رواية وردة في المزبلة الفصل الرابع والعشرون 24 بقلم منة محمد
رواية وردة في المزبلة البارت الرابع والعشرون
رواية وردة في المزبلة الجزء الرابع والعشرون
رواية وردة في المزبلة الحلقة الرابعة والعشرون
رايكم والكلام للناس الي مش بتظهر غير لما اوقف النشر ونكمل بارت اخر بنشر بدري عشان اسيبلكم مسافه طول النهار
ولو شايفين الروايا ممله اوقف نشر عادي مش عشان بطلب رايك تقومي تظرفيني تعليق الروايا الضحك فيها زياده والحزن فيها زياده وبقت ممله زياده رايك يحترم وشكرا بزياده امير الي ع الغلاف
نبدء
بعد خناقه البنات في عربيه صقر
دخلت ريم ونسرين وروان البيت بس ريم ما تكلمتش معاهم راحت للسلم وطلعت للدور التاني…وحمدت ربنا انها ما شفتش حد وخاصة عمها خالد مستحيل يشوفها الا لازم يسمعها كام كلمه رخمين
دخلت غرفتها وقفلت الباب بالمفتاح ورمت الطرحه على الارض والشنطه
وراحت غيرت هدومها حطت راسها ونامت من غير غداء لانها ما نامتش امبارح من كتر التفكير
صحت كانت الغرفه ضلمه فركت عيونها وهي تتاوب وقفت بكسل وهي تتمطع
و بعدها شغلت انوار الغرفه ودخلت للحمام غسلت وشها ونشفته وبعدها طلعت وغيرت هدومها
ولبست جيبه طويله ضيقه لونها اخضر زيتي وبلوزه اكمامها طويله لونها ابيض وفيها حركات بسيطه واسعه شوي وجه علي بالها تحط كحل
كحلت عيونها وبعديها حطت الطرحه على راسها بأهمال ولبست صندل كعبه عالي وبعديها طلعت من غرفتها بعد ما ألقت نظره اخيره على نفسها
راحت للسلم وشافت الخدامة وسألتها فين قاعدين بلغتها انهم في الجنينه
نزلت ولما قربت من الجنينه سمعت صوت واحده بتتكلم كلام غريب شوي عليها مش عارفه ليه قررت ترجع علي غرفتها رجعت خطوتين بس المشكلة عمها خالد لمحها
وبصوته اللي يرفع الضغط عندها : ريم تعالي شايفك
كانت عاوزه تطنشه بس متاكده انه هيعملها مشكله وهو ماشاء الله واقفلها ع الواحده
راحت وابتسمت: نعم
خالد بأمر : تعالي سلمي على عمتك هيفاء وبنات عمتك وعطاها نظره رفعت ضغطها
بصت لمكان ما شاور لها شافت الي يسموها عمتها اول ما شافتها عوجت شفايفها
ريم بقرف بصوت هامس….لا لا يا شيخه خلي عنك بس اذا ما جلطها ما اكون ريم
قربت بدلع وهي ناويه زي ما بيعاملوها تعاملهم
مدت ايدها والظاهر انها مستنيها تبوس ايدها لكن ريم سلمت عليها بطرف صوابع ايدها
وسحبت ايدها منها بقرف وهي رافعه حواجبها بغرور
وبعدها راحت سلمت علي بنات عمتها هيفاء ورجعت قعدت مع بنات عمها (طوفان ياخدهم كلهم)
سلمت عليهم نفس الطريقه بطراطيف صوابعها
وبعدها قعدت جنب ساميه بغرور ومسكت موبيلها وفضلت تطقطق عليه
كانت سامعه كلامهم الي زي وشهم ممل ودمهم سم علي قلبها
عصمت بفرحه : الحمد لله واخيرا استقريتي هنا قريب مني
هيفاء : قرفت من الغربه يا وحشتها
بصت لعصمت وهيفا وبعدها بصت لتلفونها وبعدها طفته كانت القعده ممله بشكل عوجت خلقتها ووقفت قررت تطلع الجنينه برا والطرحه اتزحلقت من ع شعرها
كانت تتمشي بهدوء لفت سمعها اسم عبود لفت حواليها في مكان الصوت شافت اتنين وبينادوا على شخص اسمه عبود واخيرا عرفت شكل عبود
شافت عبود ريحلهم فكرت تروح لهم بس غيرت رأيها لما شافتهم جاين عليها
وصلوا عندها وسلموا عليها
ردت بهدوء وهي تبتسم سبحان الله مين يصدق العيلين دول كبروا كدا وبقوا كبار وطوال الا انا قصيره
سألتهم وهي تبتسم : اخباركم
بصولها ورد عليها عبود : بخير اخبارك ؟؟
ابتسمت ريم وبفرحه : الحمد لله بخير
وبعدها بصت ل سامي وميدو : ما عرفتكمش انتم الاتنين ؟
ضحك سامي : هههه اوعي تقولي نستيني اموتك فيها وغمز لها
ابتسمت ريم ابتسامه جميله : لا لا مش قصدي كدا قصدي يعني احمم انكم كبرتم ومابقتش اعرفكم
ميدو ابن هيفا: والله من حقك ما تعرفيني لاني اتغيرت جدا وما شاء الله كل بنات الحته قاتلهم بوسامتي وجمالي
ابتسمت ريم : خلاص عرفتك انت ميدو ابن عمتي هيفاء صح ؟؟
سامي وهو يتكتف : ليه عرفتيه وانا لا ؟؟ طيب ليه
قاطعته ريم وهي بتضحك : ههه عرفتك يا ابو الطلبات ساااامي ابن الغاليه طنط ندي
عبود : يا هلهوطه شايفك سبقتيني بالدراسه !!!
حكت ريم راسها بغرور
سامي وهو يضرب عبود على راسه : ما حدش قالك تكون بليد
ضحكوا على شكل عبود المحروج بس قاطعهم صوت تصفيق
بصو وراهم وظهرت علامات الخوف على ملامح الشباب
اما ريم تنحت دي هتبقي ليله منيله بنيله
خالد بصلهم وهو مش عاجبه ورافع حاجبه ويوزع نظره بين الاربعه : ما شاء الله وهز راسه ما شاء الله (وزعق) ايه قله الادب دي
وبعدها بص لريم بحده : انتي يا محترمه شايفك واقفه تضحكي بعلو حسك وهربانه منك علي الاخر وضرب ايده ببعض ما فيش لا كسوف ولا احتشام
بصتله ريم ومستغربه : ودي فيها كلمت ولاد عمي
خالد بعصبية مسكها من كتفها وجز على سنانه : بنت انتي مترديش لحسن والله اخليكي تندمي
ريم وهي ترفع حاجب : يلا ….انا جاي على بالي اندم وريني هتعمل ايه يعني ؟؟ نفسي اعرف ليه انت دايما ضدي ؟؟
نفض خالد ريم من ايده بقرف : حالا هتعرفي انا هعمل ايه ..هعمل بس اتصال بسيط
قاطعته ريم بلامبالاه : عاوز تقول لجدي عادي اتصل وقوله
ضحك خالد باستهزاء : ومين قالك اني عاوز اتصل بجدك مسكينه انا هتصل بعريس الغفله زياد واقوله خطيبتك قاعده ومع ولاد عمها ولابسه لبس مسخره (وببرود كمل) وبعدها اقعدي جنب الحيط استني ورقة طلاقك من زياد
بهتت ملامح ريم وافتكرت يوم الخناقه ازاي كانت عصبيته وطلب منها تلبس واسع قدام ولاد عمها امال لو جه وشافها دلوقت بالمنظر ده لا وواقفه ضحك وكلام مع الشباب
ريم بنظرات خوف : خلاص ياعمي انا اسفه والله مش هكررها بس بلاش تقوله
خالد : دلوقت لما وصل الامر لزياد اسفه وومش هكررها لكن قبل كدا لسانك مترين يرد لكن ده بعدك ومسك الموبيل وفتحه
قربت ريم منه وبرجاء : خلاص يا عمي خلاص بلاش تقوله
بعدها خالد بقسوه واخيرا لقى طريقة يقهرها بيها : ابعدي عني
رجعت ريم وقربت منه : كفايه يا عمي ارجوك بلاش تقوله بالله عليك ماتقوله يا عمي
بصلها خالد وانصعق من الدموع اللي ملت وشها…ووشها احمر من العياط والكحله ساحت على وشها
اتغاظ منها للدرجادي بتخاف منه وهي ما شفتهوش الا مره وهو مصدر له الطرشه ومش بتخاف منه وترد الكلمه بقوه عين عض على شفته بقهر منها
قاطعهم صقر اللي لسه جاي من شغله وواقف يبصلهم باستغراب : خير فيه ايه؟؟؟
قعدت ريم على الارض وهي تنوح وتندب وتعيط وبعدها رفعت نظرها لصقر وبصوت متقطع من البكاء : صـ قـر يي ق و ل ودخلت بنوبه بكاء
عقد صقر حواجبه وبص عليهم: فهموني ايه الحكايه ؟؟
عبود بتردد : ءءء عمي عاوز يتصل بزياد ويقوله ان ريم وسكت خايف لصقر يلطشلو
صقر وضغطه بدأ يرتفع مش فاهم حاجه وريم قطعت نفسها عياط خاف ليكون حد ضربها وبعصبيه : خلصني عاوز تقول ايه ؟؟
خالد ببرود بص لصقر ومسك الموبيل وهو يجري اتصال : دلوقت تعرف بنفسك فيه ايه هقولك بعد ما اتصل وتسمع بودنك هقول ايه لزياد
ريم بصت لعمها خالد وهو بيتصل وبسرعه جريت ومسكت ايده الي فيها الموبيل : خلاص يا عمي الله يخليك بلاش تقوله
وبسرعة راحت لصقر ومسكت ايده : قوله ما يتصلش بزياد خايفه يطلقني
سحب صقر الموبيل من خالد وبعصبيه : فهموني الحكايه ولا ابطحلكوا نفسي دلوقت !!
ريم ودموعها على خدودها والكحل سايح : عمي خالد عاوز يتصل بزياد ويقوله اني(اخدت نفس)وبعدها رجعت بصت لصقر يقوله اني كنت واقفه مع عبود وميدو وسامي وبتكلم معاهم واضحك واني مش لابسه واسع اهئ اهئ
صقر عاوز يشيل ريم يرميها في البسين عامله كل المناحه دي علي الموضوع التافه ده وهو بيفكرها مضروبه
اتنهدت براحه وبصلها ببرود : طيب واذا قاله ايه الي فيها ولاد عمك واذا مش عاجبه الاستاذ زياد بعد ما يتجوزك يمنعك اما حاليا ملوش دخل بتصرفاتك
وناول الموبيل لخالد وغمز له بدون ما ريم تنتبه : خد كلمه واعلى ما في خيله يركبه
وقفت ريم وبسرعة ومسكت الموبيل وبصريخ : لا لا لا والله اذا سمع ليطلقني ويزعل مني وبصتله برجى وبعدين لخالد خلاص يا عمي بلاش تقوله
صقر بحده : طلاما عارفه ان زياد هيزعل ليه تكلميهم
ووقف مستني الاجابه ؟؟؟
ريم شاورت على الشباب بتعب وخلاص طاقتها انتهت : هما اللي وقفوا عندي وكلموني انا ماليش دعوه والله
صقر : ما شاء الله بصراحه ابدعتم من امتى عندنا الاولاد يكلموا البنات ويضحكوا معاهم وهز راسه بوعيد حسابكم بعد يومين لما يرجع جدي يتفاهم معاكم
عبود ووشه اصفر : الا جدي والله مكناش نقصد حاجه خلاص توبه والله مش هنعدها
قاطعه صقر : انتهى الموضوع لكن اقسم بالله لو يتكرر
ميدو بسرعه: والله مش هيتكرر دي كانت ساعه مهببه
وبعدها صقر بص ل ريم ومسك ايدها بحنيه ومسح الكحل وبابتسامه : والله لو يجي زياد دلوقت غير يهج من الخوف ليتفجع من شكلك
ضربته ريم على صدره بخفيف وبصوت مبحوح : اسكت
بصلهم خالد وهو ماسك الموبيل: ومين قال لكم ان الموضوع انتهى انا حالا هرن عليه
وبسرعه ريم بصت لخالد وبعدها بصت لصقر نظرت استعطاف بمعنى شوفه
قرب صقر وحط ايده على كتف خالد وغمز له : خلاص امسحها في قميصي يا ابو امير
رجع خالد الموبيل لجيبه : بس علشانك يا صقر همسحها لكن قسم بالله اذا بعض ناس لسانها الطويل ما لمته انا مش هسكت لها واخلي زياد يـ …..
قاطعته ريم بدون نفس : خلاص قلت لك اسفه
خالد رفع حاجبه باستنكار : شفت شفت اسلوبها الزفت معايا
ضحك صقر وضرب على كتف خالد بخفيف : خلاص امسحها فيا انا
وبعدها بص ل ريم : بسرعة قبل ما يغير خالد رايه طيري من هنا
بصت ريم لخالد وبعدها قربت من صقر وبصوت هامس لصقر : انتبه عليه لا يتصل على زياد راقبه كويس
رفع صقر نفسه وبصلها باطمئنان: خلاص متخافيش وراكي اسود بس روحي
لفت ريم نفسها تمشي بس اتفاجئت بوجود كل الشباب قريب منهم انحرجت اكيد سمعوا المناحه الي عملتها بقي وشها احمر من الكسوف وبسرعة سابت المكان ..
قرب صقر من عبود ومسكه من ودنه: كنتوا بترغوا معها في ايه ها؟؟
خالد بعصبية : انتم مش بتتكسفوا على دمكم دي بنت عمكم من لحمكم ودمكم لو عرف نادر مش هيتردد انه يدفنكم التلاته مكانكم
وعطاهم نظرة تهديد اعتبروا المره دي قرصت ودن وقسم بالله مرة تانيه لتندموا وبعدها شاور لصقر بحواجبه علشان يدخلوا جوه البيت
ساب صقر وخالد الشباب ودخلوا البيت
خالد بغضب : شفت شفت ازاي بتخاف منه !!
صقر : هههههه اما حرام عليك انا متاكد نشف الدم في عروقها
خالد وهو يضحك : هههههه اما نكته …ريم ماتعرفش ان رقم زياد اصلا مش معايا ههههه بس حبيت العب بأعصابها
صقر بابتسامة : انت مش لعبت باعصابها انت حرقت اعصابها وفي الاخر رقم زياد مش معاك لو تعرف ريم كانت اكلتك باسنانها
………….. قصص منه محمد……
فاتت ريم من قصاد الهول الكبير وهي متعصبه عالاخر
سمعت صوت عمتها هيفاء : تعالي يا بنت ساره
ريم صرخت : اذا عندك كلام خليه في زورك فاهمه
وبعدها طلعت تجري على غرفتها
وقفلت الباب بالمفتاح ورمت نفسها على السرير وهي بتبكي خايفه زياد يعرف ويطلقها
هيفاء وشها احمر من الكسفه وشكرت ربنا ان مفيش حد الا حريم اخواتها والبنات
هيفاء لعصمت بحرقه دم : شفتي يا امي مقصوفه الرقبه قلتلي ايه …عجبك بنت ساره والي قالته ؟؟
عصمت ببرود : قلتي بعضمة لسانك بنت ساره مستنيه منها ايه
سها تزيد النار : لا والله يا خالتي عيب الكلام ده وكئن هيفاء شغاله عندها تصرخ في وشها عيب
نجوي تايد سها : والله عندك حق في شيء اسمه احترام الكبير
هيفاء ولعت نار من العصبيه
دخل خالدا وصقر وهما بيضحكوا اتفاجئوا بملامح هيفاء
خالد ولسه الابتسامه مرسومه على ملامحه : مالها اختي الكبيره زعلانه
هيفاء ووشها محتقن من العصبيه : الكلبه الي فوق صرخت في وشي كأني طفله قدامها
بص صقر لخالد وضحك : ههههههه بالله عليكم محدش يلومهاا ههههههه كويس انها ما كسرتش البيت عليكم ههههههه
خالد بجديه : فاتحتي مع جوزك الموضوع ؟؟؟
هدت ملامح هيفاء شوي : والله فتحت الموضوع وقالي ما عندوش اعتراض اذا البنت موافقه خلاص على بركة الله
بص خالد ل سميه بجديه : وان شاء الله استخرتي يا بنتي
سميه باحراج وعيونها في الارض
عصمت : بلاش تحرج البنت انت مفكرها ريم ؟؟
خالد : ريم هي ريم دي فيه منها نسخه تانيه انا اعرف البنت تتكسف مش توقف في وشنا وتطلب تقعد معاه كمان
سميه تساير نسرين : والله ريم دي بنت قليله الحيا ازاي تطلب كدا
نسرين بكره : قلت لك البنت دي مش بتتكسف
سميه بصوت هامس : بس الصراحه جميله ازاي ولاد خالي ما خطبوهاش وطلعت للغريب انا مستغربه
نسرين بقرف : دي جميله داهيه تاخدها
سكتت سمية وجواها بتقول والله ما حد وحش غيرنا جنبها
****************قصص منه محمد*************
قعدوا الشباب بالجنينه وايهاب يتكلم بحده : انتو ازاي تسمحوا لنفسكم تكلموها
سامي بدون نفس : يا ليل ابو لمبه
قاطعه ايهاب بعصبيه : انت بالذات أكتم ياعيل فاهم انا بتكلم مع عبود وميدو
سامي: قسم بالله البنت دي تغيظ للدرجادي بتخاف من زياد وتحسب له حساب
بدر بحده زايده : هنقول ايه الحيوانه مش عارفه ليه متعلقه فيه كدا
ريان ببرود كالعاده : خطيبها اكيد هتحسب له حساب ومش عاوزه تزعله
بدر بغيظ شاور على ريان : سكت دهرا ونطق كفرا
وقف ريان ببرود : متخلف
وبعدها ساب المكان بهدوء
وقف بدر يلحقه مسكه ايهاب : مالك كدا في النهارده ده اخوك كانك مش عارفه ومش عارف بروده
استغفر بدر ورجع قعد مكانه
…………
في صباح اليوم التاني نزلت ريم بتجري عشان تسبق نسرين والشله عند العربيه
طلعت وراحت للعربيه بس حست بالغيظ لما شافت البنات عند العربيه بس اعدادهم زايده مشت شوي شوي وبدلع ووقفت بعيد عنهم
وبعد دقايق وصل صقر واتكتف وبص ع البنات : ايه الفرح ده انا حاسس حالي باص مدرسه مش عربيه ملاكي
فتح باب العربيه ودخلو البنات
صقر شخط فيهم : اطلعوا انا كدا عربيتي مش هتتحمل
روان من جوه العربيه : عمو ريم ما لهاش مكان
صقر بعصبية : لا ريم ولا انتي هتركبوا عربيتي يالا انزلوا كل واحد ياخد بنته على المدرسه يالا انزلوا
نسرين برجى : يا عمو مشيها بس النهارده دلوقت نتأخر على المدرسه
طنشها صقر واتصل على خالد ونادر وفخري وفتحي جوز هيفا
وطلب منهم يوصلوا بناتهم واعتذر منهم
وبعدها بص لبنات هيفاء: يالا ابوكم مستنيكم علي باب البيت
نزلوا البنات وهما بيدعوا عليه
وصل رامي ومعاه اخواته وبضيق : يعني يا صقر ضروري تنكد عليا من الصبح وشاور لاخواته ياللا اتفضلوا
راحت روان ونسرين مع رامي للعربيه
وبعد دقايق ضرب ايهاب كلاكس عند البوابه الرئيسية راحت اميره للعربيه
وبعدها مباشره وصل نادر طلعت سلمى ولينا لعربيه نادر
وبصت ريم لصقر استنت منه يطلب منها تفضل بس ما تكلمش
راحت بهدوء لعربيه نادر بس قبل ما توصل حرك نادر العربيه وغادر المكان
وقفت ريم تتامل اثار زوال العربيه بلعت مرارتها ولفت نفسها ودخلت البوابه كان صقر قاعد في عربيته ضرب كلاكس ليها بس طنشته وافتكرت لما طردها صقر من عربيته فين كرامتها ازاي نسيت وركبت معاه
شدت على قبضه ايدها بقهر فين كرامتها لما ركبت معاه
وعضت على شفايفها بألم
طلع صقر من عربيته : ريم تعالي انا هوصلك
طنشته ريم وجريت دخلت من غيرما تلتفت له
دخلت غرفتها وقفلت الباب بالمفتاح ومسحت دمعه
ريم :لالالالا مش هعيط ابدآآآآآآآآآآآآ….وهقلب الليله عليهم
…………
وراحت للسرير وطلعت الموبيل من تحت المخده وقعدت على السرير واخدت نفس ورنت على جدها كام رنه وفصلت
وبعد دقيقة رن عليها فتحت خط الو ………الحمد لله بخير ……….انت بعد ده كله عاوزني اروح عالمدرسه مشي ……….يعني ترضاهالي يطردني صقر من عربيته …….طردني وكل البنات راحوا مع اهليهم ……….بقولك كل بنات عمي حتى اخواتي وبنات عمتي ……… ليه …….انا اجاوبك لاني ماليش اهل ……..مدافعش عنهم ماشي ….. لو كان ليا اهل ماكانتش رجعت لاوضتي ما فيش حد يوصلني …….مستحيل ارجع اركب معاه ……..بقولك لو تقطعني حتت حتت مش هروح معاه ………طردني مرتين من عربيته لا مش هرجع اركب معاه ……..حلفت يمين منا راكبه معاه …….لا بقي مش هكفر عن يميني ………..الحل خلاص اروح مع تاكسي ……….بعدت ريم السماعه عن ودنها من صريخ جدها …………طيب يالا شوف لي حل ……..نادر سابني واخد بناته وما رضيش يركبني …طيب مستنياك ………سلام
…………..
رن موبيل صقر بص ع الاسم واستغرب رد وبهدوء الو …………..ليه بس ياجدي متعصب …………انا واقف علي باب البيت فشر البواب ………….انا مش طردتها لوحدها طردت البنات كلهم …………بعد صقر الفون عن ودنه من صريخ جده وبعد ما خلص الجد بهدلته لصقر ومسح بيه الارض قفل الجد الخط في وشه
صقر: نهار اسود هو انا كنت شغال عندهم بالاجره
**
رن موبيل ريم ردت بهدوء : الو
الجد بهدوء : اسمعي عمك خالد واقف مستنيك عشان يوصلك
ردت ريم باعتراض : لا لا مستحيل اركب مع عمي خالد
صرخ الجد : بسسسسسس وبعدين معاكي صقر ونادر مش عاوزه تركبي معاهم وعمك فخري مش فاضي وسلطان مش موجود ها قوليلي مع مين ان شاء الله ناويه تروحي ؟؟؟
نسيت ريم نفسها وبزلت لسان وبدلع : مع زياد
صرخ جدها بعصبيه : ريم بلاها قله ادبك دي…وبسرعة انزلي عمك مستنيك بس اتحملي يومين ولما ارجع انا بنفسي هاوصلك كل يوم للمدرسه اتفقنا
ردت ريم بحزن : اتفقنا
الجد بهدوء : يالا بالسلامه يا بنتي
ريم : الله يسلمك وقفلت الخط وقعدت تتأفف مالقاش غير خالوددددد
وقفت ونزلت ومشت بشويش عشان تتاخر عليه وتفرسه
وصلت قريب من العربيه بصلها خالد بغيظ : خلصيني ماشيه على بيض وخايفه ينكسر
ما رديتش عليه ومشيت من جنب صقر مسكها من كف ايديها وهو متعصب : يا فتانه قلتي ايه لجدي ها انطقي ؟؟
خفت ابتسامتها وعرفت من ملامحه ان جدها مسح بيه الارض ما رديتش عليه واتظاهرت انها زعلانه عليه لما شافها مبوزه ارتخت ملامحه والظاهر انه حاس بالندم بس بيتظاهر بالعصبيه كان عاوز يتكلم بس قطع عليه خالد بعصبيه : خلصوني بقي
سابته ريم وركبت العربيه وقعدت من قدام وهي ساكته بصلها خالد بعد ما حرك العربيه: انا بناتي مش فاضي اوصلهم للمدرسه مال اهلي انا عشان اوصلك
ريم وهي تصغر عيونها : سبحان الله في كل صغيرة وكبيره تخصني تتدخل فيها وتضربني وكل يوم تسمعني كلام يسم البدن عادي انت عمي وليك حق تتدخل اما توصلني على المدرسه مالكش دخل على طول تنسحب
بصلها خالد وكأنها كبت عليه مايه بارده كلامها صحح : انا نفسي اعرف لسانك الطويل ده كام متر ؟؟
ردت عليه ريم بابتسامه : طول لسان اختك هيفاء وبنتك روان ….!!!
خالد بعصبيه قاطعها : اكتمي صحيح روان لسانها طويل بس قدام اعمامها والاكبر منها تسكت وما تتكلمش اما انتي اعوذ بالله بابور
ريم وبجديه : عمي ليه ما فيش اغاني في عربيتك؟؟ علشان انت راجل كوباره مش بتحط اغاني ؟؟ بس مش شرط خالي محمد رجله والقبر بس كل عربيته اغاني !!
خالد اتنرفز وبحمقه : قبر في عينك يا حيوانه اذا خالك رجله والقبر انا في عز شبابي وعطاها نظره بمعني هموتك
ريم بعدم تصديق : في عز شبابك واحفادك طولك ؟؟!!
خالد عاوز ياكلها قلم ازاي ترد : لانك غبيه انا اتجوزت في عمر صغير قبل عمك فخري فهمتي
ريم بضحكه : هههههه شايف يا عمي طالعلك بالزواج المبكر هههههه
خالد ضربها بخفيف على راسها : مش هلومك يا قليله الحيا طلاما اخوالك عايله خيري انزلي انزلي وصلنا
نزلت ريم وقبل ماتقفل الباب بصت لعمها بجديه : على الاقل خوالي احسن منكم ولا مره واحد فيهم مد ايده عليا وقعد يفرد عضلاته ورزعتله الباب بقوه ودخلت المدرسة
وسابت وراها بركان ثائر يتحلف لها ..
************
انتشر بالمدرسه خبر ان زياد اخو نوفه خاطب ريم وما خلصتش ريم من فضول البنات…بالفسحه قاعده ريم مع ليان والبنات يبصوا البعض بحقد والبعض بانبهار ….عدو بنات من جنبها بصولها بحقد وتهامسوا بصوت وصل لسمع ريم :ازاي زياد يخطب القزمه دي
ريم عندها عقده من كلمة قزمه طنشت البنات ورجعت تحكي مع ليان
شاورت ريم لليان بعيونها : شايفه الشله دي ؟؟
بصت ليان مكان ما شاورت ريم : اه
ريم بابتسامة الم : دول بنات عمي واختي وبنات عمتي
ليان باستغراب : ليه بتبصوا لبعض كدا بحقد
هزت ريم كتافها بمعنى ما عرفش
قاطعتهم زميلتهم اسمها فاطمه قعدت معاهم وغيروا الموضوع وفضلوا يتكلموا عن الدراسه …
****************
تسريع للاحداث
فاتت ايام ريم خلال الاسبوع عاديه بالمدرسة تعرفت على صديقات جديده
وما كانتش بتختلط ببنات عمها نهائيا
عمها خالد كل يوم يوصلها للمدرسه لوحدها الي خلى نسرين وروان ينقهروا لان ابوهم ولا مره وصلهم للمدرسه ……
صقر حاول يراضي ريم ويعاكس فيها بس ريم صدرتله الطرشه عبود وسامي وميدو بعد الموقف ماكرروش يتكلموا تاني مع ريم خافوا عمهم يبلغ جدهم لما يرجع من السفر
الشباب كل واحد له مخطط وافكار راسمها لحياته تختلف عن التاني
الجوز الثلاثي بحضور هيفاء بقوا ضد ريم بزياده عشان كدا ريم بقت تقلل نزولها تحت تقضي وقتها على النت ولما ما تنزلش كل شوي تبعتلها عصمت سها اوي اي حد يناديها
نسرين مشغوله مع ايهاب وبتكلمه فالسر بدون علم اهلها لان خالد عنده ممنوع
سميه وافقت على رامي بس مستنين الجد يرجع عشان يعلنوا رسمي
نادر خلال الاسبوع هادي وطول وقته فالمستشفى
لمحه بسيطه عن سميه : بنت هيفاء عمرها 23 سنه متخرجه لغة عربية سمره
جسمها نحيف
**
قاعده مع جدتها وتحكي معها ومندمجه في الكلام
قاطعتها سها : طيب ايه الي عرف البنت انها جارتهم اشترت الماس
ريم نفخت: بقولك البنت دي كانت مع اخوها وبتقول جات جارتهم ولابسه خاتم وحلق الماس وتتفشخر بيهم
سها بتفتكر : اه اه صح افتكرت طيب وبعدين الشرطه عملت ايه ؟؟؟
ريم ببرود : ولا حاجه لان ما فيش دليل
وقفت ساميه : الست دي مش قليله سمعت عنها قبل كدا يالا استأذن يادوب الحق اجهز الغداء
عصمت : خليكو واتغدو هنا
ساميه : لا لا يا حماتي مره تانيه وبعدها بصت لريم : تعالي اتغدي عندنا ياريم
استغربت ريم وبحرج : لا شكرا مره تانيه
ساميه بإصرار : انت هنا تقريبا شهرين ما دخلتيش بيتنا حالفه يمين ؟؟؟
ريم : لا يا خالتي مش كدا بس وفركت صوابعها بتوتر
عصمت : قومي قومي متكسفيش الوليه ده بيت ابوكي مهما عمل هيفضل ابوكي وله حق عليكي
احتارت ريم تروح او لا وبالاخير قررت تروح لبست وطلعت مع ساميه باحراج وخايفه من نادر يطردها !!
**
دخلت بيت ابوها وساميه ترحب بيها بصت علي البيت فيه تغيرات لون الجدران الكنب السجاد الستاير كله اتغير بس حوض السمك لسه موجود و الفازا دي موجودة وفيه بعض مناظر جديده
قعدت ريم بالصاله باحراج بصتلها ساميه : متتكسفيش ده بيتك
حست ريم بالحزن سبحان الله في بيت ابوها وتتحرج تدخله ….نادت ساميه البنات بما ان اليوم عطله نزلوا واتفاجئوا بوجود ريم
طلبت ساميه منهم يسلموا على ريم وعطتهم نظره تهديد
سلمت ريم على البنات وقعدت بهدوء
لينا بفضول : غريبه ريم عندنا
ساميه بنظره بتهديد : ليه غريبه ده بيتها زي ما هو بيتكم
التزموا البنات الصمت وبعد دقايق راحت ساميه على المطبخ تشرف على الاكل
استغلت سلمى ولينا الوقت وطلعوا فوق
اتنهدت ريم وهي شايفه اخواتها يصدوا عنها بدون ذنب وبعدها دخل سيف وهو بيلعب
ريم بابتسامة رد لها الابتسامه : ازيك يا ريم ؟؟
ريم بصوت ناعم : الحمد لله
سيف مثل الزعل : انا زعلان منك !!
ابتسمت ريم على اسلوبه : ليه زعلان مني ؟؟
سيف بطفوله : تلعبي مع الاولاد اما انا لاء
ريم بابتسامة : انت مش بشوفك كتير اما احمد ومصعب دايما عندي بيجولولي الاوضه اما انت مش بتيجي
سيف بغرور : تعرفي انا مش بحب العب مع البنات لاني كبير
ضحكت ريم على اسلوبه فعلا انه طفل
سيف بجديه : سمعت انك شاطره فالمدرسه ليه مش تساعديني بحل الواجب بتاعي
ريم بهدوء : وليه ما تعتمدش على نفسك ؟؟
كشر سيف ملامحه : الدراسه صعبه وانا مش بفهمها مش عارف بيجيبوا الاسئله دي منين
ريم بمزح : من المريخ
سيف صدق كلامها : طيب ما فيش الا المريخ ده يجيبوا من عنده اسئله
دخلت ساميه الصاله واتفاجئت ان البنات مش موجودين وظهر عليها الضيق بس ما اتكلمتش
وقفت ريم وطلبت تساعدها بترتيب الاكل على السفره اعترضت لكن ريم اَصرت عليها
كانت ريم بترتب الاكل على السفره وسمعت صوت السلام
رفعت ريم راسها وشافت نادر ردت السلام بهمس وشغلت نفسها بالترتيب
قعد نادر على الكرسي بهدوء وهو عيونه علي ريم طول ماهي بترتب الاكل
دخلت ساميه بابتسامة : اهلا ياحبيبي
نادر بهدوء: اهلا بيك
اتجمع الكل على طربيزه السفره وقعدت ريم معاهم جنب سيف كانت بتاكل وخدودها حمر محروجه جدا
بصلها نادر وهو في باله موال مستحيل يتخلى عنه كان الصمت يعم المكان
كملت ريم اكل مع انها ما اكلتش كتير
وقفها صوت نادر اللي وقف عن الاكل وبأمر : ريم تعالي عاوزك !!
اترددت ريم تلحقه بس اتشجعت وهي باصه لساميه واخواتها اترسمت على وجوهم علامات الاستغراب!!!!!!!!!!
**************
قاعدين في الهول
صقر باستغراب : ريم وافقت تروح على بيت نادر والله غريبه
عصمت : فالبدايه اعترضت بس ساميه اصرت عليها
خالد : فيها الخير ساميه
رامي : بابا اي ساعه جدي هيوصل
خالد : بعد العصر ان شاء الله يكون هنا
نسرين: وامير اخويا مش هيرجع معاه
خالد بعصبيه : اخوك ده مش عارف ايه الي عجبه في الغربه سايب ولاده هنا وهو هناك مبسوط البيه
صقر بضحكه : خايف عليه ليتجوز واحده تانيه من الشقر الي هناك
خالدعقد حواجبه : كل شيء جايز والله مش بعيد يعملها
*********************
في بيت زياد
نوفه:كل البنات بالمدرسة بيحكوا عن خطيبتك
بصلها وهوماسك العصير بايده ورافع حاجب :بيقولوا ايه عنها
نوفه وهي تحرك حواجبها : لالا مش هقولك
وبسرعة جريت لفوق قبل ما يمسكها ويحقق معها
اتنهد وهو مش عاجبه الحال ده كله … ممنوع يشوفها ..ممنوع يكلمها بالفون.. ممنوع يقعد معها ممنوع يطلع معها ممنوع كلو ممنوع
زياد بضيق:افففففف زودها سليمان شديد انا لازم اكلم بابا يكلم جدها ويفكها شوي على الاقل البنت تعرف طبيعتي والحاجات اللي تعجبني و الطباع اللي مش تعجبني حتى ما نختلفش بعد الجواز
اففففف بعد تلات سنين وقت طويل ضحكت على نفسي. انا كنت رافض فكره الجواز وعامل كدا مش هقول غير الله يعيني على طلبات الدكتاتوري جدها
**************
كان الكل متجمع في انتظار لحظه وصول الجد
على الرغم من قسوته وشدته الا انه الكل بيحبه
دخل الجد بابتسامة وسلم على الجميع وبعدها رفع لطيفه وهو يبوس فيها على خدها
واتفاجئ الجميع بدخول امير سلم الجميع عليه بحراره وسها وعصمت بيعيطوا من الفرحه
وبعد السلام عن الحال والاحوال كان قاعد امير وحاطط لطيفه بحضنه ويبوسها من شده الفرحه ومراته قاعده مع الحريم
الجد بص ع الموجودين وبهدوء سأل الجده : فين ريم ؟؟ ليه ما جتش تسلم عليا ؟؟
بلعت عصمت ريقها وخايفه من المشاكل بصت لنادر بتردد وسكتت
الجد بحزم : انا بسال فين ريم ايه مش بتسمعوا ؟؟
نادر ببرود : ريم في بيتي
الجد رفع حاجب بحده : وبتعمل ايه في بيتك اظن ده بيتها روح جيبها حالا
وقف نادر وهو يكتم غيظه : بابا رجاء البنت بنتي مش من حقك تاخدها مني
الجد مش عاجبه الكلام : انا حلفت يمين ما تطلع من بيتي الا لبيت جوزها
نادر ما لقاش غيرالحل ده: بالطلاق من ام سيف ما تعيش ريم غير عندي لحد ما تتجوز
وقف الجد بعصبية : انتو ما عندكمش غير بالطلاق بالطلاق
وقف فخري : بابا اهدي وكل حاجه بالتفاهم يتحل ونادر يكفر عن يمينه وحضرتك يابابا خلي البنت تعيش عند ابوها
الجد بعصبية وبحزم وبدون تراجع بقراره: انا مالي ومال يمينه يطلق يتجوز يتنيل انا مليش دخل ريم ترجع هنا فورا (وبصوت جهوري) بسرعه حالا ترجع هنا
خالد وقف : يا جماعة صلوا على النبي
وشاور للبنات يطلعوا من المكان
ردد الموجودين بصوت هامس « اللهم صل على سيدنا محمد »
الجد خفف عصبيته شوي : انا قلت ترجع ريم حالا يعني ترجع حالا
نادر وهو يكتم عصبيته :يا بابا ربنا يخليك البنت عندي خلاص ما تعملش مشاكل
الجد بصريخ : قصدك ان انا بعمل مشاكل وشاور على نفسه
قرب نادر من ابوه وباسه على راسه : يتقطع لساني لو اقصد كدا
بعد الجد نار عنه بعصبيه وبأمر : روح جيبها حالا
عصمت بخوف : بس نادر نقل كل حاجاتها لبيته
التفت الجد بعصبية : انا هنا فالبيت كرسي ولا طربيزه والله عال محدش يستشيرني الاول (وبحده شاور) على نادر مين سمحلك تاخدها (وبزعيق) جاوبني
قرب امير من جده : يا جدي متتعبش نفسك صحتك اهم من الكل وكل شيء ينحل بالتفاهم
بعد الجد امير عنه بهدوء وطلع موبيله وفتحه وضغط على اسم من الاسماء
الكل كان بيراقب ومش عارفين بيتصل بمين بس اتفاجئ ان الموبيل مغلق
بص لنادر والشرار يتطاير من عيونه : ساحب منها الموبيل ؟؟
نادر بهدوء : اظن انها صغيره عالموبيل ومش ضروري يكون معاها و..
قاطعه الجد بصراخ : اخرس مش انت الي تقرر ضروري وولا مش ضروري
اتفاجئ نادر ان ابوه بيهينه قدام الجميع
بص الجد لخالد وبأمر: حالا تجيني ريم ومعها كل حاجاتها
خالد باعتراض : بابا والطلاق ؟؟؟
الجد بلامبالاه : يتحرق هو وطلاقه علشان تاني مره يحلف بالطلاق وبامر والتعب ظاهر بصوته بسرعة رجعوها هنا
قربت ساميه ببكاء من الجد : ارجوك يا عمي خلاص خليها عندنا لوقت جوازها ارجوك يا عمي لا يطلقني وبنهيار ارجوك يا عمى
نادر بعصبيه : ساميه
امير ببرود : امتى جواز البنت ؟؟؟
خالد : بعد ما تخلص الثانوية
امير رفع حاجب : يعني فاضل كام لحد ما تخلص الثانويه ؟؟
عصمت بتعب وهي شايفه جوزها وابنها حالهم كدا : بعد تلات سنين وحطت ايدها على صدرها حسبي الله ونعم الوكيل على ساره وبنتها ما جالنا من وراهم غير وجع الراس
امير ببرود : طيب الحل جوزها قريب وتنتهي المشكله
صقر بعصبية : تعرف تسكت خالص البنت صغيره وبعدين ازاي يعني نتصل بيهم نقوله تعال اتجوز البنت واحنا شرطنا عليهم الجواز بعد تلات سنين…يقولوا علينا ايه ها اكيد فيها بلاء عشان كدا قربوا معاد الجواز
امير ببرود وبابتسامه بارده : احترمني انا اكبر منك بيوم!
عطاه صقر نظره هما على اعصابهم وهو ببرود يتكلم
مسك الجد الموبيل مره تانية واتصل برقم بعد دقايق جاله الرد
السلام عليكم ………ازيك …………الحمد لله كلنا بخير ………..لا والله كنت عاوز افتح معاك موضوع ……………ما فيش غير كل خير ان شاء الله …………كنت عاوز اقعد معاك بس ما عنديش وقت واليوم راجع من السفر ………….الله يسلمك ………..ما يأمر عليك ظالم عاوز الفرح يكون بعد اسبوعين ………..عارف عارف اني فاجئتك ………….اعتبر كل التجهيزات على حسابي والحجز …………….عارف انك مش مقصر بس انا عاوز اخليها هديه البنت لفرحها ………….لا لا بعد شهر كتير زي ما قلت لك اسبوعين وانا بنفسي هظبط الحجز بنفسي ………….خلاص اتفقنا ………تشكر يا زياد ……….مع السلامه
بص الكل علي الجد بوشه المبهوت وانصعقوا
فخري الي دايما هادي لابوه بغضب : يابابا انت ليه عملت كدا بس عاوز يقول البنت فيها حاجه اكيد ولا ليه رماها كدا علينا (ضرب جبهته بعنف) وقعد وكل هموم الدنيا فوق راسه
ايهاب بعصبية :لا يمكن يتجوزها والله على جثتي مش هيتجوزها
الجد ببرود قعد مكانه : اعلى ما في خيلك اركبه
طلع ايهاب من المكان وهو يتوعد وبعدها لحقه رامي وقبل ما يطلع بص لجده بعصبيه : اذا عاوز تخسرنا ويتنفذ فينا حكم الاعدام جوزها لزياد
قعد امير ببرود : انت عاقل يا رامي ولا الغبي الي قبلك منين الهطل ده جالكم مالك انت يجوزها لزياد هو من حقه اصلا في اي وقت ياخدها انتم مالكم
رامي بص لاخوه الكبير وطلع من غير ما يرد عليه
خالد بغضب من ابوه قعد من غير ما ينطق ولا كلمه لانه مش ضامن يمسك اعصابه
نادر كان واقف وسرحان لبعيد والافكار متضاربه بعقله مش مستوعب ان ابوه عمل كدا
بص لابوه بقهر وبوعيد : قسم بالله لاحرق قلبك عليها
وطلع من البيت مستعجل
وقف الجد وبخوف : ام سيف فين ريم ؟؟؟
ساميه من بين بكاها في اوضه قافل عليها الباب
بسرعة طلع الجد وراه نادر وهو قلبه قارصه خايف من عصبية نادر لانه اذا اتعصب ما يعرفش مين اللي قدامه كان ماشي بسرعه وهو يردد اللهم اني اسألك رد القضاء
طلع من البيت وراه االجد فخري وخالد وصقر وامير والشباب بهلع وخوف من تهديد نادر …….
عصمت وقفت بتعب وقلبها يتراقص من الخوف و من بين دموعها : ابني واعرفه اذا اتعصب ما يعرفش ابوه من اخوه
حطت ايدها على صدرها :ربنا ما يوفقك يا ساره انتي وبنتك الي من وراها ابني هايقضي حياته بالسجن،، يا رب لطفك يا رب من المجنون معرفش هيعمل ايه في البنت يا رب لطفك يا رب قعدت على الارض رجليها مش قادره تشيلها من الخوف خايفه على ضناها يرتكب جريمه تعرف نادر اكتر واحد في اولادها عصبي وعند كلمته
ساميه تشهق : انا ال غ بي ه ل يه نا دي ته ا
وعضت على شفايفها بندم
سها تهدي الوضع وهي تفرك ايدها : يا خالتي اهدي ان شاء خير
عصمت وهي قاعده توزع نظراتها الزايغه بين سها ونجوي وتهز راسها : اي خير وبنت الحيه بينا اي خييييييير
نجوي رايحه جايه متوتره وخايفه
دخلوا البنات لما سمعوا الزعيق وعياط الحريم
كانوا واقفين بصمت لان الموقف مش متحمل كلام زياده
**
**
**
**
بعد مرور وقت ونسرين ترن على اخوها رامي بس مفيش رد
امها بخوف : شوفي صقر اتأخروا لييييه
رنت نسرين وايدها ترتعش من الخوف رنت حتى علي ابوها ما حدش بيرد
بصت لامها وهي تكرر الاتصال وشاورت بحواجبها بمعني مفيش رد
فجأة دخل مصعب ومعاه احمد وهما بيجروا
احمد : ماماماما ريم
دفعه مصعب : انا الي هقول
احمد مسك مصعب من كتفه : لا ..انا الي اقول
صرخت عصمت واعصابها تالفه : بس بس انكتموا قطعتوا قلبي ايه الي حصل
دخلت اميره وهي متحمسه ومعاها الاخبار : امي امي
ريم ما لقوهاش في اوضتها وعمي نادر ما لحقوهوش طلع بعربيته يجري
وجدي كان بيصرخ ويقول رنوا على نادر بس كانوا بيقولوله مقفول تلفونه
عصمت بانهيار : خلاص اسكتي اسكتي ااااااااااااااااااااااااه يابني (وبنحيب) خلاص ابني راح ابني راح يا قهري عليه في عز شبابه هيقضي عمره فالسجن حسبي الله ونعم الوكيل عليك يا ساره انتقم منها ياررررب
ساميه لما سمعت بالخبر فضلت تبكي بصوت عالي
يا ريته طلقني ولا قتلها يا ريته طلقني ولا قتلها خلاص يا خالتي نادر راح فيها
قعدت نجوي وسها يهدوا الوضع
وسلمى ولينا بيعيطوا والخوف دب بقلوب الموجودين الا واحده قاعده تبصلهم باستغراب ومش فاهمه حاجه منهم الا بكا وصريخ
######
رايكم في الحلقه؟؟
لسه مكملين الخناقه وامير وصقر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
