رواية شر حماتي الفصل الأول 1 بقلم ماء البحر
رواية شر حماتي البارت الأول
رواية شر حماتي الجزء الأول
رواية شر حماتي الحلقة الأولى
كانت بتحط لحماتها الأكل وفجأة طلعت كيس من جيبها وفتحته ورشت فيه حاجة وخبته بسرعة
جت حماتها وجوزها قعدوا عشان ياكلوا، فقال جوزها بضيق: أنتِ واقفة ليه كدا؟ ادخلي شوفي هتعملي إيه نشربه بعد الأكل
قالت في سرها: تشرب السم يا بعيد أنت وأمك، وبصتله وقالت: أعملكوا شاي ولا عصير؟
بص لوالدته وقال: هتشربي إيه يا ست الكل؟
والدته وهي بتاكل قالت: شاي
بصلها وقال: سمعتي يلا روحي اعمليه
دخلت المطبخ وحطت المايه في الكاتل وحطت أكل ليها في طبق وقعدت تاكل
بقلم ماء البحر
وقالت في سرها: ماشي اصبروا عليا أصل أنتم اللي بدأتوا يا ناس يا عرة، أصل البنات مش لعبة في إيدكم ولا خدامين ليكوا عشان تعاملوني كدا من يوم ما جيت ماشوفتش منكم يوم حلو، والأستاذ طلع ابن أمه اللي مالهوش شخصية ولا أي كلمة اسم ذكر في البطاقة وبس
داهية في شكلكم بس قبل ما أبعد عن البيت وكل واحد يروح لحاله لازم أعلمكوا الأدب وهوريكوا مين هي سجود
دا أمك طلعت عليا كلام لكل الجيران إني عالة عليهم ومش كويسة، وكمان كل شوية تشتمني وأسكت بس دا مش ضعف مني دا احترام وبعمل بأصلي وهاخد بردوا حقي منكم باحترام
عشان تبقى تسمع منها وماتسمعش مني بتحكم عليا من كلامها وبس ومابتعدلش ما بينا في المعاملة بتيجي عليا دايما ومغلطني وأنا ساكتة بس خلاص صبري نفذ من ناحيتكم اصبروا بس عليا
صبت لهم الشاي وفي نص أكلهم حسوا بتعب في معدتهم بسيط لكن مادوش اهتمام وكملوا أكل
هي كانت حاطة بودرة بتأثر على جدار المعدة ومرة ورا مرة بتتلفها
طلعت لهم الشاي ودخلت أوضتها بدل ما يسمعوها كلام زي كل يوم
كانوا حاسين إن معدتهم تقيلة ومش مظبوطة فقالت والدته: هات يا بني الشاي دا مراتك بتعمل الحاجة من غير نفس وبتبص لينا في اللقمة الأكل بناكله زي السم
ابنها: يا أمي لو عايزاني أطلقها ماعنديش مشكلة، أهم حاجة تكوني مرتاحة هي تتعوض لكن أنتِ لأ
كانت رايحة تاخد باقي الأكل من عندهم سمعت كلامهم وقررت تعمل حاجة قبل ما يطلقها
يا ترى هتعمل إيه؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شر حماتي)
