رواية مهرة العز الفصل الثاني عشر 12 بقلم مريم
رواية مهرة العز الجزء الثاني عشر
رواية مهرة العز البارت الثاني عشر
رواية مهرة العز الحلقة الثانية عشر
في صباح يوم جديد على ابطالنا….مليئ بالأحداث الكثيرة……
استيقظت هديه من النوم وتوضأت وصلت فرضها ودعت ربنا ان الذاكرة ترجعلها…ودعت لعز ان ربنا يحميه..ويصبره …وخلصت وقامت تجهز نفسها عشان تنزل تفطر…..كانت لابسه بلوزة عنابي غامق قصيرة بس مش اوي وبنطلون بوي فريند بيج فاتح وشوز لونه عنابي زي البلوزة وسابت شعرها
منفرد على ضهرها واكتفت ب انها تحط روج عنابي خفيف جدا…..(كانت ناويه تخرج تتمشى)…..
خلصت لبست وفضلت تدلع نفسها في المرايه شويه 😂وبعدها نزلت على تحت عشان تفطر….طبعا الكل كان تحت على الفطار….وهي جت وقفت ورا عز وقالت بابتسامه….
هديه بابتسامه:صباح الخير…
الكل اتفاجأ من الملاك اللي واقف….وطبعا لؤي مش هيعدي الليله على خير…
لؤي بانبهار:يخربيت جمدانك…وقام مصفر….طبعا نجوى قرصته عشان عارفه عز….عز استغرب ولف وشه
عز بصدمه من كتله الجمال اللي قدامه…وقد اي عيونها الزيتوني بتسحر مع اللون ده…فضل متنح شويه وبعدها فاق على صوت منى وهي بتقول…
منى بانبهار:انا ك بهير انبهرت….بجد الطقم طالع عليكي تحفههههه…… بقلمي مريم حسين..
نجوي بابتسامه:ايوة…..طالع عليها احسن منك…
احمد بهزار:انا شكلي هتجوز تاني ولا اي…..اي الجمال ده ياقمر….لا جمال اي….ده أقل ما يقال عليها جمال
طبعا كل ده وهديه واقفه مكسوفه وتبتسم…وقالتلهم
هديه:كفايه بقى احرجتوني….الله…وقالت بتكبر شويه..انا اه جميله بس مش للدرجه دي
منى بضحك:انا شامه ريحه غرور
لؤي بضحك:زي عز بالظبط….مغرور ع الفاضي…كلهم بصوا ليه بصدمه…وخايفين من ردة فعل عز…طبعا عز كل ده وهو مركز مع هديه مش سامع لؤي قال اي…بس بعدها قام بغضب من على الفطار….ومسكها من دراعها وقالها…امشي قدامي يلا….
طبعا هديه اتفجأت…..بس مشت من سكات 😂😂
لؤي بغمزة لابوه:انا شامم ريحه غيرة…مين شاممها زيي
الكل بضحك:كلنا شمينا😂😂😂
لؤي قام من على الفطار وقال:باي…..
ابوه:على فين
لؤي:ورايا درس والله العظيم
منى باستفزاز:وراك درس ولا وراك واحدة تقابلها😂
لؤي:ههههه دمك خفيف
احمد بصرامه:واحدة……واحده اي
(جماعه طبعا احمد ميعرفش بلاوي لؤي😂)
لؤي بخوف:مفيش والله يابابا دي بتهزر….مش صح يامنى…وبص ليها بصه استعطاف🥺😂
منى بغرور:احم احم…..طبعا بهزر….
احمد:لو عرفت يالؤي انك بتلعب بديلك صدقني…نهايتك هتكون على أيدي….مش ايد عز
لؤي بيبرطم:طب ما هو عز عارف…
احمد:بتقول حاجه
لؤي بخوف:لا ابدا والله…
وخرج بسرعه…وهو بيلعن منى في سره😂
نجوى لسه هتقوم من على الاكل….لقت صوت جاي من وراهم بيقول صباح الخير…
كلهم بصوا بصدمه لمصدر الصوت واتفاجأو من اللي على الباب…..
بقلمي مريم حسين..
🦋♥︎♥︎♥︎♥︎♥︎♥︎♥︎♥︎🦋
عند شمس كانت صحت من النوم ولبست بلوزة بيضاء قصيرة طبعا ما احنا عارفين شمس😂ولبست عليها بنطلون جينز ضيق بس مش اوي..ولمت شعرها في كعكه فوضويه…ونزلت خصل زودتها جمال فوق جمالها وخلصت لبس وخدت حاجتها ونزلت عشان متتاخرش
على الدرس…..
بعد شويه…….وصلت السنتر…ودخلت السنتر وطبعا كان في كذا شاب معجب بيها ومن جمالها كلو يوم ده….ولحسن حظها ده السنتر الجديد اللي لؤي هيفضل فيه….المهم شمس دخلت بكل تناكه زي ما احنا
عارفينها😂 والشباب طبعا يعاكسوا بس من تحت لتحت عشان الاسيستنت 😂وهي داخله مش معبرة اي حد منهم…طبعا لؤي خلاص كان داخل وقت ساعتها ومعرِفش هو اتضايق ليه لما شافها باللبس ده وخصوصا والشباب واقفين يعاكسوا…بس نفض الأفكار دي من راسه….ودخل القاعه عشان يحضر الدرس…وبعد شويه كانت شمس داخله وهي بتضحك مع صاحبتها….وراحت قعدت قدام خالص…عند المستر….طول الحصه لؤي كان مركز معاها وهي بتتكلم وبتضحك وشويه تتابع المستر كل ده تحت نظراته ….وبعدين ولع نار لما سمع واحد بيقول لصاحبه…
الشاب الاول:البت شمس دي مش ساهله….
الشاب التاني:بس مسيرها هتقع….ما هو مسير الفار هيدخل المصيدة…
الشاب الاول:بس عليها حته جمال
الشاب التاني:ولا جسم*ها يالهووي…
فجأه لؤي قام بكل غضب وراح عند…..
بقلمي مريم حسين..
🦋♥︎♥︎♥︎♥︎♥︎♥︎♥︎♥︎🦋
عز كان خارج وهو ماسك ايد هديه اللي موطيه وشها في الأرض وزعلانه….
خرج واخد هديه وراحوا على الصالون واتفاجأ ب…..
عز بصدمه:سلوى😳😳
سلوى بصدمه:دي مين دي😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
