رواية صدفة أم قدر الفصل التاسع 9 بقلم سمية عبدالسلام
رواية صدفة أم قدر الجزء التاسع
رواية صدفة أم قدر البارت التاسع
رواية صدفة أم قدر الحلقة التاسعة
مراد _يلا نخرج قبل ما حد ييجي.
التفت الاثنين خلفهم وجدوا رجلين يحملوا الاسلحة ومصوبة في وجههم رفع احمد ومراد ايدهم للاعلى فقال احمد _كان يوم اسود يوم ما وعيت على الدنيا ولقيتك ابن عمي انت واخوك سليم واحد جبلي اسهال والتاني جبلي عزرائيل.
احد الرجال_اتشاهدوا على رحكوا.
احمد_مش المفروض تسألونا الاول لو في حاجة نفسنا فيها قبل ما تبعتنا فوق.
الرجل بسخرية _عايز ايه؟
احمد _نفسي في مانجا احلف انك مش هتقت’لني غير لما اشرب مانجا.
الرجل_والله مش هقتل’ك غير لما تشرب مانجا.
احمد _طيب وربنا ما انا شارب مانجا.
الرجل الاخر بغضب_ياعم اخلص انت لسه هتتكلم معاهم .
شد كلاهما الأجزاء وصوبوا المسدس ناحية مراد والاخر ناحية احمد.
اغلق احمد عينيه وقال _اشهد أن لا إله إلا الله ،واشهد ان محمداً رسول اللّه.
لكن سمع صوت ارتطام قوي فتح احمد احدى عينيه والاخرى مغلقة وجد الرجلين على الارض ،فتح احمد عينه الاخرى وهو يرى ادهم وسليم هما من فعلوا ذلك.
سليم _اتأخرنا عليكم؟
احمد بسخرية_ابداً كنا هنمو”ت بس.
مراد بفرحة _الحمدالله انكم جيتوا في الوقت المناسب.
سليم بغرور مصطنع _لو البحر اتبخر اخوك رجولة عمره ما يتأخر.
بعد جملته هذه دلف العديد من الرجال وحاصروا الشباب فأبتسم ادهم وقال بشر _بقالكم اد ايه مرحتوش ال gym يا شباب؟
مراد وهو يستعد _دي شكلها هتبقا مدعكة.
بدأ العراك بينهم ونالوا رجال الشيمي نصيبهم من الضرب ،سليم وهو يضربهم كأنه دمية _اجمد ياض لسه مخلصتش ضرب.
اما مراد واحمد امسكوا بـ عوض ،لم يعطوه فرصة للتنفس وكان يتوسل إليهم لكن لا حياة لمن تنادي.
ادهم كان يمسك بالعنتبلي يضربه بلا رحمة حتى سقط أرضاً فاقد الوعي.
تحرك الشباب للخروج لكن توقف ادهم عندما رأى المخدرات وقال وهو ينظر لـ سليم _مش بردان ياسليم؟
ابتسم سليم فـ هو يعلم ما يفكر به ادهم فـ اردف _ونفسي ادفى.
نظر احمد لـ مراد وقال _برد ايه اللي في الصيف ،ده انا هولع.
فهم مراد هو الاخر ما يود ادهم فعله ابتسم مراد ،وقاموا الشباب بأشعال النيران في المخدرات حتى اصبحت رماد ،
اتجهوا للخروج لكن اوقفهم صوت العنتبلي الملقي أرضاً وبالكاد يستطيع الكلام_انتم متعرفوش انتم بتلعبوا مع مين ،الشيمي باشا مش هيسبكم.
ذهب ادهم له وانحنى لمستواه وقال _واحنا عارفين عشان كده سبناله تذكار صغير يفتكرنا بيه.
العنتبلي بتعب من كثرة الضرب وهو يحاول فتح عينيه _انت مين؟
قرب ادهم وجه من وجه العنتبلي وقال بهدوء مع نظرة ثاقبة _انا بابا يلا.
::::::::::::::::::::::::::::::::::
كانت تلف الشاش بأحكام على رأس قدر لتقول _بس كده ،خلصنا.
قدر ببتسامة _شكراً ياهبة.
هبة _الشكر لله ،وبعدين احنا اخوات مش انا بقية من ضمن الشلة ولا ايه؟
ندى بتأييد _طبعاً ،ده انتِ هتنوري الشلة.
نرجس وهي تنظر لوجه هبة لتقول متسائلة _هبة هو انتِ بتستعملي مَسك ايه بيخلي بشرتك صافية كده؟!
رمقتها سلمى بحنق وقالت _انا اعرف مَسك بالكركم يخليك صفرا من برا زي ما انتِ صفرا من جو كده.
حاولت نرجس السيطرة على اعصابها واردفت _سلمى ملكيش دعوة بيا ،وابعدي عن وشي.
سلمى ببرود _انهي وش فيهم؟
نرجس بغضب _عنده حق خطيبك لما سابك ،بعد اذنك يا علا انا ماشية وبعد كده ياريت لما تكون الاخت سلمى موجودة ما تبعتليش.
واتجهت نرجس للباب الشقة فقالت علا مسرعة_استني يانرجس ،سلمى متقصدش.
لكن لم تعيرها اهتمام وخرجت من الشقة بعدما اغلقت باب الشقة خلفها بقوة.
رأت هبة الحزن على ملامح سلمى لتقول _انتِ كنتِ مخطوبة يا سلمى؟
سلمى وهي تحبس الدموع في عينيها _اه ،بس محصلش نصيب.
ندى بمرح _الست فسخت الخطوبة عشان مسجلها على الفون حب 8.
قدر _ياست احمدي ربنا انك طلعتي من العشرة الأوائل.
ابتسمت سلمى وقالت ندى بخبث _انتِ مخطوبة ياهبة؟
تنحنحت هبة وقالت _لأ مش مخطوبة.
علا بمقاطعة _عيال انا عايزة ارقص.
هبة _هترقصي ازاي من غير اغاني عشان معظم الاغاني فيها موسيقى والموسيقى حرام ؟!
علا _لأ ده هيكون رقص اسلامي.
ندى بسخرية _ايه ؟هترقصي بالاسدال؟!!
سلمى هي الاخرى _لأ هترقص وفي ايديها سبحة.
ضحك الاثنين عليها فقالت قدر _بس يابنات متتريقوش عليها.
علا _حببتي ياقدر.
اكملت قدر حديثها _الرقص الإسلامي ده يعني تهز الاكتاف مع تحريك الايدي في الهواء ولف الخصر بحركة دائرية ولف الخصر بحركة دائرية مرة أخرى،عشان انا بحب لف الخصر اوي،
ثم بعد ذلك هزة يمين وهزة شمال وتعالى اتفرج ياعبعال.
ضحك الجميع ما عدا علا التي قالت _بس ياخروف منكِ ليها .
ندى _على سيرة الخروف ،انا شوفت الدكتور رحيم في المستشفى النهاردة.
علا بستفاهم _مين رحيم ده؟
سلمى وهي تلوي شفتيها _ده دكتور في الجامعة ،والحلوة فاكرة نفسها عايشة في رواية، ومش عارفة انه ممكن يرفدها اصلا.
علا _بس ليه رحتي المستشفى ياندى؟
اجابة على سؤالها _اصل خالتك ريهام تعبت شوية ورحنا المستشفى ،وهبة كتر خيرها مسبتناش.
هبة _يابنتي متقليش كده ،ده واجبي وشغلي يحتم عليا اعمل كده.
ندى_ياريت كل الناس يبقا عندها ضمير في شغلها زيك كده ياهبة.
شعرت هبة بالخجل فأكتفت ببتسامة.
_مالها ريهام ياندى؟
نظر الجميع ناحية الصوت ،كانت نجلاء وهي تحمل صينية العصير ،فقالت ندى _متقلقيش هي كويسة الحمدلله.
نجلاء_لأ انا لازم اروحلها.
علا_وانا هاجي معاك.
فـ اردفت قدر _وانا عايزة اجاي معاكم اطمن عليها.
نجلاء_بس انتِ تعبانة؟
قدر_لأ الحمدلله مش تعبانة اوي.
هبة _طيب استأذن انا.
ندى_استني وهنمشى سو كده كده ،احنا في نفس الحارة.
هزت رأسها موافقة فقالت سلمى _وانا هروح شقتنا.
::::::::::::::::::::::::::::::
_لأ عجبتني يا ادهم وانت بتقول انا بابا يلا.
قالها احمد الجالس بجوارهم في المقهى ثم نظر لـ سليم وقال _مالك ياض مكشر كده ليه؟
سليم بحنق _يعني حلو اللي عمله الاستاذ كان هيمو”ت نفسه ويمو”تنا معاه.
مراد ببرود _والله انا اتصلت على ادهم عشان لو حصل حاجة يبقا عارف احنا فين ،انا مطلبتش مساعدتك.
سليم بضيق _ياسلام ده على اساس ان لما اعرف انك واقع في مشكلة هسيبك.
ادهم _اهدوا ونبقا نتكلم في البيت مينفعش كده.
سليم _ما هو اللي مش قادر ينسى انه كان هيبقا ظابط.
تبدلت ملامح مراد من البرود إلى الحزن فقال _بعد اذنكم انا هتمشى شوية.
وقف ادهم وهو ينظر بغضب لـ سليم وقال_خد مفاتيح العربية روح انت واحمد وانا هتمشى مع مراد.
لحق ادهم بمراد فقال سليم _وانت بتبصلي كده ليه؟
احمد_انت يابني مش هتبطل تحدف طوب من بوقك ،كسرت بخاطره.
سليم _ما هو من خوفي عليه يا احمد.
احمد_بس مش كده مش بالطريقة دي.
سليم بحزن _يا احمد يعني انا فرحان انه مدخلش الكلية وحقق حلمه بأنه يكون ظابط شاطر ،صحيح الفرق بيني وبين مراد مش كتير هي سنة واحدة بس بحسه ابني مش اخويا الصغير ،انا بس عايزه يفوق وينسى بقا.
احمد _اللي حصل مع مراد مش سهل ياسليم عشان ينساه.
تنهد سليم وتذكر شيء ما وقال _كان اخوه عرف ينسى.
:::::::::::::::::::::::::::::::
_عارف يعني ايه يا أدهم تعيش طول عمرك تحلم باليوم اللي تلبس فيه بدلة الشرطة وتجيب مجموع الكلية وتقدم وتنجح في كل الاختبارات وبدون مقدمات يقولوك شكراً مش عايزينك خدنا حد بدالك.
كان يسير بجواره على الطريق في صمت حتى قال _عارف ،بس اللي انت متعرفوش ان ده مقدر ومكتوب وربنا اختارك في المكانة دي تبقا تعمل ايه ،ترضى عشان ربنا يراضيك.
وقف عن السير وقال _مش عارف يا أدهم مش عارف ،انا بطلع كل همي وحزني في الاكل.
ادهم وهو ينظر له _مراد سواء كنت محامي او ظابط شرطة احنا هنفضل فخورين بيك ،المهم انك تكون راجل ومتعملش اي حاجة تخلي والدك يندم على تربيته ليكَ.
مسح مراد دموعه التي سقطت رغماً عنه وقال بجدية _في مطعم كبدة هنا انما ايه تحفة يا ادهم.
ادهم وهو يشمر كُم القميص _تصدق بالله ،قول لا إله إلا الله.
مراد _لا إله إلا الله.
ادهم _انت عيل ناقص رباية وانا هربيك.
اقترب ادهم اكثر من مراد فقال مراد بضحك_صلي على النبي في قلبك يانمر.
ادهم وهو مازال يقترب _عليه افضل الصلاة والسلام،بس بردو هربيك.
اقترب مراد من ادهم واختبأ في حضنه فـ بداله ادهم العناق ثم تنحنح ادهم وقال _حلوة الكبدة دي يامراد؟!
مراد بسرعة_تحفة يا ادهم.
ضحك الاثنين واكملوا السير للمطعم.
:::::::::::::::”:”:::::::::::
_الف سلامة عليكِ يا ريهام.
واكملت حديثها بعتاب _يعني متتصليش وتعرفيني واعرف بالصدفة من ندى.
عايدة هي الاخرى _وانا اللي في الشقة فوقيها معرفش غير وانا نازلة وعمر وديشا قالولي.
ريهام وهي نصف جالسة على الفراش _والله انا كويسة مش عايزة اقلقكم عليا.
نجلاء_احنا اخواتك يعني لو مقلقناش وخوفنا عليك هنخاف على مين.
ابتسمت ريهام فقالت قدر _الف سلامة عليكِ يا طنط.
نجلاء_دي قدر يا ريهام.
ريهام _كان المفروض نيجي احنا ونزورك، انتِ اللي جيتي تزوريني.
قدر_عادي ياطنط المهم انك تكوني كويسة.
علا_وانتِ عاملة ايه دلوقت ياخالتو؟
ريهام_الحمدالله ياقلب خالتو.
عايدة_انا هقوم اعملك شوية لسان عصفور وشوربة عشان تاخدي العلاج.
نجلاء_هاجي اساعدك انا وعلا وخليك انتِ ياقدر جمبها.
هزت قدر رأسها بموافقة وخرجن للمطبخ.
:::::::::::::::::::::::::::::::::::
صعد ادهم ومراد الدرج وجدوا سليم يقف امام شقة ادهم، تحاشى مراد النظر إليه فـ بادر ادهم بالسؤال.
_واقف كده ليه؟
_كنت مستنيكم ترجعوا.
اخرج ادهم ورقة من جيبه واعطاها لـ سليم _هات العلاج ده من الصيدلية ياسليم ،ده علاج الانسة قدر.
اخذ سليم الورقة واشار بموافقة فـ اكمل ادهم حديثه _تمام وانا داخل اطمن على امي.
دلف ادهم إلي شقتهم وكاد مراد يصعد إلي شقتهم العلوية حتى سمع صوت سليم ينادي عليه_مراد.
وقف مراد على الدرج لكن لم يلتفت له فـ اكمل سليم وقال _متزعلش مني يامراد ،انت عارف اني دبش.
التفت مراد بجسده كله وقال _لأ ازعل ياسليم ،كلامك ضايقني.
سليم _حقك عليا ياعم اوعدك المرة الجاية هاخد بالي من كلامي.
:::::::::::::::::::::::::::::::::
كانت تتجه للمطبخ هي الاخرى حتى رأت احمد الجالس على الأريكة ويبدو عليه التعب مع بعض الكدمات في وجهه فقالت علا وهي تشعر بالقلق_مالك يا أحمد مين عمل فيك كده؟
فتح احمد عينيه وابتسم عندما رأها وقال _علا انتِ جيتي امته؟!
علا_جيت من شوية بس قلي ايه اللي في وشك ده؟!
احمد_لأ دي خناقة بسيطة كده بس انا قومت بالواجب.
علا بضحك _لأ ما هو واضح .
احمد _قصدك ايه؟
علا_مش قصدي حاجة يا احمد.
احمد ببتسامة جذابة أظهرت وسامته _اول مرة اعرف ان اسمي جميل اوي كده.
شعرت علا بالخجل واخفضت رأسها لاسفل لكن لم تحمر وجنتيها .
تنحنح عمر فـ ذهبت علا للمطبخ وقال أحمد بترحاب_اهلاً بالباشا نورت .
عمر_تسلم ياغالي ايدك على 50 جنيه.
احمد بخبث _بتوع ايه؟
عمر وهو يلوح بهاتفه في الهواء_الصور انت نسيت ،ده حتى علا هنا.
بدأ احمد في خلع حذائه و هو يقول _لا هو انت متعرفش ،ما خلاص علا عرفت واللي كان كان.
ابتلع عمر ريقه بخوف وقال _طيب استأذن انا.
احمد_تستأذن ودي تيجي ،ده انا واخد علقة محترمة ونفسي اطلع كل اللي فيا في حد ،وانت جيت في وشي.
بدأ احمد بالركض خلف عمر وهو يصرخ ويقول _اغثيوني ،اغثيوني.
حتى اصطدم بالنمر.
اختبأ عمر خلف ادهم فقال ادهم وهو ينظر لـ احمد_في ايه؟
كان يتوسل له من خلف ادهم حتى لا يخبره.
كان يود لو يخبره لكنه يعلم جيداً ما سيفعله لو علم ادهم بأن عمر يقوم بأبتزاز اخوه من اجل المال فقال _انت عارف عمر يا ادهم بيحب يهزر وهزاره تقيل حبتين.
ابتسم عمر بسماجة لان احمد لم يخبره لكن اختفت عندما قال ادهم _ما تبطلوا لعب عيال امكم مريضة ومش عايز دوشة جمبها.
:::::::::::::::::::::::::::::::
زفرت بضيق وهي تقول _عايزة افهم يا استاذ جرجس مش عايز تديني الادوية ليه؟
جرجس_مينفعش دي كلها مسكنات لازم يكون دكتور كاتبها لانها بتدخل من ضمن الادوية المخدرة.
سلمى_ما انا باخد منك على طول مجتش من مرة نسيت فيها الروشتة يا استاذ جرجس.
جرجس بصوت عالي نسبياً_لأ يا استاذة سلمى مش هدي بردو.
كان يقف خلفها وقال بصوت عالي _ما تصلي على النبي يا جرجس مش كده يا راجل.
لم يستوعب جرجس ما قاله اما سلمى عندما رأته تحولت ملامحها للغضب لكن ذهبت خارج الصيدلية .
ركض سليم خلفها واوقفها فقالت بضجر_عايز ايه؟
سليم _عايز نتكلم شوية.
سلمى بعصبية وصوت عالي_افندم؟!!
سليم _انتِ متعرفيش يعني ايه جبر خاطر؟
اجابته بضيق _لأ معرفش ،يعني ايه؟
سليم ببتسامة _يعني لما اجاي اشقطك متتعبنيش.
توسعت حدقتا عينيها ،فـ حاولت كبت غيظها وثم تركته وذهبت.
اما هو كان يستمتع بما يحدث وقال محدثاً نفسه _انتِ لسه شفتي حاجة ،ده انا هطلعه على عينك ،عشان تتنكري وتعملي فيها عصمت ابو شنب يا…سالم.
:::::::::::::::::::::::::::
اقترب عمر منه وقال بأمتنان _شكراً انك مقلتش لـ أدهم.
احمد _انا ما اتكلمتش عشان سواد عيونك انا بس مش عايز ازعل ادهم وفي نفس الوقت عارف كويس لو عرف هيعمل فيك ايه.
عمر بندم _انا اسف يا احمد.
احمد _انا بس مش قادر افهم ليه عملت كده مع ان كلنا بنديك فلوس واللي بتطلبه بتاخده.
اخفض عمر رأسه وقال _انا لما طلبت الفلوس مش عشان انا محتاح الفلوس انا بس كنت عايز احس انكم مهتمين بيا لان ادهم دايما مشغول في الشغل وانت يا اما في في الشركة او السوبر ماركت ومراد دايما معاه ورق ومشغول وسليم مش بيطقيني ولا بطيقه.
احمد_انا لما اديتك الفلوس مش عشان خايف تقول ل علا لان علا مستحيل تصدق ولو صدقت قلبها ابيض ،انا اديتك الفلوس قلت يمكن محتاجهم بس لو كنت طلبتهم بطريقة غير دي كنت هديك بردو .
عمر_وانا والله يا احمد عمري ما كنت هروح ل علا و اوريها الصور ،انا بس كنت بهزر معاك.
احمد _خلاص اللي حصل حصل ،بس ماتتكررش تاني.
عمر_ماشي بس ايدك بقا على ال 50 جنيه.
احمد _في سلك عريان هنا ما تمسكه كده شوفه بيكهرب ولا لأ.
عمر بصدمة_عايز تمو”تني محروق عشان 50 جنيه يا احمد.
احمد _محروق؟! لأ ده انت تاخد الفلوس ارحم.
:::::::::::::::::::::”””’:::::’:::::
طبع قبلة على جبينها واردف بحب_الف سلامة عليكِ يا ست الكل.
ريهام وهي تربت على يده_الله يسلمك ياحبيبي.
نظر ادهم لـ قدر الجالسة ويبدو عليها التوتر وقال_عاملة ايه دلوقت يا انسة قدر؟
قدر وهي تشعر بالخجل من المرة الاخيرة_الحمدالله كويسة.
تأوهت ريهام بألم فقال ادهم بقلق وخوف عليها_مالك يا امي في حاجة تعباك؟!
ريهام وهي تضع يديها الاثنين على ركبتها_متقلقش نفسك ،ركبي نأحة عليا شوية.
ثم نظرت لـ قدر وقالت _ممكن تندهي ندى ياقدر تحطلي المرهم.
وقفت قدر لكن اردف ادهم _خليك يا انسة قدر انا هحطه بنفسي.
ريهام بسرعة_لأ مش عايزة اتعبك معايا.
ابتسم ادهم وهو يتناول المرهم من جوارها وقال_كفاية انك تعبانة معايا 28 سنة.
بدأ بوضع المرهم على قدمها بلطف مع بسمة صغيرة تزين ثغره اما قدر كانت تنظر له والابتسامة لم تفارق وجهها.
دلف مصطفى للغرفة وقال _الف سلامة عليكِ يا ام ادهم ،انا لسه راجع من الشغل حالاً ولقيت نجلاء وعايدة في المطبخ وقالوا انك تعبانة شوية.
ريهام ببتسامة _ربنا ما يحرمني منكم انا كويسة انا بس تعبت من اللف في السوق.
مصطفى بجدية_طيب يلا من غير مطرود ،وانا هعملها اللي هي عايزاه.
وقف ادهم وقال _انا ابنها ومن حقها عليا اعمل كل اللي تطلبه مني.
مصطفى_وانا جوزها قبل ما تكون ابنها ياحدق.
ادهم وهو يضع يده في جيبه_ماشي،انا هخرج بس هخرج بمزاجي يا حج.
مصطفى_شوف الواد .
خرج ادهم وخلفه قدر فقالت ريهام _متقلش عليه واد ،ادهم راجل ملو هدومه.
اقترب مصطفى منها وجلس لجوارها وقال_سيبك من ادهم ،وحشتيني.
ريهام _خلاص كبرنا على الكلام ده.
مصطفى بغرور مصطنع_اتكلمي عن نفسك انا لسه شباب.
ضحكت ريهام ضحكة صاخبة فـ تنحنح ادهم الذي دلف للغرفة مرة أخرى وقال _نسيت الفون.
مد يده واخذ الهاتف وقرب رأسه من والده وقال بصوت منخفض قليلاً_طيب قلي انك عايز تستفرد بيها وانا كنت خرجت بهدوء.
ثم علَ صوت ضحكته في المكان وريهام كذلك.
فقال مصطفى بغيظ _اضحكي ياختي انتِ وابنك اضحكي.
::::::::::::::::::::::::::::::
في صباح اليوم التالي خرجت هبة من شقتهم وجدت سيد في وجهها زفرت بضيق وقالت_في ايه على الصبح؟
سيد _عايز اتجوزك يا هبة.
تمالكت هبة اعصابها وأخذت نفساً عميقاً واخرجته ثم اردفت_مش هينفع يا سيد.
سيد بسرعة_ليييه؟!
هبة بهدوء_عشان…عشان ما بحبكش.
سيد بعصبية _طبعاً ما انتِ ما بتحبيش إلا رجالة.
كبتت هبة ضحكتها وقالت_عن اذنك عشان متأخرش على الشغل.
وتركته وذهبت.
::::::::::::::::::::::::::::::
دلفت هبة للمكتب وقالت _دكتور رحيم في بنت برا عايزة حضرتك وبتقول عايزة دكتور.
رحيم _طيب دخليها يامس هبة.
بعد دقيقة دخلت فتاة فـ اشار لها بالجلوس وقال _المس قالت انك عايزة دكتور خير بتشتكي من ايه؟
الفتاة_انا خدت حقنة هوا وما مو”تش عايزة اعرف السبب.
رحيم بجدية _حقنة الهوا مش كل الحالات بتمو”ت ده بيبقا على حسب كمية الهوا والمكان اللي خدتيها فيه وعلى حسب…ثانية واحدة.
صمت قليلاً ثم اكمل حديثه_انتِ كنتِ عايزة تنتحري؟
الفتاة_وفشلت.
رحيم_وليه تعملي كده وتمو”تي كافرة؟
الفتاة_تعبت من الثانوي وبابا وماما عايزين ادخل ياطب يا اسنان وانا عارفة اني مش هجيب مجموع يدخلني.
رحيم _تقومي تنتحري ،بسهولة كده في ناس اتعرضت لمشاكل كتير واصعب من مشاكلك ومع ذلك مفكرتش زيك كده،انتِ ذاكري واعملي اللي عليكِ وشوفي نصيبك هيجبلك ايه ولو مدخلتيش الكلية اللي باباك عايزها ممكن يزعل بس مع الوقت هيتقبل الوضع وينسى.
الفتاة_لأ ما انا قلت اختصر ده كله وامو”ت نفسي.
رحيم بنفاذ صبر_اه وانتِ جاية ليه ؟اديك حقنة هوا تانية تجيب اجلك؟
الفتاة_لأ خلاص انا اقتنعت بكلامك.
ابتسم رحيم وقال _طيب الحمدلله.
الفتاة_انا مش هنتحر بحقنة هوا عشان حرام ممكن تقلي على طرق انتحار مش حرام.
رحيم وهو لا يصدق اذنيه ثم قال بسخرية _اه طبعا ً ،عندك مثلاً تشنقي نفسك بالسبحة او تنطي من فوق جامع او تولعي في نفسك على سجادة الصلاة.
الفتاة بتفكير_والله فكرة بردو.
رحيم بعصبية _قومي يابت من هنا.
تحركت الفتاة ناحية الباب انتبه رحيم لما تحمله فقال بتسائل_ايه الكيس الاسود اللي في ايدك ده؟
الفتاة_دي فراخ مشوية عشان اكل،امال عايزني اخد حقنة هوا على معدة فاضية.
وضع رحيم يده على رأسه واغلق عينيه وهو يقول _صبرني يارب وتوب عليا كن الشغلانة دي.
دلف اسر للعرفة بعدما سمع جملته الاخيرة وقال _ايه يابني مالك؟
رحيم_عاهات يا اسر عاهات.
ضحك اسر وقال_معلش خليها عليك.
سمع رنين هاتفه ليجيب_ايوة .
تحولت ملامح رحيم وهبَ واقفاً ليقول اسر_في ايه؟
رحيم وهو يتجه للخروج _اللعبة شكلها دخلت في الجد.
:::::::::::::::::::::::::::::::::
كانت تنظر في ساعتها بملل لتقول_ندى اتأخرت كده ليه؟
ليأت شاب ويقول _اسمك لين مش كده؟انا معاك في نفس الكلية.
لم تريد التحدث معه فقالت بختصار _تمام.
فقال الشب_انا سمعت انك من الفيوم؟
لين بضيق_اه من الفيوم.
الشب_يعني فلاحين وكده.
_اه يعني لما عجل زيك يجوع نعلفه.
كانت ندى التي اتت من العدم فـ تكلم الشاب_وانتِ مالك.
ندى _او ما اختفتش من قدامي هفرج عليك امة لا إله إلا الله.
ذهب الشاب وهو يلعن ندى في سره فقالت ندى_ معلش اتأخرت عليكِ.
لين_طيب يلا عشان نروح الكافيه زي ما اتفقنا،بس سلمى مجتش معاك ليه؟
ندى_رحتلها عندها محاضرات بس علا هتيجي معانا.
لين _علا مين؟
_انا.
نظرت لين خلفها رأت فتاة في نفس طولها مع بشرة قمحاوية فقالت ندى_دي علا بنت خالتي وخطيبة ابن عمي .
علا_مكتوب كتابنا لو سمحتي.
لين_انا اسمي لين ،اتشرفت بمعرفتك يا علا.
علا_انا اللي…
قاطعتها ندى وهي تقول _معلش هقطع عليكم فقرة التعارف دي ولحد ما تخلص هروح المحل اللي هناك ده واجيب منه حاجة وارجلكم.
ذهبت ندى لتعبر الطريق ذاهبة للمحل لكن لم تنتبه لتلك السيارة التي تقترب منها بسرعة.
رأتها لين وعلا التي صرخت بأسمها_نددددى.
…لسه الحكاية مخلصتش….
ياترى هو ده السبب الحقيقي ورا فسخ سلمى لخطوبتها؟
وليه سلمى بتكره نرجس كده؟
وايه اللعبة اللي بيتكلم عنها رحيم وياترى ليها علاقة بالعربية اللي عايزة تخبط ندى؟وايه علاقة رحيم با عيالة المنشاوي؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية صدفة أم قدر)
