رواية أحببت أحدهم الفصل الثاني 2 بقلم دنيا حسن حفني
رواية أحببت أحدهم البارت الثاني
رواية أحببت أحدهم الجزء الثاني
رواية أحببت أحدهم الحلقة الثانية
كارما: نعم، بتكلمني أنا
خالد باستغراب: أيوة ياكارما بكلمك انتِ هو في حد غيرنا
كارما ببرود: لا مفيش بس استغربت أصل مفيش حاجه بينا عشان تتعدى حدودك معايا وتقولي أني وحشتك مثلًا!
خالد بصدمة من ردها: مكنتش متوقع الرد دا منك يا كارما
كارما: أبهرتك صح! اممم طبعًا كنت مستني مني اني افرح وادمع واقولك وانت كمان ياروحي وحشتني وكأن أنت موجعتنيش.. دا انا مشوفتش في انانيتك ياشيخ.. عارف كنت مفكرة اني هبقى ملهوفة عليك كده وانك واحشني واني عاوزة اشوفك بس اللي حصل عكس كده خالص لما شوفتك محستش بأي انبهار ولا لهفه حسيتك عادي ابن خالتي واخويا وبس
خالد بعصبية: انتِ في حد دخل حياتك
كارما ببرود: اظن السؤال دا مش من حقك تسأله ليا دي خصوصيات
خالد بشك: اممممم ياستي من باب أننا اخوات
كارما: امممم عندي اتنين اخوات محدش قالك اني محتاجه التالت يابن خالتي.
واللي بينا انت نهيته بأيدك متجيش تفتح في القديم وجر وح اتقفلت من زمان عشان وجعها مش هيطول حد غيرك
خالد: اتغيرتي اوي ياكارما مكنتيش كده!
كارما: البركة فيك بس انا متغيرتش ولا حاجة
” الفرق انك مبقتش تهمني الاول كنت بشوفك بقلبي دلوقتي بشوفك بعيني”
فـ شوفت عيوبك وشوفت انك مش الشخص المناسب ليا
خالد: مش مناسب ليكي بعد 22سنة؟؟
دا انتِ متربية على إيدي.. دا أنتِ أول ما فتحتي فتحتي على إيدي ايه اللي اتغير ياكارما!!
كارما بأستهزاء: مفكرتش في كل دا ليه وانت بتقولي كلام زي السـ ـم وقتها كُنت حاسه بسكا كين بتقطع في قلبي
مش من كلامك بس لا من ان الكلام طلع منك انتَ يا خالد بعد أذنك سبني اخلص ووقفتنا مع بعض لوحدنا متصحش بعد اذنك لما اخلص ادخل اعمل اللي انت عايزو ولا اقولك خلص وبعدها هدخل أنا
-طلعت كارما من المطبخ وراحت البلكونه وسابت خالد في حيرته وصدمته من كلامها معاه
•فلاش باك كده..
كارما: بخ يا خالودي بتكلم مين ها ها قفشتك
خالد بتوتر: طيب اقفلي دلوقتي وشوية وهكلمك
كارما: أنت كنت بتكلم وحده؟
خالد: ايوة يا كارما في ايه
كارما: في أية!! انت بجد بتسأل في ايه
يعني انت متغير معايا عشان في غيري في حياتك ياخالد
خالد: بصراحه ياكارما أنا حاسس اني مشدود ليها وحاسس ان اللي بينا مكنش حب هو بس عشان من ساعه ما جيتي وهما بيقولو خالد لكارما وكارما لخالد وفسروا خوفي عليكي على انه حب وغيرة بس دا واجبي انتي بنت خالتي وزي اختي
كارما بدموع: زي اختك وايه كمان كمل ياخالد
خالد: متصعبهاش عليا ياكارما لوسمحتي ياريت تفهميني وتقدري كلامي
كارما: لا متقلقش مش هصعبها عليك يابن خالتي يا اخويا
•• باكك
نزلت دمعة من عيون كارما ومسحتها بسرعة
كارما: اجمدي كده اجمدي مينفعش تتضعفي خليكي استرونج كده بدل ماكنتي استرونج على ظابط وجه في بالها حسام وافتكرت طريقته وضحكت
وفجاة تليفونها رن
كارما: يلهووي رقم غريب انا والله معملتش مصا يب وجمدت قلبها كده وردت
– عاملة اية
كارما: وانت مالك انت عاملة ايه ولا مش عاملة ايه هتصحابني بقولك مين
-اييييي راديو بالعة رااااديو ماتهدي شوية ابوشكلك
كارما وفاتحه بوقها وعينيها كده اه زي مانتو متخيلين..
ح حسااام؟؟
حسام: امممممم وكمان فاكرة اسمي واضح ان انا السئ في رواية احدهم فعلًا
كارما كانت هتضحك بس شغلت وضع سيد..
جبت رقمي منين وبتكلمني ليه
حسام: لو عاوزة تعرفي تعالي قابليني في كافيه****
كارما: نعممممم ياخويا اقابلك لييي كنت اخويا ولا جوزي مش جاية ومش عاوزة اعرف
حسام: كده كده هتيجي كارنيه كليه معايا ياخفة فـ كده كده جاية
كارما: اهاااا يبقى عشان كده لما صحيت مكنتش موجود
حسام ضحك جامد: مش بقولك طفلة
ويوم لما اسرق هسرق كارنيه بتاعك يعني ما اخطفك احسن.. بكرة الساعة 6 في الكافيه
خالد: بتكلمي مين
كارما: وانت مالك..؟
تمام بكرة ان شاء الله
حسام: تمام هستناكي
كارما: تمام باي
خالد شدها من ايدها: بقولك بتكلمي مين؟؟؟
كارما بعصبية: اوعى ايدك دييي ازاي تمسكني كده اصلا ومش هقولك تاني متدخلش في حياتي حياتي متخصكش
فريدة: في اي ياكارما مالك ياخالد
خالد: شوفي بت اختك اللي دايرة على حل شعرها شوفيها كانت بتكلم مين لا وكماااان بتبجح
كارما بصدمه: اي اللي انت بتقوله دا انا مسمحلكش بصي ياخالتو بيقول ايه
فريدة: ايه الكلام الفارغ دا ياخالد لم نفسك انا واثقه في كارما وفي تربيتها ولو انت مش واثق من تربيتك فيها يبقى حاجة تخصك
كارما: عن اذنك ياخالتو هدخل انام
فريدة: انت عاوز منها ايه مش سيبتها وروحت لـرنا عاوز منها ايه
خالد: انا نازل سلام
تليفون كارما رن
– نعم انت كمان عاوز ايه
حسام: ماتلمي لسانك دا اللي عاوز قاطعو
كارما: عاوز ايه ياحسام مش قولت ميعاد بكرة الساعه 6
حسام: حسيت اني سببت ليكي مشكلة فقولت اطمن عليكي
كارما: ياااحنييين لا اطمن ياخويا مسببتش مشكلة
حسام: اخوكي دا
كارما: وانت مالك
حسام: عندك حق سلام
كارما: سلام
فريدة: حقك عليا ياكوكو انتي عارفه خالد
كارما: مش زعلانه ياخالتو كلمي ماما عوزاكي وانا هنام شوية
فريدة محبتش تضغط عليها: ماشي ياقلب خالتك تصبحي على خير
كارما وقفت فالشباك وفجاه اتصدمت لقت خالد و…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت أحدهم)
