رواية اياد ورنا الفصل الأول 1 بقلم رنا سليمان
رواية اياد ورنا البارت الأول
رواية اياد ورنا الجزء الأول
رواية اياد ورنا الحلقة الأولى
_هو انتي ازاي شبهي اوي كدة
_شبهك ازاي بس……..هو انا زي القمر زيك كدة
_هو انتي اسمك اية
_انا اسمي رنا
_اية دا انتي اسمك زي اسمي كمان………طب هو انتي بتشتغلي اية
_انا لسة في الكلية مش بشتغل لسة……….بس لما اتخرج هشتغل محامية
_الله محاميه…………تعرفي ان تيتة دايما بتخليني البس هدوم بتقولي ان المحامية بتلبسها وبتخليني انا وعمر اخويا نعمل اننا في محكمة
_وانتي بتبقي حابة تعملي كدة ولا لا
هزيت راسها ب اه وبدات تتكلم
_انا بحب تيتة وكل اللي هي بتعمله ليا
بصيت عليه بصيت انا كمان ناحيته لقيته واقف بعيد ومربع ايده ومبتسم
_هو مين دا
قرب منها وهو مبتسم وبدا يتكلم
_ازيك يا رنا عاملة اية………..انا اسمي اياد انا محامي زي رنا وانا وهي متجوزين
_اياد……….اسمك حلو اوي
_وانتي كمان اسمك حلو اوي……….بس انتي كنتي رايحة فين لوحدك كدة مش المفروض متنزليش لوحدك من البيت
_انا دايما بنزل اجيب حاجة حلوة من عمو واطلع علطول
_طيب ممكن انا و رنا نوصلك لحد فوق ……..وكمان علشان نسلم علي تيتة ولا مينفعش
_ماشي
مسكت في ايدي……..بصيت ليه وانا قلبي بيدق جامد وفرحانة اوي ………ابتسم ومسك في ايدي وبدانا نطلع وراها علي السلم وانا مش مصدقة اني خلاص فاضل دقايق واقابلها
_اياد حبيبي
_لا
_هو ايه ال لا دا هو انا كنت لسه اتكلمت
_علشان عارف انتي هتقولي ايه وهتتكلمي عن ايه ف انا بختصر وقتي ومجهودك وبقولك لا يا رنا لا يعني لا
_يا اياد حرام عليك دي فرصة عمرنا
_قصدك نهاية عمرنا
سابني وقام راح ناحيه الاوضه قومت وراه وبدات اتكلم وانا ماشية وراه
_يا حبيبي اسمعني بس علشان خاطري
وقف بعصبية وبصلي وبدا يتكلم
_رنا انتي عارفه اني بحبك ومستعد اني اعمل اي حاجه علشان تفرحك بس اللي انتي عايزاه دا مش هيسعدك بالعكس دا هيعذبك و يكسر قلبك اكتر من اول مرة
_يا اياد علشان خاطري ……….انا طول الوقت نفسي اني اشوفها ولو ل مرة واحدة بس وادي الفرصة جات اهي لية انت مش عايز توافق وتيجي معايا ………علشان خاطري يا اياد لو بتحبني بجد وافق
فضل باصص عليا وساكت شويه……..فضلت ساكتة وبصاله بحزن وزعل ………تتنهد وبص الناحيه التانيه واتكلم بعصبية
_تمام يا رنا انا موافق ……..بس مترجعيش تزعلي من ال هيحصل بقي بعد كده
ضحكت وحضنته ……..مش قادره اوصف سعادتي وفرحتي ب اللي هيحصل دا مش قادره اصدق اني هرجع اشوف تيته واتكلم معاها واقعد معاها من تاني بعد فراق 20 سنة هرجع اشوفها تاني اول ما سمعت أن في جهاز ل الرجوع ب الزمن واني هقدر اسافر ل اي زمن فات كنت هطير من الفرحه علشان كان نفسي ارجع بالزمن واشوف شخصيات كتيرة كان نفسي اقابلها واقعد معاها بس مش شخصيات اعرفها وتعرفني شخصيات كل ال اعرفه عنها انها بتمثل فيلم حلو عجبني وكان نفسي اشوفهم علشان اشكرهم على الفن الجميل ال كانوا بيقدموه دا منهم فاتن حمامة ورشدي اباظه وسعاد حسني وغيرهم بس اكتشفت اني لما اشوفهم أو اقعد معاهم مش هيغير من حياتي حاجه ولا هيخليني سعيده اكتر من اني اشوفها من تاني واعيش معاها لحظات كان نفسي اني اعيشها معاها وانها تكون جمبي في اللحظات دي زي انها تشوفني وانا بتخرج من الجامعة و انها تشوفني ب فستان الفرح وتكون جمبي ……..حاجات كتير كان نفسي تعيشها معايا بس للاسف هي موجودة واخيرا فرصتي جات لحد عندي واني هقدر اعيش معاها اللحظات دي كلها ………كان صعب جدا اني اقنع اياد ب دا كنت عارفه انه مش هيقتنع بسهولة لانه عارف ان ال انا بطلبه دا هيكون صعب عليا بس انا فضلت وراه لحد ما وافق
انهارده اهم يوم في حياتي خلاص انا واقفه قدام الجهاز ومفضلش غير دقايق بس وهشوفها قدامي…….سمعت صوته وهو بيتكلم
_رنا انا جيت معاكي لحد هنا وانا مش مقتنع بكل اللي انتي بتعمليه دا فكري كويس لان دي اخر فرصه ليا وليكي لان بعد كده انا وانتي هنندم على اللي هنعمله دا مفيش وقت للرجوع
اخدت نفس وفضلت خمس ثواني وخرجته ……..اتكلمت وانا مغمضه عنيا
_دوس يا اياد خلينا نبدأ الرحلة ال فضلت سنين احلم بيها
_متأكده؟!
_دا اكتر قرار انا كنت متأكده منه في حياتي دوس يا اياد بسرعه
_طيب هاتي ايدك
مسكت في ايده وانا مغمضه عيني وقلبي بيدق جامد ضرباته بتزيد مكانش خوف من التجربة ال كان نفسي اجربها من زمان اوي وبحلم اني في يوم هوصلها كان شغف وفرحه تجاه التجربه دي تجربه كان نفسي احققها بقالي 20سنه حبيت يكون هو اللي يخوض التجربه دي معايا واكون جمبها ومعاها واعيش معاها لحظاتنا اللي كان نفسي اعيشها …….المكان بدا يتهز من حوالينا فضلت انا وهو ماسكين ايد بعض جامد …………ثواني ومحسناش ب اي حاجه حوالينا
فتحت عيني لقيتني مرمية على الارض وهو جمبي بدأت اقوم من على الارض بصعوبة…………بدأت ابص حواليا وانا ببتسم ومش مصدقه نفسي بدا يفتح عينيه
_اه يا دماغي اه………بقي هي دي بداية الرحلة؟!……..اومال نهايتها هتكون ايه ……..يا شيخه منك لله
اتكلمت ب فرحه وانا ببص حواليا
_وصلنا يا اياد ………وصلنا خلاص احنا دلوقتي في مدخل العمارة
بصيت على السلم وانا علي وشي ابتسامه فرحة
_مبقاش فاضل غير اننا نطلع السلم دا وهشوفها اخيرا يا اياد
قام وقف وهو بيعدل هدومه……..لقيتها نازله على السلم بصيت عليها ب فرحه وهي بصيت عليا وهي مش فاهمه حاجه ………….مسكت ف هدومه ب فرحه
_مالك في ايه
شاورت على السلم ……….بص علي السلم ولقاها واقفه عليه وباصة علينا اتكلمت وهي باصة علينا
_انتو مين
بصالي وضحك وبدا يتكلم وهو بيشاور عليها
_مش محتاج اسالك مفيش تغير خالص
بصيتله وأنا ببتسم ورجعت بصيت ليها تاني……….كانت باصة علينا وخايفه ومش فاهمة حاجة……….قربت منها ب ابتسامه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اياد ورنا)
