رواية خطة 707 الفصل الرابع عشر 14 بقلم ميرنا ناصر
رواية خطة 707 الجزء الرابع عشر
رواية خطة 707 البارت الرابع عشر
رواية خطة 707 الحلقة الرابعة عشر
_ انا.. يعنى..بفكر..تستخدمى موهبتك وتسمعيها لما بتشوفنى بتحكى عنى ايه للبنات..بصراحه كدا انا معجب بيها ومش عايز اقولها وتطلع فى الاخر النظرات دى مجرد بيتنمروا عليا هى واصحابها .
= اطلع بره.
_ هتساعدينى؟
= إطلع بره ياواد ياتافه إنت..
” لأول مرة أدرك مرارة الغيرة وقسوتها ”
_________ـــــــــــــــــــــــــــــــــــــــــــــــــــــ__________
_حاسك متضايقة منى من وقت مافتحت موضوع حبيبة
= حلو الكوفى، كنت محتاجاه جدًا.
_بتهربى من السؤال؟
=قاعد ساعة على حفلة عيد ميلاد رانيا واظن إننا مجهزناش.
_ يُسر مالك؟
= بتحبها؟
_ احم.. ماانا قولتلك.. انى يعنى.. انا
= بتحبها؟
_ عارفة يا يُسر لما يكون فى شخص متجمع فيه كل الصفات، اللُطف، والطيبة، والحنية، وخفة الدم والاحترام واخلاق وتدين هحتاج إيه تانى بجد؟
= محكيتليش ليه من الاول؟
_ كنت خايف تضحكى عليا، وكنت خايف ان يكون شعور عادى عشان كل اللى حواليا جربوا الحب إلا انا.
= ورانيا؟
_أختِ
= بنت خالتك، مش أخت.. متقارنيش حد بيا.
_ يُسر مش ملاحظة إنك متنشنة شوية؟
= انا عليزة أعيط.
_ لا أنتِ بتعيطى فعلا.. تعالى هنا يابت انتِ هاتِ ايدك الحلوة دى..ممكن تقوليلى بتعيطى ليه؟! هو يسور زعل يويو فى حاجة؟
= انت هتحبها اكتر منى، وهى..هـ هى هتبقى معاك مش أنا.. انت هتنسانى..
_ ههه ياعبيـ طة.. تعالى..تعالى جنبى هنا، يُسر انتِ هتقارنى نفسك بيها بجد؟!! معقول هحبها أكتر من روحى وتؤامى وحياتى كلها
= توعدنى؟
_أوعدك بـايه؟
= إنك تفضل تحبنى بنفس مقدار الحب، وانها متاخدش مكانتى ولا قلبك يحبها أكتر منى.
_ انتِ عبيــ طة انتِ محتاجة وعد ب ده.
= ايوه
_ أوعدك.
= بحبك يااحلى أخ فى العالم.
_ وانا كمان بحبك يااحلى أخت وصاحبة وأم كمان بتحتوينى وتسمعنى. إتفضلى.
= الله شيكولاته.. أحلى يسور فى الدنيا.
_ طيب إفتحيها.
= بشرب كوفى.. وأكل شيكولاته؟
_ مهى جواها مفاجأه تانيه مش بس شيكولاته.
= كامب فى سينا؟!
_ للاسف هتسمعى صوت ست أشخاص بس منهم أخوكِ، وهتاخدى ريست من العالم كله زى ما بتتمنى.
= تخيل بقا بكل الحلاوة والحنية اللى فيك حد ياخد منك.
_ دا بُعدها.. الأميرة ست الحسن تتفضل لإستعداد حفل عيد ميلاد بنت خالتها يلا.
= يلا يا أحلى يسور.
________ـــــــــــــــــــــــــــــــــــ_________ــــــــــــــــــــــــ
_ ها سامعة حاجة.
= مش لما أعرف مين فيهم الاول.
_ يُسر.. احنا هنستهبل ماقولتلك اللى لابسة دريس أصفر.
= طيب بذمتك ودينك دى أشكال تدخلها عيلتنا؟
_مالها عيلتنا؟ شايفاها الواو أوى.
=مليانه عاهات ياحبيبى مش ناقصة.. المستشفى مش ناقصة مرضى.
_ هههه، إنجزى بقا.
= أهدى متوترنيش.. هيألى الجو بقا.
_ إتفصلى يابرنسيس..
= الله بقا يخربيتك يايسور وبيت جمالك ..
_ إيه.. قالت حاجة..صح صح؟! أعجبت بشياكتى؟ قالت كدا فعلا!
= لا بيتكلموا على بنت خالتك وتكبرها.. انت نكره مجبوش سيرتك لحد دلوقت.. انا اللى معجبة بالاوت فيت بتاعك.
_ والله!!.. سلام يا يُسر.
= اهو بيتكلموا بيتكلموا..
_ هااا.. بيقولوا إيـه..بيقولوا إيـه
= الحبيبة دى بتقول
” أهو جه.. جه يابنات واقف جمب أخته ”
صحبتها بترد عليها وبتقولها.. وبعدين أخته العقربة دى مش هت.. ايـه عقربة انا عقربة اقسم بالله هروح ألبسها الجاتوه اللى بتطفحه فى وشها.
_ أبوس إيدك، ابوس إيدك انا مالى بصحبتها؟! .. إنجزى وقول لى حبيبة بتقول إيه عنى .
= مش هسيبها هخلص الحوار واخد حقى… الحبيبة الغربية دى بتقول ” بصوا يابنات شكله مركز معايا صح ”
صاحبتها ام ازرق اللى مشتمتنيش شكلها محترم بتقولها ” روحى إتعرفى ع أخته شكلها لطيفه وأهى بما إنها مش واقفه غير مع حد معاه يبقى خلاص هتعرفى عليهم وهيحصل حوار بينك ” حبيبتك رديت وبتقولها ” لا هتكسف وبعدين هروح الزق لهم.. وممكن يُسر تضايق “.. رديت صاحبتهم اللى ماتتسمى وقالت” معرفش سموها يُسر ليه كانوا سموها لزقه ” انا لزقه دا ليله اهلها سودة..
حبيبة ردت وقالت ” لزقة إيه دى لطيفة اوى وشكلهم بيحبوا بعض أوى ” انا موافقة على البت صفرا دى خلاص.
_ كدا البت بتكراش عليا؟
= واضحة وضوح الشمس .. روحلها بقا.
_ أروح لمين؟
= للبنت دى حبيتك.. اتعرف عليها.. هى كمان طلعت واقعة.. على فكرة بتتغزل فيك حاليا.
_ بجد؟! يُسر بتقول ايـه قول لى..
= بتقول ” بصوا حلاوته، وكاريزمته قمر ياناس ”
_ اتجوزها بقا خلاص..
= يلا روح اتعرف عليها؟ قولها حبببة محتاج من وقتك دقيقة على جنب واعترف بقا.
_ لازم صح.. انا هتعرف عليها واروح واقولها ياحبيبة عايزك ف موضوع وافاتحها.
= برافو..يلا خد نفس كدا وتقدم.. ياحبيبة انا عايزك على جنب.
_ انا ماشى بقا..هروحلها أهو..ياحســـــــــام بقولك ياابن خالتى.
= هتفضل طول عمرك كدا والله..
____________________________________________
_ مكنتش متخيل أبدا إنك هتروحى لحد حبيبة وتتعرفى عليها ومش بس كدا تنادمينى وتعرفينى عليها؟
= إنسانة لطيفة.
_ يُسر إنتِ كويسة.
= مش عارفة.. انا بس متلخبطة شوية.
_ بس ربنا خد لك حقك البت العقربة صاحبة حبيبة دى الطبق اللى كانت مسكاه لبس فيها لبسه غير عادية هى كانت رفعاه وبترقص بيه وفجأه نزل على راسها دش كان منظرها مُهلك.. بس ايه اللى ينزل الطبق من ايدها ما كلنا رفعناه بنفس الطريقة؟
= انا.
_ إنتِ ايه؟
= انا..انا..انت شوفت لما وقعت من على الكرسى والكرسى اتشد.. احم.. اتحرك من تحتها.
_ هههههه أيوه البت إتبهدلت أوى.
= ياسر.. هو انا ممكن أقولك حاجة ومتخفش منى.
_ إيه،هخاف منك ايه كمان، بقيتِ تسمعى لمسـافة ١٠٠متر؟
= انا اللى عملت دا فى ياسمينة.
_ ياسمينة مين صاحبة حبيبة.. الللى وقع عليها الطبق واللى وقعت فى الارض لما الكرسى اتحرك من مكانه.
= أيوة.
_ ايوه إيه؟! انتِ كنتِ جنبى انا وحبببة لما حصلها كدا، وبعدين اللى حصلها قضاء وقدر يعنى.. طبق وقع وكرسى إتشد.
= انا اللى عملت كدا إفهم..
_ أفهم ايه انتِ هتتسلى بيا ؟.
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية خطة 707)
