رواية لا تتركيني الفصل الخامس عشر 15 بقلم سارة
رواية لا تتركيني الجزء الخامس عشر
رواية لا تتركيني البارت الخامس عشر
رواية لا تتركيني الحلقة الخامسة عشر
فريده كانت قاعده في ؤضتها فجأه لقت الباب بيخبط واذنت بالدخول
=ممكن نتكلم شويه
-منال
=ايوه مستغربه ليه
-اتفضلي اقعدي
=انا عارفه انك مستغربه وجودي هنا بس انا مش بكرهك
زي مانتي متخيله انا حبيتك علشان سعدتي سالم وجبتيلو الولاد ال كان نفسو فيهم واهو ابن سالم
هيتجوز خلاص وهيتجوز بنتي ال ربتها
وانا بقول نبدأ صفحه جديده وننسي كل ال فات
بينا ونكون اخوات وحبايب
فريده بصت لمنال باستغراب
=متستغربيش يام سليم إحنا كبرنا ولازم نصفي
ال بينا وبعدين سالم هو ال اختارك انتي
وكان مرتاح معاكي أنتي مش انا فخلاص بجه
-سالم قبل ميموت سابلك الظرف ده معايا
واظن ان انتي لازم تاخديه دلوقتي
انتي انسانه عظيمه اوي يامنال وولادي زي ولادك
بالضبط مفيش فرق
=تسلمي ياحبيتي هجوم بجه انام احسن بكره اليوم
طويل اوي
-ماشي تصبحي علي خير
=وانتي من اهله
*******************************
=نعمان عامل فرح كبير لابن سالم ال اتجوز علي اختنا
وهجرها ومسألش فيها
-عارف ياجمال
=وهتسكت علي كده ياصابر انت لو سكت انا لايمكن اسكت لازم اخد حق كسرت نفس اختي وكسرتنا معاها
وابن سليم هو ال هيدفع التمن
ساره كانت مش عارفه تنام فقامت خرجت من الاؤضه
ونزلت تتمشي شويه في الجنينه واتفاجأت بحد بيحط
شال علي كتفها ولفت شافتو سليم
=خضتني ياسليم
-اكيد مش عارفه تنامي من غيري
=لا طبعاا بس بفكر شويه
-بتفكري في ايه
=انت بتحبني بجد ياسليم
-ده سؤال ياعني
=مستعد تعمل اي حاجه علشاني مستعد
سليم قطع كلام ساره وحط ايدو علي شفايفها وقال
-ششش متكمليش ياساره انا مستعد اعمل اي حاجه
علشانك مستعد افضل جانبك العمر كلو ونتسند علي بعض لما نكبر ونبقي اصحاب في كل حاجه وحققلك
كل ال نفسك في ياساره وانا واخد وعد علي نفسي
اسعدك في كل لاحظه جايه من حيااتك ومخلكيش
تضايقي ابداا ياعمري
ساره حضنت سليم جامد وقالت
=بحبك اوي ياسليم مش هقدر اعيش من غيرك بجد
انا مستعده افضل معاك لاخر عمري وهفضل احبك
كل يوم اكتر من ال قبلو وهخاول بكل مافيا اني اسعدك
-انا لو نفسي في حاجه نفسي ارجع العشر سنين ال سبتك فيهم ياساره انا بندم الف مره اني سيبتك
=من يومها واتحرم عليا الفرح ياسليم بقيت واحده محدش بيحب يكلمها حتي علشان هتسببلو النحس
-متقوليش كده ياقلبي انتي احلي حاجه ممكن تحصل
لاي حد
ساره بعدت عن سليم وبصتلو بخجل وقالت
=طيب ممكن نروح ننام بقه قبل محدش يشوفنا
-انتي هتيجي تنامي معايا انا حقيقي مش عارف
انام من غيرك ياسارا
=مش هينفع ياسليم
ساره لسه هتتحرك علشان تمشي لقت سليم شالها
=ايه ال انت بتعملو ده بقه
-وانا كلمه زياده ليكي ياساره انا كلامي ال هيمشي
انتي النهارده هتنامي في حضني انا
=طب نزلني والنبي لحد يشوفنا
-ال يشوف بشوف محدش ليه حاجه عندي انتي مراتي
وانا بحبك بحباااك
= بس اسكت ليسمعونا ويصحوا
سليم بص لساره بحب وقال
-خليهم يصحو علشان بشوفو انا بحبك قد ايه
ساره دفنت راسها في عنق سليم وغمضت عينيها
وسليم خدها وراحو ؤضتهم علشان ينامو
خلص الليل وجه النهار وكان البيت كلو مشغول بتجهيزات فرح سليم وساره وكان الكل مبسوط
مش مصدقين ان خلاص النهارده الفرح
وساره كانت بتجهز وسليم في نفس الوقت كان بيجهز
ساره لبست فستان الفرح وحست ان هي محتاجه
امها تبقي معاها في اليوم ده بس هتعمل ايه مفيش
في ايديها حاجه ساره كان باين علي ملامحها الحزن
وفي نفس اللحظه دي دخلت منال
=الله اكبر ايه الجمر ده حصوه في عين ال يشوفك وميصليش علي النبي
ساره بصت لمنال وضحكت
=واه وايه ال مزعل الجمر بتاعنا أكده جوليليي مين وانا اجتعلك خبرو
ساره حضنت منال جامد
=شكراً
-واه بتشكريني علي ايه يابنتي
=علي كل حاجه عملتهالي ياماما
-انتي بنتي ياساره انا ال ربيتك وعرفاكي اكتر من نفسك
وبعدين انا ال لازم اشكرك لانك خلتيني اعرف ياعني
ايه ام خلتيني احس احساس انا كتت محرومه منو
=انا بحبك اوي ياماما لو كانت امي عايشه مكنتش عملت
معايا ال انتي بتعمليه ده
منال حضنت ساره جامد وبعدين بعدتها عنها ومسحتلها
دموعها
-كده تبوظي مكياجك ياعروسه اقعدي اما اظبطلك
ال عملتيه ده انا عايزاهم يجولو بنت منال اخلي عروسه
في البلد كليتها
***************************
سليم كان بيجهز نفسو في الاؤضه وفجأه جالو تليفون
من المستشفي وسليم ملامحو اتغيرت وقال بجديه
-انا جاي حالا حضرو العمليات
سليم خرج من الاؤضه وهو بيجري وشافو نعمان واستغرب هو بيجري كده ليه
-انت رايح فين ياسليم ياولدي
=الحاله ال عملتها العمليه امبارح في مضاعفات
حصلتلها ياجدي ولازم اروح حالا
-يابني انت هتسيب الفرح والناس ال بره ازااي
يجولو علينا ايه وبعدين مفيش دكاتره غيرك
ياعني
=ياجدي مفيش دكتور هيعمل حاجه علشان انا الطبيب
المعالج وانا ال مسؤول عن حالتو ولازم اروح
كل دقيقه بتمر خطر علي حياتو ياجدي
-طب وساره ياولدي دي ممكن يجرلها حاجه
= لما تعرف اكيد هتأيد رأيي عن اذنك ياجدي
سليم جري بسرعه خرج من البيت ونعمان مكنش
عارف يتصرف ازااي راح نده علي حسين ابنو وثنيه
وحكلهم علي كل حاجه
ثانيه قامت وقفت وحطت ايديها علي صدرها من الصدمه قالت
-يامري ياعمي الناس هيقولو علينا ايه ولا المسكينه
ال فوج دي دي الناس تاكل وشنا
= ثنيه اسمعي ال هجولو ده زين وتنفذيه بالحرف
الواحد
-جول ياعمي
نعمان قال لثنيه ازااي تتصرف هي وحسين وبعديها
بدقايق صوت صويت ثنيه كان مسموع وال في
البيت كلهم اتلمو عليه
-ايه ال حصل ياثنيه
ثنيه بتمثيل الخوف
=عمي وجع من طولو وكان ماسك جلبو جامد لازم
نوديه المستشفي بسرعه اتصل بالمستشفي
ياحسين بسرعه
-اتصلت اهو وعلي الطريج
مفيش دقايق مرت ووصلت عربيت الاسعاف وخدت
نعمان تحت نظرات الجميع وخرج حسين واعتزر
انهم هيلغو الفرح بسبب تعب ابوه نعمان
في ؤضه ساره
=داليا انتي مخبيه عليا ايه وبعدين مش عايزاني
اروح المستشفي ليه
داليا كانت مرتبكه بتهرب من نظرات ساره ليها قالت
-انا مش مخبيه عليكي حاجه وبعدين جدك الحمدلله
تعدي مرحله الخطر وكلها نص ساعه ويكون في
البيت علشان تطمني
ساره بصت لداليا بشك وقالت
=انا مش قادره اصدقك وبعدين عماله اتصل بسليم
مش بيرد حتي يطمني هو علي جدي اكيد راح معاه
صح؟
داليا كانت سرحانه مرضتش علي ساره
ساره بصوت عالي
-دالياااااه
داليا اتخضت وبصت لساره وقالت
=خضتيني ياساره في ايه
-بقالي ساعه بكلمك بقولك هو سليم معاهم صح
داليا بصتلها بشروود وقالت
-اه اه معاهم
= انا سامعه صوت عربيات شكلهم وصلو يلا ننزل
داليا أتوترت اتكلمت بإرتباك وقالت
-خليكي في ؤضتك احسن وبعدين هتنزلي بفستان
الفرح
=هنزل اطمن علي جدي الأول وبعدين علشان سليم
يشوفني فيه يلا بقه
ساره نزلت وهي بتجري وشافت جدها وثنيه ومنال
وعمها داخلين وباين علي ملامحهم الحزن
ساره بصت بقلق وقالت
=انت كويس ياجدي انت مفكش حاجه صح
نعمان حضن ساره جامد وقالها
-الحمد لله يابنتي انا كويس اهو
=اكيد مأخدتش الدوا ياجدي مانت انشغلت بتجهيز
الفرح بتاعي انا وسليم صحيح فين سليم
هو لسه بره ولا ايه
ساره سألت عن سليم والكل بص لبعضو ومحدش
رد عليها
=فين سليم ياجدي
ثنيه ردت علي ساره وهي مضايقه وقالت
-البيه هو السبب في كل ده بسببو جدك مثل ان هو
تعبان علشان شكلنا قدام الناس
ساره بصت لثنيه بصدمه وقالت
= بيمثل !!!
-ايوه سليم ساب البيت قبل الزفه بساعه وسافر
مصر راح المستشفي وبسبب كده جدك عمل كده
علشان الناس تفتكر ان الفرح اتلغي بسبب جدك
التعبان مش بسبب ان سليم ساب الفرح ومشي
ساره اتصدمت من كلام ثنيه وبصت لجدها وقالت
=الكلام ده صح ياجدي
-يابنتي اصل
ساره قاطعت كلام جدها وسألتو بحده
=الكلام ده صح ياجدي
نعمان بص لساره بحزن وقال
-صح يابنتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لا تتركيني)
