رواية عشقت منتقبه الجزء الثاني الفصل الثامن 8 بقلم وفاء رشدي
رواية عشقت منتقبه الجزء الثاني الجزء الثامن
رواية عشقت منتقبه الجزء الثاني البارت الثامن
رواية عشقت منتقبه الجزء الثاني الحلقة الثامنة
بعد ما هيثم سمع كلام رانيا كله اللى فى الفون فتح الباب عليها وهي اتفاجات بيه
رانبا:-حبيبي وحشتني وحضنته بس هو مابدلهاش نفس الحضن رجعت امتي انا فاكرة أن لسه
هيثم:-خلصت الصفقه ومافيش حاجه تاني هقعد اعمل ايه ونظراته مريبه خلاها ترتبك
رانيا:-خلصت الصفقه مع عدي
هيثم:-اه خلصتها راجل أمير والله وعزمني على الغداء كرم ضيافة مافيش تاني وكان عايزني أنزل فى قصره بس مارضتش
رانيا:-احسن بردو شفت مراته خديجه
هيثم:-بنظرة مع رفعت حاجب انتي تعرفي منين مراته وكمان اسمها
رانيا :-اهااا لا ابدا بس سمعت
هيثم:-سمعتي ازاي دول مالهمش شهر متجوزين
رانيا:-وعرفت انت ازاي
هيثم:-ماتقلبيش السؤال انا بسالك انتي انا عرفت منه امبارح
رانيا:-بلهفه يعني انت شفتها
هيثم :-شكه زاد
لا ماشفتهاش
رانيا:-أخدت نفس ودا اللى لاحظه هيثم طيب المرة الجايه ابقى شوفها
هيثم:-اكيد فى مرة جايه انا عزمتهم
رانيا:-عزمت مين
هيثم:-عدي ومراته انهم يجو مصر فى استضافتي
رانيا:-يستحيل يحصل كدا انت بتعمل من دماغك
هيثم:-انتي ايه اللى بتقوليه دا
رانيا:-أقصد بعد ماتم الصفقه يبقي اعزمهم إنما دلوقت لا
هيثم:-البيت دا له راجل واحد اللى هو انا انا اللى أقوله يتنفذ سامعه
رانيا:-فى نفسها ابقي قابلني لو خليتك شفتها هموتها قبل ماتوصل مصر … حاضر
******************
سابها هيثم ودخل الحمام بس ملاحظ كل شئ وانا معاكي لحد معرف كل حاجه رانيا بتجز على أسنانها مش عايزة هيثم يشوف خديجه وهي ماتعرفش اصلا انه شافها بتخطط أنها تموتها قبل ماتوصل هنا
***************
عند عادل
ندى:-عادل انا كنت بستاذنك
عادل:-خير ياندى
ندى:-كنت عايزة أزور وليد عز فى المستشفي
عادل:-منا بزوره وبطمنك وبعدين هو لا شايف حد ولا سامع حد يبقي زيارتك له زي قلتها
ندى:-معلش يا اخويا والله ما هتاخر كلها نص ساعه
عادل:-ندى هو فى ايه هاااا احكي بصراحه عشان اللى انا ملاحظه عليكي من يوم وليد ماحصلتله الحادثه
ندى:-بخجل وعيونها فى الأرض وليد حاول يقرب مني اكتر من مرة وانا بصده لحد قبل مايحصله الحادثه انا حاسه بتأنيب ضمير من ناحيته عايزة اطمن عليه
عادل:-تمام انا هروح معاكي
ندى:-بجد ربنا يخليك ليا يا اخويا
عادل:-بجد روحي اجهزي يلا
…………….
بالفعل عادل راح مع ندى المستشفي واستاذنو الدكتور انهم يدخلوله والدكتور وافق وبالفعل دخلوا عليه
بس هم وادخلين لاحظوا أن فى ممرضة عنده بتحط حقنه فى المحلول اول ماشافت عادل اتخضت ووقعت الحقنه منها قبل ماتفضيها وخرجت بسرعه بس عادل شك من كدا أن الحادثه مدبرة
شافوا بس مافيش استجابة منه عادل ساب ندى فى الاوضه معاه
عادل:-هستناكي برا خمس دقايق
ندى:-حاضر
خرج عادل وندى مع وليد فى الاوضه قربت منه ومسكت ايده وعيطت على حاله وهمست ليه
…… على فكرة انت وحشتني انت عارف انا مين انا ندى انا مستنياك تخف عشان نرجع نكمل دروس
قالت كدا حست بدافا ايده الأول ماكنش فيها حراره
فضلت جنبه قرأت عليه الرقيه الشرعيه وكل ماد حرارته تزيد
وأخيرا دخل عادل
عادل:-ها يلا
ندا:-يلا بس تعالي كدا شوف
قرب عادل ومسك ايد وليد
عادل:-مالها
ندى:-كانت تلج خالص دلوقت فيها حراره صح
عادل:-تصدقي صح لو كان كدا ابقي تعالي كل يوم يمكن عندك الشفا
ندى:-بفرحه بجد
عادل:-بجد يمكن ربنا جعلك السبب له وعشان محدش ينكوي بالنار اللى احنا فيها من بعد الغاليه اختنا ربنا يشفيه
ندى:-يارب خلاص بكرة هاجي نص ساعه زي كدا
عادل:-اوك يلا بينا
……………
خرجوا من عند وليد عادل حب يروح ندى بس ندى رفضت قالت انا عايزة اروح الشركه اشوف هيثم وكمان نسرين قبل ماتخلصوا كل حاجه …..
على الشركه ندى راحت لمكتب هيثم تطمن عليه
ندى:-اخبارك
هيقم:-اهلا بالغاليه أخت الغاليه اخبارك ندوش
ندى:-الحمدلله انا جيت بس اتكلم معاك فى كلمتين
هيثم:-تحت امرك
ندى:-ماتزعلش من عادل اخويا انه عمل كدا انتو جه عليكم وقت كنتو اكتر من أهل عادل معذور
هيثم:-انا عارف انه معذور وانا طب ايه يتهمني اني ماكنتش بحب رحمه
ندا:-والله انا قولتله انك بتحبها حب جنون بس هنعمل ايه نصيبنا أننا نتحرم منها
هيثم:-ربنا يصبرنا ماما عامله ايه
ندا:-ماما منتظره رحمه تدخل عليها فى أي وقت مش مستسلمه لفكرة أنها ماتت خلتني انا كمان أحس نفس احساسها أنها فعلا عايشه وهترجع بس لحد امتي
هيثم:-نفس الاحساس حاجه غريبه
ندى:-إحساس ايه وايه الغريب
هيثم:-ولا حاجه قوليلي تشربي ايه
ندى:-ولا حاجه انا هعدي ع نسرين اشوفها كنا عند وليد عز بنزوره
هيثم:-والله فيكي الخير انا كمان هروح ازوره بعد ماخلص شغل
……………..
خرجت ندى من عند هيثم لنسرين اللى اول ماشفتها حضنتها وقالتلها
ندى:-زعلانه منك
نسرين:-انا اقدر الجميل زعلان ليه
ندى:-مش بتيجي حتي تعالي شوفي امي احنا فى يوم كنا أهل
نسرين:-بزعل معلش انا بطلت فعلا عشان عادل
ندى:-مالو عادل عملك حاجه
نسرين:-لا بس عشان انا ماتعلقش بيه اكتر منا متعلقه
ندى:-نسرين عادل بيحبك وجدا كمان بس هو ضغط عنده وظروف فاعذريه هيرجع لطبيعته بس الصبر اللى مرينا بيه لسه جديد ومحدش قادر يتاقلم على الوضع الجديد ورحمه ماكنتش أخت لعادل دي صاحبه قبل ماتكون أخت سره كله معاها اكتر مني معلش وماتنسيش انه بيحبك
نسرين:-انا عاذراه ربنا يهون عليكم
…………….
خرجت ندى من الشركه على البيت لقت هند فى البيت مع والدتها وبتعيط
ندى :-بخضه مالك هند فى ايه
هند:-مافيش بس ماما منتظرة رحمه فوق وبتقول هي اتاخرت ليه بس هي هتيجي بكرة انا عارفه
ندا:-بعياط خايفه أن دا ممكن يكون أشاره تدل على أن ووالدتها هتموت …… ماما بتقول كدا أنها منتظرة رحمه بس ماكنتش بتحدد يوم يارب يارب
هند:-وبعدين هنعمل ايه
ندا:-ربنا يرحمنا من عنده
************************
نروح شويه عند خديجه أللي بدأت فى الانهيار التام وعدي معاها بيهدي فيها مش مستوعبه فكرة أنها قتلت طب قتلت مين وليه وهي اصلا مين
صور بتيجي فى دماغها بتروح وتيجي مكان جميل مصحف سبحه دهب وش هيثم فى كذا شكل بس ماقلتش لعدي أنها شافت وشه هو عايزة هي تعرف اكتر بتحاول مع نفسها صور ورق وملفات عيادة ودكاترة دماغها بتوجعها بتنهار عدي بيهدي فيها
……………
عدت أيام على الوضع دا هيثم حط تسجيلات لرانيا فى كل مكان بس الوضع هادي الي حدا ما
…….
عدي اخد النمرة من عدنان بتاعت الناس اللى جاب من عندهم رحمه
وقرر انه هيسافر مصر يعرف الحقيقه بنفسه
وبالفعل نزل مصر هو وخديجة محدش عارف بوجوده فى مصر ولا حتي هيثم ………..
***********************
ندى بتروح لوليد اللى بدأ يرمش بعيونه
وفى يوم جالها جواب من محكمه أسرة المنيا
أن محمد رجعها لعصمته ومن زمان من تاني يوم طلقها بس من غير محد يعرف ودا يجوز إذ كانت فى شهور العدة انه يرجعها ومن غير علمها كمان
اتجنت ندى اول ماشافت كدا
وبعدها اتصال نمرة غريبه بترد
………..ههههههههههه ايوة يا مدام بتروحي لوليد عز فى المستشفي
ندى:-انت مين …
…….. انا جوزك ياهانم أياكي القاكي خرجتي تاني ولا روحتيله سامعه
…ندى:-لا لا انت أحقر انسان شفته فى حياتي
محمد:-ماتغلطيش احسنلك وبنصحك ترجعي البيت قبل ماجيبك على يد محضر ههههههههههههه
ندى:-بدأت تنهار وتعيط نزل عادل على صوتها اخد الفون
عادل:-مين بيتكلم
محمد:-اهلا بالسبع حامي الحما رجع اختك البيت بيدي المحكمه
عادل:-بقولك ايه كلمه ومش هكررها لو راجل قرب من اختي أو افرض شئ عليها أقسم بالله العظيم لجيبك من شعر رأسك
مجمد:-بالراحه على نفسك يا ياعم الأموور اللى عايز تعمله اعمله
عادل:-هعمل وكتير جدا على كل حاجه أولها على اللى عملته فى رحمه
محمد:-ارتبك انا ماعملتش حاجه
عادل:-لا عملت انا عرفت كل حاجه وهجيبك قبل الشرطه وابقي قابلني
محمد:-قفل السكه فى وش عادل
ورن على رانيا
رانيا:’انت اتجننت
محمد:-يمكن اتجنن على الكل مبروك رجوعك لهيثم باشا احنا كنا السبب اهو
رانيا:-السبب فى ايه انت ايه عايز ايه
محمد :-عايز باقي حقي
ىانيا:-مالكش حاجه عندي ولو مابعتدش انا هقول لعادل
مجمد:-بقى كدا بتبعيني اول ماضمنتي لا دانا لحمي مر واياكي تلعبي معايا
رانيا:-أوسع مامعاك هاتوا واللى عايز تعمله اعمله وقفلت السكه فى وشه
وهو اتأكد خلاص أن عادل عرف بموضوع رحمه من رانيا بعد مارجعت لهيثم دا اللى هو استنتجه.
…………….
عادل مش ساكت ولا هيسكت وبيتوعد لمحمد انه مهما كان فين هيجيبو عادل لما اتكلم عن رحمه كان يقصد موضوع السرقه مش الموت بس محمد افتكر كدا
ندى فى حاله عياط هستيريا
عادل:-حضنها حضن الأخوة متخافيش انا معاكي مش هخليه يلمس شعره منك وهجيبه هجيبه
ندا:-ربنا مايحرمني منك يا اخويا
………
اخد عادل نمرة الفون اللى اتكلم منها محمد وراح على وائل وقاله على اللى حصل وائل بقى معارفه كتييييير بيدور على مكان اللى موجودة فيه النمرة …
******************
نرجع شويه لخديجه وعدي اللى التاني كلف ناس تبحث عن الرقم دا
عدي:-راح لهيثم فى الشركه وإتفاجأت بيه رانيا
دا شاب صغير وسيم جدا حظك ديما طالع فى السما
بس هيثم ماكنش موجود هي اللى استقبلته واتكلمت معاه وسألته على خديجه وهو رد عليها عادي اعتقادا منه أن هيثم اتكلم عن خديجه لمراته
أثناء الحوار دخل هيثم اللى اتفأجا بعدي ورحب بيه وعزمه على الغداء بس عدي رفض عشان خديجه قال إنها فى الفندق وحدها وهو مش عايز يسيبها
لفت نظرهم سؤال رانيا على الفندق اسمه
عدي:-على نياته مايعرفش حاجه قالها على الاسم وفضل يتكلم هو وهيثم استأذنت رانيا وخرجت وبعدها رجعت بخمس دقايق
………………
اتكلم عدي مع هيثم انهم خلاص جاهزين للصفقه وهيثم قاله انه هيعمل حفله بعد بكرة كبيره بمناسبه الصفقه دي اول مرة نشتغل مع بعض ويارب تكون فاتحة خير
بيستآذن عدي انه يمشي أصرت رانيا على الغداء واصرارها زاد جدا بس هو ماوفقش
أصرت كمان انه يفضل موجود يمشي ليه من دلوقت بس هو كان قلقان على خديجه
…………
نزل عدي ومعاه هيثم اللى أصر هيثم انه لازم يوصله للفندق بنفسه دا ضيف عنده بالفعل وصله ودخل معاه بس لقي الفندق فى حاله هرج شديد وارتباك السبب ايه شك عدي أن الناس اللى فى مصر ممكن يكونوا عرفوا أن خديجه هنا جري على الجناح بتاعه اول ماشافه هيثم جري وراه التاني قلبه مخضوض بس مش عارف من ايه
يوصل عدي للجناح يفاجأ بالأمن موجود وخديجة قاعده فى الأرض وراسها بين ركبها وحجابها ع دماغها بس لو اتفك هيتفك
يجري عدي على خديجه ويحضنها هيثم مش متمالك نفسه الغيرة اكلته مايحضنهاش وبعدين رجع تاني دي مراته انا مالي بس اتفأجا بشكلها كدا وعيونه عليها عايز هو اللى ياخدها فى حضنه مش عدي
كسر حاجز الصمت
هيثم:-فى ايه
عدي بصوت جهوري عالي ايش هاد اللى حصل
رئيس الأمن :احنا اسفين الحمدلله لحقنا الموضوع
هيثم:-موضوع ايه ايه اللى حصل
الامن:-فى شخص تقريبا من العمال اللى هنا اتهجم على المدام وحاول يقتلها بس احنا تداركنا الوضع
عدي:- ايش هاد
الأمن :-يافندم احنا عندنا كاميرات فى كل مكان والمدام كان معاها وحده بتنضف الغرفه واحنا مسكناه ودلوقت بيتحقق معاه
………..
للحظه هيثم رجع لرانيا اللى سألت على الفندق وكمان أصرت أن عدي يتغدا وكمان انه يفضل موجود ورجع تاني وراه لما رجع وسألته ع خديجه ……….. ممكن؟ ؟؟؟؟؟؟؟؟
لا يستحيل …..
قرب من خديجه ال كل مايقرب منها نبضات قلبه بتزيد لقي حالتها يرثي لها عيونه دمعت على حالها طب هي عملت ايه عشان تتقتل
……….
كله خرج من عندهم الا هو فضل
خديجه مافيش كلام غير أنها بتعيط بس عدي حاضنها
عدي:-احنا ننتقل لفندق غيره
هيثم:-انا مش فاهم فى ايه بالظبط بس انا عندي فيلا فى مكان محدش يعرف بيه ولا حد هيعرف ممكن تسكنو فيها لحد ماتسافروا
عدي:-انا شاكر جدا الك يا هيثم باشا بس هاد موضوع طويل بالتأكيد سوف احكي لك بس لما اتأكد من شغله هون
هيثم:-وانا فى الانتظار ولو فى أي مساعده انا ممكن اعملها
عدي:- اشكرك
هيثم؛-طاب ممكن تتفضلو اوصلكم
عدي:-انا عندي مشوار هون راح اعمله تجهز خديجة ووصلها انت وانا سوف اتصل بك على العنوان بعد ما اخلص
هيثم:-تمام انا فى الانتظار تحت فى الصاله
………..
بالفعل جهزوا كل شئ ونزلت خديجه مع عدي خديجه ركبت مع هيثم فى عربيته وعدي اخد رجالته وطلع على المشوار
خديجه قاعده من قدام جنب هيثم بس مافيش كلام مافيش غير دموع بتنزل من العيون
هيثم كل شويه يبص عليها بس مش قادر يتكلم
وصل هيثم للكومباوند. …. ايوة هو الكومباوندا اللى كانو فيه ايوة هيثم هيوديهم فيلته اللى كان محضرها يتجوز رحمه فيها هو مش عارف قال ليه كدا لعدي ولا ايه الدافع اللى خلاه يخرج الكلام دا ويقوله
اول ما دخلت خديجه عيونها اترفعت وبدأت تبص يمين وشمال ايوة المكان دا شفته قبل كدا وهو لاحظ كدا عليها بتتلفت زي المجنونه بدرجة أن حجابها نزل من على شعرها وشاف هيثم شعرها الشعر دا شفته فين وشها وشعرها شفته فين ملامحها مش غريبه بس هي بتعمل ليه كدا
وصل هيثم عند المكان اللى كانت بتروح ديما فيه وبتقرأ قران
شافت المكان وعيونها عليه مانطقتش غير كلمه واحده
وقف العربيه هو سمعها وقف
هيثم:-فى حاجه
فتحت الباب وخرجت زي المجنونه وهي بتبص يمين وشمال راحت على المكان وشافت الشجرة بصت يمين على مكان الأولاد اللى كانو بيلعبو هنا عيونها كلها دموع هو لسه فى العربيه مستغرب من تصرفها وللحظه حس أنها رحمه بمشيتها ووقفتها هنا واتخيلها هي وحط ايديها على الشجرة ايوة نفس الايد خرج جري من العربيه راح عندها
مش مستوعب هي بجد كل شئ فيها بيقول انه هي وقف عندها وعيونه عليها هي عيونها بتدور فى كل مكان زي الدايرة لحد ما وصلت واستقرت فى عنيه هم الاتنين كأنهم كانو بيجرو بينهجو ليه ونبضات القلوب اللى صوتها علي وبتزيد
خديجه:-انا جيت هنا قبل كدا المكان دا انا شفته انا شفته قبل كدا
هيثم:-يااااااه هو نفس الصوت خديجه هي رحمه بس ايه اللى يثبت ماينفعش اخدها على كدا وأقول أن هي بس انا متأكد وقبل مايكون متأكد احساسي بيها هي هي وحياه حبي وعشقي ليها هي ايوة افتكرت كمان هي اللى جتني فى الحلم بنفس الصورة والشكل وتقولي دور عليا بس هي بتعمل ليه كدا وايه اللى حصل ممكن تكون فاقدة الذاكرة
خديجه:-المكان دا اسمه ايه
هيثم:-فاق من ذكرياته وعيونه اللى كلها دموع ….. اسمه كومباوندا بتاعي ملكي
خديجه :-اه تمام انا أسفه عشان وقفت العربيه يلا ممكن
هيثم:-لنفسه لا دي فعلا فاقدة الذاكرة بس ازاي مش فاكراني طاب لو شافت حد من أهلها ممكن تفتكر
خديجه:-يلا
هيثم :هاااا. . اه يلا
رجعوا تاني على العربيه اللى خديجه الطريق كله وهو بتبص يمين وشمال على كل حاجه
وهيثم اللى فكره خلاص اتشتت وبيراجع وبيربط الخيوط فى بعضها ودلوقت هو متأكد ان رانيا وراه الموضوع كله ودلوقت مافيش قدامه غير دعاء هيروح تاني لها بعد ماكان خلاص نسيها وترك الأمر أنها مالهاش يد …
رجع لحظه وراه وافتكر عدي لما قال موضوع كبير وحكي لك عليه والمشوار اللى رايح يتأكد منه ممكن يكون خاص بيها كل دي أسئلة محتاجه اجابه واجاباتها عند رانيا
……..
عدي هيثم بالعربيه من قدام فيلاتها دققت النظر فيها وفى الباب وأخيرا وصل الفيلا نزل ونزلها ودخلوا جوه تشبه فيلاتها اه
هيثم:-اتفضلي وانا هبعتلك حد ينضفها فضلت خديجه تدور وتلف فيها خرجت فى الجنينه برا تشبه جنينتها راحت على مكان وهو وراها
خديجه:-فين حوض الورد اللى هنا
هيثم:-استغرب من الكلام
سابت المكان وفضلت تلف كان جه فعلا اللى بينضف الفيلا
فى الوقت دا اتصل عدي بهيثم واداه العنوان
هيثم ماسبش خديجه لحظه وصل عدي وشاف الفيلا عجبته حب يشتريها من هيثم بس هيثم رفض
عدي:-ليش فى حد علمي انك عندك غيرها
هيثم:’دي ليها ذكريات معايا انا وحب عمري كله وهو بيبص على خديجه كنت مجهزها اتجوز فيها اللى حبتها رحمه
رن اسم رحمه فى ودان خديجه اللى علقت عيونها على هيثم
عدي:-اه انا لا أعرف هذا
هيثم:-انا بعتذر منك واوعدك اني هدور لك على حاجه كويسه وتكون جنب مننا بعد اذنك انا
وسابهم ومشي
************************
عدي مارضيش يقول حاجه لخديجه عن المقابله ولا اللى حصل فيها وايه اللى اكتشفوا جديد لما سالته اتحججلها بأي حجه وهي عشان تعبانه ومش ناقصة وجع دماغ تاني سكتت
*****************
هيثم روح على فيلته وهو خلاص متأكد ان خديجه هي رحمه بس ايه اللى يعملو عشان الكل يعرف وهي ترجعلها الذاكرة وقبل دا كله يوقع رانيا وخليها تنكشف
راح لدعاء اللى اول ماشافته اتخضت
هيثم:-ايه كنتي فاكرة اني نسيتك
دعاء:-الصراحه اه ياباشا
هيثم:-احكي يا دعاء ومتخافيش هطلعلك برائه هتكوني شاهد عليهم
دعاء :-بتوتر وعياط ياباشا انا معرفش كل اللى اعرفه قولته
هيثم:-لا ف كتييييييير جدا وانا عارف احكي ومتخافيش
دعاء:-مسحت دموعها وبدأت تحكي ………… حكت ايه
هنعرف بعدين
هيثم:-تمام ومتعرفيش هو مين
دعاء:-لا ياباشا حتي والله باقي الفلوس ماخدتها ولا عايزة
هيثم:-انتي كمان عايزة باقي يا بجحتك يا شيخه
دعاء:-بعياط ياباشا انا حاكتلك
هيثم :-بصي لو كلموكي تاني بلغيني واديني النمرة اللى بيكلموكي منها
دعاء :-كل مرة نمرة مختلفه
هيثم:-كنت متأكد من كدا لو كلموكي بلغيني فى لحظتها ماشي
دعاء ماشي ياباشا …….
********************
خلص هيثم ومشي من عند دعاء على فيلته اللى رانيا مش عارفه مالو متلخبط ليه وايه اللى حصل
رانيا:-انت شفت خديجه مرات عدي
هيثم:-انا مش عارف انتي بتسالي ليه عليها هو انتي بتغيري عليا
رانيا:-قربت منه وبدأت تلعب فى قميصه وماغيرش ليه مش جوزي حبيبي وبتقرب تبو……….
بعد عنها هو لأنه بمعني أصح مش طايقها
هيثم:-لا يا اختي اطمني ماشفتهاش بس هشوفها فى الحفله بكره
رانيا:-ايه انت مصمم على الحفله دي
هيثم:-انا حجزت القاعه وجهزتها وكله تمام
رانيا:-هم سابوا الفندق راحوا فين
هيثم:-وانتي بقى عرفتي ازاي انهم سابوا الفندق
رانيت:-بارتباك ها أنت يا حبيبي انت بتنسي
هيثم:-لا مش انا وانا ماقولتش ممكن اعرف عرفتي منين
رانيا:-الله هو تحقيق عرفت من الشركه انهم سابوا الفندق بس معرفش راحوا فين
هيثم:-هعمل نفسي اني مصدقك
رانيا:-لا صدق بكرة هيجوا على كدا
هيثم:-اكيد وسابها وخرج ….
**********************
رانيا بتفكر فى طريقه تخلص منها ازاي قبل مايشوفها هيثم لأن فى اعتقادها أن هيثم ماشفهاش بس هو شافها وعرفها هي مين سبحان الله العظيم اللى بيكدب دا فاكر نفسه أنه مهما كدب مش هينكشف مع انها بتجي على اتفهه حاجه وينكشف بيها
*****************
جه معاد الحفله وكل موجود فى الحفله هيثم ورانيا وابوها ووائل وهند ونسرين وابوها وامها وكل اللى يعرفوهم ماعدا عادل وندى كمان مع أن هيثم عازمهم بس من غير مايقولهم على حاجه حب يشوف رابط الأخوة صح وقلبه بيكدب عليه لما قاله أنها هي وكله فى انتظار باقي الضيوف
عدي هو وجاي وخديجة معاه
قطع عليهم الطريق شويه بلطجيه
ظنت رانيا أنها خلصت من خديجه
بس العكس اتفاجات بعدي داخل من باب القاعه وجنب منه البرنسس خديجه ولأول مرة رانيا تشوف رحمه من غير النقاب
رانيا:-لنفسها مش مستوعبه دا بجد يااااه دي جميله فعلا دي زي البرنسس عشان كدا كانت لابسه النقاب بس هيثم بتبص على هيثم اللى عيونه على خديجه طب هو عارفها
هيثم:-لنفسه انتي برنسس وهتفضلي طول عمرك برنسس الحمدلله انك لسه بخير سلم على عدي وبعد منه أيده لمست ايدها ايوة نفس الدفا اللى كان فى اديها اول مالمسها فى نفس القاعه هنا خديجه عيونها على الكل الوشوش مش غريبه عليا شفتهم قبل كدا بس فين
هيثم فى دنيا تانيه اسمها رحمه اللى هي خديجه
رانيا :-هتتجن ازاي فلتو من تحت اديهم ووصلوا الحفله حتي لو هيثم مش عارفها وهي فاقدة الذاكرة ممكن دعاء أو نسرين اللى موجودين هنا يكتشفوا دا ازاي فلتوا
قاطع تفكيرها صوت من وراها ا
….. ايه مش هتسلمي ع خديجه اللى بتسالي عليها واللى يشوف سؤالك يقول عليكم أصدقاء
رانيا:-هيثم حاضر انا هاجي اهو
مشيت رانيا مع هيثم وصلت لعدي وسلمت عليه ومدت ايدها لخديجه بس خديجه سلمت وكانت للحظه مش هتسلم ليه مش عارفه ليه هي أشمعنا هي أول ماشفتها قلبي وجعني وزي مايكون مش طايقها مع أن كل اللى هنا انا فرحانة بوجودهم حاسه اني أعرفهم
……….
رانيا :-اهلا يا مدام
خديجه:-بضيق اهلا لاحظه هيثم وكمان عدي
رانيا:-اتاخرت سموك احنا منتظرينك
عدي:-ظروف حصلت فى الطريق انا وقادم والحمدلله فضت
رانيا:-ظروف ايه
هيثم:-رانيا دي أسرار ماينفعش احنا نسأل
رانيا:-اه سوري بس هم دلوقت اهل
عدي:-لا عادي شويه قطاع طرق طلعوا علينا بس الرجاله بيادبوهم الي ان تنتهي الحفله
رانيا:-الخوف ظهر عليها ولاحظ كدا هيثم
هيثم:-امال ايه الحكايه بتوع الفندق وادي دول لو فى حاجه انا اقدر أساعد ومعايا المحامي وكمان شريكي عادل سيد محمود
خديجه:-الاسم رن فى ودانها عاااااااادل
عدي:-اكيد راح يصير تسلملي وتسلم هاد الشهامة شهامه المصريين
**************
هناك
فى جنب تاني تجري نسرين على هند
نسرين :-هند هند الحقي
هند:-فى ايه مالك
نسرين:-شوفي اللى انا شيفاه
هند:-ايه يابنتي
نسرين:-شوفي وتشاور بايدها على خديجه اللى قاعده بعيد
هند:تسيب اللى قاعده معاهم وتبص ايه دا
نسرين:-مش عارفه انتي ملاحظه
هند:-ملاحظه ايه دي نسخه صدق اللى قال يخلق من الشبه 40 بس للدرجه دي انا لازم اتكلم معاها هي مين
نسرين:-استني انتي رايحه فين استني
وائل :-مالكم فى ايه
نسرين:-مين دي يا متر
وائل:-دي الأميرة خديجه مرات سمو الملك عدي شريك هيثم الجديد فى الصفقه
نسرين وهند مع بعض .. خديجه
وائل:-ايوة مالكم
هند:-دي نسخه من رحمه نسخه ايه دي أصل انا شاكه أن فعلا رحمه عايشه ايوة استنتاج والدتها الحاجه عليه أن بنتها عايشه وهترجع قريب وكمان حددت المعاد بالنهارد
وائل:-انتوا اكيد اتجننتوا هتروحوا تكلموها تقولولها والنبي انتي رحمه بس يابت منك ليها بطلوا هبل
هند:-انا مش هبله انا متأكده من اللى بقوله طب خدني أتعرف عليها مش انا مراتك والحفله كلها تعارف
نسرين:-وانا كمان
وائل :-أمري لله يلا
……..
اخد وائل هند ونسرين وراح على خديجه أو ماوصل هناك رحب بسمو الملك
خديجه عيونها ماشلتهاش من على هند وكمان نسرين حاسه انهم واحشنها وعايزه تاخدهم فى حضنها
وائل:-مراتي هند
قربت هند من خديجه تسلم
رانيا دلوقتى على آخرها خلاص وخايفه موت
قربت تسلم بس حصل شئ غريب
👏👏👏👏👏👏👏👏👏👏👏👏👏👏👏👏
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه الجزء الثاني)
