رواية عشقتها رغم تمردها الفصل الثالث والثلاثون 33 بقلم ياسمين رجب
رواية عشقتها رغم تمردها البارت الثالث والثلاثون
رواية عشقتها رغم تمردها الجزء الثالث والثلاثون
رواية عشقتها رغم تمردها الحلقة الثالثة والثلاثون
وقفنا الحلقة الي فاتت لم كانوا مجتمعين في غرفة سيف بالمشفى عندما دخل عليهم ذلك الشخص الغير مرغوب به من وجهة نظر اسر ونور
نظر إليها بكل الحقد والكراهية التي بداخله تجاه هذه الحقيرة كيف تاتي الي هنا بعد فعلتها تلك من اين لها كل هذه الجراءة ولكن ما آثار غضبه عندما تقدمت منه والقت نفسها بين احضانه ليقوم هو بدفعها بعيدا عنه حتي وقعت أرضا انتفض الجميع متعجبين مما يحدث أمامهم والكل يتسأل ماذا يحدث ولكن هو كان اشبه بوحش كاسر ليتقدم منها جذبنا إياها من شعرها مصفعنا اياها علي وجها لتردف قائلة….. في ايه يا اسر في ايه أنا عملت ايه لكل ده
اسر….. عملتي إيه انتي لسه ليكي عيني تتكلمي انتي إيه معجونة بمياة شياطين انتي ايه يا شيخه معندكش دم ولا ضمير معدومة الاحساس هااا اتكلمي
اجهشت في البكاء وتعالت شهقتها لتردف قائلة….. اسر ابوس أيدك أنا مش فاهمة قصدك ايه
اسر…. انتي لسه بتكذبي ماشي أنا هقولك عملتي ايه يا بنت خالتي يالي روحتي اتامرتي عليا واتفاقتي مع الكلب الي اسمه عمر علشان يخليني اسافر يوم فرحي وبعدين بكل واحشية يروح يغتصب مراتي ويقتلها ومش بس كده ده اخدا أعضائها كلها ياها معقول مكنش فى عندك رحمة قلبك مات ازي انتي كده
كان الجميع غير مستوعبين ماذا يحدث هنا فهل هذه الفتاة تفعل ذلك حقا ان كيدهنا عظيم
نيهال…… آه عملت كده ولو جاتلي فرصة تاني اني اقتلها بايدي مش هتردد دقيقة عارف ليه علشان خطفتك مني أيوه خطفتك مني انا حبيتك قبلها من وأنا صغيرة كنت بحبك ولم كنت هاقولك انت رحت خطبتها وقتها اتعرفت علي عمر وقرار يساعدني علشان اوصلك بس بعد ما ماتت أنت بعدت اكتر وفي الاخر جاي دلوقتى تحب الزفته الي أسمها نور دي فأنا مستحيل اسمح لحد أنه ياخدك مني تاني فاهم حتي لو كنت هقتلها بنفسي
سلوى….. نعم يا اختي ده أنا كنت قتلتك وشربت من دمك لو بس شطانك هوب في اتجاه بنتي فاهمة انتي مش مكسوفة من عملتك القذرة مش حاسة بالذنب بس فعلا العيب مش عندك العيب علي الي ساب مراته يوم فرحها وسافر ومفكرش فيها ولا يجيب حقها
نور…… ماما ايه كلامك ده
سلوى…… انتي تخرسي خالص مسمعش لك نفس حسابك معايا بعدين وانت يا محترم اوعه اشوفك او المحك قريب من بنتي في يوم وإلا وقتها أنا الي هقتلك أنت والحيوانة الي في أيدك دي
سيف….. ماما لو سمحتي انتي مش عارفة اسر يبقى مين ده يبقى جوز
سلوى….. لا يا اخويا عارفته وأنه جوز ملك بنت اللواء محمود الي سابها لوحدها يوم فرحها ياعيني عليها كسر فرحتها عايزني اتكلم بقا معاه ازاي وأنا شايفه واحدة من عائلته كآنت السبب في موت مراته أنا مش مستعدة قلبي ينكسر علي بنتي وبعدين أنت لسه بقا فاكر تأخد حق مراتك دلوقتى بعد أربع سنين إيه الرجالة دي
اسر…… لو كنت اعرف وقتها كنت شربت من دمهم هما الاتنين
لتتحدث نيهال بنبرة تشبه الجنون بصوت باكي من كل قلبها
نيهال…… اسر ابوس أيدك أنا عملت كده علشان بحبك أنا بحبك عارف يعني إيه بحبك مستعدة اعمل اي حاجة علشان اكون معاك حتى اني مستعدة أقتل اي حد يقف في وشي أنت فاهم حتي ملك كآنت تستاهل الموت هي الي سابتك تسافر صح هي اتخلت عنك مكنتش بتحبك علي فكرة دي كآنت بتخونك مع عمر انا كنت هقولك الحقيقة يوم ما كنت عندك في المستشفى بس دي ايوه دي الي أسمها نور هي الي مرضتش تخليني اقولك الحقيقة عارف كلهم بيخنوك أنا الوحيدة الي بحبك فأهم أنا الي بحبك محدش هيحبك قدي خلينا نتجوز وأنا هخليك اسعد انسان في الدنيا طيب لو مش عايز تتجوز أنا مستعدة اعيش معاك من غير جواز كمان شفت بقا بحبك قد إيه قول أنك بتحبني أنا وهتعيش معايا بلاش تبعد عني أنا بعشقك يا اسر بعشقك وبعشق كل حاجة فيك أنا لسه فاكرة لم كنت صغيرة كنت أنت بتهتم بيا أنا بحبك من وقتها شفت أنا اكتر واحدة بتحبك عارف الي هناك دي مش بتحبك يومين وهتسيبك وهترجع لخطيبها
دي هي كمان واحدة خاينة سابت خطيبها الي ضحه بحياته علشانها مستحيل تحبك قدي فاهم أنا الي حبيتك ومش هخسرك أنا هقتلها بنفسي لو قربت منك
سلوى…… لا بقا انتي شكلك مجنونة يا بت انتي وأنت خد قريبتك دي وابعد عننا أنا معنديش بنات لك فاهم
نور…… ماما لو سمحتي أنا بحب اسر ومستعدة اكمل عمري معاه حتي لو ممكن اني اتقتل وأنا جانبه مش هخاف من حاجة
سلوى…. حبك برص انتي تخرسي صوتك ده مايطلعش رايحه تحبي ولا تجيبي حق اخوكي وياريت كنتي حبيتي واحد معدول لا ده انتي اختارتي واحد كان متجوز ومراته ماتت مقتولة ومعرفش يجيب حقها يبقى انتي اتجننتي يا بنت عبد الرحمن يبقى اتجننتي رسمي وأنت يا حضرت الظابط لو لسه عندك ذرة احترام لنفسك تبعد عن بنتي نهائيا مشفش وشك فاهم
دب الخوف قلبها لتلمع في عينيها الدموع التي اخذت تصريح بالنزول
نور ماما انتي بتقولي إيه أنا مستحيل ابعد عن اسر ابوس أيدك بلاش كده ده عقاب صعب قوي أنا مقدرش ابعد عنه انا بحبه يا ماما الي يخليكي
سلوى…… يبقى وقتها لا انتي بنتي ولا أنا اعرفك
عبد الرحمن…. سلوى إيه الي انتي بتقوليه ده نور بنتك
سلوى…. يا ناس حسوا بيا أنا خايفه علي بنتي حطوا نفسكم مكاني محدش بيرمي ولاده في النار وأنا مش هضحي بنتي كده لحد ما يجي يوم والقي بنتي بقت ميته بدل ما تكون عروسة انت مسمعتش الحيوانة دي بتقول انها هتقتلها يبقى لازم أخاف عليها وكمان الي اسمه عمر طول ما هو عايش يبقى لازم أخاف علي بنتي واسمعي يا نور اقسم بالله لو فكرتي تعصي كلامي وقتها لا انتي بنتي ولا اعرفك فاهمة وأنت يا حضرت الظابط ابوس ايدك أبعد عننا أعتبره طلب من أمك أنا عشت وجع موت ابني الي كان عايش بس وقتها حسيت بأن روحي راحت الله يخليك ابعد عن بنتي لو بتحبها ابعد عنها
نظر اليهم جميعا ثم أخذ نفس عميق من حتى يخفي تلك الدموع التي تحارب علي النزول فهل يستحق ما حدث معه أخذوا زوجته غصب والآن حبيبته كيف يتحمل كل هذا الوجع ليردف قائلا بعدما استجمع كل قوته
اسر…… اوعدك أني هبعد عن بنتك ومش هقرب منها وبالنسبة لمراتي ملك انا متخلتش عنها أنا كنت مجبور اسافر علشان شغلي الي أصلا كان مدبر ليا أنا مخصوص
ولو عليا مستعد أدفع عمري كل ولا حد يلمس شعرة من بنتك أنا حبيتها وكان نفسي نكمل حياتنا مع بعض كنت عايز أعمل عائلة ليا بس مش علي حساب انك انتي ونور يحصل بنكم خلاف وبالنسبة لعمر فهو أخد جزاته أما الأستاذة نيهال فهي على ما اعتقد بقت مجنونة خلاص
نيهال…. أنا مش مجنونة أنا بحبك وهقتلها عشان اخدتك مني
سلوي…. شفت بقا ليه خايفه علي بنتي
نور ….. يا ماما الله يخليكي بلاش كده
أسر….. نور اسمعي كلام والدتك وأن شاء الله مفيش غير كل خير اما انتي بقا يا نهال تعالي معايا
نيهال…. هييييييييييييه هنتجوز يا عيني هنتجوز موتي بغيظك يا نور هنتجوز أنا واسر وانتي يا ولايه يا قرشنه انتي خدي بنتك والعبي بعيد أنا الي كسبت اسر
سلوى….. ولوولو عليكي ساعة وسته يا الي تنشكي في بطنك ايه البت دي لا دي تحجز لها في السرايا الصفرة بتاع المجانين
كان ينظر اليها كأنه يحفر كل تفاصيلها في داخله قلبه يآلمه علي دموعها التي تخنقه
اما هي فلم تستطيع منع نفسها من عدم البكاء دموعها كآنت تنساب رغما عنها
أسر… بعد اذنكم
نور….. اسر
اسر….. نعم
نور…. هفضل احبك مهما طال البعد ده وهستناك تكون ليا
اسر….. ربنا كريم قادر
خرج اسر من تلك الغرفة محطم من داخله ويجذب نيهال خلفه من شعرها واستوقفه صوت رامي اخوها
رامي…. إيه الي حصل
اسر…. أسأل الهانم اختك
نيهال….. أنا واسر هنتجوز يا رامي خلاص اسر بيحبني أنا ومش هيسبني تاني وهنغيظ البت ملك والبت نور
رامي…. هي بتقول ايه
اسر…… اختك اتجننت خدها معاك علشان هقدم ورقها في المصحة النفسية
نيهال….. هيييييييه هنقضي هناك شهر العسل حلو قوي وأنت كمان يا رامي تعال معانا
اسر…. خدها من وشي الساعة دي وإلا اقسم بالله هقتلها واشرب من دمها
ثم تركهم وغادر الي مكتب اللواء محمود
اما في حجرة سيف كان الوضع مشحون بالغضب والوجع تكلمت من بين دموعها التي سيطرت علي نبرة صوتها
نور…. ارتحتي كده أهو بعد عني وسابني لوحدي اخدتي مني فرحتي أنا اسفة يا ماما بس انتي طريقة حبك غلط انتي مش خايفه عليا انتي بس خايفه علي سمعة العائلة علشان هيقولوا بنت عبد الرحمن اخدت واحد ارمل ومرته انقتلت بس يكون في علمك اسر احسن من مليون راجل لأنه ببساطة انسان نضيف من جوه
سلوي… ده شكله ساحر لك وعامل لك عمل
نور….. فعلا هو ساحر قلبي وروحي
سيف…. انتي ظلمتي اسر وجرحتيه بكلامك لو مش موافقة عليه كان ممكن تقوليها بطريقة احسن من كده
عبدالرحمن….. أنا شايف أنه محترم وكويس وابن ناس
سلوي….. الي عندي قولته ومافيش تتراجع فيه فاهمة يا نور
.
أما هو فقد توجه الي اللواء محمود في مكتبه ليدخل إليه وكل غضب الدنيا بين عينيه
محمود…. أهلا بيك يا اسر منور بصراحة الي عملته في عمر كان جزاته
اسر…. خبيت عني ليه
محمود…. هو إيه
اسر….. ليه مقولتليش عن موت ملك والي حصل لها
محمود…. أنت عرفت منين
اسر…… ليه خبيت
محمود…. اسمع يا اسر انت زي ابني ولازم أخاف عليك كنت بحميك من نفسك وقتها لو كنت عرفت كنت هتقتله من غير ما نقضي علي كل شغله ومستقبلك كان هيضيع
طفح به الكيل ليخرج كل الغضب الكامن بداخله ليصيح بعد به قائلا….. ملعون الشغل علي عمر علي أي حاجة أنت ازاى قدرت تستحمل تسيب حق بنتك طول الفترة دي ازي
محمود….. مكنش عندنا معلومات كافية عنه ولا كنا نعرف هو مين
اسر….. طيب لم اشتغلنا في القضية ليه سبت نور والفريق من غير ما يعرفوا حقيقة عمر
محمود…. لان ده كان مشروع لهم
اسر….. من النهاردة العلاقة بيني وبينك هي الشغل وبس مفيش اي روابط تانيه
خرج وكل هموم الدنيا فوق رأسه لأ يعلم ما الخطأ الذي ارتكبه في حياته
انقضت الايام سريعا بين فراقه هو ونور التي اصبحت شبه عايشة لأ تتحدث مع احد كل ما تفعله تذهب الي عملها في الصباح وتعود الي صالة القتال من اجل التدريب حاول الجميع معها ولكن ما من جديد فهي اجتنبت الكل حتي شقيقها وسارة
ها هي الآن انقضي عليها شهرين ولم تراه أو تتحدث معه ظلت حبيسة غرفتها جسد بلا روح هيئاتها تغيرت وجسدها اصبح نحيف عن قبل خيم الحزن علي حياتها لأ تفعل شئ سوي النظر الي بعض الصور التي أخذتها له من حسابه علي الفيس بوك تنظر الى عينيه التي اسرت قلبها وتبكي علي عشقها الذي انتهى بسبب عناد والدتها اصبحت وحيدة تذهب الى عملها في الصباح وحين تعود تجلس في غرفتها لأ تتحدث مع احد
تذكرت حين ركع أمامها وطلب يدها للزواج ومفاجأة عيد ميلادها حتي قبلته لها التي كانت أشعلت نيران الخجل داخلها قطع شرودها دخول والدتها الغرفة
سلوى….. هتفضلي كده لحد امتي
نور….. لحد ما اموت
سلوى….. اوعى تكوني فاكرة انك لم تحبسي نفسك وتمنعي الكلام معايا وتزعلي مني كده اني هنفذ الي في دماغك تبقي غلطانه
نور….. وانا ما قولتش لحضرتك اني بلوي دراعك ولا بعمل كده علشان توافقي اني أرجع لأسر لا حضرتك انا عندي ثقة في حبي له حتي لو مكنش ليا بس هفضل احبه لأنه بيجري في دمي بعشقه وكل يوم بحبه اكتر من الأول وعمري ما هنساه
سلوي…. انتي حرة في نفسك المهم في واحدة صاحبتك برة عايزاكي
نور…. صاحبتي مين
شخص ما…. أنا يا ستي طالما انتي نستيني خالص
نظرت في اتجاه الباب وجدت ندي تقف ممسكة بالباب بطريقة مرحة لتنهض هي مسرعة إليها تضمها الي صدرها فقد أشتاق إليها وبمجرد ما اخذتها بين احضانها خانتها دموعها
ندي…. وحشتيني قوي يا ندلة كده شهرين ونص متساليش عني حتي بالتليفون
نور…. وحشتيني قوي يا ندي والعظيم وحشتني
ندي…. إيه ده انتي بتعيطي ليه في إيه مالك
ابتعدت عنها وجذبتها حتي جلسوا علي الأريكة الموجودة بالغرفة
نور…. لأ دي دموع الفرح اصلي مبسوطة اني شفتك
سلوى…. طيب اسيبكم أنا مع بعض بقا منورة يا ندي
ندي… ده نورك يا طنط
سلوي… بعد اذنك
نور… اختفيتي فين انتي وجاسر مرة وحدة كده
ندي… يا اختي دي حكاية طويلة
نور…. طيب إيه حصل.
ندي…. هههههههه أبدا يا ستي بس بعد ما خلصنا شغلنا أنا وجاسر أصر اننا ننزل القاهرة علشان يطلب ايدي من بابا
..
فلاش باك
في إيه يا جاسر اصبر شوية لم اطلع ادي بابا خبر انك معايا وافهمه الموضوع
جاسر…. لأ أنا هطلع معاكي عندك مانع
ندي….. بس.
جاسر….. بت انتي اخلصي مش عايز كلام كتير ده كتر خيري اني جيت اطلبك رسمي وإلا كنت اخدتك علي المأذون واتجوزتك وخلصنا
ندي….. نعم يا الدلعدي ليه حد قالك اني بيره لا يا حبيبي اقف معوج واتكلم عدل أنا لازم يتعملي احسن فرح في القاهرة كلها هو أنا أي حد
جاسر …. الدلعدي فعلآ بيئة جاتك القرف وبعدين في ظابط محترم تكون لغته كده أو علي الاقل واحدة تكلم حبيبها كده
ندي…. ده الي عندي عاجبك علي كده أهلا وسهلا مش عاجبك يبقى نشوف غيرك
اشتعلت نيران الغضب بداخله ليجذبها من يدها حتي اصبحت بين احضانه واستندت بيدها علي صدره
جاسر….. اياكي يا ندي اياكي اسمعك بتقولي كده تاني فاهمة وإلا اقسم بالله هتزعلي مني بجد
ندي….. جاسر أنا كنت بهزر مش قصدي والله
جاسر…… هزري في اي حاجة إلا دي
ندي… حاضر
رأي الخوف في عينيها فجذبها بين احضانه مشدد عليها
جاسر … هششششش متخافيش والله بس مش بتحمل فكرة أن ممكن تبعدي عني
ندي…. اسفة
جاسر…… هشششش مش عايز اسمع كلمة اسفة دي فاهمة
ندي….. حاضر
جاسر….. علي فكرة الوضع ده مغري قوي يعني احنا واقفين في تحت بير السلام ومفيش حد شايفنا
ندي….. تعرف أنك قليل الأدب
جاسر… ليه انتي لسه عارفه دلوقتى
ندي….. طيب يلا نطلع علشان أنا لم كلمت ماما في الموبايل قالت أن بابا كمان عايزني في موضوع
جاسر….. خلاص يلا بينا
صعدوا الاثنين الي شقة ندي وتم استقبال جاسر على اتم وجه وعلموا بأنه زميل لها
محمد والد ندي….. منور يا ابني
جاسر….. ده نورك يا عمي
محمد….. أن شاء الله تقعد عندنا اليومين دول لحد ما تحضر خطوبة ندي بنتي
جاسر…… ههههههههه هو انتي لحقتي قولتي له امتي
ندي…. أنا مقولتش حاجة خطوبتي ازاي يا بابا
محمد….. خطوبتك علي وائل ابن عمك
جاسر….. نعم مين وائل ده
محمد…. إبن عمها اصله جه طلب أيدها لم كانت مسافرة وانا وافقت
ندي…. أنت بتقول إيه يا بابا أنا مستحيل اوافق علي الجوازة دي
محمد…… لأ هتوفقي ورجلك فوق راقبتك
جاسر…… هو الجواز بالعافية أنا مستحيل اوافق علي المهزلة دي
محمد….. وأنت مين بقا أن شاء الله علشان يكون لك رأي
جاسر…… أنا ابقي جوزها
صدمة الجمت الجميع
محمد….. جوز مين
جاسر…… جوز ندي
محمد…… قصدك ندي بنتي أنا
جاسر….. بالظبط كده وبصراحة أنا وهي غلطنا مع بعض وهي دلوقتى حامل وأنا جيت علشان نلم الموضوع وبلاش فضايح أنت عارف لسان الناس
ندي….. جاسر إيه الي أنت بتقوله ده أنت اتجننت الله يخرب بيتك
جاسر….. مهو لازم يعرف يا حبيبتي وإلا هيتصرف ازاي
ثم غمز لهآ علها تفهم لعبته
ايقنت أنها لعبه منه من اجل أن يضغط على والدها
أنا هقتلك واشرب من دمك أنت وهي
جاسر…… لأ حاسب أنا ظابط محترم وليا وضعي يعني لو لمست مني شعرة هتروح وراه الشمس
محمد…… آه يا كلب وانتي مش مكسوفة من نفسك
جاسر….. لو سمحت متغلطش في مرتي أم ابني وإلا صوتي يطلع والناس تتلم ويعرفوا اني جوز بنتك وهي حامل يبقى اهدي بقا علشان نتكلم
محمد….. لله الامر من قبل ومن بعد اعمل ايه أنا دلوقتى حسبي الله ونعم الوكيل فيكم
جاسر…. اهدي بس احنا هنتجوز رسمي ونعمل فرح ومحدش هيعرف أي حاجة
محمد…… انا مش موافق على المهزلة دي
جاسر….. خلاص أنت حر بكرا بنتك بطنها تكبر والناس تعرف وتبقى الفضيحة بجلجل وأنا هستاذن بقا مع السلامة
محمد….. خد هنا رايح فين أنا موافق على كل حاجة وامري الي الله
جاسر….. الله عليك يا عمي أنت مطيع كده
محمد….. حسبي الله ونعم الوكيل
جاسر….. بتقول حاجة يا عمي
محمد…… بقول ربنا يتمم بخير
باك
ندي…… ادي كل الي حصل
نور….. هههههههههه خلاص هموت ضحك معقول جاسر عمل كده وباباكي سكت
ندي….. الرجل هيعمل ايه يعني خاف من الفضيحة وبصراحه خاف من جاسر بس متخافيش جاسر قال لبابا علي كل حاجة وبقي هما الاتنين اب وابنه
ودلوقتى يا ستي فرحنا يوم الخميس الجاي وانتي لازم تكوني موجودة
نور….. ندي انتي اختي وربنا يعلم أنا بحبك ازاي بس انا احتمال مقدرش اجاي
ندي….. علي فكرة هو كمان هيحضر الفرح
نور….. هو مين
ندي….. هيكون مين يعني حبيب القلب يا اسطا
ارتفاع صوت دقات قلبها فهل ما سمعته حقا
نور…. قصدك اسر
ندي….. هو بشحمه بلحمه جاسر راح وعزم الشباب وكمان اسر من ضمنهم واكد عليه أنه هيحضر
نور….. بس انتي عرفتي ازاى أننا منفصلين
ندي…. انتي ناسيه عادل كاتم الأسرار
نور….. عادل هو الي قالك
ندي…. آه حكي لجاسر كل حاجة المهم دلوقتى انتي لازم تكوني موجودة علشان البنات هتكون كتير ومش بعيد واحدة تحط عينها عليه ويضيع من ايدك شدي حيلك بقا
نور….. طب خلي واحدة تبصله كده علشان اشيل لها عيونها من مكانها
ندي…. الله عليك يا شرس انت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقتها رغم تمردها)
