رواية قلبي ومفتاحه الفصل الثامن عشر 18 بقلم روز أمين
رواية قلبي ومفتاحه الجزء الثامن عشر
رواية قلبي ومفتاحه البارت الثامن عشر
رواية قلبي ومفتاحه الحلقة الثامنة عشر
كانت تنظر إليها دون شفقتآ أو رحمة منها،،
علي الحاله التي وصلت إليها بفضلها ،،
نعم هي من أبلغت عماد
رجعت بذاكرتها لليلة أمس ٠٠٠
فلاش بااااك ٠٠٠٠٠٠٠٠٠٠٠٠
بعد صعود أيه لغرفتها كانت تنظر من الشرفة علي مها،، وجدتها تتحدث وهي سعيده وتضحك !!!
أكل الحقد قلبها،، أتتحدثين عنه أمامي ولا تخجلين ؟؟
أيه لنفسها ٠٠٠وبعدين يا أيه هتعملي أيه،، هتسيبي أدهم يضيع منك كده قدام عيونك،، وتقفي تتفرجي عليه !!!
لاء يا مها مش هاسمحلك تدمريلي حلمي وتاخدي مني حبيبي !!
لازم أتصرف بسرعه قبل فوات الأوان،، لازم أتصرف قبل أدهم ما يسافر يكلم بباه ويخطبها !!
أمسكت هاتفها بدون تفكير،، وطلبت رقم عماد الذي تعرفه جيدا ،،بحكم أنه أستاذها ويجمعهم جروب الواتساب الخاص بمادته !!
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كان عماد يأخذ حمامآ ساخنآ إرتدي رداء الحمام بعد إنتهائه ،، سمع صوت رنين هاتفه ،،
خرج وأمسك هاتفه وجد رقمآ لا يعرفه،،
لم يعطي إهتمامآ ووضع هاتفه بلا مبالاة !!
وقف أمام المرأه يمشط شعره سمع رنين هاتفه مرة أخري،، نظر به وجده نفس الرقم !!
قرر أن يرد،، ليري من هذا المتصل المصمم علي محادثته ٠٠٠
عماد بلامبالاه٠٠٠ألو
أيه ٠٠٠باشمهندس عماد إزي حضرتك أنا أيه عمر !!!
عماد متذكرآ٠٠٠أيه عمر،، ااااه أهلا أيه إزيك !!
أيه ٠٠٠٠الحمدلله يا دكتور،، كنت عاوزه أكلم حضرتك في موضوع يخص مها،، لو وقت حضرتك يسمح !!!
أجابها عماد بدون تفكير٠٠٠أكيد طبعآ أنا سامعك،، بس قوليلي مها كويسه ؟؟
أكملت أيه بلؤم٠٠٠٠٠والله يا باشمهندس هي مش كويسه ،،مها زي ما أنت عارف بتحب حضرتك جدآ،، بس موضوع خطوبتك جرحها أوي وخدته علي كرامتها !!
وهي دالوقتي بتحاول ترد علي حضرتك بنفس الطريقه،، وأنا خايفه عليها جدآ !!
حدثها عماد بعدم فهم ٠٠٠٠أيه،، إنتي كده قلقتيني،، من فضلك إتكلمي بوضوح أكتر علشان أقدر أفهمك !!
أيه بخبث ٠٠٠بصراحه مها بتوهم نفسها بقصة حب بتعيشها ولم تكمل باقي حديثها من هذا الثائر !!!
عماد بغضب٠٠٠بتقولي أيه إنتي ،،مها تحب غيري !! ومين ده اللي بايع عمره وقرر يقف قدامي ؟؟
أيه بدون تفكير ٠٠٠دكتور أدهم سليم !!
عماد ب صدمه ٠٠٠أيه احكيلي الموضوع كله من أوله لو سمحتي !!
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الوقت الحالي !!!
كانت مها منهارة وتبكي بحرقة
تحدثت نور بقلق٠٠٠٠أنا هتصل بالصيدليه يبعتولنا ممرض يديها حقنه مهدئة علشان تقدر تنام !!
أجابتها أريج بحزن٠٠٠٠ياريت حضرتك بس بسرعة !!
أيه بتأثر مصطنع٠٠٠٠٠ خدي يا مها إشربي حبة مايه !!
مها بدموع وتيهه٠٠٠٠أزاحت يدها بدون كلام !!
أريج بتأثر٠٠٠٠٠إشربي يا قلبي وكفايه عياط كده هتتعبي يا مها !!
جاء الصيدلي أعطاها الحقنة وغفت مها بعدها !!
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ظلت مها ملازمة لحجرتها لمدة ثلاثة أيام،،لا تخرج حتي لتناول الطعام !!
إهتمت بها أريج وأيه،، ونور التي كانت تحضر لها الطعام إلي غرفتها،، وتضغط عليها علها تأكل حتي القليل !!
٠٠٠٠٠٠٠٠٠٠٠٠
وفي اليوم الثالث كانت تجلس في شرفة غرفتها تنظر للسماء بشرود !!!
وجدت هاتفها يرن،، نظرت بشاشته بفتور وجدت أريج إستغربت !!
كانت أريج معها منذ قليل،، ماذا تريد !!
أمسكت هاتفها وردت بصوت ضعيف حزين٠٠أيوا يا ريجا !!!
أتاها صوت عماد٠٠٠٠إزيك يا مها ؟؟
مها بإستغراب ٠٠٠٠٠الحمد لله أنا كويسه !!
عماد٠٠٠٠٠أنا آسف إني إتكلمت من فون أريج بس أعمل إيه،، إنتي عاملة بلوك لأسمي من عندك،، ماعرفتش أوصلك غير كده !!
مها بفتور٠٠٠لا عادي ولا يهمك،، خير يا باشمهندس فيه حاجه؟؟
عماد بإسرار٠٠ ٠٠مها إحنا لازم نتكلم،، من فضلك لازم نتقابل،، فيه كلام مهم لازم تسمعيه !!!
مها بفتور ورفض٠٠٠كلام أيه إللي لازم أعرفه،، وبعدين من فضلك يا عماد،، أنا تعبانه ومش قادرة أخرج !!
وحتي لو قادرة ،،أنا مابخرجش مع حد وأنت عارف ده كويس أوي !!
عماد بتعقل٠٠٠خلاص يا مها بلاش نتقابل بره،، تعالي عند أريج،، أنا كده كده عندها،،
تعالي نتكلم في الجنينه وبعدين أمشي،، مها الكلام اللي هقوله مهم جدآ علشان تعرفي حقيقة إللي إسمه أدهم كويس !!
مها بإستغراب ٠٠٠أدهم،،أنت بتتكلم عن أيه ؟؟
عماد٠٠٠مها ،،أنا عارف كل حاجة عن موضوع أدهم،، وعارف إللي حصل بينكم،، فياريت ماتضيعيش وقت وتعالي !!!
مها بإستسلام وفضول ٠٠٠٠حاضر يا عماد،، نص ساعة بالكتير وهكون عندك !!!
أغلقت معه وأرتدت ملابسها كانت تضع حجابها دخلت عليها أيه٠٠
تحدثت بإستغراب ٠٠٠بتعملي أيه يا مها إنتي خارجه؟؟
مها بإستعجال ٠٠٠أه يا أيه رايحه عند أريج وجايه علي طول !!
أيه بإستغراب ٠٠٠أريج ما كانت لسه هنا ؟؟
وبعدين هتخرجي بحالتك دي إزاي؟؟
يا حبيبتي إنتي لسه تعبانه،، طب تحبي ألبس وأجي معاكي !!!
مها بحب ونظرة عرفان٠٠٠٠٠لاء يا روحي خليكي إنتي ذاكري،، كفاية وقفتك جنبي اليومين إللي فاتو !!
وأحتضنتها بود وقالت٠٠٠ ربنا يخليكي ليا يا أيه وأسفه بجد،، تعبتك معايا !!
أيه بحزن وخجل ٠٠٠ماتقوليش كده يا مها،، إنتي أختي !!!
خرجت مها ووصلت إلي منزل أريج
وجدت أريج وعماد والسيدة مني والدة أريج جالسون في الحديقه !!
ألقت عليهم السلآم وأختضنتها والدة أريج ،،إستأذنت هي وأريج للداخل وتركوهم في الحديقه بمفردهما٠٠
عماد ناظرآ إلي مها بأسي علي ما يراه من شحوب وجهها وحزنها الواضح !!!
عماد بإستهجان٠٠٠٠ليه يا مها ،،عامله في نفسك كده ليه؟؟
والله يا قلبي ما يستاهل دمعه واحده من عيونك !!
ثم قال بتوعد ٠٠٠٠وحياة كل دمعه نزلت من عيونك دي لدفعه تمنها غالي أوي يا عمري !!
مها بعمليه٠٠٠ياريت يا عماد تدخل في الموضوع وتقول إللي عندك،، أنا تعبانه ومش هاأقدر أقعد كتير !!
عماد٠٠٠٠هاأقول يا مها٠٠أولآ أنا آسف علي إللي عمله معاكي الحيوان إللي إسمه أدهم ٠
لأنه للأسف كان بينتقم مني فيكي !!
مها بإستغراب ٠٠٠٠٠بينتقم منك إنت فيا؟؟
وأنت أيه دخلك بالموضوع،، وبعدين أيه علاقتك باأدهم أصلآ ؟؟
عماد مفسرآ٠٠٠٠ أدهم كان بيردلي إللي أٌُختي عملته فيه زمان فيكي يا مها !!
مها بوجه مبهم وعدم فهم٠٠٠أختك ؟؟أختك مين ؟؟
عماد موضحآ٠٠٠ريهام يا مها،، إنتي طبعآ تعرفيها،،
أنا كلمتك عنها كتير قبل كده،،
كانت مخطوبه زمان ل أدهم وسابته وإتخطبت لغيره علشان تعانده !!
علشان كده حب ينتقم مني علشان وقفت مع ريهام ضدة وقتها !!!
مها بإستفهام وتيهه٠٠٠٠ ثانيه واحده يا عماد لو سمحت !!
أدهم وريهام أيه عرفهم ببعض ؟؟
وبعدين ريهام علي حد علمي إنها متجوزه وعندها طفل !!
عماد بإستغراب ٠٠٠٠٠طبعآ يعرفو بعض بحكم القرابه إللي بينا !!
مها مضيقه عيناها بعدم فهم !!!!!!
عماد ينظر لها مستغربآ ٠٠٠٠٠ليه،، هو البيه ماقالكيش إنو يبقي إبن عمتي ؟؟
مها ناظرة له بشرود وتوهان ٠٠٠ولا أنه كان خاطب؟؟
قالتها بدمعه هاربه من عيناها
عماد بتأكيد٠٠٠٠٠علشان تصدقيني لما أقولك أنه كان عارف علاقتي بيكي كويس،، علشان كده تعمد إنه يخبي عليكي إنه قريبي !!
جففت مها دمعتها الهاربه منها وتحدثت بقوة٠٠٠عماد،، من فضلك ياريت تحكيلي الموضوع كله من أوله وبالتفصيل !!!!
عماد ناظرآ لعيونها ولدمعتها،، يجاهد نفسه علي أن يتحمل ما يراة من إنهيار حبيبته وعزيزة عينه وقلبه !!!
يريد أن يأخذها بين أحضانه ويذوب معها،، لينسيها آلامها التي تعيشها بسببه !!!
اللعنه علي،، فأنا ببعدي عنكي من سمحت لهذا الحقير أن يقترب منكي ويذبحك هكذا !!!
اللعنه علي عمي وطمعه،، اللعنه علي ضعفي أمامه،، اللعنه علي أي شيئ وأي شخص باعد بيني وبينك غاليتي 💔
تحدث عماد بإنكسار٠٠٠حاضر يا حبيبتي،، هاحكيلك كل حاجة من الأول !!!!
وبدأ يقص عليها٠٠٠٠٠٠لما أدهم آخد الثانويه،، تنسيقه جابه جامعة القاهرة،، وقتها جوز عمتي كان عنده شقه هنا في القاهرة،، بس عمتي خافت تقعد أدهم لوحده فيها !!
كانت هاتقدمله في المدينة الجامعية،، لكن عمو حسين ماوافقش وماما كمان،، لأنهم بيحبو عمتي ليلي جدآ !!
جه أدهم عاش معانا،، وقتها أنا كنت في لندن،، كانت تاني سنه ليا في الهندسة !!
عمي سليم جوز عمتو ليلي أشتري عربيه ل أدهم علشان يروح بيها جامعته،،
كانت ريهام في تانيه ثانوي ،، أدهم كان بيوصلها لمدرستها في طريقة !!!
قربوا جدآ من بعض وبسرعه حبو بعض وإتعلقوا بحبهم جدآ !!
أدهم كان وقتها في تانيه تجارة،، وبصراحة كان محترم معانا ،،ماحبش علاقتهم تبقي في السر من ورانا !!
كلم بباه إنه يخطب ريهام وعمي سليم وافق،، قولنا مش مشكلة خطوبة لحد ما يخلصوا ويتجوزو !!
ماما إشترطت عليهم يعيشوا في التجمع معانا ،،ياخدلها فيلا جمبنا وهما وافقوا ورحبوا !!
العيلتين كانو موافقين ومرحبين بكل شيئ ٠٠
قرينا فاتحه بين العيلتين ولبسوا شبكة !!!
ومن اللحظه إللي لبسوا فيها الدبل، أدهم بدء يتغير ويظهر علي حقيقته !!!
كل شويه خناق مع ريهام وتحكمات علي الفاضي،، ألبسي ده ما تلبسيش ده،، صاحبي دي،، ماتكلميش ولاد !!
تحكمات الصعايده دي إنتي طبعآ عارفاها !!
وبصراحه ريهام كانت بتعانده !!
ريهام إتخنقت منه،، مع إنها كانت بتعشقه بس خنقها بأسلوبه !!
وقتها أنا كنت في أجازه وماعجبنيش الوضع،، إزاي يتحكم في أختي وهي لسه في بيتنا،،
أنا أتدخلت وإتخانقت معاه،، مشاكله معاها كترت مع إنهم كانوا بيعشقوا بعض !!!
نظرت له بعيون متوسلة٠٠٠٠رفقآ عماد،، يوجد أمامك عاشقة 💔 تتحدث أنت الأن عن معشوقها،،
رفقا بقلبي الجريح،، لا تتحدث أمامي عن عشق روحي وفؤادي هكذا !!
أبكل سهوله تتحدث عن غرامة السابق لغيري ؟
قلبي يتمزق 💔 حبا فالله لا تفعل بي هذا !!
كان يشعر بها وبألمها من حديثه،،
٠ فهل للحبيب ألا يشعر بمحبوبته؟؟
لكن كان قاصدآ متعمدآ !! علها تفوق من وهمها،، وتكرههه وتعود لمكانها الطبيعي،، ألا وهو حضنه ♡
أكمل عماد٠٠٠وفي مره كانوا بيتخانقوا،، إتعصبت ريهام وقالتله خلاص ما بقتش عاوزاك،، لازم نسيب بعض !!
قالتها بإندفاع ماكنتش تقصدها أكيد !!!
أدهم ماقبلش علي نفسه أنها تقوله كده،، وخصوصآ إن الكلام كان قدام البيت كله،، وافق وخلع دبلته وأدهالها !!
وقتها كان في رابعه كليه،، ساب بيتنا وراح قعد في شقتهم !!
وبطل ييجي عندنا علشان محدش أتدخل في لحظتها ،،
كان فاكرهم هيبهدلو ريهام علشانه ويتأسفوله ويبوسوا أيده علشان يرجع دبلته ويلبسها !!!
طول عمره مغرور، ،،بعد فترة ،،ريهام حبت تغيظه وتخليه يغير ويرجعلها لأنها طبعآ لسه بتحبه !!
إتعرفت على شاب معاها في الجامعه،، وجابته البيت علي إنه جاي يخطبها !!
أنا وقتها عارضتها ،،قولتلها إنتي لسه خارجة من تجربة أصبري،، وبعدين إنتي وأدهم بتحبوا بعض وأكيد هترجعوا !! صممت علي رأيها !!
وما كان مني أنا وعمي وماما إلا إننا وافقنا،، لأن نفسيتها كانت تعبانه جدآ،، بصراحة خفنا عليها !!
روحت ل أدهم شقته وقولتله علي إللي ريهام ناويه تعمله علشان أحركة ،،
لاقيته رد عليا بكل برود وقالي٠٠٠ ربنا يوفقها !!
فضلت أقنعه علشان يتراجع ويرجعوا لبعض علشان مايخسروش حبهم قالي موضوعنا إنتهي !!!
ريهام إتخطبت وعملت خطوبه كبيرة عِند فيه،، حضرها كل قرايبنا إلا عمتي وولادها طبعآ !!
بعدها بشهرين لما ريهام مالقتش أي نتيجه من إللي عملته،، وإن أدهم حتي ما حاولش يكلمها ،،
فسخت الخطوبه وراحت ل أدهم شقته إتأسفتله ،،وحاولت ترجعه ٠٠
زللت نفسها ليه،، لكن دماغه جزمة وعندي ،،أخدها علي كبريائه وطردها من الشقه !!
ريهام تعبت بعدها جدآ ودخلت في حالة إكتئاب حاد،، لدرجة أنها حاولت تنتحر !!
روحتله أنا وماما وعمي علشان يرجع لها ،،لكن كان أناني لأبعد الحدود !!
قال إن خطوبته من ريهام من الأول كانت غلط ،،وإن شخصياتهم وتربيتهم مختلفه،، ومش هينفعوا مع بعض لو إتجوزوا !!
قال إن الجوازه محكوم عليها بالفشل من قبل ما تبدء !!!
إتخانقت معاه وضربته،، عمي حاشني من عليه بالعافيه،، يمكن لو سابني كنت قتلته وقتها !!!
دمرها وبعد عنها مع إنه كان بيحبها ومازال !!
ريهام إتعالجت بعد فترة كبيرة،، وبعد سنتين إتجوزت لكن للأسف لسه بتحبه وتجربته علمت في نفسها وروحها !!
من وقتها وهو مقاطعنا وما دخلش بيتنا من يومها،، مع إن المفروض إحنا إللي نقاطعه،،
لأنه دمر أختي وهدم مستقبلها بغبائة !!
نظر لمها وقال٠٠٠تعرفي إن ريهام بتاخد أدوية نفسيه لحد إنهاردة !!
لحد دالوقت ماقدرتش تتخطي حبه،، بتتعب وبتدخل في نوبة إكتئاب،،
كل ده بسبب الحيوان الغبي إللي إسمه أدهم !!
كانت تستمع له بذهول،، كل كلمة كانت تخرج من فم عماد،، كانت تغرس في صدرها كخنجر مسموم !!!
أحقآ،،أحقآ كان يعشق غيري
أكان يقول لها أحبك مثلما قالها لي
هل كان ينظر داخل عيناها بعشق وهيام مثلي 💔
نعم أيتها الحمقاء،، كانا يقنتون بالمنزل ذاته،،
إحتمال أيضا أن يكون أذابها داخل أحضانه التي طالما حلمت بها وبدفئها !!!
هل قبل يدها وآذابها عشقا مثلي ؟؟
أاااااااه قلبي يشتعل نااااار 💔
ناااار داخل صدري
قلبي محطم يا الله ،،فلتساعدني أرجوك
اللعنه عليك أدهم
نظرت لعماد بدموع وتساؤل٠٠٠كان بيحبها؟؟
عماد بنظرة تحدي ٠٠٠كان بيعشقها ،،ولسه بيعشقها لحد إنهارده
لأنه ببساطه لو نسيها كان رجع زي الأول معانا !!
وصدقيني مايستاهلش دمعة واحده من عيونك !!
لأنه أول ما عرف حكايتي معاكي
قرر يدبحني بيكي يا مها !!
قالت بدموع ساخنه٠٠٠أدهم ما كانش يعرف الحكايه أصلآ يا عماد !!
ضحك ساخرآ٠٠٠بيتهيألك،، أدهم إنسان خبيث ولئيم !!
لما عرف قرب منك وعلقك بيه وكان ناوي يكمل !!
لكن لما أنا واجهته،، عمل فيها أنه شهم ومايقبلش أنه يبقي معاكي وإنتي حبيبتي !!!
قالت بذهول٠٠٠إنت إللي قولتله ؟؟
عماد بثقة٠٠٠أيوه يا مها !! وطول ما أنا عايش مش هاسمح لأي مخلوق يأذيكي ولا يقرب منك،،
إنتي ملكي يا مها،، حبيبتي ونور عيوني،، وهاتكوني مراتي وقريب أوي !!
مها بصراخ ٠٠٠أنا لا ملكك ولا ملك غيرك،، فوق بقا من وهمك ده !!!
أنت لو آخر واحد في الدنيا كلها مش هاتجوزك يا عماد !!
أنت خاين وكداب وغشاش،، ضحكت عليا بكلمة بحبك،، خلتني أحلم بيوم جوازنا
ورحت خطبت غيري،، خلتني مسخرة وتريقة الجامعة كلها !!
إللي يسوي واللي ما يسواش شمت فيا !!!
ربنا ينتقم لي منك يا عماد،، ودالوقت أخرج من حياتي كلها،، مش عاوزه أشوف وشك تاني،،
سبني في حالي بقااااا
ربنا ينتقم لي منك ومن إبن عمتك،، ربنا ينتقم منكم،،، ربنا ينتقم منكم
كانت تتحدث بصراخ وهيستريا وصل صوتها لأريج ووالدتها ،،
أتوا مهروعين إليهم ،،وجدوها منهارة وجالسه أرضآ،، وعماد يساعدها علي النهوض وهي تصرخ وتضرب يده رفضآ !!
جرت عليها والدة أريج أوقفتها وأجلستها علي مقعد وقالت٠٠٠من فضلك يا باشمهندس أمشي دالوقت ونبقي نتكلم بعدين !!
عماد بثبات٠٠٠أنا مش خارج من هنا قبل ما أطمن عليها !!
قاطعته وقالت بعنف٠٠٠٠ لو سمحت يا عماد أخرج،، مش شايف حالتها قدامك ؟؟
وقالت بنظرة مطمئنه٠٠٠٠ أنا هاأبقي أتصل بيك وأطمنك !!!
خرج عماد وعيونه علي تلك المنهارة وقلبه يتمزق حزنآ عليها
كان يريد أن يجري عليها ويضمها،، يشق صدره ويخبئها داخله ليحميها من العالم أجمع !!!
ولكن !!! اللعنه علي أريج ووالدتها !!!
اللعنة علي كل من باعد بيني وبينك ساحرتي 💔
أااااااه مها،، اااه لو تعلمين مدي عشقي لكي أميرتي !!
أنتي تراوديني في أحلامي يا فتاه ،،أنتي إمرأتي بأحلامي 🌸 سأتزوجك وليكن ما يكون !!!
لن أسمح لأحد بأن يقترب منكي حتي لو أجبرت علي قتله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قلبي ومفتاحه)
