رواية انتقامي مختلف الفصل السادس 6 بقلم عادل عبدالله
رواية انتقامي مختلف الجزء السادس
رواية انتقامي مختلف البارت السادس
رواية انتقامي مختلف الحلقة السادسة
استنيت لما رجع مدحت من الشغل في اليوم التاني وبردو كنت قافلة الباب عليا و حاول مدحت يكلمني زي البارح واتفاجئ بيا بفتح الباب وبقوله : تعالي لما احكيلك علي اللي حصل لما روحت عند اختي .
: الحمد لله اخيرا رضيتي عني وفتحتي الباب .
: انا فتحت الباب علشان بعد ما فكرت كتير قولت انك لازم تعرف .
: لازم اعرف ايه ؟
: لازم تعرف اللي حصل عند اختي لما كنت عندها .
: طيب قولي ايه اللي حصل عند اختك .
(( كنت خلاص اخدت قرار في نفسي اني لازم اقوله ان علاء اغتصبني او حتي انه نام معايا برضايا ، المهم كنت عاوزة احرق قلبه )) .
: ساكته ليه يا ولاء اتكلمي .
وبعد تردد كتير خوفت اقوله وسكتت .
: ساكته ليه اتكلمي انتي كده بتقلقيني بجد .
: خلاص مفيش حاجة .
: لأ كده يبقي فيه حاجة خطيرة و كونتي هتقوليلي علبها ورجعتي في كلامك .صح ؟ اتكلمي وبلاش تعصبيني اكتر من كده .
: هقولك بس توعدني انك تتصرف بعقل .
: اوعدك ، اتكلمي بقي .
: لما روحت عند اختي علاء جوزها كان هيبات في الشغل وهند اصرت اني انام في سريرها علشان ارتاح وبعد ما نمنا بفترة علاء رجع وكان سكران وافتكرني هند اختي وو…..
: و .. ايه ؟ انطقي .
: كان فاكرني هند و عاوز ينام معايا .
: ايه ؟؟؟ وعمل كده ؟
: هو كان عاوز لكن انا منعته .
: ابن ال …….. ، طيب الحمد لله ، اوعي تروحي هناك تاني .
: لا طبعا ، بس في مشكلة خايفة منها .
: مشكلة ايه خير ؟
: لما قولت لعلاء اني انا ولاء مش هند مراته كان بردو عايز يكمل .
: بتقولي ايه ؟
: انا بقولك الحقيقة .
: وبعدين ؟؟
: انا منعته طبعا .
: ازاي يعمل كده ابن ال ل….. !! انا لازم اموته .
: مش للدرجادي محصلش حاجة علشان تودي نفسك في داهية .
: كل ده ومحصلش حاجة ؟
: ايوه الموضوع خلاص عدا علي خير ، بس انا خايفة انه يكدب ويقول انه عمل معايا حاجة !!
: دا لازم يتربي الاول ، انا هلبس واروحله .
: لا بلاش. ارجوك مش عاوزين فضايح والحمد لله محصلش حاجة .
: لأ ، انا لازم اروحله واربيه .
: خلاص بقولك مش عاوزين فضايح ، شوفت يا مدحت ان اللي بتعمله بيترد لك !!
: انتي مش ادتيني فرصة اتكلم وادافع عن نفسي .
: هتدافع عن نفسك هتقول ايه ؟؟ انا شوفت وسمعت بنفسي كل حاجة .
: انا كنت معتبر الموضوع مصلحة فلوس انما الحب كله ليكي انتي .
: كلامك ده بيعصبني .
: طيب خلاص انسي كل اللي انا قولته وانسي الموضوع ده كله مش هيحصل تاني .
: يحصل او ميحصلش موقفي مش هيتغير .
: انا بحبك ومقدرش ابعد عنك .
: لو كنت بتحبني بجد مكنتش عملت كده .
: صدقيني عمري ما حبيت غيرك .
: مدحت ، الكلام بينا انتهي وهنعيش مع بعض علشان البنات وبس ، وانت في حياتك اعمل اللي تعمله .
: اوعدك مش هعمل كده تاني .
:قولتلك انت حر في نفسك ده شئ يخصك .
: علي العموم نتفاهم بعدين ومسير الايام هتثبتلك حبي ليكي ، انا لازم انزل دلوقتي اروح للحيوان جوز اختك ده علشان اعرفه ازاي يفكر يعمل كده معاكي .
: قولتلك مش عاوزين فضايح .
: يعني عاوزاني اعرف واسكت ؟!!!
: محصلش حاجة اصلا تستدعي تعمل حاجة ، اعتبره زي اي شاب في الشارع كان بيعاكسني مش اكتر .
: الدم بيغلي في عروقي لازم اروحله .
: لو روحتله وواجهته هند اختي هتعرف والموضوع هيكبر وممكن توصل لطلاقهم ، ده غير الفضيحة بين الاهل والجيران ! كل ده ملوش لزوم .
: ماشي يا ولاء انا هسكت دلوقتي مؤقتا لكن انا مش هعديهاله .
وعدا كام يوم بعدها كل يوم مدحت يحاول يصالحني وانا مش قادره اسامحه ، لكن الاغرب اني فوجئت بعلاء بيتصل بيا !!!
اول لما شوفت رقمه علي التليفون قلبي انقبض وخوفت مش عارفة هو بيتصل بيا ليه وعاوز مني ايه تاني !!!!
رن كتير عليا وبعتلي رسايل كتير و في الاخر رديت عليه :
: نعم ؟؟ بتتصل بيا ليه ؟؟
: وحشتيني يا لولا .
: انت بتستهبل ؟؟؟ متتصلش بيا تاني .
: مقدرش ، انا من يومها وانتي في بالي علطول .
: بص يا علاء من الاخر كده متتصلش بيا تاني وبلاش كلامك الخايب ده علشان اخرته مش هتبقي حلوة .
: ايه ده انتي بتهدديني يا حبيبتي ؟؟
: مش تهديد ولا حاجة بس بقولك ان ممكن اخرتها تبقي وحشة ليا وليك .
: هتعملي ايه يعني ؟
: بص يا علاء اللي حصل حصل خلاص ، هي غلطة ولازم ننساها وكأنها محصلتش ابدا .
: انا ممكن انسي نفسي ولا انساكي ابدا .
: ليه يعني ؟ ما انت معاك مراتك حلالك ليه عاوز الحرام ؟
: علشان بحبك .
: انت باين عليك مش ناوي تجيبها لبر الا لما تحصل مصيبة .
: بصي يا ولاء من الاخر كده انتي دخلتي دماغي ومش هبعد عنك ولو هموت .
: من ناحية هتموت فأنت كده هتموت فعلا .
: تاني بتهدديني ؟
: مش بهددك ، انا بقولك اللي هيحصل لو فضلت علي موقفك ده .
: مش مهم انا عاوزك ساعة واحدة في حضني وبعدها لو موتت مش هزعل .
: انا حذرتك يا علاء علشان بعد كده مش تلوم الا نفسك .
: هتعملي ايه يعني؟
: سيبها لظروفها .
: هتقوليلهم يعني اني نمت معاكي مرتين !!
: لأ هقولهم انك اغتصبتني .
: اغتصبتك في المرتين !!!! تصدقي دي حاجة تضحك فعلا .
: لأ هي مرة واحدة .
: لأ مرتين انتي فاكرة المرتين وعلشان خاطرك هخليهم تلاته ، نص ساعة يا حياتي وهكون عندك .
: عندي فين يخربيتك انت مجنون !!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انتقامي مختلف)
