رواية مهرة العز الفصل السادس والعشرون 26 بقلم مريم
رواية مهرة العز الجزء السادس والعشرون
رواية مهرة العز البارت السادس والعشرون
رواية مهرة العز الحلقة السادسة والعشرون
في صباح يوم جديد على ابطالنا …….
استيقظ عز من النوم وفضل يفكر في كلام مهرة بتاع امبارح…..وكان زعلان جدا انو زعلها …..المهم اتنهد عز تنهيدة كبيرة وبعدين قام خد دش ولبس قميص ابيض وبنطلون اسود وصفف شعره وحط البرفيوم بتاعه وقال هيبدأ يومه عادي كأن مفيش حاجه حصلت…
وبقى يلبس بسرعه عشان ينزل ويشوف مهرة لأنها وحشته……بس لما نزل….
عز بجمود:صباح الخير..
محدش رد عليه….الا سلوى
سلوى بابتسامه:صباح النور ياعمري…
عز:احم احم……..وقعد وهو محروج ان محدش رد عليه وبقى يدور بعيونه على مهرة مش لاقيها…
عز بحرج:احم احم….اومال فين مهرة؟؟
سلوى برفعه حاجب:وبتسال ليه؟؟
عز بغضب مكتوم:محدش يرد عليا بسؤال….فااهمه؟
سلوى بخوف:حاضر….
منى ببرود:مشيت الصبح…
نزلت هذه الكلمات كالصاعقه على اذني عز….وبعدها قال بصوت مهزوز نسبيا..
عز:مشيت فين؟؟
منى بجمود:هتكون راحت فين يعني…..اكيد راحت بيت أهلها….
عز:ازاي يعني؟؟وهي هتعرف بيت أهلها منين؟
طبعا احمد ونجوى قاعدين بياكلو ومحدش بيرد عليه ومتجاهلينوا تماما….
ردت منى وقالت:مش انت قولت انها قريبه رفيف….يعني اكيد رفيف عارفه بيتها…..وطبعا مهرة مش هتقعد هنا تاني بعد اللي حصل…ف رنت عليها ورفيف واسر جم الصبح وخدوها ومشيوا…ومش هنشوفها تاني….
عز في اللحظه دي كان عايز يقلب الدنيا كلها…وقلبه كان بيوجعه جدا….خصوصا ان كان اخر مرة يشوفها وهي زعلانه منه…….كور ايده وحاول ميبينش عصبيته ويبقى normal قدامهم….وبالذات قدام سلوى…
سلوى ببرود:امممم….ممكن افهم بقى ايه اللي حصل امبارح…..يعني هي كانت مفكرة ان ممكن عز يبصلها او حتى يعجب بيها….ضحكت بصوت عالي وبعدين كملت وقالت ياحرام صعبانه عليا اووي ههههههه
منى بعصبيه:اسكتي خالص…….انتي اصلا واحده ***
عز بغضب:منى الزمي حدودك……ومتتكلميش مع خطيبتي كده تاني…..فاااهمه…
منى بذهول:خطيبتك!!
عز بجمود:ايوة خطيبتي…….وبكرة هتبقى خطوبتي انا وسلوى…..
احمد بعصبيه رزع ب ايديه على السفرة وقام وقاله
احمد:يعني اي………..يعني تعلن امبارح انك عايز تتجوزها…من غير ما تعرف حد فينا وبردوا جاب تقول هخطبها بالسهوله دي…..من غير ما تاخد رأينا…
عز بجمود:ورأيكوا هيفيدني ب ايه….طالما انا كده كده
هعمل اللي في دماغي وهتجوزها………..
احمد بصله بعصبيه وخرج…..
ومنى ونجوى قاموا من غير ما ينطقوا بحرف وكب واحدة طلعت اوضتها…..وفضل عز وسلوى…
سلوى بتصنع الحزن:مكنتش اعرف انهم مش بيحبوني كده………..كنت مفكراهم بيعتبروني بنتهم وان انا واحدة من العيله…..بس للأسف طلع كل تفكيري غلط…
عز:متقوليش كده……..هما بس متعصبين ان انا مقولتش ليهم حاجه….وعملت كده من دماغي……..انتي ملكيش دعوة هما زعلانين مني انا مش منك…
سلوى بابتسامه مصتنعه:طب انا ليه حاسه انهم كانوا عايزين مهرة ليك……مش انا….
عز:هه…….يعني انتي بذمتك ان احمد بيه المنشاوي هيقبل بواحدة عاديه ملهاش نسب ولا مال…..ولا حتى نجوى هانم…..هتوافق تبقى عروسه ابنها تبقى واحدة بلدي……دي تخاف تحط وشها في وش اصحابها اللي في النادي…..إنما منى ولؤي….ف دول لسه صغيرين ومتعلقين بيها بس مش اكتر….عشان كده زعلانين انهم مش هيشوفوا مهرة تاني……بس هي دي الحكايه
سلوى بعد ما ارتاحت من كلامه واتاكدت انه مش بيحب مهرة وان دي كلها مجرد شكوك…..قالتله طب ايه رايك نعمل فرح على طول مش لازم خطوبه يعني….الخطوبه دي للتعارف واظن احنا عارفين بعض كويس……ف ليه نعملها بقى….
عز بغموض:انا عامل خطوبه بس……لحد ما اهلك ينزلوا مصر……لان طبعا مش هينفع نعمل الفرح وهما مش موجودين….ولا انتي مش عايزاهم…
سلوى:لا طبعا عايزاهم…..بس افرض مش وافقوا…عشان يعني انت كنت زوج اختي الله يرحمها
عز:انتي قولتيها اهو…….كنت…..وكان فعل ماضي….يعني خلاص الله يرحمها…المهم احنا….وعلى رأي المثل زي ما بيقولوا…..
ضحكت سلوى ضحكه رقاصه وقالت:الحي ابقى من الميت….
عز بضحك:بالظبط…….
سلوى بدون تردد راحت عنده وحضنته وهو اضطر يحاوطها ب ايديه…….
عز بعدها عنه وقال:احم احم. ….هروح انا بقى الشغل
عايزة حاجه؟؟
سلوى بابتسامه:اعوز سلامتك يا قلبي 💋
خرج عز برا الفيلا وركب عربيته وبعدها اتنهد تنهيدة طويله…..ومشى بالعربيه…..
🦋♡♡♡♡♡♡♡♡🦋
عند لؤي وشمس……
شمسفتحت عيونها على ايد ياسمين وهي بتهزها عشان تصحى……
شمس بضيق:اممممم…..عايزة ايه
ياسمين:قومين ياختي عشان هننزل مصر….يلااا
شمس رفرفت عيونها ببطئ عشان الشمس وبعدين قالتلها هي الساعه كام؟؟…
ياسمين:الساعه ٧ يلا فوقي بقى بدل ما يمشوا ويسيبونا
شمس قامت بتكاسل وقالتلها :حاضر هقوم اهو….
ياسمين بمكر:يالهوي ده انتي كسوله اووي…..متنفعيش مع لؤي خالص….
شمس فاقت وراحت عندها وقالت:منفعش مع لؤي…ليه
ياسمين:يعني هو واحد نشط ورياضي وصحى من بدرى وبيجري…ده غير انو عايز واحدة نشيطه زيه….ف اكيد مش هيبص ليكي يا كسلانه…
شمس بتوتر:يعني هو قالك كده………قالك انو عايز واحدة نشيطه؟؟؟
ياسمين هزت راسها ب اه….
شمس:امتى ؟؟؟وقالك ايه بالظبط؟؟
ياسمين بخبث:بما كنتي في المستشفى…..كنا قاعدين برا والدكتور بيكشف عليكي جوة….وكنا بنتكلم…وجه في نص الكلام وقالي انا اصلا بحب البنت النشيطه اللي بتصحى من بدري وتنزل تلعب رياضه….إنما انتي عكس كل الكلام اللي قاله….
شمس بعزيمه:لا طبعا انا هبقى نشيطه وهصحي من بدري والعب رياضه كمان….يلا قومي البسي….وسابتها ودخلت الحمام….وياسمين ضحكت عليها وقالت في سرها:والله العظيم انتي مجنونه ياشمس….يعني بذمتك احنا هنبقى بنتكلم عن فتاه أحلامه وانتي بتموتي…غبيه وصدقت 😂😂😂
بعد وقت خلصت شمس وياسمين وجهزوا الشنطه بتاعتهم ونزلوا تحت كان لؤي واقف بيستناهم….
لؤي:كل ده تأخير….
ياسمين:معلش اصل شمس….وكزتها شمس وقالت كنت تعبانه شويه معلش…
لؤي بخوف:تعبانه مالك؟؟طب نروح نكشف؟؟
شمس بابتسامه:لا عادي مش مهم….يلا عشان منتاخرش
المهم خرجوا برا الاوتيل…..
وشمس شافت البنات واقفه برا و وشهم في الأرض…
شمس استغربت…وكملت مشي….بس استغربت اكتر
لما شدوى ونرمين والبنت التالته راحوا عندها وكل واحدة قالتلها انا اسفه…
شدوى وهي منزله راسها:انا اسفه. ياشمس وياريت تسامحيني واوعدك مش هعمل كده تاني…بس ياريت تسامحيني…
نرمين:انا اسفه بجد…..والله كانت ساعه شيطان ومكناش عارفين احنا بنعمل اي..
البنت التالته:ايوة والله …..سامحينا بقى..
شمس بقله حيرة:حاضر…..هحاول اسامحكوا….وسابتهم ومشت….
ياسمين باستغراب:هو ايه اللي نزل عليهم فجأه وخلاهم يبقوا زي الفار المبلول كده…
شمس بتفكير:ممكن خافوا من المدرسين اصل يقولوا لاهلهم ولا حاجه….
لؤي بضحك:والله انتي غبيه اويي….فكرتي هتخمني صح….بس انتي خمنتي غلط….
ياسمين:قصدك ايه؟؟؟
شمس بزهول:يعني انت اللي ورا الموضوع ده
لؤي بتكبر:هه…….انا اه قولتلك مش هعمل اللي قلتلك عليه…..بس ده مش معناه اني مجبش حقك…
شمس:عملت اي…
لؤي:مفيش شويه تهديدات كده على شويه صور مفبركه على حبه شاتات….وكلام ** تهديد المدرسين ف اكيد هيجوا يعتذروا والجزمه فوق رقابتهم…
ياسمين بضحك:والله انت باشا يا لؤي….هو ده الكلام
لؤي:مش هتمدحيني زيها ولا اي
شمس ضحكت وقالت:شكرا يالؤي….بس اكيد مش هتعمل حاجه من دي صح
لؤي:عيب عليكي…انا عندي اخت بنت بردوا
شمس ضحت وراحوا يركبوا…..
🦋♡♡♡♡♡♡♡♡🦋
عند مهرة كانت وصلت البيت وقاعده في اوضتها بتعيط وبتفتكر اللي حصل معاها من بعد ما خرجت من عند عز امبارح……
فلاش باك….
(مهرة خرجت من اوضه عز منهارة من العياط…..وراحت على اوضتها وكتمت شهقاتها في المخدة وبعدها مسحت دموعها وقامت بقوة وقالت انا مستحيل افضل هنا يعد اللي حصل ده…..
وقامت غسلت وشها ومسكت الفون واتصلت ب رفيف..
رفيف بنوم:امممم الو
مهرة:انا اسفه اني صحيتك في وقت زي ده….بس انا عرفت كل حاجه….وعايزة ارجع بيت اهلي
رفيف بصدمه:عرفتي ازاي
مهرة:مش مهم دلوقتي….المهم عايزاكي تيجي بكرة الصبح وتاخديني من البيت ده واروح بيت اهلي
رفيف بتردد:بس…..قاطعتها مهرة
مهرة:مبسش….عايزاكي تيجي بكرة بدري وتاخديني…سلام..
وبعدين راحت على اوضه منى وخبطت ومنى فتحت
منى باستغراب:مهرة..
مهرة وهي بتحضنها:هتوحشيني اووي يامنمن….
منى بدموع:ليه هتروحي فين؟؟
مهؤة:انا لازم ارجع لأهلي…..مينفعش افضل هنا اكتر من كدا……رفيف هتيجي بكرة وتاخدني….
منى بعياط:بس انا بحبك اوووي…
مهرة:وانا بردوا……وبعدين مين قالك اننا مش هنشوف بعض تاني…..وقت ما نعوز نشوف بعض هنتقابل في اي حته برا…انتي زعلانه ليه…
منى:هتوحشيني اوووي
مهرة بابتسامه:وانتي اكتر….
تاني يوم قبل ما عز يصحى…
مهرة لبست وجهزت نفسها ونزلت وقابلتها نجوى
نجوى بحزن:يعني خلاص مش هنشوفك تاني…
مهرة وهي بتحضنها:ومين قالك……وقت ما تعوزي تشوفيني نتقابل في النادي…..اي رأيك…
نجوى بابتسامه:طبعا ….وحضنتها تاني….
احمد بابتسامه:مفبش حضن ليا انا كمان ولا اي
مهرة بابتسامه:لا طبعا فيه….وراحت حضنته….وقالها خلي بالك من نفسك يا مهرة..
مهرة بابتسامه:حاضر…
وشويه ورفيف دخلت…
رفيف بابتسامه:صباح الخير…
الكل:صباح النور…
رفيف:يلا يامهرة…..اسر بيستنى برا….
نجوى:أسر….
رفيف:ايوة هيوصلنا….
نجوى بابتسامه:خلوا بالكوا من نفسكوا….
ومهرة سلمت تاني عليهم وخرجت…..
في العربيه….
أسر بابتسامه:صباح الخير
مهرة بابتسامه حزينه:صباح النور……
فضلوا طول الطريق ساكتين وقطع الصمت صوت أسر وهو بيبص لمهرة في المرايا وبيقولها…
اسر:مهرة انا حاسس ان عز فيه حاجه….اكيد مش…قاطعته مهرة وهي بتقول..
مهرة بجمود مصتنع:مش عايزة كلام في الموضوع ده تاني انا خلاص قفلت صفحه عز وبدأت من جديد
أسر ورفيف بحزن:انشاء الله هتعدي….
مهرة بصت للشباك لحد ما وصلوا……
وطلعت مع رفيف واسر سلم عليهم من تحت ومشى
رفيف خبطت على الباب وشويه وعبير فتحت واتصدمت…
عبير بصدمه:مهرة
مهرة بصدمه:هو انتي….
عبير من غير تردد راحت وحضنت مهرة وقالتلها الحمدلله يا منتا كريم يا رب الحمدلله وفضلت تعيط ومهرة ورفيف مستغربين وكملت عبير وقالت…
انا عارفه انك متضايقه مني ومستحيل تسامحيني….بس صدقيني انا عاتبت نفسي لما سيبتك عشان وقت ساعتها مكنتش عايزاكي عشان كنت متضايقه منك….بس صدقيني بعدها تعبت اووووي ياريت يامهرة يابنتي تسامحيني…
مهرة بدموع:خلاص حصل خير…..انا عايزة ارتاح شويه
عبير:مش هتشوفي باباكي؟؟
مهرة بحرج:بصراحه انا لسه مش فاكرة حاجه…
عبير باستغراب:اومال رجعتي ازاي
رفيف:ده موضوع كبير هتبقى تحكيلك لما ترتاح…
شويه ورؤوف دخل البيت واتفاجأ بمهرة ومكنش مصدق نفسه ومفكر انه بيحلم….
رؤوف بصدمه:مهرة بنتي….
مهرة متعرفش ليه وقت ساعتها جرت عليه وحضنته وفضلت تعيط ورؤوف يعيط ويقولها وحشتيني وحشتيني اويييي يامهرة وفضل يبوس فيها وهي تعيط وبعدها حست براحه تامه…..وراحوا قعدوا….
رؤوف بفرحه ودموع:كنتي فين ياقلبي…
مهرة بتعب:معلش يابابا مش قادرة اتكلم دلوقتي هدخل اوضتي ارتاح ولما افوق هقولكم على كل حاجه
ورفيف سلمت عليها ونزلت…
ومهرة دخلت اوضتها وعبير دخلت وراها وقالتلها بندم
عبير بندم:على فكرة انا مش هتضايق منك لما تحكي لابوكي على اللي حصل…..لاني استاهل….
مهرة بابتسامه:متخافيش….اعتبري مفيش حاجه حصلت وبابا مش هيعرف حاجه…..
وعبير خرجت ومهرة حاولت تنام بس معرفتش)
باك……..
بعد شويه وقت شمس دخلت من البيت وقالت
شمس بفرحه:بابا ماما…..انا جيت….
عبير راحت لها بفرحه وقالتلها:حمدلله على السلامه ياعمري عارفه انك زعلانه مني…..بس عارفه بردوا انك طيبه وهتسامحيني وراحت حضنتها…..
وشمس حضنتها بابتسامه وبعدين قالتلها اومال فين بابا
وحشني اوووووي……
رؤوف بفرحه:انا اهو ياقلب بابا…….وحشتينيييييي
شمس جرت عليه وحضنته وقالت وانت كمان وحشتني اويييي يابابي…..
رؤوف:انتي عامله ايه….كويسه
شمس:متخافش يابابي….انا الحمدلله خفيت…كانوا شويه كدمات بسيطه بس مش اكتر
عبير بابتسامه انا عندي ليكي مفاجأة
شمس باستغراب:مفاجأة ايه
رؤوف:ادخلي اوضه مهرة وانتي تشوفي المفاجأة
شمس راحت على اوضه مهرة وهي مستغربه….
وبعدين فتحت البال واتصدمت لما شافت مهرة
شمس بصدمه وفرح في نفس الوقت:مهرة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
الروايه تحفه فوق الخيال تسلم ايدك ربنا يوفقك يا رب