رواية قبل تنفيذ الاعدام بدقائق الفصل التاسع 9 بقلم عادل عبدالله
رواية قبل تنفيذ الاعدام بدقائق الجزء التاسع
رواية قبل تنفيذ الاعدام بدقائق البارت التاسع
رواية قبل تنفيذ الاعدام بدقائق الحلقة التاسعة
قررت اني اواجهها هي الاول ، اتصلت بيها ، لكن اول ما سمعت صوتها ضعفت ولساني عجز انه يتكلم !!
مكنتش عايزة اشوفها ، قولتلها تخلي البنات عندها لأني تعبانة ومش قادرة اروح اخدهم .
وصلت البيت وقعدت وقررت اني اواجه علاء اول لما يرجع .
لكن بردو بمجرد ما دخل البيت كل ما احاول اتكلم كان لساني بحس انه عاجز ومش قادرة اتكلم ولا عارفة هقوله ايه !!!
علاء اول لما شافي سألني : مالك في اي ؟ انا اول مرة اشوفك بالشكل ده !!!
مكنتش عارفة ارد ولا اتكلم ، الكلام في دماغي لكن كل ما احاول انطق لساني يتشل .
في الاخر كدبت و قولتله ان في حرامية حاولوا يخطفوني النهاردة بالعربية .
انزعج اوي وسألني : وعملتي ايه ؟ قولتله : الحمد لله ربنا ستر .
سألني اذا كنت عملت محضر في قسم الشرطة ؟ قولتله : لأ لأني تعبانة من الصدمة .
قالي : لازم نعمل محضر علشان المجرمين دول يتمسكوا .
قولتله : فعلا لازم كل مجرم يأخد جزاؤه .
(( وبعد فترة بكاء لأحلام اثناء التسجيل الصوتي لها )) كملت كلامها ….
انا عايزة اي حد بيسمعني يقول كان ممكن يعمل ايه لو مكاني . المهم اني مقدرتش اواجههم فقررت اني لازم اخد بناتي وفلوسي وابعد خالص عن حياتهم القذرة .
تاني يوم روحت الشغل وكل اللي يشوفني يسألني مالك .
كان واضح عليا اوي ان عندي مشكلة كبيرة .
اي حد يسألني مالك كنت بقول اني تعبانة الا ماجد لما سألني طلبت منه اننا نقعد نتكلم بعد الشغل .
وفعلا بعد الشغل روحت انا وماجد وقعدنا في كافيتريا .
واول ما قالي مالك في ايه انهرت من العياط .
حاول يهديني لكن فضلت كتير اعيط ، كنت عايزة احكيله لأني كنت حاسه من كلام اثناء سفرنا انه انسان كويس فعلا .
لكن بردو لساني عجز انه ينطق ويحكي اللي حصل .
وبعد طول بكاء كان مصمم انه يعرف في ايه قولتله : انت لما كلمتني انك عاوزني اتطلق من جوزي ونتجوز كنت بتتكلم جد ؟
رد وقالي : ايوه طبعا ، انتي متعرفيش انتي ايه بالنسبالي ، ايه بس اللي حصل احكيلي ؟
قولتله : حصلت مشكلة كبيرة بيني وبين جوزي وخلاص كده لازم نتطلق ، بس بناتي هيعيشوا معايا .
لكن للاسف بردو كنت غلطانه ، اول لما ماجد حس بضعفي واحتياجي له او يمكن لما قولتله ان بناتي هيكونوا معايا كان عاوز يستغل الموقف وعرض عليا اني اعيش معاه في بيته لحد ما اتطلق .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قبل تنفيذ الاعدام بدقائق)
