رواية تزوجني ولكن الفصل الثالث عشر 13 بقلم الكاتبة الصغيرة
رواية تزوجني ولكن البارت الثالث عشر
رواية تزوجني ولكن الجزء الثالث عشر
رواية تزوجني ولكن الحلقة الثالثة عشر
احمد : لقيناه مضروب النار وسايح في دمه
هنادي بصدمة : امتي دا ي منيل
احمد : لقيناه دلوقتي في الشارع اللي جمبنا جبناه هنا
انصدم الكل من كلامه ونزلوا جري وانصدموا اكتر لما لقو علي مضروب فعلا بالنار وهدومه كلها مليانه دم قربت منه امه بسرعة وهي مصدمة لسه
الام : علي قوم يلا قوم ي علي عشان خاطري مش انت قولتلي انك مش هتسيبني قوم ي علي انا مليش غيرك قوووم ي علي علي
هنادي وهي بتهديها : اهدي ي ام علي مينفعش كدة
بصت الام بكره لاسماء وهي بتقول : انتي السبب في اللي حصل لابني انتي اللي عملتي فيه كدة
جميلة : ايه اللي بتقوليه دا ي ام علي وهي بنتي هي اللي ضربته بالنار يعني
الام : هي السبب انا قولتله متخطبهاش لكن هو كان مصمم حاولت اقنعه ان انا مستحيل اقبلها لكن هو كان عاوزها واهو مات عشان تكون مبسوطة انتي نحس وعشان كدة معمرتيش في جوازتك الاولي واهو ابني راح في شربة ماية بسببك
هنادي : انا ساكتة ليكي لاني ام واحس بيكي لكن الكلام اللي بتقوليه دا مش هسكت عليه اسماء ملهاش دخل في اللي حصل واي حد هيقول عليها كلمة انا اللي هقف له
الام : اوعدكم اني هحرق قلبكم عليها زي محرقتم قلبي علي ابني وحيدي
هنادي : تعالي ي اسماء نطلع اللي زي دول مينفعش فيهم ان الواحد يقف معاهم ميستهلوش تعالي
شدت هنادي اسماء اللي مفقتش من صدمتها ومن كلام ام علي ومش مصدقة هل هي فعلا السبب في اللي حصله
اول ما دخلوا الشقة انهارت اسماء ووقعت علي الارض وهي بتعيط
اسماء : انا نحس ايوة زي ما هي قالت انا نحس علي كل اللي حوليا وانا السبب في موته وانا السبب ان محمد اتجوز عليا
جميلة وهي بتحضنها : ايه اللي بتقوليه دا ي اسماء انتي متعلمة ي بنتي وعارفة ان دا قضاء وقدر ومحدش له دخل
اسماء : لا ي ماما هي عندها حق انا نحس وعشان كدة حياتي بايظة انا اعمل ايه زهقت مهما عملت بيلفوا يلفوا ويرجعوا للموضوع اللي حصل من تلات سنين انا مظلومة معملتش حاجة انا زهقت من كتر المحاولات انهم يصدقوني او حتي ينسوا انا مليش ذنب ومحمد كسرني وذلني وانا مكنتش اتوقع ان يزعلني لكن هو تخطي التوقعات والحدود باللي عمله انا مش هلومه بس انا كنت مفكرة انه هيصدق مش هيعمل زي الناس اللي ميعرفونيش بس هو كان اكتر واحد فيهم قاسي هليا وانا مبقتش متحملة دا حتي علي قبل يمثل معايا حكاية الخطوبة دي واهي حبيته انتهت اتقتل اتقتل ي ماما يعني انا السبب
هنادي : اسماء قومي بقي انتي اللي مزعلة نفسك انتي طول عمرك قوية ومستحملة كلامهم وانت متاكدة انك هتثبتي انك معملتيش حاجة وهتكسري عينهم ايه اللي حصلك ي اسماء
اسماء : انا استنذفت كل طاقتي ومبقاش ليا طاقة اني اناقش حد او اعاتب حد او حتي احاول اقنع اي حد بحاجة
طلعت اسماء تجري علي اوضتها وقفلت الباب وهنادي وجميلة بيخبطوا عليها
جميلة : افتحي ي اسماء ي حبيبتي وكل حاجة هتتحل
اسماء : هو ايه اللي هيتحل انا كرهت عيشتي سيبوني
هنادي : ي حبيبتي متقوليش كدة
اسماء : سيبوني لوحدي لو سمحتوا وملكوش دعوة بيا
جميلة : ي اسماء مينفعش كدة
اسماء : قولت سيبوني حرام عليكم سيبوني انا هفضل لوحدي ومش هفتح الباب يعني مش هفتحه
جات الشرطة تحت عشان التحقيق وخصوصا ان دي جريمة قتل كان الظابط بيتكلم مع شباب الحارة واللي لقوه
الظابط : انتو لقيتوه فين بالظبط
شاب من الحارة : لقيناه في الشارع اللي جمبنا وجيبناه هنا
الظابط : طب كان في جمبه اي حاجة تدل علي المجرم
الشاب : منعرفش احنا اول ما شوفناه جيبناه علي طول وماخدناش بالنا
الظابط : يعني محدش شاف حاجة
احمد : انا لقيت دا
الظابط مسك منديل ومسك المسدس واللي كان احمد ماسكه
الظابط : لقيته فين دا
احمد : انا لقيته جمب علي اول ما اخدناه فاخدته
الظابط : تمام احنا هنتصرف لازم نشوف البصمات اللي عليه بصمات مين ودا اللي هيوصلنا للمجرم
بعد فترة وصل التقرير بتاع البصمات والظابط فتحه والكل انصدم اول ما قال الاسم ……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجني ولكن)
