رواية خائنة وشكرا الفصل التاسع 9 بقلم مي علي
رواية خائنة وشكرا البارت التاسع
رواية خائنة وشكرا الجزء التاسع
رواية خائنة وشكرا الحلقة التاسعة
رن عليها رقم غريب صوت واحده ست بتقول …
مروه انا ماما يا مروه
– ماما !!
رقم مين ده يا ماما وفي اي مالك بتتكلمي كده ليه انتي كويسه
– انا كويسه يا مروه الحمد لله اسمعيني بس
انا مش ف البيت يا مروه
انا اخدت بعضي وقاعده ف
مش مهم قاعده فين المهم مش عوزاكي تهوبي ناحية البيت
ولا تعرفي جوزك بالمكالمه دي
– ماما فيه اي مش فاهمه
في اي
– انا هختفي شوية بس اكيد هرجع وهطمن عليكي كل شويه يا حبيبتي خلي بالك من نفسك ومن جوزك
ومتجبيش سيره لحد أهم حاجه
سلام يا حبيبتي
– ماما ماما استني
الووو
قفلت السكه
ف رجعت مروه الأوضه وهي دماغها بتودي وتجيب مش فاهمه في اي
وتصرفات أمها الغريبه دي بذياده
مبقتش عارفه في اي
قعدت فتره مالك لاحظ أنها مبتروحش لأمها قالتله لا بروح
وبقت تكدب عليه أنها بتشوفها وكل حاجه
وكل يوم اجازه يقولها نروح تتهرب وتقوله بلاش انهارده الجمعه الجاية
لحد ما هو بدأ يشك أن في حاجه ف مامتها وهي مخبيه
وف يوم ضغط عليها وقالها روحي لمامتك ولو مش عاوزاني اروح معاكي روحي لوحدك
ملقتش منه مفر
فقامت لبست ونزلت لوحدها
بس هتروح فين لقت نفسها اخدت بعضها
وراحت علي بيت ماجده
صاحبة البوتيك واللي كانت مطلقه وعايشه لوحدها
بس مالك كان الفار لعب ف عبه ونزل وراها
راحت مروه علي مفاجاه وماجده اتفاجئت بيها ف وشها
حست مروه أن في حد جوه معاها
بس ماجده دخلتها وهي مش عارفه تبرر اي
لان كان في راجل جوه
اول ما مروه دخلت سمعت صوته وهو بيقولها …
مين يا روحي
مروه …
انا جيت ف وقت مش مناسب صح
– ا لا يا حبيبتي د ده يبقي
مروه فهمت اللي فيها وهي حياتها الشخصيه وكل حاجه
ومروه قدرت ده
واستأذنت بس جت تفتح الباب وتخرج لقت مالك ف وشها
استغربت أنه كان لاول مره نزل وراها
مالك بصلها بأستغراب
وبص لماجده اللي كانت واقفه وراها
لكن اللي جننه الحمار اللي لقاه طالع واقف جنب ماجده وبيبص باستغراب وكان شاب صغير
وهو عارف أن ماجده قاعده لوحدها ومطلقه
طب اللي جوه ده يبقي مين
واي اللي مروه مخليها بدل متروح لامها تنزل كده وتروح لماجده
متكلمش ولا كلمه ونزل وهو بيقول … حصليني
وف المدخل وقف وسألها سؤال واحد …
اي اللي وداكي هناك وانتي قايله راحه عند امك
سكتت مردتش ..
اي اللي وداكي لواحده قاعده لوحدها والاقي راجل جوووووه
وقبل ما تنطق كان مديها بالقلم علي وشها وكانت أول مره يمد ايده عليها
انصدمت
شدها من أيدها جر ف الشارع
بقت بتعيط وعماله تسأله هنروح فين
قال علي امك
شدت ايده وقالت .. ماما مش هناك وسيب ايددددي بقي
– مش هناك يعني اي
– يعني سبني افهمك
وبدأت تفهمه اللي حصل واللي مدخلش دماغه بالمره
قالتله لو مش قادر تصدقني تعالي نروح وانت تعرف ان انا مش بكدب ولا حاجه
أخدها وراح علي امها بس لسوء الحظ الام كانت رجعت
مروه طالعه وبتخبط بثقه انها مش موجوده
لقت اللي بتفتح الباب وف وشها
مالك بضحكة سخرية …
الله ماهي ماما هنا اهي
الام ..
في اي يا مالك
– بنتك عندك اهي بنتك كدابه اعرفي انتي منها بقي في اي
وزقها جامد
وسابها ونزل
دخلت البنت ف حضن امها وبدأت تحكي
ف الام نزلت كلمته علي طول وفهمته انها فعلا مكنتش ف البيت طول الفتره اللي فاتت
وطبعا هو مش هيصدق الكلام ده
ف الام قالت له تعالي وهشهدلك الجيران
وعملت حوار عشان يصدق
لكنه سال أي اللي وداها لماجده ومين الراجل ده
مروه قالتله ..
لما ضغطت عليا انزل نزلت ومكنتش عارفه اروح فين
فروحتلها لقيت عندها راجل هناك
انا مكملتش دقيقه ونزلت
وطبعا ليه مقولتش عشان ماما قالتلي متقوليش
فهو بردو مفهمش ليه العك ده
هي قالتله معرفش ليه ابقي اسألها
الموضوع اتلم بس هو مكنش مرتاح
وطبعا بعد الموقف ده حلف أنها مش هتروح الشغل تاني
لكنها زعلت وأصرت تروح وحاولت تقنعه كتير
وغابت اكتر من يوم
لانه كان رافض ينزلها ولا بيخليها ترد علي ماجده
ف طلبت منه بس تروح تفهم منها
لما ماجده بنفسها طلبت منه تقابلها وتتكلم معاها وتصلح سوء التفاهم
وبعد ما مروه قالتله لو في حاجه فهي حياتها الشخصيه وملناش دعوه
ف راحت مروه تقابل ماجده
وقعدت ماجده حكتلها وقالت ..
حقك طبعا تفتكري اني مش كويسه
واحده مطلقه محدش بيزورها وعائشه لوحدها جيتي لقيتي معاها واحد
اه اللي جه ف بالك صح
انا بلوه من بلاوي الزمن
واللي كان معايا ده واحد انا بحبه والمفروض أنه بيحبني
استغل ضعفي واني محتاجه لراجل
علي الرغم من فرق السن بنا بس انا محستش بده
حسسني أني ست بجد مش ركنه وراحت عليا
حسيت ازاي شاب يبص لوحده ادد أمه
معناها ان لسه فيا الرمق مش كهنه زي ما جوزي كان بيقولي
انا مش كبيره ف السن لكن هو عجزني
وحسسني اني مش ست
ولما أطلقت بقيت لوحدي بعد ما اخد فلوسي وزهره شبابي
جه ده عوضني عن اللي فات
وسلمت ليه نفسي بعد ما امنتله وحبيته
ودي كانت غلطتي للاسف رفض نتجوز وبعد سنين واحنا عايشين مع بعض
كان عاوز يسبني بعد ما بردو أخد مني فلوس كتير اوي
بس كان بيديني مقابلها حب واهتمام
وطبعا كل اللي محتجاه ست زيي
بس في فتره انا قولت لا كفاية ولازم نتجوز مش هعيش كده
مش انت بتحبني
هههه بيحبني
كنت بخدع نفسي
كان بيحب فيا حاجه معينه
شاب مش قادر يتجوز وواحده زيي معاها فلوس وعاوزه تحب وتتجوز وتلاقي الي يعوضها
لما قلبت عليه لقيت بسهوله أنه يبيعني
وبعد ومتنهاش
بقيت انا اللي بجري وراه وبتمناه يرجع
بعد ما عدا يوم واتنين وانا تعبت مقدرتش استحمل أنه يبعد وانا بحبه اوي
غلبني وطلع عيني عشان يرجع
وكانت دي زي قرصه ودن
هه البيه كان بيربيني عشان عارف أن فيا داء الضعف واتعلقت بيه
ولما انتي جيتي ده كان أول مره يرجع تاني بعد ما بعد عني فتره
ودلوقتي انا مش قادره اتكلم ولا اعمل حاجه
ادي حكايتي
انا عارفه انك هتصوني السر
ومحبتش اسببلك مشاكل
بس والله انا مليش حد
وعارفه اني مش كويسه بس انا
وبدأت تعيط وانهارت من العياط
وهنا مروه عرضت عليها تساعدها وحاولت تفهما أن كل حاجه هتبقي كويسه وأنها متزعلش علي كلب زي ده ولا تسيبه يستغلها
استوعبت ماجده الكلام
ومروه وعدتها تحاول تفهم جوزها أي حكاية عشان تصون السر
وكمان عشان يسيبها تكمل شغل
وهي قاعده جالها تليفون من امها أنها عوزاها تروحلها
ف استأذنت وجت تمشي
داخت ومحستش بنفسها ولقت نفسها دب ع الأرض
ماجده اتخضت واخدتها علي المستشفي وهناك الدكتور
فوقها وكشف عليها
وفاجأه بكلمه …
مبروك انتي حامل …. يا تري ده خبر حلو لمروه واللي جاي هيبقي اي والسر اللي مخبياه الام هيبقي اي تفاعل عالي لو حابين تعرفو اللي جاي وشكرا للمتابعه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خائنة وشكرا)
