رواية خطة 707 الفصل الخامس عشر 15 بقلم ميرنا ناصر
رواية خطة 707 الجزء الخامس عشر
رواية خطة 707 البارت الخامس عشر
رواية خطة 707 الحلقة الخامسة عشر
= انا اللى عملت دا فى ياسمينة.
_ ياسمينة مين صاحبة حبيبة.. اللى وقع عليها الطبق واللى وقعت فى الارض لما الكرسى اتحرك من مكانه.
= أيوة.
_ ايوه إيه؟! انتِ كنتِ جنبى انا وحبيبة لما حصلها كدا، وبعدين اللى حصلها قضاء وقدر يعنى.. طبق وقع وكرسى إتشد.
= انا اللى عملت كدا إفهم..
_ أفهم ايه انتِ هتتسلى بيا ؟.
= انا اللى عملت كدا والله
_ عملتِ أيـه ، وقعتيها ازاى؟
= بـ بعيونى.
_ مالك! .. انتِ سخنة.
= بعيونى والله.. انا كنت زيك كدا.. انا زيك اصلا لسه مخضوضة من نفسى.
_ بعيونك؟.. انا مش فاهم حاجة وحاسك بتهزرى ودا مش وت مقالب خالص يا يُسر.
= بص معايا كدا وركز.
_ هتعملى إية؟
= شايفة المج اللى على المكتب ده؟.
_ أكيد شايفه يعنى.
= هحركهولك، نفس اللى حصل هناك مع الطبق
” قمت جاهدة وكلى تركيز غريب _ لإول مرة فى حياتى_ تنهدت بصوت مسموع لمدة خمس ثوانى ومن بعدها تحدثت بنفس الطريقة وقت الحفل، ولكن لم يحدث شىء ”
_ انتِ مش هتبطلى مقالبك دى..قولتلك صدفة والله العظيم انتِ بنى أدمة مزعجة و…
“وها يتحرك الكوب تدريجيًا من المكتب ليسقط وتهشيمه على الارض أشبه بتهشيم قلبى”
_ يُسر.
= ليه بيحصلى كدا.. متقوليش إنى مبروكة بقا وإن ربنا راضى عنى والجو دا.. انا ليه مش إنسانه طبيعية..انا خايفة..خايفة أوى يا ياسر..ومتحاولش تطمنى انت كمان خايف..
_ يُسر.. يمكن..
= كل حاجة بتحصلى بتأزمنى، عارف..عارف انا نفسى نفسى أهرب..هتعرف المره دى تساعدنى؟ زى ماكنت بتساعدنى زمان.
_ تهربِ، تهربِ من مين بس ؟
= قلبى واجعنى أوى يا ياسر، نفسى أهرب من العالم.. لا نِفسى أهرب من نَفسى.. محدش حاسس بكل اللغبطة اللى جوايا، مفيش حد يعرف كم التخبيط والوجع اللى جوايا..حتى انت بقيت بعيد عنى.
____________________________________________
| آند باك|
_ طيب ممكن تقول لى بتعيطى ليه؟
= عشان وقتها، كنت حاسة إنى وحدى، مكسـ ورة،
وموجـوع..زى دلوقت بالظبط.. محتاجة أغسل وشى.
_ إتفضلى مناديل.
= شكرا.
_ ناخد ريست ونكمل بكره؟
= زهقت؟
_بالعكس..دا انا هتجنن واعرف إنتِ كان عندك إيـة.. ايه القدرة دى؟ واسمها إيه..!؟ وياترى إستخدمتيها إزاى؟ حاولتى تعرفى اللى بيحصلك سببه إيه ولا لاء.
= كل دى اسئلة؟!! دا إندماج غريب أوى.
_ انا كنت بحب كل حواديتك..احم تحبِ نكمل ولا حاسة إنك تعبانة؟
= تعبانة، بس لا هنكمل.
_ القدرة دى إسمها إيـه؟
= إسمها الجلاء البصرى، او التحريك الذهنى، او التحريك عن بعد ( العقلى).
_ يعنى إيه مكنتيش بتستخدمى عيونك؟ وكنتِ بتستخدمى عقلك ولا ايه مش فاهم الكلام الغريب دا.
_ الكلام دا حقيقة يا يُسر؟
= بمعنى؟
_ هو نوع فى دراسة ما وراء علم النفس (باراسايكولوجي) وهو قدرتى على التأثير على العالم المادي وتحريك الأشياء عن بعد أو بـ إستخدم قوة العقل ومبيكونش بينى وبين الشيء اللى هحركه أي إتصال مادي، وعلى عكس غيرها من ظواهر الماورائيات ، و بكون قادرو على رؤية نتائجها مباشرة وبالعين المجردة
_ يُسر انتِ متأكدة إنه مش..
= سـ حـر قصدك لا يا رحيم انا مش ساحرة ولا مشعوذة ولا مجبورة أحكي لك.
_ عملتى فيا كدا ليه؟ ليه يايُسر تدخلينى الدايرة دى.. انا أذيتك فى إيه عشان تعملى فيا كدا؟
= انا..
_ انتِ إيه يايُسر..انا مش فاهم كل اللى بتحكيه ولا مدرك و ولا مستوعب ان كل اللى بتحكيه جواكِ دا كمان، غير هتحكى ازاى قعتينى واتحكمتِ فيا يعنى لسه فى اسرار تانى.. مفكرتيش ف صدمتى..انا مش عارف أفكر..
= والله العظيم انا ما أثرت عليك خالص ولا على تفكيرك.
_ نفسى إفهم عملتى كدا ليــــــــــه..ليــــــه.
= ـــــــــــــــــــــــــــــــــــ
_ ردى يا يُسر وقول لى عملتى كدا ليه.. اشمعنا انا اللى إذيتيه.. ليه تأذى وتدمرى حياة بنى أدم بالشكل ده.؟
= ـــــــــــــــــــــــــــــــــــــ
_ ردى من غير ماتقولى إنى بحبك… والكلام ده عارفة يعنى ايه كسرة قلب؟ عارفه يعنى ايه راجل عايز يصرخ ويعيط زى الطفل فى وسط الناس..انا سامع صوت تكسير قلبى يا يُسر..إنطقى..قول لى عملتِ كدا ليه؟
= عشان احمى نفسى.. ايوه عشان أحمى نفسى ، كلكم بتدمروا البنات وبتأذوهم، كلكم غدارين ومستغلين.. كلكم معندكوش أمان..حتى بابا زيكم..كلكم واحد .. كلكم دمرتونى..كان لازم اتحكم فى واحد ميأذنيش.. ايوه ربنا بعتلى القدرات دى عشان متأذيش منكم بس انا كنت غبية ومعرفتش استخدم ده.
_ انتِ مريضة..
= انا ادمرت.
_ اشمعنى انا يا يُسر.
= ـــــــــــــــــــــــــــــ.
_ ردى يا يُسر..اخترتِ رحيم عبد القادر ليـه..مش أى حد تانى.
= المفروض تكون عارف.
_ لا مش عارف يا يُسر.. مبقتش عارف حاجة.
= عشان شبهه..
انت شبه ياسر الله يرحمه نفس نظره عيونه، ولون شعره ولون عيونه، حتى غمازاتك.. وطولك وحجمك.. ياسر مصدر امانى.. لما شوفتك حسيتك انك هتكون لى ياسر التانى.
_ انا وقعت فى ايد مريضه نفسية طلعت كل مرضها عليا.
= ياسر متسبنيش..انا مليش غيرك..ياسر متغيبش عنى.. ياسر انا من بعدك كله كسرنى وحطمنى.. ياسر انت مش بترد ليه.
_ رحيم.. انا مش ياسر.. ياسر اخوكِ ما ت.فوقى
يـــــــــاسر مات.
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية خطة 707)
