رواية الفقد الفصل الأول 1 بقلم آلاء بلال
رواية الفقد البارت الأول
رواية الفقد الجزء الأول
رواية الفقد الحلقة الأولى
دخلت سلمى على أختها فيروز البالغة من العمر ٢٧ عامًا بينما سلمى فى ال٢١ من عمرها و وجدتها واقفة بيأس و استسلام وآسى تنظر على المارة فى الشارع من خلال شرفتها ليست واسعة ولا بضيقة
سلمى : جبتلك الباتيه بالشكولاته اللى بتحبيه ومعاه عصير برتقال كمان يلااا ابسطى
فيروز : وجبتى اللبن لهشام ولا نستيه ، اوعى تكونى نستيه داه عمال يعيط من بدرى و أنا سكته بالعافية وإنتى عارفة إنى مش هعرف أرضعه طبيعى و داه لسه صغير و لازم يتغذى
سلمى بصدمة : هه
فيروز : بقولك جبتى اللبن لهشام ، ولا أقولك خلاص أنا هغيرله أحسن كده أفضل ليه ( قالتها وهى ماشية ناحية اوضة بيبى ) ورجعت تانى و قالتها : ولا أغنيله أحسن
خلاص خلاص أنا هغنيله وبدأت تعيط وقالت بخوف : لا لا بلاش لحسن يكون مبيحبش الأغانى ، ولا أقولك أنا هسأله أحسن ، وبدأت تنادى و تقول : هشام هشومى بتحب الأغانى يا قلب ماما هه يا حبيبي بتحب الأغانى ؟!
كل داه و أختها كانت بتراقبها فى صمت وحزن شديد
دخلت أوضة بيبى متوضبة و كانت جاهزة لاستقبال مولود جديد و كان ديكور الأوضة غالب عليه لونين الأبيض و البيبى بلو ولكن سرير البيبى كان فاضى قربت منه و بدأت تتكلم مع السرير الفاضى وتقول : ايه داه إنت لسه نايم يا هشومى شكلك بتحب النوم زى خالتك صح يا خالتو ( قالتها وهى بتبص على باب الأوضة اللى كانت واقفة عنده سلمى وعينيها محبوسة بالدموع وهزت رأسها بالموافقة )
سلمى كانت ساعتها محتارة مش عارفة تعمل ايه فقررت تساير أختها فى اللى بتعمله و قالتلها وهى مبتسمة ابتسامة بتحاول من خلالها تدارى حزنها على أختها المسكينة : يلا سيبى هشومى نايم وتعالى احنا نفطر لحد ما هو يصحى
و فعلا سمعت فيروز وراحت مع سلمى وفطروا سوا
و بعد لما خلصوا الفطار فيروز جت تقوم من على الكرسى حست بدوخة جامدة لدرجة إنها مستحملتش و قعدت على الكرسى تانى ولما قعدت ابتدت ذكريات سيئة فى ولادتها تروح و تيجى ادام عنيها فحسيت بعدها بتضييق فى النفس رهيب شافتها أختها و جرت علطول ناحيتها و لحقتها
سلمى : فيروز إنتى كويسة ؟!هه يا حبيبتى ردى عليا إنتى كويسة؟!
ولكن فيروز كانت فى عالم تانى خالص ، بعد ما هدت قعدت على الأرض فى زاوية و مسكت جامد فى هدومها وعملة تتحرك يمين و شمال و بدأت تتمتم باسم واحد بس ، ايواا هو ” هشام “
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الفقد)
