنهيده والله ?
جيسي بمرح اه تيجي معايا
منه وهي بتفتح الدولاب اكملت لا مش فاضيه عندي مشروع روحب انتي واتبسطي هي كام يوم ?
جيسي بمرح يومين بس يابت تعالي فكي بدل جو الكأبه. ده وهتقعدي لوحدك يومين قصاد حاتم انتي حورا
منه بتوتر هيعملي اي يعني كبري دماغك
جيسي انتي عارفه انه بيحبك طبيعي هيحاول يلطف معاكي الجو فا فكك منه وتعالي واعملي مشروعك هناك هاتي حاجتك وتعالي
منه لالا مش هروح روحي انتي يا جيسي بقي خلاص
جيسي طب عموما فكري هنمشي علي 3 كده يعني بعد كليتك
منه لا انسي سفر تاني مبروحش بطلناا الكلام ده خلاص ودخلت الحمام
جيسي هموت واعرف اي غيرك كده وخدت بعدها ونزلت خرجت من الفيلا
بعد شويه خرجت منه وطلعت بلوزه حمرا وبنطلون اسود وقسمت شعرها وعملت تسريحه حلوه كان نصه ملموم ونصه فاكك حبه وكان شكلها حلو ووقفت تحط ميكاب ولبست الكوتش ابيض وشنطتها واكملت قدام المرايا حلو كده ولا هسمعلي كلمتين منه مش عارفه بجد بس شيفاه حلو
ولقيت فونها بتبص لقيت مكتوب my love فردت
منه بحب ايه يا حبيبي صباح الخير
ادم وهو بيقفل زراير قميصه اكمل صباح النور افتحي كول يا منه
منه بضحك اشمعنا
ادم وهو بيسرح شعره سند الفون واكمل اكيد موحشتنيش بس علشان تعبان ومش عايز حرقه دم
منه بضحك عيب عليك مفيش حرقه دم
ادم طب افتحي يا منه
منه فتحت كول معاه
ادم بصلها واكمل سيبي الفون وابعدي
منه بعدت واكملت بضحك اهو ماله وربي متبقاش نكدي
ادم بصلها بتفحص واكمل وهو بيحط عنيه علي المرايه عنده تاني وبيسرح غيري البنطلون ولمي شعرك
منه بصت علي شكلها واكملت بستغراب ليه هو
ولم تكمل لقيت ادم قفل الكول
ادم وهو بيحط الفون في جيبه اكمل انا مش هعيد وازيد ابقي اشوف اللي قولته متعملش ولبس الكوتش ونزل
عند منه
منه بغيظ يااااربي بااااارد ومستفزززز ماله البنطلون هو انا لازم البس حاجات اكبر مني علشان تعجب الدكتور حقيقي استفزاز لا وبيقفل الفون في وشي اللي هو مفيش جدال يعني .. ماشي يا ادم ماااشي
وراحت غيرت البنطلون لبوي فريند واسع بدل الليجن لانه كان علي قدها بلظبط وعملت شهرها كحكه لفوق فوضاويه بشكل جميل ونزلت خصلتين وكانت فعلا اجمل
منه وهي بتبص علي شكلها برضا اكملت بحب اهو اما نشوف اخرتها معاك يا ادم
ونزلت
حاتم بضحك اش اش اش ايه الحلاوه دي كلها يابنت عمي
منه وهي خارجه اكملت بسخريه اسكيوزمي بس مطلبتش رايك يا حاتم خليك في حالك هاا ربك امرك بغض البصر
حاتم مسك دراعها واكمل بحده والله يعني انا ربي امرني بغض البصر وانتي قالك تبيني شعرك
منه ببرود لا طبعا مين قال كده بس اديني بحاول واحده واحده اغير من نفسي وبصت علي ايديه اللي ماسكه ايديها واكملت وهي بتنفض ايديها من ايده ورفعت صباعها بتحذير واكملت بحده ايدك لو لمستني تاني هتزعل مني وبلجامد يا حاتم انا بنت عمك يعني مش محلل ليك انك تلمسني اصلااا فاحترم نفسك والزم ادبك
حاتم بضحك لالا بجد ضحكتيني هو انتي متعرفيش انك هتبقي مراتي يا منون ولا ايه
منه بضحك لا ياشيخ طب والله ده انت اللي ضحكتني وهمست بسخريه علشان لو وقفت علي شعر راسك شعرايه شعرايه يا حاتم انا عمري ماهبقي ليك
حاتم بصلها بغضب واكمل هنشوف يابنت عمي هنشوف ومسكها من ايديها زقها عند الحيط وحاوطها بين ايديه واكمل بخبث وهو بيبصلها من فوق لتحت ماهو اللي ميجيش بلذوق والحلال بيجي بلعافيه عادي هاا فاخلي بالك مني علشان انا صبري ابتدي يخلص عليكي وسكت واستحملت سخافتك وطريقتك دي كتير
منه اتصدمت من تهديده و ضربته في صدره بعدته عنها واكملت بحده وريني اخرك يا زباله جتك الارف علي الصبح وطلعت من الفيلا بعصبيه وركبت عربيتها ومشيت في اتجاها للجامعه
في كليه الطب
عمر سرحان في ايه يابني
ادم ها لا معاك معاك
عمر بضحك معاايا ايه بس ده انت في دنيا تانيه
ادم بابتسامه معلش حقك عليا كنت بتقول علي تاليا مش كده
عمر اه هي صاحبه منه ماتعرفلي اي سكتها انا عشره عمرك يعني
ادم بحب حاضر يا حبيبي هشوف والله وهقولك عيب عليك يا عمر
عمر بحب تسلم يا غالي وتنهد واكمل ياااه واحشني ايام زمان انا وانت ورامز واحمد. الله يرحمه
ادم بحزن الله يرحمه ويغفرله ويسكنه الفردوس الاعلي
عمر بتنهيده حزينه امين يارب يلا احنا بقي ندخل المدرج المحاضره هتبدا
ادم يلا بينا
في كليه الصيدله
مالك لا انا مش هخرج انهارده كفايه كده الحج جاب اخره وكفايه في حوار مع ادم انا هخلص كليتي واخد اخويا ونروح نشوف هصالحهم ازاي
ذياد ليه حصل ايه
مالك بتنهيده ابدا شد مع ماما شويه مشي راح لصاحبه بابا مش عجبه كده بقي
ذياد ربنا يهديه يارب بس حاول طيب ده هو يومين والجامعه اغلابها طالع الرحله دي ومش غاليه ولو علي اافلوس متشلش هم احنا اخوات
مالك يابني والمصحف معايا تمن الرحله بس محدش عندي هيوافق
ذياد طب عموما شوف
مالك حاضر والله هشوف فعلا الواحد جايب اخره اصلا
ذياد بضحك ليه بتحب ?
مالك بستغراب اشمعنا ايه العلاقه
ذياد بضحك هما بيقولوا كده اصل الحب فيه نكد
مالك بضحك لا ياخويا انا متنكد من الدنيا اللي احنا فيها اقعد واتنيل بس
بعد ساعتين في كليه الفنون في المحاضره
الدكتور قومي يا انسه
محدش قام
الدكتور بحده انتي يابنتي مش بكلمك
تاليا هزت منه واكملت بهمس كلمي يخربيتك
منه بانتباه قامت وقفت واكملت بتوتر سوري يا دكتور كنت سرحانه شويه
الدكتور بحده سرحانه ااه اصرفها فين انا دي معلش
منه بتنهيده انا اسفه حقيقي
الدكتور بحده اسفك غير مقبول برا
منه بحزن حضرتك مش هتتقرر تاني
الدكتور بحده يا تقولي انا قولت ايه يا تطلعي برا حالا
منه بصتله باحراج وحزن وطلعت وفضلت تتمشي ودموعها نزلت صعبت عليها نفسها اوي انه احرجها قدام صحابها وهي كانت بتفكر في كلام حاتم ومرعوبه
قعدت في الجنينه بحزن منه بدموع اول مره احس اني يتيمه اوي كده ولوحدي والخوف ده كله جوايا
ادم حط ايده علي كتفها واكمل ازاي بقي وادم موجود
منه لفت لقيت ادم فحضنته وفضلت تعيط وهو مفهمش ليه عيطت بس فضل يطبطب عليها والكلمه اللي هي قالتها كفيله ان تخليه يحس بيها اوي واكتر واحد كمان مش لانه حبيبها وبيحس بيها بس لا ده كمان جرب فعليا واصعب من كلام منه
ادم بخوف بس بس يا حبيبي اهدي فيكي ايه
منه بعياط انا سرحت شويه في المحاضره دكتور محمود قومني وهزقني وطردني من المدرج قدام صحابي طب ليه كل ده والله كان غصب عني والمحاضره مهمه اوي وهتروح عليا كده لانه هعمل منها حاجات تخص مشروعي
ادم مسح دموعها واكمل وايه خلاكي تسرحي يا منه بتفكري في ايه يا حبيبتي
منه بتوتر في .. في ماما واحشتني اوي وغياب بابا مأثر عليا
ادم مسح دموعها وباس جبينها واكمل يلا
منه بتوتر علي فين
ادم بحده قولت يلا
وشدها وخبط علي باب المدرج ودخل
ادم بحده دكتور محمود لو سمحت
الدكتور اهلا يا ادم ازيك يا دكتور
ادم بحده اكيد مش كويس يا دكتور وانت بتعامل خطيبتي بلطريقه دي
محمود بستغراب هي منه خطيبتك
ادم اه خطيبتي بس لسه قرايه فاتحه المهم ده مش موضوعنا موضوعنا هو ان منه مش من البنات دي علشان حضرتك تطردها بلشكل ده
محمود بحده ادم خطيبتك قاعده سرحانه في المحاضره وانا طلما لقيتها كده بطردها وده الطبيعي انت اللي جاي تتكلم كلام مش منطقي
ادم بحده لا منطقي لان انت المفروض كادكتور عارف مين عندك ملتزم ومين لا ومنه مش بتغيب نهائي وملتزمه ومش معني انها يتيمه وافتكرت والدتها وسرحت يبقي منقدرش ده ونتعاون معاها لانها متفوقه وبتطلع من الاوائل ماهو الحياه مش دراسه بس و غصب عننا بنتعب ونفتكر حاجات واجعنا محصلش اي حاجه لكل ده دكتور يعني وبعدين انا براهنك دلوقتي علي مدار السنه اكتبلها اي اساله انت عايزها هتحلها
الدكتور بتحدي انت شايف كده يعني ?
ادم بثقه اه شايف كده ولو ده كان حقيقي وطلعت متفوقه ومش من البنات اللي انت فاكرهم يبقي كسبت فيك ثواب اني اعيد تصحيح وجهه نظرك في ااتعامل مع الطلاب اللي جاين مجرد شكل زينه للمدرج مش اكتر والطلاب اللي عايزه تتعلم
الدكتور بتحدي تمام يا دكتور ووقف كتب خمس اسأله صعبه جدا علي السبوره ومد القلم واكمل بسخريه حلي يابشمهندسه
منه اتوترت وبصت لادم فادم مسك القلم واداها واكمل يلا ولو اتوترتي بصيلي انا واكتبي كانك بتشرحيلي انا بس
منه هزت راسها ب اه ومسكت القلم بارتعاش
بنت جمب تاليا همست حرام عليه الاسئله دي صعبه هو قاصد يعني
تاليا بتوتر ربنا ينتقم منه وربنا يستر وتعرف تحلها
البنت يارب بجد ويبختها بخطيبها راجل
تاليا بحب حقيقي اه
منه قرأت اول سؤال وفضلت تحاول تفتكر ولما عنيها جات علي عدد الطلاب في المدرج ومنظرهم وهما مستغربين الاسأله وبيتهامسوا اتوترت اوي
ادم بحب بصيلي انا يا منه
منه بصتله بحب واستمدت شاجعتها منه وابتدت تفكر
ادم همس هتعمليها واثق فيكي
منه فرحت بكلامه وابتسمت وفعلا بدات بحل المسائل الاولي والتانيه والتالته
ادم بحب هانت يلا برافو
منه اتوترت عند السؤال الرابع وايديها ابتدت تسقع من التوتر واكملت في سرها كان لازم يا ادم تثق فيها وتعمل كده قدامهم انا خايفه بجد اوي الاسااله صعبه وشكلي هيبقي ابشع من الاول
ادم بحب متفكريش يا نورعيني وحلي المسألتين اللي فاضلين الكام ثانيه اللي كلمتي فيهم نفسك دول وترتيها وهزيتي ثقتك بنفسك بس انا صح في اللي عملته يا منه انتي قدها يلا يا حبيبي بصيلي وحلي
منه بدموع فرح همست بحبك
ادم ابتسم بحب وغمز واكمل بهمس وانا اكتر يلا
منه بصتله بحب بعدين بصت وركزت وحلت اخر مسألتين وراحت وقفت جمبه ادته القلم
ادم مسك ايديها واكمل للدكتور قلمك اهو اتفضل وبص شوف الحل
الدكتور كان واقف مبهور بكتابتها للاجابات باحترافيه وكامله واتاكد انه حقيقي ظلم شطارتها بخروجها من المحاضره وازاي مخدش باله انها شاطره كده كل ده
الدكتور باحراج انا مش عارف اقول ايه احمم بس برافو يا بشمهندسه منه
ادم بحب وفرح احلي سقفه بقي للبمشهندسه
المدرج كله سقفلها بفرح
تاليا بحب وفرح بسم الله مشاء الله عليكي
منه عنيها دمعت من اافرح وبصت لادم بحب كبير اوي
ادم بحب تسقفيه كمان لاجل انهم اصعب الاسأله
المدرج كله سقف مره كمان
الدكتور بضحك الله وانت عرفت منين
ادم بضحك لا عيب عليك يا دكتور انا عارف انك كنت هتعمل اي حاجه علشان تحرجها تاني بص يا دكتور انت مغلطش بس لو مع حد يستاهل منه كان هيضيع عليها المحاضره انهارده بسبب انها اتفكرت بس والدتها رحمها الله فاكيد ده مكنش سبب فانا لما قولتلك تطرد ناس وناس لا ده مش تمييز بس ده لانه فعلا في ناس. عايزه الحرق وناس احنا بنبصلها نقولها متسرحيش تاني وركزي انا عارف انك شاطره وانا خطيبتي كده بلظبط
الدكتور بابتسامه منك نستفيد يا دكتور ادم ومد ايده سلم عليه
ادم بحب تسلم يارب
وباس جبين منه واكمل بحب فخور بيكي اوي يا حبيبتي وبنتي وصاحبتي وكل ماليا
منه بحب ودموع بجد مش عارفه اقولك ايه
ادم باس ايديها واكمل بحب ده واجبي يلا روحي علي مدرجك
الدكتور ثانيه يا بشمهندسه
منه نعم يا دكتور
الدكتور متزعليش ده سوء تفاهم والله يرحم والدتك
منه بابتسامه حزينه امين
ادم يلا يا حبيبي هستناكي انا ماشي
منه ماشي وخرج
الدكتور نكمل بقي وفعلا بدا يشرح ومنه ركزت معاه اوي وكانت بتجاوب معاه
بعد المحاضره
تاليا بصدمه بتهزري يعني مكنتيش سرحانه بسبب مامتك
منه بدموع لا انيل ده هددني انه يقربلي يا تاليا تصوري
تاليا بحده ده شكله اتجنن انتي لازم تعرفي باباكي
منه بدموع هيحصل بجد مينفعش اسكت
تاليا بتوتر لالا بقولك ايه انتي تروحي مع اختك دهب متقعديش في البيت وانا بردو رايحه تعالي نغير كلنا جو
منه بدموع ادم مش هيرضي مش بيحب كده
تاليا ومين هيقول لادم
منه بتوتر لالا متضمنيش ايش ضمنك ميعرفش
تاليا هو حقيقي مش هيعرف لانه مبيطلعش رحلات اصلا ولو سالك قولي تعبانه شويه فمش هتنزلي يومين يلا خلصي بقي
منه بتوتر اخاف بجد يعرف هيقتلني وانا مش بحب اخبي عليه حاجه احنا متعودين علي كده و موضوع حاتم زعلت اني خبيت عليه بي مضطره
تاليا. بحده ومينفعش تقعدي مع حاتم لوحدكم تروحي دهب من ورا ادم ولا تقعدي مع حاتم اللي الله واعلم هيعاملك ازاي
منه بنفخ اوووف بجد وفضلت تفكر واكملت خلاص هروح دهب وامري لله
في كليه الطب
ادم اه يعني انت جايلي تنبهني يعني وبتقولي خد بالك انت هتتهزق لا كتر خيرك يا مالك
مالك بضحك الله مش الحق عليا بعرفك ابويا ناويلك بجد
ادم بتنهيده ربنا يستر بقي اديه يوم وعدا
مالك كنت فين اصلا
ادم في بيت رامز
مالك والله توقعت كده فعلا
ذياد طب ماتيجي معانا يا ادم تغير جو بدل منتا باين عليك مخنوق كده
ادم اجي ?? اجي فين
مالك اه رحله لدهب يومين وعليها خصم حلو اوي انا احتمال اروح
ادم لالا مبحبش انا جو الرحلات ده
ذياد يابني هتغير جو وهتفصل شويه وترجع تاني ده هما يومين مش حوار يعني
ادم ده طبع فيا اي حاجه تبع الجامعه مبحبهاش وتجمع وهزار طول الطريق حاجه اخر مسخره
مالك بضحك هي مسيطره اوي كده مش عايزاك تقعد وسط البنات جتك نيله
ادم انا محدش بيسيطر عليا بس هي ماليه عيني والحركات دي انا مبحبهاش
ذياد يا عم محلوله هنسافر بعربيتي انا. مش في الباص ها قول موافق بقي
مالك بضحك غمز لذياد واكمل تلاقي مرات اخويا مش موافقه وبتغير عليه
ادم بسخريه خفيف. انت والله لا طبعا هي ملهاش دعوه ومتسخنيش علشان اروح فاهم انا الحركات دي
مالك بجد بعيدا عن الهزار مش هي سبب وكمان لازم تاخد رايها قبل ماتروح
ادم لا طبعا هي ملهاش دعوه ليه بت هتخاف عليا ولا ايه ماتظبط كده يا مالك في ايه
مالك بضحك بهزر معاك يا عم خلاص
ذياد هي اه متطلعش لان الشباب متضمنش ومش كويسين وبيضايقوا البنات انما هو عارف حدوده وانه مش هيبص لحد
ادم بلظبط كده
مالك طب ها ورحمه ابوك وامك يا شيخ لتوافق بقي ده هما يومين ونفصل شويه من جو المذاكره
ادم بتنهيده طب خلاص هتنيل اروح معاكم امري لله
