رواية برائة سالي الفصل الرابع 4 بقلم منصور سيد
رواية برائة سالي الجزء الرابع
رواية برائة سالي البارت الرابع
رواية برائة سالي الحلقة الرابعة
رجعت سالى لغرفة والدتها وجلست معها وشويه الممرضه أحضرت وجبه لوالدتها خفيفه وقالت لها حاولى تاكليها اى حاجه
اكلتها وبعدها ادخلت الممرضه واجبه لسالى بتقدم للمرافق
فقامت سالى واخذت الواجبه واتجهت لغرفة فارس وبعد سمح فارس بالدخول دخلت بظهرها لدفع الباب بظهرها لحمل الوجبه فى يديها وهى تقول انا جيت ياسيدى اكل معاك عشان عارفه انك مش هيكون ليك نفس فقولت افتح نفسك
ولكن لم تكمل كلامها عندما رأت انسه وقفه مع فارس
استغربت من دخول سالى وكلامها لفارس بهذا الشكل وفارس من الشخصيات الجاده جدا ولا تسمح لاحد تجاوز الحدود الرسميه معه
فقالت هذه الانسه ايه ده انتى مين اكيد انتى دخلتى غرفه غلط ايه الاهمال ده اتفضلى اطلعي بره مش تركزي انتى داخله فين
نظرت سالى لفارس ووضعت وجهها للارض وقالت انا متأسفه
انا معرفش انك معاك حد انا قولت اجى افتح نفسك على الاكل وناكل مع بعض
ونظرت للانسه وقالت لها ياريت تتعلمي ازاى تعرفى تتكلمى مع الناس وماتتسرعيش انا لا دخلت غلط ولا حاجه انا عارفه انا داخله فين كويس اوي
ورجعت نظرت لفارس وقالت والدتك عامله ايه دلوقتى
فارس هى لسه ماطلعتش وماتزعليش من نانسي هى ماتقصدش
سالى:نانسي تقربلك ايه انت مش قولت لى اخواتك عيشين بره
ولا تكونش الجو بتاعك
نانسي نظرت لفارس:مين دي يا فارس ومالها واخده عليك كده ليه
سالى:ايه غيرانه عليه مني لا ما تخافيش انا صديقته بس
ونظرت لفارس وقالت له واضح انها بتحبك تبقى فعلا الجو بتاعك
كل ده ونانسي هتموت من الغيظ وفارس كاتم ضحكته بداخله ومكتفى بابتسامه خفيفه
نانسي :لا كده كتير
سالى:خلاص اسيب ليكم الاكل ده
اقعدى كلى معاه وماتبسهوش لوحده فى ظرف زي ده ولو مش هتكونى معاه فى ظرف زي ده هتكونى معاه امتى
ولسه خارجه
فارس بقولك ايه يا سالى انتى معاكى حد تاكلي معاه
سالى:لا والدتى اكلت وانا قولت اجى اكل معاك
طب استنى هناكل مع بعض
ونظر لنانسي وهو بيضغط زرار استدعاء الخدمات وقال
هتاكلى معانا يا نانسي ولا هتمشي كنتى بتقولى انك مستعجلة
نظرت نانسي من فوق لتحت انت هتاكل مع دى انت ايه اللى جرالك انت كمان
رد عليه الخدمات قال بعد اذنك ابعتي واجبه لغرفتى
نانسي:ماشي يا فارس انت بتغظنى انا ليا كلام مع بابا وبابا له كلام مع باباك
ومشيت وسابته
سالى:انا اسفه انت بينى بوظت الدنيا
فارس:اقعدى اقعدى يا سالى تعرفى دي جت زودت عليا خوفى وقلقى على والدتى
بصراحه انتى بتحففى عليا قلقلي على والدتى وبتهونى لحظات انتظاري خروجها من العمليات بروحك الخفيفه
تعرفي انا انسان جد فوق ما تتصوري بس معرفش انا ايه اللى حصلي وازاى متحمل اسلوبك المرح ده انتى ليكى تأثير غريب على اللى بتكلميه انه يتقبل كلامك مهما تكون الضغوط اللى عليه
سالي:اشكرك اشكرك دا وسام على صدري كلامك ده
بس قول لى الاول مين ست نانسي دي ومالها مش طايقه نفسها كده ليه
فارس:ابدا دي بنت عمى اخو والدى الكبير وطبعا كالعاده عاوزين يجوزونا لبعض عشان تفضل الامبراطوريه اللى بينهم كما هى ويورثوها لينا بس بينى وبينك انا مش قادر اتصورها شريكة حياتى هتبقى حياه صعبه اوى لما نكون احنا الاثنين جد اوى كده الواحد عاوز حاجه كده تروق عليه مش يحس انه متجوز شريكه انتى فاهمه انا عاوز اقول ايه
سالى:ايوه فاهمه طبعا انت فاكرنى ايه فهمى تقيل
بقولك ايه سيبك منها كل كل
فارس بس ده اكلك وجبتي لسه ماجتش
خبط الباب اذن له فارس بالدخول ادخلوا واجبه اخرى
سالى:وادى واجبتك ممكن ناكل بقى لحسن انا ميته من الجوع
ولسه هيبداوا ياكلوا
دخلت الممرضه عليهم وهى بتقول كنا عاوزين حضرتك ضرورى
قام فارس وقف وهو مخضوض على والدته
فى ايه والدتى مالها
الممرضه هى محتاجه نقل دم ضرورى وفصيلت دمها نادره جدا
واكيد فصيلت دمك هتكون زيها هناخد من حضرتك عينه عشان نتاكد
فارس:ازاي الكلام ده دا اهمال ازاى تدخل العمليات وانتوا مش عاملين حسابكم انها ممكن تحتاج دم
دخل الدكتور وقال يافندم دى حاله طارئه كان غير متوقع حدوثها وفى العاده ما بنحتاجش نقل دم فى مثل هذه العمليات وللأسف كان موجود النوع ده من الدم قبل اخذ القرار بأتمام العمليه بس الفرع الثانى للمستشفى احتاج الكميه الموجوده من نوع فصيلت دم وتم سحبها للاسف على ان يمدونا بكميه اخرى ولكن لم يحدث ووالدتك فصيلت دمها نادره جدا
فارس:اخلصوا خدوا اللى عاوزينه وحسابنه بعدين بعد ما اطمن على والدتى وان والدتى حدث ليها مكروه انا هسجنكم كلكم
اخدوا منه عينه وفجأه قبل أن يغادروا قالت سالى ممكن تاخدوا منى عينه انا كمان يمكن تطلع زيها انا فاكره دكتور قبل كده قال لى ان فصيلت دمى نادره جدا واهو لو طلعت زيها يبقى كسبنا وقت
والغريب انهم وجدوا ان فصيلت دم سالى مثل فصيلت دم والدته
ونقلوا منها دم لوالدته
وخرجت
سالى:اخدوا منى دم كتير ورغم انى كنت جعانه واعطونى علبة العصير دى بس ايه البخل ده
ابتسم فارس وقال انا متشكر اوى ياسالى انقذتي والدتى ادينى بقيت مديون ليكى انا كمان
سالي:لا بس انت مديون لي بدمى إنما أنا مديونه لك بشوية فلوس لا رحوا ولاجم
فارس:عندك حق طب ياترى لسه عاوزه تشتغلى معايا ولا خلاص هترجعى فى كلامك بعد سداد دينك
سالى؛امرى لله اشتغل معاك وخلاص
فارس:انا قلقت اوى على والدتى
سالي:ان شاء الله هتكون بخير
شويه والممرضه خرجت وقالت له الحمدلله حالة والدتك استقرت والعمليه نجحت
فارس من فرحته وسالي بتهنيه حضنها وهو يقول الحمدلله الحمدلله سالى بين احضانه وهو لافف ذراعه حواليها وهى مصدومه من رد فعل فارس واحتضانه لها
وبتقول له بهدوء انت بتعمل ايه يا استاذ ممكن تشيل ايدك من حواليني وتسابني
وفى نفس الوقت دخل عليهم والده وشافه وهو حاضن سالى
والده:ايه ده يافارس وانا اللى جي من السفر ومخلى السواق طاير بالسياره وبقول تلقيك منتظر والدتك لوحدك وهتموت من القلق عليها ولازم اكون جنبك بس الظاهر لقيت اللى يكون جنبك
فارس :بابا الحمدلله ماما عملت العمليه ونجحت
وفك احد ذراعيه ولكن مازال ضممها بالذراع الاخر وركز مع والده
وظل ضممها له
والده؛ماشي يا سي فارس وكنت بتحتفل بنجاح العمليه ولا ايه
انا داخل للدكتور اتطمن منه عليها
سالى كل ده وهى لسه مصدومه وفارس لسه ضممها له بأحد ذراعيه ومش قادره تبتعد عنه من قوة ذراعه رغم أنها تحاول ابعاده عنها وكررت اكثر من مره :ممكن تسيبني ممكن تسيبنى يا استاذ ينفع الاحراج اللى وضعتنى فيه ده
فارس ها اه اه انا اسف من فرحتى انا كنت مرعوب وقلقان اوى على والدتى
سالى:والله ماشي يعنى بعد كده لما تفرح الوحده تبعد عنك علطول
ضحك فارس لا خلاص هبقى اخد بالى
تركته سالى وذهبت بعد ان قالت الحمدلله ان اتطمنت على والدتك اسيبك انا بقى وهروح لوالدتى
خرجت والدته من العمليات وادخلوها غرفتها وسمح الدكتور لفارس بالدخول ليطمئن عليها دخل فارس واطمئن على والدته
وبعد أن افاقت والدته قال لها حمدلله على السلامه ياماما انا كنت قلقان عليكى اوى
والده:بصراحه كان قلقان عليكى لدرجة انى دخلت عليه لقيته حاضن بنت معرفش جابها منين دا
فارس:ماتظلمنيش يابابا دى لولا البنت دى يابابا ما كناش عارفين هنعمل ايه لماما دى اللى اتبرعت ليكى يت ماما بدمها اصل فصيلت دمك نادره جدا وكانت خلصت من المستشفى وبالصدفه طلعت نفس فصيلت البنت دى ولما الممرضه طلعت علينا وطمنتنا انك أصبحت بخير حضنتها بدون ان أشعر من فرحتى
انا هروح اجبهالك تشكريها بنفسك
واتجه فارس لغرفة سالى ليحضرها فكانت عند والدتها فدخل لهم
وسلم على والدة سالى شكرته على مافعل لهم
فارس:بتشكرينى على ايه دا انا اللى مديون ليكم دلوقتى ولا ايه يا سالى
وانا جاي اخد سالى عشان والدتى عاوزه تشكرها بنفسها
بعد اذنك
اخذ فارس سالى وعاد لغرفة والدته ليجد عمه وابنة عمه التى اول مارأيت سالى معه جن جنونها شايف يابابا هى دي الحي*وانه.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية برائة سالي)
