رواية الزهرة المفترسة الفصل الحادي والأربعون 41 بقلم ديدي
رواية الزهرة المفترسة الجزء الحادي والأربعون
رواية الزهرة المفترسة البارت الحادي والأربعون
رواية الزهرة المفترسة الحلقة الحادية والأربعون
كاظم بغضب: ازاي يعني وهشام يقتله ليه..
المحامي: معرفش ياباشا.. بس هنستني التحقيقات..
كاظم بعصبية: وايه اللي فتح الموضوع ده..
المحامي: بيقولوا واحد اتصل واتهمه..
كاظم بلهجة آمرة: طلعه يافوزي..
المحامي: حاضر ياباشا بكرة هيتعرض علي النيابه..
اسيبك انا واشوف اللي هيحصل وابلغك بالتطورات..
كاظم: روح.. وبعصبية وغضب.. مين عمل كدة.. ليه..
لين: مالك ياجدي..
كاظم بضيق: هشام اتحبس متهمينه في قتل حامد..
لين: الله مش الموضوع ده اتقفل..
كاظم: مش عارف..المحامي هيشوف الموضوع..
لين: طيب انا هبقي ازوره .. اهدي ياجدي خلاص..
كاظم بقلق: كدة مستقبله هيضيع..
لين: متقلقش فوزي شاطر وهيقدر يطلعه..
في اليوم التالي عرض هشام علي النيابه ولكن
حبس اربعة ايام علي زمه التحقيق.. ذهبت لين الي هشام..
لين بهدوء: عامل ايه ياهشام..
هشام بضيق: زفت..انا مش عارف مين اللي عمل كدة..
لين بشماته: انا..
هشام وقد جحظت عيناه: ايه.. انتي..
لين بغل: ايوة انا.. انت فاكر اني
هسكت ع اللي عملته وخيانتك ليا..
هشام بغضب هادرلم يمنعه عن الفتك بها الا القيود
التي تحيط بيديه: يابنت ال… بتضيعي مستقبلي..انا هقتلك..
لين بلا مبالاة: مش مهم المهم اشفي غليلي منك..
هشام بعصبية: ليه..كل ده علشان ايه..
لين بعصبية مماثله: علشان اللي عملته فيا..
ارجعلك واعمل اللي انت عايزه وبعد كدة تخوني..
اشرب ياهشام انا قولتلك وحذرتك من انك تخوني
ورجعت وثقت فيك لكن انت اللي عملت كدة..
تأبيدة او اعدام..وشوف هتقدر تطلع منها ازاي..
هشام بغضب جارف: ده انا اوديكي في داهية معايا..
لين بلامبالاة: مش فارقة.. واعرف اني
انا بس اللي اقدر اطلعك منها..
هشام بعيون مشتعلة: ازاي..انطقي..
لين: تطلقني وانا اخرجك من هنا..
هشام بغضب: علي جثتي..
لين بإبتسامة جانبية: يبقي خليك محبوس..
هسيبك شويه وارجعلك تاني..سلام يااتش..
هشام بعصبية وصوت عالي: هقتلك يالين سامعة..
لين ببكاء في سيارتها: انت اللي خلتني اعمل كدة
ياهشام.. مش بعد ماارجع اثق فيك و احبك تعمل فيا كدة..
انا لا اثق في احد بسهولة..لذلك عندما اخبرك انني
اثق بك.. لا تجعلني اندم علي تلك الثقة..وإلا فستندم كثيرا..
هناك اشياء لاتنسي.. لاصفح فيها ولا غفران..
>>>>>>>>>>>>>>>>>>>>>>>>
ذهب كاظم لرؤيه هشام..
كاظم بضيق: شدة وتزول ياهشام انا مش هسيبك..
هشام بتوعد: بس اخرج من هنا وهقتلها ياجدي..
كاظم بتساؤل: مين ياهشام..
هشام بعيون مشتعلة: بنت ال…. لين
هي اللي رمتني الرميه السودا ديه..
كاظم بعيون جاحظة: ايه..ازاي وليه..
هشام بغضب: ايوة علشان خنتها..
كاظم بعدم تصديق: مش ممكن ياهشام
مش للدرجادي يوصل جنانها.. عرفت ازاي..
هشام بعصبية مفرطة: جاتلي وقالتلي.. وعايزاني
اطلقها علشان تطلعني من هنا.. انا هربيها
بس اطلع..خلاص ديه لسعت ع الاخر..
كاظم بغضب: اهدي وانا هتصرف..
هشام بغضب:قال اطلقها..
ديه بتحلم..انا اموتها ولا اعمل كدة..
كاظم:خلاص انا هتصرف وهتطلعك..متقلقش..
ويرحل سريعا ويذهب الي المنزل..
كاظم بصوت غاضب: ليييين..
لين ببرود: خير اكيد زرته وقالك..
كاظم بعصبية وهو يجذب ذراعها: شكلك اتجننتي
بتبلغي عنه..بتضيعي مستقبله..ده انا هوريكي..
لين وهي تبعد ذراعها بعنف: ايوة انا.. فاكرني
هسيبه بعد اللي عمله..لاااا..ده انا هوديه في داهية..
كوثر بصدمه: يامصيبتي انتي اللي بلغتي عنه..
كاظم بغضب: عايزة ايه تاني.. قتلتي
ابنك وكمان هتضيعي مستقبله..
لين بعصبيه ودموع: ايوة واقتله كمان..مش بعد مارجعتله يعمل
فيا كدة.. وببكاء.. صبرت علي قرفه سنين..واتجننت بسببه
ورجعتله وبرضو خاين زي ماهوا.. لكن لأ.. مش هسيبه المرادي..
كاظم بلهجة آمرة: تطلعيه يالين من
حبسه والا قسما عظما انتي عارفة..
لين بإصرار: لأ مش قبل مايطلقني..
كاظم بغضب ونبرة مخيفة: هتطلعيه.. وبكرة يالين والا
هتندمي وانتي عارفة هعمل فيكي ايه.. غوري من وشي..
لين بإصرار: قسما برب العزة ماهطلعه الا اما
يطلقني..ولو قطعتني ياجدي.. وترحل سريعا..
كوثر بتسخين: شفت ياكاظم اخرة دلعك..
اهي هتوديه في داهية.. قولتلك سيبه يربيها..
كاظم بتفكير: شكل كان عندك حق ياكوثر..انا هتصرف..
كوثر بتغنج: ايوة ديه مش محتاجة الا تكسير..
كاظم بتوعد: يطلع هشام وانا هسيبه عليها..خلاص ديه النهاية معاها..
كوثر بشماته وفرحة: ايوة كدة استني يالين..ده انتي هتشوفي ايام سودة..
>>>>>>>>>>>>>>>>>>>>>>>>>>>>>>
نور بضيق: هشام يا مازن متهم بجريمة قتل..
مازن بدهشة: ايه..ازاي..
نور بحزن: مش عارفة ربنا يستر
مازن: طب ايه اللي حصل..
نور: قبل فرحنا حادثة حصلت في المزرعة
واتقتل فيها واحد..ومتهمينه في هشام..
مازن وهو يزفر في ضيق: معلش ياحبيبتي..
مسير برائته تظهر..طب واختك اخبارها ايه..
نور بحزن: مش عارفة يامازن لين مش متظبطه..
مازن: طيب يانور متضايقيش نفسك ربنا هيعدلها..
نور: يارب يامازن..
>>>>>>>>>>>>>>>>>>>>>>>>
عند لين في الغرفة لين لنفسها: انا هوريك ياهشام
مش بعد اللي عملته.. تبقي كدة ولسه ياما هتشوف..
>>>>>>>>>>>>>>>>>>>>>>>>>
ممدوح:ابنك محبوس ..
صفاء وهي تضرب علي صدرها
بشهقة:يالهوي..محبوس..من ايه..
ممدوح بضيق: قضية قتل حامد..
صفاء بصدمة:ايه..طب وهو ماله..طب هنعمل ايه..
ممدوح بحنق:المهم مش عارف هيطلع
منها ازاي..كاظم قالي ده متلبس..
صفاء بولوله:عيني عليك ياحبيبي..مكنش يومك…
ممدوح بقلق:ربنا يستر..
>>>>>>>>>>>>>>>>>>>>>>>
صافي:مالك ياسامي..مضايق ليه..
سامي بضيق شديد:هشام محبوس..
ومش عارف هيخرج منها ازاي..
صافي:محبوس..طب ليه..
سامي بضيق:مفيش ياصافي..بقولك ايه انا هروح ازوره..
صافي بضيق:اوك..
>>>>>>>>>>>>>>>>>>>>>>>
اتصل عامر بلين..
عامر:ايوة يالين..صحيح اللي سمعته ده..
لين بضيق:خير ياعامر باشا..سمعت ايه..
عامر:هشام محبوس..
لين بلا مبالاة:ايوة..في قضية قتل حامد..
عامر بضيق: وانتي ياختي هتعملي ايه..
لين برفعة حاجب:وانا مالي..
عامر بغضب:يعني لو فضل محبوس..وانتي
بغباءك موتي العيل اللي كان هيقش كل الفلوس..
لين بحنق:ولا حاجة..هنشوف ايه اللي هيحصل..
متشغلش بالك انت..سلام.. ولنفسها بسخريه..
كل اللي هامه مصلحته خايف علي الفلوس..
>>>>>>>>>>>>>>>>>>>>>>>>
سامي بضيق:معلش يااتش..الحبس للجدعان..ازمه وتعدي…
هشام بغضب وتوعد:ده انا لما اطلع هفرم لين..
سامي بتعجب:ومالها لين..انت هطلع عفاريتك عليها هي ليه..
هشام بعصبية: هي السبب في رميتي
ديه..هي اللي بلغت عني..وحياه امي لاوريها..
سامي وهو يفرغ فاهه بعدم تصديق:اييييه..طب ليه تعمل كدة..
هشام وهو يجذ علي اسنانه غيظا:علشان خنتها..بنت ال…
بس اخرجلها..حسابها تقل معايا..وبلهجة آمرة..
سامي بقولك ايه..عينك عليها..واوعي تخليها تروح حته..
سامي:هتروح فين ياهشام يعني..
هشام بتوعد:لاااااا..انا عارفها..تعمل
العمله وتهرب..بس انا مش هسيبها..
سامي:طيب..انت هتعوز حاجة انا
مش عايزك تقلق..وموصي عليك..
هشام:تسلم يا سامي..بس عينك علي لين..
سامي:حاضر..امشي انا الوقتي..
هشام:سلام..
>>>>>>>>>>>>>>>>>>>>>>>>>>
اخبر كاظم هشام علي اصرار لين علي موقفها وانها
لن تقبل اخراجه الا بعد ان يطلقها وبعد محاولات معه
وافق وذهبت لين الي النيابه وقبل ان تدخل..
لين بتعالي: يلا يابن المغربي طلقني..
هشام بغضب: بعد ماتطلعيني من هنا..
لين بجدية: لأ الوقتي..ولكاظم.. ايه
ياجدي احنا هنرجع في كلامنا ولا ايه..
كاظم بغل: لأ.. طلقها ياهشام..
هشام وهو ينظر لها ويود ان يفتك بها: انتي طالق يالين..
لتبتسم لين بوجهه وتدير وجهها ويعلوه تقاسيمه
الالم وبعد ذلك ترسم معالم الجمود..وتدلف الي الغرفة..
لين: انا يافندم لين المغربي مرات
هشام المغربي..و جايه اقول ان هشام برئ..
>>>>>>>>>>>>>>>>>>>>>>>>>>>
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الزهرة المفترسة)
