رواية قبل تنفيذ الاعدام بدقائق الفصل الأول 1 بقلم عادل عبدالله
رواية قبل تنفيذ الاعدام بدقائق الجزء الأول
رواية قبل تنفيذ الاعدام بدقائق البارت الأول
رواية قبل تنفيذ الاعدام بدقائق الحلقة الأولى
عقارب الساعة تشير للخامسة صباحا بينما جاء حارس السجن يفتح باب الزنزانة و ينادي عليها .
استيقظت في ذعر من نومها علي صوته القوي وسط سكون الليل . وقالت له : ايه يا حضرة الصول ؟ دلوقتي خلاص ؟
اشار اليها ب نعم .
فقالت له : من ساعة ما لبست البدلة الحمرا وانا كل ليلة بقوم من النوم مفزوعة خوف من اللحظة دي .
: يلا علشان مأمور السجن مستنيكي تحت .
: طيب ممكن اتوضا واصلي .
: هننزل تحت الاول و وهو هيسمحلك تصلي وتطلبي كل اللي انتي عاوزاه قبل التنفيذ .
: حاضر .
قامت و امسك الصول بيدها وكان جسدها يرتعد بعنف خوفا وتبكي و تقول : انا مظلومة . انا مظلومة . هما السبب . والله هما السبب .
نزلت احلام ثم ادخلها المأمور حجرة خالية لتصلي .
وقفت احلام تصلي في خشوع وتتذلل لربها بأن يغفر لها ويرحمها حتي انهت صلاتها .
قال لها مأمور السجن : عاوزة حاجة قبل التنفيذ ؟ مش باقي الا اقل من ساعة .
: عاوزاكم تسمعوني وتعرفوا اللي حصل وتقولولي لو اي حد منكم مكاني كان عمل ايه ؟
: احنا كلنا عارفين حكايتك .
: يبقي ليا طلب واحد بس .
: ايه هو ؟
: اسجل بصوتي حكايتي . علشان لو جسمي مات يفضل صوتي موجود ويحكي حكايتي لكل الناس .
وبعد رجاء طويل منها وافق المأمور وبدأ احد رجال الشرطة الموجودين في تسجيل قصتها بصوتها كما طلبت ……
بابا مات وكنت لسه صغيرة في ثانوي ، اخواتي الكبار حاتم ووليد كانوا لسه في الجامعة وبمجرد ما خلصوا دراسة هاجروا علطول وسابوني انا وماما لوحدنا .
كنت انا و ماما قريبين من بعض اوي مش بنت وامها لأ كنا اتنين اصحاب خصوصا انها كانت جميلة ويبان عليها ان سنها صغير ، كنت بحس انها صاحبتي و من سني .
وكنت بحكيلها علي كل حاجة حتي لما حبيت علاء حكيتلها علطول .
اتصلنا علي اخواتي لما علاء كان جاي يتقدملي علشان حد فيهم يحضر معانا لكنهم مقدروش ييجوا وقالوا خلي حد من الاعمام او الاخوال يقعد مع العريس !!!
اتخطبت واتجوزت ومحدش فيهم رجع يحضر فرحي !!
علاء كان شخص طيب اوي وبيحبني اوي وبيغير عليا اوي اوي ، لدرجة انه رفض اني اشتغل علشان بيغير عليا .
وفعلا قعدت في البيت وخلفنا بنتين تؤام ريتاج وريماس بعد جوازنا بسنة .
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية قبل تنفيذ الاعدام بدقائق)
